Já Guðmundur þetta er ekkert flókið. Viljinn er allt sem þarf og lýðræðisástin.

Nei Guðmundur þetta er ekkert flókið.  Þið látið þetta í hendur þjóðarinnar, og lútið þeirri niðurstöðu.  Þið áttuð að gera þetta áður en ákveðið var að sækja um.  Þetta er það stórt mál, að þið ættuð að skammast ykkar fyrir að troða þessu ofan í kokið á þjóðinni.  Og síðan leyna þeim staðreyndum sem eru smátt og smátt að koma í ljós eins og í skýrslu frá ESB segir: það er ekki rétt að hér sé um samning  að ræða, heldur upptaka á regluverki ESB, einungis spurning um tímasetningu.  sjá hér:

First, it is important to underline that the term “negotiation”
can be misleading. Accession negotiations
focus on the conditions and timing of the
candidate’s adoption, implementation and application
of EU rules – some 90,000 pages of them.
And these rules (also known as “acquis”, French for
“that which has been agreed”) are not negotiable.
For candidates, it is essentially a matter of agreeing
on how and when to adopt and implement EU rules
and procedures. For the EU, it is important to obtain
guarantees on the date and effectiveness of each
candidate’s implementation of the rules.

Understanding Enlargement - European Commission - Europa.

Einnig eins og togaðist upp úr Össuri í gær, að hér er meira fullveldisafsal en menn gerðu sér grein fyrir.  En ef þið vilið lýðræði og fylgja því, þá er eina málið í stöðunni að spyrja þjóðina hvað hún vill gera í málinu. 

http://www.ruv.is/frett/meira-fullveldisframsal-en-talid-var?fb_action_ids=4879624144721&fb_action_types=og.likes&fb_source=other_multiline&action_object_map={%224879624144721%22%3A358171647614796}&action_type_map={%224879624144721%22%3A%22og.likes%22}&action_ref_map=[]

„Er þetta flókið?“

Athugasemdir

[Kolbrún Hilmars, 16.1.2013 kl. 17:06]

Sammála þér, Ásthildur.  Þingið átti að kanna hug þjóðarinnar með þjóðaratkvæðagreiðslu ÁÐUR en aðildarumsókn var lögð inn.

Sennilega er þetta annað stærsta hagsmunamál þjóðarinnar síðan 1262. Hið fyrra er auðvitað lýðveldisstofnunin  árið 1944.

Enda vilja sumir kalla ESB aðildarumsóknina Nýja sáttmála.  Nafngift við hæfi - samanborið við þann Gamla.  

[Anna Sigríður Guðmundsdóttir, 16.1.2013 kl. 17:25]

Eru ekki flestir "spenntir"fyrir að klára "viðræðurnar"?

Kíkja í sprengjupoka ESB-friðarbandalagsins!!!

Fær Ísland ekki undanþágu frá ESB-hernaðar-fórnarkostnaðinum, eins og öllu öðru? Ætlar Ísland bara að segja já við ESB-hertökunum í öðrum ríkjum, og horfa þegjandi og samviskulaust á ESB-hernaðar-hörmungarnar?

Hvað fyndist Íslendingum um það, ef aðrar þjóðir ráðast með hernaði á allt og alla hér, og umheimurinn myndi bara segja að það væri í lagi, fyrst þeir sjálfir sleppa?

Hvað er að?

M.b.kv.

[Ásthildur Cesil Þórðardóttir, 16.1.2013 kl. 17:36]

Nýji sáttmáli Kolbrún, sem aldrei varð neinn sáttmáli, því það gleymdist að spyrja þjóðina. 

Því miður Anna Sigríður halda sumir ENNÞÁ að það sé einhver pakki til að kíkja í.  Þvílíkt rugl.  Sorglegt eiginlega, þó sambandið tali skýrt í þessum efnum.

[Sigurður Jón Hreinsson, 16.1.2013 kl. 17:50]

Anna Sigríður, þú þyrftir að fylgast betur með.

Ísland er hluti af NATO.

Íslendingar horfa þegjandi og samviskulaust á hörmungar NATO hernaðar.

Íslendingum finnst í lagi að ráðist sé á aðrar þjóðir fyrst þeir sleppa sjálfir.

[Ásthildur Cesil Þórðardóttir, 16.1.2013 kl. 18:15]

Sigurður íslendingar hafa það í stjórnarskrá að aldrei megi vera her á Íslandi, og ef við ættum að vera sjálfum okkur samkvæm ættum við ekki að vera í hernaðarbandalagi. Það er mín skoðun.  Og til að kóróna þetta gáfu íslenskir forystumenn leyfi á sínum tíma til að ráðast inn í Írak, og fleiri innrásir án þess að mótmæla.

[Sigurður Jón Hreinsson, 16.1.2013 kl. 18:18]

Ásthildur, það er ekki af lýðræðisást sem þú, LÍÚ og aðrir aðilar vilja stöðva samningaviðræður við ESB.  Það markast miklu frekar af hræðslu eða vanþekkingu.

Alþingi hefur mjög oft gert þjóðinni meira ógagn en það að starta þessum viðræðum.

[Ásthildur Cesil Þórðardóttir, 16.1.2013 kl. 18:38]

Röng ályktun hjá þér Sigurður, það getur vel verið að L.Í.Ú. hafi þarna hagsmuna að gæta, en ég deili ekki þeim hagsmunum, þar sem ég vil meiri jöfnuð í útgerð, og er þar af leiðandi afskaplega ánægð með tillögur Dögunar um sjávarútvegsmál.

Hitt er svo annað mál, að það hefur verið reynsla í öðrum löndum sem hafa gengið inn í ESB að peningaöflin hafa tekið yfir auðlindir, til dæmis hafa bretar sagt að portúgalar og spánverjar hafi keypt upp fiskveiðkvóta Bretlands.  Sem segir bara hvað bíður okkar, því þó og ég segi ef ESB tæki ekki yfir forráð okkar yfir fiskveiðilögsögunni, þá væru erlendir peningaaðilar ekki lengi að kaupa upp þær fiskveiðiheimildir sem hér eru.  Þannig er það bara og því fyrr sem fólk gerir sér grein fyrir þeim veruleika því betra.  Því það verður frjálst flæði og allir á öllu ESB svæðinu geta keypt það sem þeir vilja innan svæðisins.  Og hvað höfum við að gera í því mektar svæði fá og smá?

[Sigurlaug B. Gröndal, 16.1.2013 kl. 22:39]

Ég er alveg sammála þér, Ásthildur. Það gleymist alveg hjá þeim að við verðum að innleiða allt regluverkið í þessum viðræðum, þar til samningur er gerður, hver sem niðurstaða atkvæðagreiðslu verður. Við sitjum uppi með regluverkið. Það fer heldur ekki hátt, að við fáum engar varanlegar undanþágur, hvorki hvað varðar fiskveiðar eða annað. Eina sem ESB hefur boðið þjóðum sem ganga inn fá ákveðinn aðlögunartíma. Við komum ekki til með að ráða hverjir kaupa hér fyritæki og rekstur. Við komum heldur ekki til með að stýra vinnuafli. Hér getur fólk flykkst inn og sótt vinnu (sem örugglega verður ráðið, ef það bíður lægra), enda atvinnuleysi í ESB löndunum miklu meira en hér. Það átti að greiða atkvæði um þetta áður en hafist var handa, hvort þjóðin vildi ganga í ESB. Þetta er ekki eins og að "kíkja í búðarglugga" og sjá hvað er til og ákveðin kaupa eftir á!

[Sigurður Jón Hreinsson, 16.1.2013 kl. 23:26]

Ásthildur, framtíðin sem þú lýsir sem innan ESB, er veruleiki okkar Vestfirðinga í dag.  Kvóti er keyptur og fluttur annað, við fáum ekki að nýta aðliggjandi auðlindir.  Og til að bæta gráu ofan á svart er samkeppnistaða okkar landshluta á allann hátt verst hér á landi og fer frekar versnandi.  Fyrirliggjandi er sú staðreynd að Vestfirðir fara í eyði á næstu 30 árum undir stjórn Íslendinga.  Fyrir mig skiptir nákvæmlega engu máli hvort að skipin hér fyrir utan ströndina koma frá Spáni eða Sauðárkrók, við fáum engann hluta af ágóðanum, okkar samfélag fær ekkert.  ESB má þó eiga það að þar er byggðarstefna og í gegnum hana gætum við rétt okkar hlut.

Varðandi frjálst flæði vinnuafls, þá er það þegar til staðar.  Fólk er ekkert að flykkjast hingað af eðlilegum ástæðum, hér eru laun lág í samanburði við verðlag.  Reyndar var ég að skoða kassastrimil frá 2007 bara núna rétt áðan og ég gat ekki séð betur en að flest allt á honum hafi hækkað um ca 100%.  Mín laun hafa kanski hækkað um 15% á þeim tíma.

Ég get ekki beðið eftir því að komast í sömu verðlagsþróun og annarsstaðar í Evrópu og sjá fram á það að eignast kanski einhvað í húsnæðinu "mínu", á meðan ég er á vinnumarkaði.  Eins og staðan er og hefur verið undanfarna áratugi á Íslandi, er um að ræða sjóræningjaeyju, þar sem almenningur er rændur statt og stöðugt af yfirstéttinni með samþykki valdastéttarinnar.  Stefna Dögunar kann að vera góð, en því miður hef ég enga trú á að þið hafið nokkurn möguleika á að stinga á þau kýli sem þarf að eyða.

[Sindri Karl Sigurðsson, 17.1.2013 kl. 00:35]

Það er varla ætlunin að bera fyrir sig þeim rökum að ef ég hef það skítt, þá er allt hið besta mál að það sé allt hirt af hinum sem hafa það aðeins betra, er það?

Það getur varla verið að þó svo að byggðastefna undanfarinna 40 ára sé engin og tóm fyrirhyggjupólitík, að það sé betra að láta pappírstígra í öðrum löndum ráða því hvort það sé búið og unnið hér eða þar á Íslandi?

Gott að taka dálítið til heima hjá sér og athuga hvort það sé kannski jafnvel hægt að koma einhverjum vitrænum ramma í kringum atvinnulífið. Ekki hafa leikreglurnar svona í dag og aðrar á morgun.

[Ásthildur Cesil Þórðardóttir, 17.1.2013 kl. 11:57]

Já Sindri, málið er að meðan sjávarútvegurinn er í höndum íslendinga sjálfra, er von um að hægt sé að breyta þessu.  Það er til dæmis vilji Dögunar að hafa frjálsar handfæraveiðar og að allur afli fari á land þaðan sem hann er veiddur, og ef hann er fluttur burtu kemur sérstakt gjald ofan á fiskverðið sem verður eftir í bæjarfélaginu.  Einnig að byggðirnar fá kvóta sem verður alltaf til staðar í bæjarfélögunum.  Þú ættir að lesa kaflan um sjávarútvegsmálin í Dögun, Sigurður.

http://www.xdogun.is/

Nákvæmlega Sigurlaug, þetta gengur erfiðlega fyrir fólk að meðtaka.  En svona er þetta nákvæmlega.

[Sigurður Jón Hreinsson, 18.1.2013 kl. 00:03]

Sindri, pappakassi í Brussel er keimlíkur pappakassa í Reykjavík.  Munurinn á þeim tveimur er samt líklega sá að þessi í Brussel er skárri, því hann sér sér engann (ímyndaðann) hag í því að ég flytji suður.

En það sem ég er að reyna að fá ykkur til að sjá, að einmitt rammi atvinnulífsins er með innbyggðum hvata til að færa allt suður.  Ríkið sogar allt suður.  Byggðarstefnan er sú að allt fari suður.  ESB hefur amk skárri byggðarstefnu.

Ásthildur, sjávarútvegsstefna Dögunar er ágæt þó ég voni að það sem þú nefnir sé ekki þar allt innanborðs.  Hvet þig líka til að kynna þér stefnuna í Evrópumálum :)

[Ásthildur Cesil Þórðardóttir, 18.1.2013 kl. 10:49]

Ég er búin að lesa skýrsluna frá ESB, þessa sem þeir gáfu út og sendu okkur.  Hefur þú gert það?

Ég viðurkenni fúslega að stjórnvöld undanfarna áratugi hafa gert allt til að toga allt suður, en þar verðum við að snúa við blaðinu og setja vörn í sókn.  Það er hvati til þess einmitt í sýn Dögunar, sérstaklega í sjávarútvegskaflanum, þar sem rætt er um að binda hluta kvótans við heimabyggð.  Og einnig frjálsar handværaveiðar. 

[Sindri Karl Sigurðsson, 19.1.2013 kl. 20:33]

Já Sigurður það er kórrétt hjá þér þetta með atvinnulífið og hvatann. Ég er nú þannig gerður að geta ekki með nokkru móti skilið af hverju við getum ekki sjálf breytt þessu. Það hættir enginn að dópa fyrir dópistann er það?

[Ásthildur Cesil Þórðardóttir, 20.1.2013 kl. 01:24]

Það segir þú satt Sindri, nákvæmlega.  Við verðum sjálf að vinna heimavinnuna okkar.