Ég iða í skinninu....

Og ég iða í skinninu eftir að fá að slíta þessum viðræðum.  Það er með ólíkindum að Samfylkingin skuli virkilega halda að þau hafi eitthvað með framhaldið að gera eftir kosningar og halda að enginn vilji slíta þessum viðræðum, þrátt fyrir yfirlýsingar þar um.

Það er komin tími til að við fáum tækifæri til að kjósa um þennan samning.  því hver getur lesið sér til um 100.000 blaðsíður til að kynna sér samninginn og svo þarf væntanlega að þýða hann yfir á íslensku svo almenningur geti lesið hann yfir.  Eða eins og Þórður Friðfinnsson benti á í svari á blogginu mínu að hér sé um að ræða 6,5 metra þykkt plagg.

"Til að fólk átti sig á stærðinni ef að þetta yrði prentað á A4 (báðum megin) þá yrði "bókin" að minnsta kosti 6,5 metrar á þykkt (gangi ykkur vel lesturinn)"

Þið eigið að skammast ykkar og leyfa okkur að kjósa um hvort við viljum halda þessum viðræðum áfram, nú þegar ljóst er að það er ekkert að kíkja í pakka, eða semja um eitt eða neitt, aðeins aðlögun að regluverki upp á fyrrgreindar 100.000 blaðsíður, sem eru ekki umsemjanlegar.

Kosið um ESB 2014 eða 2015?

Athugasemdir

[Sindri Karl Sigurðsson, 21.1.2013 kl. 23:53]

Þetta heitir valdarán pappírsins og er framkvæmt af fullum þunga samfylkingarinnar og vinstrihreyfingarinnar græns framboðs. Man ekki eftir að hafa heyrt um að heilli þjóð sé troðið inn í ríkjabandalag með tilheyrandi sjálfstæðissviptingu og gert er nú. Vona að þetta stjórnarómál verði kjaftað í hel, enda er hún ekkert annað en valdaránsplagg þegar búið er að svipta Þjóðinni þeim rétti að kjósa um afsal valds Alþingis til sitjandi "náðherra".

[Ásthildur Cesil Þórðardóttir, 22.1.2013 kl. 00:01]

Eins og bend hefur verið á, þá gengur einfaldlega ekki upp að klára samninginn og kjósa svo.  Það er ekki heiglum hent að átta sig á því sem þar er innanborð.  Því ber stjórnvöldum að leyfa þjóðinni að kjósa nú þegar um hvort almenningur vill halda þessu máli áfram.  Sérstakleg þar sem Samfylkingin virðist algjörlega einbeitt í að þvinga okkur inn í þetta samaband.

[Helga Kristjánsdóttir, 22.1.2013 kl. 00:10]

Sæl, það sama hrökk mér af munni,er las það sem eftir henni er haft. Það mætti halda að Evran sé eini gjaldmiðill heimsins,hann kostar meira en allir aðrir,kostar fullveldið þótt hún Katrín litla kannist ekki við það. Svo eins og peningafræðingar segja,var krónan okkur til happs í hruninu. Hún hefur þá líklega gagnað föður hennar og föðurbróður,sem gerðu út fiskvinnslu hér í Kópavogi,það var flott að hlaupa í loðnuvinnu hjá þeim,þegar minnst var að gera í Jan,feb.hjá bóndanum sem var smiður. Ég velti fyrir mér hvort viðtalið hafi Esb-sinnar pantað,hvernig veit blað í USA,að embættismaður frá Íslandi sé á ferð þar og hvaðan kemur þeim áhuginn? Mb. Kv.

[Birgir Gudjonsson (IP-tala skráð) 22.1.2013 kl. 00:48]

Hvað er Katrín að gjamma ?

Hún verður ekki við völd til að selja þjóðina eftir kosningar !

[Óskar, 22.1.2013 kl. 01:51]

Við hvað eruð þið þröngsýnu afturhalds- og einangrunarsinnar hræddir ?  Afhverju þorið þið ekki að leyfa þjóðinni að kjósa um tilbúinn samning?  Getur það verið vegna þess að þjóðinni bjóðast hugsanlega betri lífskjör ?

[Þórður Sigfriðsson (IP-tala skráð) 22.1.2013 kl. 07:51]

Óskar, ef að "samningurinn" er tilbúinn og undirskrifaður einhverntímann árið 2014, hvernig sérð þú að ríkisstjórnin framkvæmi þýðingu á yfir 130.000 síðum af nefndum samningi ásamt skriflegum útskýringum á lögfræðilegum athugasemdum (minnst nokkur þúsund síður), sjái til þess að það fari fram ýtarleg kynning á "samningnum" þannig að ALLIR íslendingar geti myndað sér hlutlægt mat á honum og síðan framkvæmt "löglega" kosningu á "samningnum.

Allt þetta þarf að gerast innan nokkurra mánaða eftir undirskrift og INNGÖNGU okkar í sambandið.

Það hefur ekki reynst stjórnvöldum mögulegt að komast í gegnum einfaldar skoðanakannanir skammlaust hingað til, hvað þá framkvæmd af þessu tagi sem að ég tel að allir geti verið sammála um að þurfi að minnsta kosti eitt til tvö ár að undirbúa.

Síðan hefur sannast margoft að ríkisstjórninni er hreinlega ekki treystandi til aðhlusta á og fara eftir vilja almennings í landinu, þannig að ég sé ekki að það ætti allt í einu að breytast!

Kveðja

Tóti Sigfriðs

P.S. Ásthildur, ég er ekki Friðfinnsson (bara svona smá kvörtun) ;)

[Bjarni Gunnlaugur (IP-tala skráð) 22.1.2013 kl. 08:28]

Er það ekki annars kostuglegt að horfa upp á tvo ágæta menn í kastljósinu í gær sem báðir vilja að sögn verða forystumenn Samfylkingarinnar, hafa það stærsta baráttumál að koma okkur inn í ESB og gera sjálfa sig þannig að mestu ábyrgðarlausa og óþarfa?

Helstu rök aðildarsinna eru jú þau að krónan og stjórnmálakerfið séu ónýt, við þurfum utanaðkomandi afl til að sjá um það sem við getum ekki sjálf!

Þetta er eiginlega framboð hinnar yfirlýstu vanhæfni hjá Guðbjarti og Árna Páli!

Kostuglegt!

[Ásthildur Cesil Þórðardóttir, 22.1.2013 kl. 12:02]

Fyrirgefðu mér Þórður Sigfriðsson ég er stundum of fljót á mér að lesa.  Takk fyrir þín góðu innlegg, og mér þætti gaman að sjá menn svara þessu af einhverju viti.

Já Bjarni þessir menn töluðu um Ísland í einu orði eins og það ætti að vera frjálst og óháð og svo í hinu að hér væri allt ónýtt krónan og Ísland og ekkert framundan nema að ganga Í ESB, og meira að segja Árni Páll leyfði sér að tala um að þeir sem ekki stefndu þangað inn væru kjánar. 

Þú segir nokkuð Helga mín.

Nákvæmlega Birgir, þau tala eins og þau komi vel út úr næstu kosningum,  sýnir hve veruleikafyrrt þetta fólk er, eða örvæntingafullt, og halda að með því að tönglast á góðu gengi verði að sannleika ef maður segir það nógu oft.

Óskar minn, ég get ekki séð annað en það sé einmitt Samfylking og BJört framtíð sem ekki þora að láta fara fram kosningar, svo skaltu lesa vel innleggið hans Þórðar hér að ofan og svara því hvernig á að framkvæma þessar kosningar?

[Jóhann Elíasson, 22.1.2013 kl. 12:11]

Báðir formannskandídatar LANDRÁÐAFYLKINGARINNAR vildu "ljúka" viðræðunum.  Mér er spurn:  Er það ekki að LJÚKA viðræðunum að hætta þeim?????  En Óskar og fleiri INNLIMUNARSINNAR vilja halda áfram að berja hausnum í steininn enda vita þeir að þeim verður ekki meint af enda virðast þeir vera með MASSÍFT bein á milli eyrnanna.  Í það minnsta geta þeir ekki séð að það er STÓR MEIRIHLUTI þjóðarinnar á MÓTI INNLIMUN  í ESB..............

[Ásthildur Cesil Þórðardóttir, 22.1.2013 kl. 12:25]

Það er líka að ljúka málinu að kjósa um það.  Það er að koma í ljós að eina leiðin er að það fari fram þjóðaratkvæðagreiðsla núna um hvort fólk vill áfram skoða þetta mál eða ekki.  Það er ljóst að það er enginn pakki að kíkja í, og hvernig er hægt að ætlast til að menn lesi mál upp á hundrað þúsund blaðs.  og það á ensku til að átta sig á um hvað málið snýst?  Þetta er dautt hér með.

[Óskar, 22.1.2013 kl. 16:06]

Það er náttúrulega fullkomin tímaeyðsla að svara torfkofaliðinu sem heldur að jörðin sé flöt og að útlöndum búi bara pakk sem fæddist til þess eins að níðast á Íslendingum en ég reyni samt.  Þórður þetta blaður um 130.000 blaðsíður er fullkominn útúrsnúningur.  Aðalatriði samningsins munu þegar þar að kemur komast fyrir á einu A4 blaði, þjóðin þarf ekki að lesa hvert einasta smáatriði.  Ykkur þótti ekki tiltökumál að bera flókna milliríkjadeilu eins og Icesave undir þjóðaratkvæði og ég get lofað þér því Þórður að ef þú gast sett þig nóg inn í það mál til að geta kosið þá hlýtur þú að geta lesið aðalatriði ESB samnings og skilið hann!  Ef ekki þá er það þitt vandamál.  -- Bjarni já, það vill þannig til eins og þú hlýtur að sjá og ágæt matvöruverðskönnun Vigdísar Hauksdóttur leiddi í ljós þá er gjaldmiðill okkar ónýtur.  Krónan er ekki bara ónýt til heimabrúks, hún nýtur einskins trausts í viðskiptum erlendis og er í höftum en lækkar samt!  Ef menn skilja þetta ekki og ekki mikilvægis þess að taka upp nýjan gjaldmiðil í landinu þá er eitthvað mikið að hjá þeim, þetta einfaldlega blasir við hverju mannsbarni. Hvernig í andskotanum ætlið þið að laða að erlendar fjárfestingar þegar gjaldeyrishöft ríkja í landinu ?  Munduð þið leggja fé í viðskipti í Norður Kóreu?    Ásthildur þú þarft ekki að lesa neinar hundrað þúsund blaðsíður á ensku, lastu allan Icesave samninginn og hvert einasta smáatriði í honum ?  Þú kaust er það ekki, hvað þurftir þú að lesa mikið til að mynda þér skoðun?

[Ásthildur Cesil Þórðardóttir, 22.1.2013 kl. 16:44]

Málið er Óskar að hvernig ætlum við að vita í raun og veru hvað kemur út úr þessum svokölluðu samningum? Ætum við að treysta því að það lið sem nú hefur keppst við að ljúga að okkur um að hér væri hægt að kíkja í pakka, og ætla að troða þessu ofan í kokið á okkur hvort sem við viljum eða ekki?  Ætli túlkun þeirra myndi ekki vera eitthvað í ætt við það sem þeir hafa hingað til sagt okkur.

Talaðu varlega um torfkofalið, sem heldur að jörðin sé flöt, af því að fólk vill ekki ganga inn í ríkjasamband 27 ríkja, en vill hafa allan heimin undir. Ef einhverjir eru í vandræðum, þá eru það minnimáttargemsar eins og þú og Samfylkingin sem halda að þau verði að hanga í einhverri bullunni á skólalóðinni til að láta ekki berja sig.  Það eru einmitt þið sem eruð þröngsýn og kjánar að sjá ekki hvað hér hangir á spýtunni.

Enda er margt gott fólk sem ekki vill í ESB fólk sem hefur einmitt víðtæka reynslu af störfum erlendis, og hefur ferðast mikið og rætt við fólk í útlöndum, bæði innan ESB og utan.  'Eg þar á meðal. 

Það sem flestir vinir mínir erlendir í ESB vara okkur við að fara inn í þetta samband.

Þið eruð ótrúlega kjánaleg út frá þessum kögunarhóli.  Ég get ekki annað en vorkennt fólki að hafa svona ríka minnimáttarkennd að allt er betra en það sem er heima hjá þeim. 

Hafið þið ekki snefil a stolti? Eða sjálfsáliti?  eða trú á því sem landið okkar gefur?  Ja ykkur er svo sannarlega vorkunn.

[Ásthildur Cesil Þórðardóttir, 22.1.2013 kl. 16:45]

Hvað varðar Icesave þá þurfti ég ekki að lesa mér til, ég var alveg klár á því að þessi samningur var samningur dauðans, eins og komið hefur á daginn. 

[Þórður Sigfriðsson (IP-tala skráð) 22.1.2013 kl. 16:59]

Óskar, það er náttúrulega til einskis að reyna að tala við þig þar sem að þú hefur ekkert annað fram að færa en uppnefningar og þessháttar á þá aðila sem ekki eru sammála þér en ég skal reyna að hafa það á sömu nótum fyrir þig.

Þetta blaður mitt um 130.000 blaðsíður er enginn útúrsnúningur. Ef að þú mundir aðeins taka hausinn út úr rass.... á hræinu henni jóhönnu og reyna að hafa sjálfstæða hugsun mundir jafnvel þú fatta það að aðalatriði þessa "samnings" komast ekki fyrir á einu A4 blaði.

Það getur svosem verið að þið þetta lið sem að er tilbúið til að selja ömmu sína til að komast inní ESB vilji eingöngu að íslendingar sjái það af samningnum sem komist fyrir á þessu blaði en það eru samt fleiri sem að vilja sjá hvaða fíflaskap þið eruð að framkvæma.

Í sambandi við ICESAVE þá var nú ekki mikið hægt að lesa um þann samning þar sem að átrúnaðargoðin þín vildu ekki að það kæmi okkur fyrir sjónir.

Þar svo sem heldur ekki mikið sem að þurfti að lesa, þar sem að flestir vilja ekki né ættu að þurfa að borga skuldir einkafyrirtækja, en sú hugsun var þér víst framandi þar sem að þú hefur eflaust bara fylgt því sem húsbóndi þinn sagði þér að gera.

Virðingarlaust

Tóti

[Valdimar Samúelsson, 22.1.2013 kl. 20:12]

Við höldum þjóðhátíð strax og sú stund er upprunnin að við fáum að kjósa og það strax. 

[Bjarni Gunnlaugur (IP-tala skráð) 22.1.2013 kl. 20:47]

Óskar, þú telur gjaldmiðilinn ónýtann, telurðu ekki það sama eiga við um pólitíkusana?

Það er ekki að sjá annað en að ESB áhugasamir séu þeirrar skoðunnar.

Þannig eru ESB sinnaðir pólitíkusar í raun þeirrar skoðunar að þeir séu sjálfir ónýtir.  Ég hef ekki áhuga á að fá menn til að stjórna landinu með svona svakalega lélegt sjálfstraust. 

 Enda hefur komið á daginn að þessi vinstristjórn lætur allt víkja fyrir drauminum um aðild.

[Vilhjálmur Stefánsson, 22.1.2013 kl. 21:02]

Hvernig er það Ásthildur, Er ekki þínir menn á þingi sem hafa boðið sig    fram fyrir svokallaðan flokk sem heitir Dögun og er að deyja út fyrir kosningar,hafa þeir ekki verið að styðja við Ríkistjórnina í öllum óhæfuverkum??En að engu síður verðum við að koma þeim Flokkum frá sem vilja í ESB.Og þeir flokkar sem munu bjóða sig fram við næstu Kosningar og vilja ganga í ESB fái engan stuðning.........

[Ásthildur Cesil Þórðardóttir, 22.1.2013 kl. 21:24]

Vilhjálmur, ég er í Dögun, það er ekki Hreyfingin.  Ég held að þingmenn Hreyfingarinnar hafi reynt að styðja þau mál sem þeim finnst vera þess virði.  Ég ætla ekkert að svara fyrir hvernig þau haga sínum þingstörfum, það þurfa þau sjálf að svara fyrir.  Ég get ekki betur séð en að þau hafi verið trú þeim málum sem þau aðhyllast.  Birgitta fer í framboð fyrir Pýramíta, Þór ætlar að vera á einhverjum lista, en mér skilst frekar neðarlega, án þess að ætla sér inn á þing, Þá er Margrét eftir og ég held að flestir geti verið sammála um að þar fer vandaður þíngmaður. 

Það sem verið er að gera er að setja saman málefnaskrá, en þegar hefur verið gengið frá kjarnastefnu sem mun vera leiðbeinandi fyrir flokkinn.

Það var ákveðið að taka ekki fast á málefnum ESB, ég var ekki sátt við þá ákvörðun, en ég tel að innan raða Dögunar sé meirihluta vilji fyrir því að standa utan ESB, flestir sem ég þekki þarna allavega eru þess sinnis.

Það er alveg með ólíkindum að fólk sem þykist vilja breytingar, sé að reyna að rakka niður framboð sem vilja vinna fyrir fólkið í landinu.  Það kalla ég hreinlega asnaskap eða heimsku. 

Það er ekki hægt að stofna eins manns flokka um hvern og einn, því hver og einn er með sérþarfir, og þeir sem ekki geta unnið að góðum málum af því bara þetta er svona og svona er að mínu mati forpokaháttur.

Sennilega sitjum við uppi með sömu gömlu jálkana áfram, og sama sullið, af því að fólk eins og þú ert fyrirfram búin að dæma allann skóginn úr leik. 

[Anna Benkovic Mikaelsdóttir, 22.1.2013 kl. 22:28]

æji Ásthildur mín kæra, hlustaðu á Einar hinn reynslumikla í Silfri Egils á Sunnudag og ég frábið mér svona hræðslutal.

Hvað villt þú til dæmis í staðin fyrir sterk EVROPUTENGSL?

[Anna Benkovic Mikaelsdóttir, 22.1.2013 kl. 22:35]

Hef fullan hug á Dögun sem minn flokkur, en ef hugarfarið er svona einstefna og myrkur fyrir son minn, evrópskan, hugsa ég mig svo sannarlega 2 svar um.

Veit vel að þú Ásthildur er 1 manneskja innan flokks, en áhrifamikil ertu og flott. Ég kæri mig ekki um svona skammsýni, takk! Ísland í ESB fyrir 20 árum væri best!!!!!!!!!!!!!!!

Hvaða framtíð bíður þú upp á? 2% viðskiptasamning við Kína?....eins og forseti vor?

[Bjarni Gunnlaugur (IP-tala skráð) 23.1.2013 kl. 07:48]

Ég óska þér als hins besta í þínu málefnastarfi varðandi Dögun, svo og öllum þeim sem vilja breyta þessu þjóðfélagi til batnaðar. Ég held samt að þeir sem vilja laga þetta þjóðfélag séu á alvarlegum villigötum  (villigöltum eins og maðurinn sagði) varðandi nokkur meginatriði.

1.  Auðlindamálið.

Þar á skattkerfið að að duga til að koma arðinum af auðlindinni til þjóðarinnar, þ.e. ef hún er ekki gengin í ESB! Einungis þegar ný auðlind kemur til á einhvern hátt eða fellur til ríkisins t.d. nýr fiskur gengur á miðin eða heil atvinnugrein lendir á höndum ríkisins eftir efnahagshrun þá er eðlilegt að taka gjald fyrir afhendingu hennar til þeirra innlendu aðila er best bjóða.  Eftir það greiða menn skatt til ríkisins af arði sínum og eins þegar t.d. aflaheimildir eru seldar milli manna eða erfast.  Við eigum að virða,styrkja og treysta okkar skattkerfi. Það gerist með skýrum grundvallar reglum en ekki endalausum stagbætingum hér og þar.

2.   Stjórnarskrármálið

Eflaust má bæta gömlu stjórnarskrána, en hún er ekki orsök hrunsins, þannig er algjör óþarfi er að gera stjórnarskrárbreytingu að aðalmáli þjóðarinnar í dag. Aðal hvatinn að stjórnarskrárbreytingu er annars vegar ranghugmyndir um nauðsyn auðlindagjalds (nema við göngum í ESB þá þarf auðlindagjald af því að skatttekjurnar geta eins farið annað) og svo hitt að auðvelda valdaframsalið til Brussel við inngöngu í ESB.  Þannig að aðal hvatinn að stjórnarskrárbreytingu er í raun aðildardraumurinn ekki Hrunið það er hins vegar notað sem tilliástæða.

3. Inngangan í ESB

Margsinnis hefur verið bent á með ágætum rökum að hagsmunir okkar af inngöngu eru stórum minni en gallarnir. Aðildarumsóknin enda á fölskum forsendum um að "kíkja í pakkann" þegar um raunverulegt aðildarferli er að ræða. Einn helsti kostur aðildar á svo að vera upptaka evru sem er þó enganvegin á dagskrá næstu ár og jafnvel áratugi vegna skuldastöðu þjóðarbúsins, fyrir utan það að upptakan sú getur skaðað okkur stórlega þar sem sá gjaldmiðill mun ekki alltaf henta okkur. Aðildarumsóknin er fyrir utan það að skaða okkur beint, líka að valda því að hugurinn er ekki heima, við að leysa þau mjög svo aðkallandi verkefni sem bíða og skaðar okkur þannig óbeint, eins heldur hún lífi í þeirri væntingu hrægammasjóða að ná góðum bita úr íslenska "efnahagshræinu" og gerir samningsstöðuna við þá verri en ella.

4. Afnám verðtryggingarinnar.

Þetta er enn eitt lýðskrumsmálið (ég er ekki að vega að Lýð þarna)  og klisjan sem gerir umbótavilja almennings að klámhöggum (heldur ekki að vega að Ögmundi).      Verðtryggingin er stórgallaður skaðvaldur sem bæði veldur eignatilfærslu frá skuldurum og verðbólgu en sé hún afnumin bara si svona þá lendum við í hinu vandamálinu að  eignatilfærslan verður frá fjármagnseigendum til skuldara auk þess sem skuldarar lenda í helvítisraunum við verðbólguskot.  Þannig er afnám verðtryggingar svo sjálfsögð sem hún er við réttar aðsæður, ekki aðalatriði heldur aukaatriði. Aðalatriðið er afnám verðbólgu. Íslendingar þekkja leiðina að hluta, margir muna enn eftir þjóðarsáttinni og það er áreiðanlega hægt að koma henni á aftur ef ríkisvaldið vinnur með en ekki á móti í því efni með þeirri frumskyldu sinni að reka ríkisbúið þannig að ekki sé hér verðbólga. Aukið aðhald á útlán bankanna,afnám lífeyriskerfisins í núverandi mynd, vaxtaþak og ábyrg peningaprentun ríkisvaldsins (Seðlabanka) eru þar lykilatriði.

Þetta eru þau helstu villuljós sem í hug koma varðandi hið "nýja Ísland" svo nauðsynlegar sem okkur eru breytingar til batnaðar.

Það sem er að plaga okkur Íslendinga mest er efnahagshrunið og afleiðingar þess. Þess vegna eru það efnahagsmálin sem mest á ríður að laga þ.e. óbærileg skuldastaða þjóðarbúsins og einstaklinga og svo ónýtu og skaðvaldandi peningakerfi. Meðhöndlun okkar á krónunni hefur verið fyrir neðan allar hellur, það getur enginn bent á annað en að hún (þ.e. sjálfstætt myntkerfi) verði með okkur í einhverri mynd lengi enn og af hverju þá ekki að leggja allar deilur til hliðar og lagfæra kerfið?    

       Hluti af þessu loftbóluhagkerfi sem við verðum að leiðrétta er ósjálfbært lífeyriskerfi sem byggir á fölskum væntingum loftkróna sem hafa verið gefnar hér út í gríð og erg.  Við verðum að hafa kjark til að ráðast í uppskurð á þessu helskjúka kerfi og ná greftrinum út.

Lausnirnar á efnahagsvandanum eru til, umræðan sem þarf að fara fram er um þessar lausnir og hverjar henta best.  

Bestu kveðjur og vinur er sá er til vamms segir!

[Ásthildur Cesil Þórðardóttir, 23.1.2013 kl. 12:15]

Takk fyrir þetta Bjarni minn, já það eru mörg ljón á veginum þegar maður vill breyta til hins betra, sérstaklega þegar gömlu valdaöflin í þjóðfélaginu reyna allt til að verja sig og sitt.  Þeir vilja halda áfram að ráða því sem þeir vilja, því það er erfitt að gefa eftir umráð yfir því sem menn hafa sölsað undir sig á kostnað almennings.  Þetta stríð verður ekki unnið á einum degi, en dropinn holar steininn. 

[Sindri Karl Sigurðsson, 23.1.2013 kl. 15:20]

Þessi setning hjá Bjarna:

"Aukið aðhald á útlán bankanna,afnám lífeyriskerfisins í núverandi mynd, vaxtaþak og ábyrg peningaprentun ríkisvaldsins (Seðlabanka) eru þar lykilatriði."

Er ein rót bankahrunsins ekki sú að peningaprentunin er færð frá Seðlabanka til viðskiptabankanna, með útgáfu á "rafkrónum"?

[Bjarni Gunnlaugur (IP-tala skráð) 23.1.2013 kl. 19:56]

Sindri, jú þetta er ein rót bankahrunsins, alveg klárlega.

Mér skilst að ef bönkunum er meinað að lána mikið meira út en sem nemur innlánunum þá takmarki það mjög getu þeirra til að búa til rafkrónur(gerfikrónur, þetta ku vera öllu eldra fyrirbæri en tölvurnar). Það sé þessi svokallaða bindiskylda sem seðlabankinn getur sett á bankana.  Þetta er miklu betri hemill á þenslu heldur en að hækka endalaust vextina, bæði vegna þess að í því felst óréttlæti gagnvart þeim sem þegar hafa tekið lán og svo búa vextirnir á endanum til gerfiverðmæti því þeir auka höfuðstólinn í veldisfalli meðan verðmætin sem lánað var til vaxa í besta falli línulega ef þá nokkuð.  

Ég er enginn sérfræðingur í þessu en er að reyna skilja rök góðra manna og endurvarpa þau hér eftir mínum skilningi. Því rök hinna fróðu væru lítils virði ef vér almúgamenn gætum ekki skilið þau ;-)