Engin pakki til að kíkja í.

Ég held að það hafi aldrei höfðað til íslendinga.  Og hefði raunar aldrei gengið svona langt ef heiðarleiki hefði verið viðhafður frá byrjun.  Og ekki verið þessi blekkingarleikur um að kíkja í pakkann.  Sem er bara alls ekki það sem um er að ræða, heldur upptaka regluverk ESB upp á 100.000. bls. 

Það kom fram í viðtalinu við Sigmund Davíð í Silfri Egils að þeir hafa haft þessa skýrslu frá ESB undir höndum, og síðan ítrekun um þetta mál.  Sem fyrir mér er alveg óskiljanlegt af hverju alþingi hefur ekki skýrt frá þessu fyrr. 

Þetta er búið að vera ljóst núna lengi, ég las þetta í bloggi Björns Bjarnasonar þegar hann fór sér ferð til Berlínar og Brussel til að kynna sér málin.  En þessum upplýsingum hefur verið vandlega haldið leyndum hingað til,  Nú þarf að hnykkja á þessu svo fólk átti sig á því að það var aldrei neinn pakki að kíkja í, heldur einungis aðlögun að regluverki ESB, og einungis spurning um tímasetningu.  Og engar varanlegar undanþágur.  Þetta er eins skýrt og það getur verði, eins og Sigmundur Davíð segir.

„ESB þarf ekki annað Bretland“

Athugasemdir

[Birgir Guðjónsson (IP-tala skráð) 21.1.2013 kl. 13:22]

Held svei mér þá að Samfylkingin hafi bara ætlað að svindla okkur þarna inn.

Það var jú sagt seinna að þessi svokölluð þjóðaratkvæðagreiðsla um samninginn yrði bara ráðgefandi og engin skyla til að fara eftir henni.

Sem betur fer fyrir land og þjóð virist þessi vá lengra unan núna.

[Óðinn Þórisson, 21.1.2013 kl. 13:47]

hversvegna hafa aðlögunarviðræðurnar dregist svona mikið - hefur sf/esb nokkurn áhuga að málið fari til þjóðarinnar meðan stór meirihluti segir nánst örugglega NEI.

EN gleymum ekki loforði SF 2009 að kosið yrðu um " samning " fyrir lok kjörtímabilsins - við það loforð ætlar flokkurinn ekki að standa - engar tímasetnigar hafa staðist - og enginn veit hvenær þetta ferli klárast.

Svo er annað það er alþíngi sem tekur endanlega ávörðun um hvort ísland verði aðili að esb EKKI þjóðin - því er mikilvægt að sem fyrst fari farm þj.atkvæðagreisla hvort þjíóðin vilj halda  áfram aðlögun að esb

[Ásthildur Cesil Þórðardóttir, 21.1.2013 kl. 14:02]

Óðinn þau eru ekki mörg málin sem Samfylking og VG hafa staðið við af sínum kosningaloforðum.  Auðvitað er það morgunljóst að ESB hefur engan áhuga á að spyrja þjóðina núna þegar ljóst er að meiri hluti þjóðarinnar vill ekki þarna inn.  Þrátt fyrir allan áróðurinn bæði frá stjórnvöldum, stærstu dagblöðum og vefmiðlum landsins og áróðursskrifstofum bæði á Akureyri og Reykjavík.  Svo virðist vera að fólk láti ekki plata sig, sem betur fer. 

Við verðum að þrýsta á um að það fari fram þjóðaratkvæðagreiðsla um hvað þjóðin vill helst í næstkomandi kosningum.

[Guðbrandur Sverrisson (IP-tala skráð) 21.1.2013 kl. 15:48]

Upplýst Þjóðaratkvæðagreiðsla  .... uplýst  eftir lestur 100.000 blaðsíðna ...  ég verð víst að láta nægja óupplýsta atkvæðagreiðslu á bara ekki mögileika á að lesa þessi ósköp en mér skilst að mörgum þyki þetta ekkert mál ?   hef aldrei náð að klára biblíuna  hvað þá heldur Pálsættina  því miður held ég að skárra sé að alþingi með alla sína ráðgjafa hafi meiri möguleika á að vinna þetta þó þar hafi málefnin að vísu orðið að lúta í lægra haldi fyrir ljótu orðbragði upp á síðkastið

[Ásthildur Cesil Þórðardóttir, 21.1.2013 kl. 16:01]

Guðbrandur það er nóg að lesa þennan bækling sem ESBstækkunarstjórarnir hafa sent alþingi.  Hann er hér: http://ec.europa.eu/enlargement/pdf/publication/20110725_understanding_enlargement_en.pdf

[Ásdís Sigurðardóttir, 21.1.2013 kl. 16:58]

svindl og lygar, það er þeirra stíll

[Ásthildur Cesil Þórðardóttir, 21.1.2013 kl. 17:09]

Já Ásdís, þeirra aðall er fláræði því miður.

[Þórður Sigfriðsson (IP-tala skráð) 21.1.2013 kl. 17:43]

Ég hef oft velt því fyrir mér í sambandi við þennan "samning" og hina svokölluðu þjóðaratkvæðagreiðslu sem á hugsanlega að koma í framhaldi af undirritun samnings, þá segja þeir sem að vilja kíkja í pakkann að maður verði fyrst að lesa samninginn.

Hvernig sá lestur á að nást skil ég ekki alveg!

1. Samningurinn verður að minnsta kosti 130.000 síður (Króatía er með 130.000 síðna samning)

2. Til að fólk geti fengið tækifæri til að skilja hann þarf að þýða yfir á Íslensku hverja einustu síðu af samningnum. (Króatíu hefur ekki enn tekist að klára sína þýðingu nú nokkrum árum eftir inngöngu)

3. Einnig þarf að fá hlutlausa aðila til að skýra hið flókna lögfræðimál sem að notast er við og það eru eflaust nokkrir tugir þúsunda síðna.

4. eftir allan þennan lestur eru eflaust einhverjir sem að ekki skilja einhver atriði og þá þarf að sjálfsögðu að gefa þeim tækifæri til að fá skýringu á þeim atriðum

5. Eftir allt þetta þá fyrst er hægt að hafa atkvæðagreiðslu um málið.

6. ef að núverandi stjórn verður enn við völd þegar allt þetta er búið, hverjar eru þá líkurnar á því að þeir fari eftir þessarri "skoðanankönnun"

Þetta er ferli sem að líklegast mundi taka 3 til 4 ár að komast í gegn, notabene EFTIR undirskrift og INNGÖNGU okkar í ESB.

Kveðja 

Tóti

[Þórður Sigfriðsson (IP-tala skráð) 21.1.2013 kl. 17:56]

Til að fólk átti sig á stærðinni ef að þetta yrði prentað á A4 (báðum megin) þá yrði "bókin" að minnsta kosti 6,5 metrar á þykkt (gangi ykkur vel lesturinn)

[Ásthildur Cesil Þórðardóttir, 21.1.2013 kl. 18:08]

Góður punktur hjá þér Þórður.  Þetta er alveg hárrétt.  Hvernig ætli menn vilji bera sig að með að "kíkja í pakkann"?

[Örn Johnson ´43 (IP-tala skráð) 21.1.2013 kl. 19:58]

Ásthildur, ég er hissa á þú skulir ekki hafa vitað það fyrr að það hefur aldrei verið neinn pakki og verður aldrei neinn pakki til að kíkja í. Þetta er allt farsi sem stjórnað er af furðufuglinum Össuri og rækilega studdur af Jóhönnu. Málið er einfalt, eins og Sigmundur Davíð reyndi að skýra út fyrir þjóðinni í 999. skiptið: Við fáum engar undanþágur til langframa. Stjórn fiskveiða í kringum Íslands skal svo færast til Brussells. Þetta hefur altaf legið fyrir. Sigmundur Davíð stóð sig vel í að upplýsa gleymið fólk, eins og þig, um staðreyndirnar. Ásthildur, ofurbloggari, breiddu út sannleikann!

[Ásthildur Cesil Þórðardóttir, 21.1.2013 kl. 20:21]

Örn minn ég hef lengi bloggað um þetta atriði einmitt, núna í a.m.k. ár, eftir að ég las greinarnar hans BB frá Brussel og Berlín.  Fólk hefur bara ekki viljað hlusta á þennan sannleika.  Fyrr en núna loksins að það er að renna upp fyrir fólki ljós, sem er auðvitað frábært.  Takk fyrir mig.

[Jens Guð, 21.1.2013 kl. 21:27]

  Í fyrsta lagi:  Meirihluti Íslendinga mun ALDREI greiða atkvæði um að Ísland gangi í ESB.  Ég tel mig umgangast það breiðan hóp af fólki úr öllum stjórnmálaflokkum að mér sé óhætt að standa við þessa fullyrðingu.  Ég þekki fólk í útflutningi sem horfir til þess að stækka sinn markað með því að verða hluti af ESB.  Líka fólk sem er í vandræðum með afborganir lána og horfir til þess að lánakjör séu lægri á ESB svæðinu.  Málið er að Íslendingar þurfa ekkert að ganga í ESB til að laga þessi ósanngjörnu lánakjör.  Íslensk stjórnvöld og lánastofnanir geta alveg samræmt sín lánakjör við það sem gengur og gerist í ESB án þess að ganga í ríkjasamband við ESB.  Vilji er allt sem þarf.  Það er ekkert lögmál að lánakjör á Íslandi séu vond.

  Þegar heildardæmið er metið verður kostnaður íslenska ríkisins með aðild að ESB mun meiri en ávinningur.  Þar fyrir utan búum við að náttúruauðlindum, svo sem fiskveiðimiðum, raforku,  vatni og fleiru sem betur er komið í okkar höndum en framsali til yfirráða í Brussel.  Niðurstaðan mun alltaf verða sú að við erum betur sett utan ESB en innan.  Sú mun verða niðurstaða meirhluta Íslendinga hvað sem kemur út úr fyrsta pakka í samningaviðræðum við ESB.  ESB ásælist þáttöku Íslands.  Einmitt vegna þess að ávinningurinn er ESB en afleikur Íslands.  Ég hef engar áhyggjur af því að þetta verði niðurstaðan þegar Íslendingar greiða atkvæði um næsta skref.  Íslendingar munu í öllum kosningum hafna aðild að ESB.   

[Bjarni Gunnlaugur (IP-tala skráð) 21.1.2013 kl. 22:55]

Ágætar athugasemdir þarna hjá Tóta sem segir m.a. !  

"6. ef að núverandi stjórn verður enn við völd þegar allt þetta er búið, hverjar eru þá líkurnar á því að þeir fari eftir þessarri "skoðanankönnun"Þetta er ferli sem að líklegast mundi taka 3 til 4 ár að komast í gegn, notabene EFTIR undirskrift og INNGÖNGU okkar í ESB."

Hætt er við að loforðið um þjóðaratkvæðagreiðslu um samning myndi "feida" út eftir undirskriftina, kanski með þeim rökum að lýðurinn væri of vitlaus til að geta séð hvað honum er fyrir bestu. Þegar ekki á einu sinni að treysta þjóðinni til að kjósa í einfaldri þjóðaratkvæðagreiðslu um það hvort hún vilji halda áfram þessum aðlögunarferli eða svo kölluðu aðildarviðræðum. Ekki var a.m.k. að heyra neitt slíkt á formannskandítötunum í kastljósi í kvöld!

ÞEIM ER EKKI TREYSTANDI!

[Ásthildur Cesil Þórðardóttir, 21.1.2013 kl. 23:33]

Vona innilega að þú hafir rétt fyrir þér Jens, svo sannarlega.  Við viljum kosningar núna.

Bjarni, þetta er nákvæmlega málið, við vitum ekkert hvað gerist ef þetta óþjóðvilhalla fólk fær áfram að ráðskast með örlög okkar.  Þau eru sannfærð um að ferlið muni halda áfram, þau eru gjörsamlega heillum horfin að mínu mati.

Við verðum að heimta þjóðaratkvæðagreiðslu strax og ekki síðar en í kosningunum í vor.