Nýju framboðin.

4.4.2013 | 15:51

Ég hef svona verið að velta fyrir mér nýju framboðunum. Það er ástæða fyrir því að svo mörg framboð líta dagsins ljós. Helsta ástæðan er sú að fólki er algjörlega ofboðið skrípaleikurinn á Alþingi undanfarin ár, svik við kjósendur og vantraust á því fólki sem valist hefur þangað inn, þá ber að geta að þar er um að ræða slímsetustjórnmálamenn sem eru orðnir rótgrónir við stólana og búnir að sitja í áratugi, og eru fljótir að "siða" sitt fólk til að fara eftir þeim leiðtogum sem "ráða" ferðinni. Þetta má lesa út úr orðum Lilju Mósesdóttur og fleiri sem ekki hafa viljað sætta sig við svoleiðis stjórnmál.

Einhvernveginn hafa alþingismenn, þeir sem hafa reynsluna fjarlægst fólki í landinu. Það er ef til vill vegna þess að fólk talar ekki við þá eins og því býr í brjósti, heldur smjaðrar endalaust fyrir þingmanninum sínum. Það kann ekki góðri lukkur að stýra.

Það má líka sjá þessa agnúa á ummælum Árna Johnsen um sitt fólk í suðurkjördæmi;

„Bjuggu til tilboðspakka, eins konar snyrtivörur, og falbuðu sig hvert með öðru, ekki á eigin verðleikum, heldur bögglauppboði og hrossakaupum með miklum skyndiáróðri og þúsundum hringinga í stuttri lotu, Facebook og fleiri meðulum og móðursýki og ætlunarverkið tókst. Það var sem sagt ákveðið í þröngan hóp klíku í Reykjanesbæ hverjir ættu að verða þingmenn Suðurkjördæmis fyrir Sjálfstæðisflokkinn. Það var skelfilegt að vakna upp við brotnar leikreglur, falsið og svikin" eru svona stjórnmál sem við viljum?

Nei ég held ekki.

Það er einmitt þess vegna sem svo mörg ný framboð eru komin fram. Vegna þess einfaldlega að fólki er farið að ofbjóða athafnir þeirra sem sitja á alþingi og mest þeir sem setið hafa lengi og eru orðnir fastir í klíkuskapnum og hagsmunapotinu, og ekki síst eru fljótir að kenna nýgræðingunum í flokkunum hvernig á að akta.

Öll þessi nýju framboð hafa einlægan vilja til að breyta þessu, það sést á málefnum þeirra. Það sem er ágreiningur um er hvernig þau hyggjast ná fram sínum málum.

Ég vona að ég hafi ekki gleymt neinum framboðum en hér er listinn.

http://www.bjortframtid.is/aherslur/

http://www.piratar.is/stefnan-i-stuttu-mali/

http://xlvaktin.is/stefnan/

http://regnboginn.is/stefnuyfirlysing-regnbogans/

http://www.althydufylkingin.blogspot.com/p/drog-stefnuskra-alyufylkingarinnar.html

http://www.afram-island.is/

Hér vantar að vísu flokk heimilanna. http://www.mbl.is/frettir/innlent/2013/04/01/atta_samtok_standa_ad_flokki_heimilanna/

http://www.xt.is/

Ég er með svona smáhugleiðinar um þessi nýju framboð. Ég er alls ekki hlutlaust, það þarf að koma fram, þar sem ég hef ákveðið að vinna með Dögun og er í fjórða sæti í Norð Vesturkjördæmi svo það þarf að taka tillit til þess við þessa færslu.

Björt Framtíð;

Mér virðist þetta framboð vera nánast eins og Samfylkingin í skoðun. Enda sagði Jóhanna Sigurðar í Kryddsíldinni að það stæði ekki hnífurinn á milli áherslna Bjartrar framtíðar og Samfylkingarinnar.

Þetta er nokkuð ljóst miðað við hvernig þau hafa staðið með ríkisstjórninni undanfarið til dæmis með stjórnarskrármálið. Eftir að hafa lesið málefnasamning þeirra og hlustað á spurningar og svör Heiðu í Dv, sýnist mér að það sé þarna allt frekar opið og ekki tekið á neinu, það á að skoða allt og öll dýrin í skóginum eiga að vera vinir. Ég sé ekki hvernig það á að ganga upp eins og málin snúa í dag. En hugmyndin er falleg.

Pítatar:

Þessi flokkur skorar hæst af eins og er í nýju framboðunum, það er sjálfgefið vegna þess að þau höfða fyrst og fremst til ungs fólks.

Einhvernveginn er það svo að fyrir mér þá virðist það vera þannig að Birgitta er drifkraftur framboðsins, þó það ætti að drepa mig gæti ég ekki nefnt neinn annan úr þessu ágæta framboði. En Birgitta er líka alveg frábær manneskja og ég held að ræðan hennar á þingi nú fyrir hlé hafi höfðað til margra, hún var einlæg og klökknaði yfir stjórnarskrármálinu. Það kom við marga að hlusta á hana eftir allt yfirborðið sem menn höfðu þurft að hlusta á í þeim viðræðum. Þau eiga sennilega eftir að klífa yfir 5% múrinn og það er bara ágætt.

Lýðræðisvaktinn:

Fólk þar innanborðs var lengi með Dögun að því að vinna að framboðsmálum. En svo skildi í sundur, málið að hluta til var það að vaktar menn vildu leggja meira upp úr fólki í framboði en málefnum, það sést vel á þeirra framboðslistum, þar sem er margt frammáfólk í þjóðfélaginu í dag. Það er svo sem allt í lagi, hver fugl verður að syngja eins og honum líður best með. Var samt að hlusta á Þórhildi Þorleifs í viðtalið á Ruv, og sá að þar vantaði dálítið upp á að hún væri innvíkluð í málefnin, hana rak í vöðurnar og var ekki alveg með á nótunum, en þar sem hún er frábær leikari og fjölmiðlakona bjargaði hún sér vel, en einlægninni var ekki fyrir að fara.

Regnboginn er líka nýtilkominn. Það er vegna þess að fólki er löngu búið að ofbjóða svik VG við stefnu þess framboðs. Langlundargeð þeirra hefur verið ótrúlegt. Þau hefðu sennilega átt að kljúfa sig frá miklu fyrr. þarna er frábært fólk og heiðarlegt. En stundum er fólk og seint þreytt til vandræða. Viljinn er þarna til staðar til að taka til hendinni og leiðrétta málin. Þarna er flokkur sem er algjörlega á móti ESB inngöngu. Og vill vinna að því að auðga landbúnað og það sem við höfum hér innanlands, það skiptir máli.

Alþýðufylkingin:

Það sama má segja um þau, ofboðið af svikum VG. Búin að missa alla von um að VG leiðrétti kúrsinn, þau hefðu eiginlega átt að átta sig fyrir löngu. Spurning hvort þau ná eyrum almennings, þau róa á svipuð mið og Regboginn, svo það er spurning hvor þessara framboða nær eyrum vinstri manna.

Hægri grænir er líka þjóðfélagslega þenkjandi flokkur, þeir eru að mínu mati dálítið róttækir. Auk þess sem formaðurinn þeirra hefur svona ýmislegt í pokahorninu sem ekki þolir alveg dagsins ljós. Reyndar hefur komið í ljós að formaðurinn er ekki gjaldgengur í framboð, þar sem hann er ekki með íslenskt ríkisfang eða hvað það nú heitir. Sárt fyrir hann að svona er komið. Hann finnur örugglega einhvern góðan mann til að setja í sín spor. Málið er reyndar að svona eftir að hafa fylgst með honum gegnum tíðina, þá hefur hann svona frekar mikla þörf fyrir að vera í forsvari. En það eru svo sannarlega fleiri.

Þeir gætu átt sjens að komas inn með mann, vegna ábyrgrar afstöðu gegn ESB.

Flokkur heimilanna reis upp með látum af prestinum Halldóri Gunnarssyni, hann hefði sennilega átt möguleika ef hann hefði verið áfram í forsvari, en ég er ansi hrædd um að það hafi klúðrast með yfirtöku Útvarps Sögu á flokknum. Ekki af því að ég hafi neitt á móti þeim stjórnendum stöðvarinnar, heldur verður staðan túlkuð þannig að það verður erfitt að komast upp úr þeirri gryfju, við erum ansi illskeytt íslendingar þegar því er að skipta.

Dögun:

Já þar er ég á heimavelli. Þegar félagar mínir í Frjálslynda flokknum ákváðu að vinna að framboði með Hreyfingunni og Borgarahreyfingunni, var ég alveg tilbúin til að slá til. Var að vísu búin að reyfa þau mál við mitt fólk, senda Birgittu og fleiri ósk um slíkt. Því mér fannst einhvernveginn að það væri eina rétta leiðin til að ná árangri að finna flöt á samvinnu.

Núna í heilt ár hefur framboðið unnið að því að vinna upp málefnin, skoða, velta um hverjum steini, leita upplýsinga og fræðslu bæði innan framboðsins og utan. Fá sérfræðinga til að útlista hvernig málefnunum sé best komið og hvað er hægt og hvað ekki.

Ég fór fljótlega að taka þátt í þeirri vinnu og tel að ég eigi mín spor þar, bæði hvað varðar utangarðsfólk og dreyfbýlið.

En við lögðum saman þekkingu okkar á málefnum landsins og þar var vel vandað til og ekkert samþykkt nema að hafa komist að heildrænni niðurstöðu, það hefur stundum verið erfitt, en hefur skilað sér í góðri málefnaská og stefnu. Ég hugsa að flest hin nýju framboð hafi unnið sína heima vinnu þannig, þó við höfum í sjálfu sér tekið okkur lengri tíma og opnari umræðu.

Málið er kæru landsmenn sem viljið breyta og eruð orðin þreytt á svikum og fölsunum gömlu hundanna á þing, eru hætt að treysta því sem þau hafa fram að færa, hætt að treysta loforðum þeirra, þið þurfið virkilega að lesa það sem þessi nýju framboð hafa fram að færa. Hlusta á hvað þau hafa að segja, og vera óhrædd við að spyrja spurninga um hvernig þau ætla sér að framkvæma stóru orðin.

Það er jafnvel sniðugt að útbúa spurningalista og senda á framboðin og krefjast svara við þeim spurningum.

Það er einhvernveginn þannig að við sem erum komin með upp í kok af pólitíkinni eins og hún er í dag, verðum að leggja okkar af mörkum til að breyta þessu. Það verður ekki gert nema með samstöðu og að leggja atkvæðið okkar þangað sem mestur möguleikinn er á því að þessu verði breytt.

Þrettán ára að skemmta á þorra blóti Strandamanna, og söng svo með hljómsveitinni. Cool

Flokkur: Bloggar | Facebook

Athugasemdir

Á myndinni sést vel hvaðan litlu ömmustelpurnar þínar hafa svipinn sinn, takk fyrir þessa samantekt, mjög góð fyrir mig sem enn er að velta málunum fyrir mig þó svo ég grínist svolítið með skoðanir og annað veit ekki enn hvað verður fyrir valinu, veit bara að ég er komin með upp í kok af ungu og gömlu klíkufólki sem er að maka eiginn krók. Takk enn og aftur.

Ásdís Sigurðardóttir, 4.4.2013 kl. 16:09

Hahah takk elskan mín. Já hér er hægt að skoða alla möguleika og það þarf virkilega að gera það, hvað svo sem fólk ákveður.

Ásthildur Cesil Þórðardóttir, 4.4.2013 kl. 16:19

Ásdís Sigurðardóttir, 4.4.2013 kl. 16:27

Hehehehe Um að gera að skoða málin af athygli

Ásthildur Cesil Þórðardóttir, 4.4.2013 kl. 17:08

Þetta er allt snúið mál stúkur mínar og skoðið bata og skoðið en önnnur er komin i framboð og það vel.,en ég skoða og skoða og tek alltaf sömu ákvörðina að kjósa X-D þið megið bara skamma mig allt í góðu/Kveðja

Haraldur Haraldsson, 5.4.2013 kl. 00:16

Sæl Cesil.

Því miður eru þessi minni framboð meira og minna framboð kónga og keisara sem telja sig sjálfa algjörlega ómissandi á hinum pólítiska vettvangi fremst á listum, jafnvel hafandi verið hafnað áður í kosningum til þings, það kann ekki góðri lukku að stýra.

kv.Guðrún María.

Guðrún María Óskarsdóttir., 5.4.2013 kl. 01:18

Heil og sæl. Mér finnst þessi lýsing þín nokkuð nærri lýsingu sem ég tæki upp. Nema að sjálfsögðu um Píratana og Birgittu Jónsóttur. Rétt eins og mér fannst óviðeigandi að Árni Johnsen færi aftur á þing, finnst mér algjörlega óeðlilegt að rannsókn hafi ekki farið á því að Wikileks fær til sín töfluhakkara undir lögaldri, og ,,fyrir algjöra tilviljun" finnst njósnabúnaður í herbergi fyrir afleysingaþingmenn við hliðina á herbergi Birgittu Jónsdóttur á Alþingi. Það vill svo til að ég þekki e.t.v. aðeins meira til um þetta mál en almenningur, þannig að ég er dómharðari. Birgitta er án alls vafa afar ljúf og góð manneskja, það eru líka margt af því ógæfufólki sem hefur þurft að sitja inni tímabundið. Þetta mál er órannsakað og það gerðist ekki í nokkru landi í Vestur Evrópu nema hér.

Við þurfum meira lýðræði og þá á ég ekki svona yfirborðs lýðræði sem er notað á tyllidögum. Þekking t.d. Borgarahreyfingarinnar og Hreyfingarinnar á lýðræðislegu starfi er afar bágborið. Ég hefði viljað sjá Frjálslynda flokkinn koma upp sem fimmta aflið í íslenskri pólitík, með Sigurjón sem fremsta mann. Það féll ekki og er miður.

Sigurður Þorsteinsson, 5.4.2013 kl. 07:29

Takk öll fyrir innlitið. Sigurður margir af öflugustu Frjálslyndum eru hér ennþá, Guðjón Arnar er í öðru sæti í NV og Sigurjón í því fimmta. Við vildum fá hann í að leiða listann en af persónulegum ástæðum kaus hann að fara neðar. Svo fengum við þessa mjög svo frambærilegu konu til að leiða listann okkar hana Guðrúnu Döddu. Margar góðar samþykktir eru runnin undan rifjum okkar manna, til dæmis sjávarútvegstillögurnar. Það er líka alveg ljóst að sjávarútvegsmálin munu ekkert breytast ef við náum ekki tánni inn fyrir þröskuldinn. Því ég leyfi mér að segja að það er enginn vilji stóru flokkanna til að breyta til hags fyrir almenning, þeir eru allir á mála hjá stjórútgerðunum. Og flest minni framboðin hafa ekki þá þekkingu og reynslu sem býr innan Dögunar með þátttöku Frjálslyndaflokksins þar.

Ásthildur Cesil Þórðardóttir, 5.4.2013 kl. 11:09

Þetta er góð og sanngjörn samantekt. Ég kvitta undir hvert orð.

Jens Guð, 5.4.2013 kl. 19:03

Takk fyrir það Jens minn.

Ásthildur Cesil Þórðardóttir, 5.4.2013 kl. 21:04

Ásthildur éf ég væri fyrir vestan og þú færir í fyrsta sætið, myndi ég kjósa þig á hvaða lista sem er. Það sem vantar meira á Alþingi er fólk með reynslu og þroska. Það er ekki aldurinn sem skiptir máli. Þannig myndi ég aldrei styðja Ólínu Þorvarðardóttur eða Lilju Ríkey Magnúsdóttur.

Þegar reynslan kemur með því að takast á við stundum óyfirstígalaga erfiðleika og sorg, og samt ná að lokum kyrrðinni. Þá kemur fegurðin í manneskjunni sem fegurðarsamkeppnir heimsins munu aldrei ná eða skilja, þá er kominn þroski.

Þetta var nú pínulítil ástarjátning