Mjólkurflutningar og sláturhús. Hvað er hægt að kalla hagræðingu?

Það má spyrja hvað er hagræðing þegar tekið er tillit til búsetu á landinu.  Það er til dæmis algjörlega óásættanlegt að hafa ekki mjólkurbú á Ísafirði.  Þegar tekið er tillit til vegalengda sem þarf að aka mjólkinni, og hvenær ákveður þetta einokunarfyrirtæki að það svari ekki kostnaði að sækja mjólkina alla leið vestur á firði?  Hvar er þá atvinnuöryggi bænda sem langt eiga til næsta mjólkurbús.

Það þarf að fara að hugsa meira um hag allra landsmanna, en einhverjar örfáar krónur í vasa.

Svo er líka með sláturhús, það er enginn hemja að það sé ekkert sláturhús á vesturlandi og vestfjörðum, það þarf að aka sláturdýrum nánast yfir landið þvert og endilangt í sláturhús.  Fara yfir margar sauðfjárveikivarnagirðingar, fyrir utan að það er ekkert nema dýraníð að flytja skepnurnar svona langar leiðir, á tveimur til þremur hæðum og með annað eins í aftanívagni.  Hvar eru dýraverndunarsamtök þá?  Það er ekki verið að spá í hvernig farið er með blessuð dýrin á leið í slátur húsin.

Hér þarf að fara nýjar eða öllu heldur gamlar leiðir og annað hvort sjá til að það sé sláturhús í hverjum fjórðungi, eða leyfa bændum að reka sín eigin sláturhús á hjólum eins og mér er sagt að sé gert mikið í Noregi.  Þá fyrst getum við farið að tala um "beint frá býli"  og bændur geta unnið sitt efni sjálfir og þá myndast raunveruleg samkeppni umbesta hráefnið. 

Lækkuðu kostnað um tvo milljarða

Athugasemdir

[Sigurður Baldursson, 21.3.2013 kl. 12:46]

Neytendur vilja lægra verð og þeirri kröfu er mætt með hagræðingu innan heildarinnar. Það er þó alltaf sárt að missa störf úr héraðinu.

[Ásthildur Cesil Þórðardóttir, 21.3.2013 kl. 13:00]

Já ég skil það per se Sigurður.  En vandamálið er það sem ég get um hér.  Hér var rekið myndarlegt mjólkurbú þar til fyrir þremur árum.  Þar var búið til landsins besta skyr eftir gamalli uppskrift, ostar og orkudrykkir.  Hér var pakkað mjólkurvörum og ég veit ekki betur en mjólkurbúið hafi staðið fyllilega undir sér.  Það sem varð til þess að því var lokað var að það þurfti að fara að endurnýja tæki og tól, sem voru komin til ára sinna. 

Það er risastökk fyrir bændasamfélagið hér að þurfa nú að lifa í sífelldum ótta við að það verði ráðist í meiri hagræðingu sem felur í sér að hætt verði að aka mjólkinni svo langa leið.  Þetta er eins og rússnesk rúlletta, þegar boltinn byrjar að rúlla er ómögulegt að sjá fyrir hvar hann lendir og hvert stefnir. 

Við viljum vera sem mest sjálfstæð hér fyrir vestan og ég tel að við höfum bara nokkuð góð tækifæri til þess, ef við fáum bara að ráða okkur meira sjálf. 

[Axel Jóhann Hallgrímsson, 21.3.2013 kl. 14:35]

Málið er Sigurður að yfirleitt er svokölluð hagræðing ekki framkvæmd til að lækka verð til neytenda, eðli máls samkvæmt, heldur til að skila eigendum meiri arði.  

[Ásthildur Cesil Þórðardóttir, 21.3.2013 kl. 15:13]

Það er nákvæmlega það sem er Axel.  Það er ekki verið að hugsa um hag landsmanna, heldur meiri pening í eigin vasa.

[Bibbi (IP-tala skráð) 21.3.2013 kl. 18:06]

Bændur fá ekki greiddan arð út úr Auðhumlu, hagræðingunni hefur fyrst og fremst verið skilað til neytenda, Auðhumla hefur getað geitt bændum grundvallarverð fyrir mjólk vegna þessara hagræðingar.

[Ásthildur Cesil Þórðardóttir, 21.3.2013 kl. 18:39]

Það er gleðilegt ef aðrir geta komið að þessu borði en þeir sem geta gert hvað sem er í nafni einokunnar. Það er nefnilega það sem við þurfum sárlega á að halda frjálsari samkeppni og meira í nærumhverfi bændanna sjálfra. Þar sem fólkið getur keypt sitt beint frá býli.  Það hefur til dæmis enginn dáið af því að borða kjöt frá heimaslátrun.  Ég er alin upp á heimili þar sem bæði afi og pabbi áttu kindur og það var slátrað heima og kjötið geymt fram á næstu slátrun með allskonar aðferðum, frystingu, söltun og slíku.  Við eigum að geta valið hvar við kaupum afurðirnar í okkar litla landi.  það er bara must.

[Bibbi (IP-tala skráð) 21.3.2013 kl. 23:33]

það er frekar hæpið að tala um einokun, þegar nefnd sem líka er skipuð  fulltrúum neytenda sér um að verðleggja mjólkurvörurnar, bæði heildsöluverð og verð til framleiðenda og talandi um meiri samkeppni þá fyrst yrði nú farið að keyra með vörurnar þvers og kruss um landið og myndi bara hækka þær í verði