Kristinn H. Gunnarsson

Ég sem formaður kjördæmisráðs Frjálslyndaflokksins í Norðvesturkjördæmi átti góðan fund með Kristni H. Gunnarssyni og félögum mínum í kjödæmisráði auk nokkurra stuðningsmanna Kristins.  Við hittumst á sunnudaginn var, þar bauð ég honum annað sæti á lista flokksins í Norðvesturkjördæmi.  Honum hafði þá einnig boðist fyrsta sæti í öðru kjördæmi.

Hann vildi því fá umsagnarfrest.  Hann hringdi svo í mig í gær og tilkynnti mér að hann myndi taka annað sætið í Norðvesturkjördæmi.

Ég er afskaplega ánægð með að fá Kristinn í okkar raðir.  Hann er öflugur stjórnmálamaður og það verður gott að fá þessa tvo sterku menn inn hér.  En Guðjón Arnar mun leiða listann. 

Það er nokkuð öruggt að kvótakerfið verður sett á oddinn í kjördæminu, því þar brennur mikið á byggðunum að leiðrétta þá byggðaröskun sem orðið hefur vegna flutnings kvóta úr byggðalögunum vítt og breytt um kjördæmið.

 

Sigurjón Þórðarson sem var í öðru sæti hefur flutt sig um set, og mun fara í Norðausturkjördæmi, vegna fjölda áskorana frá fólki þar.  Sigurjón hefur vaxið  mjög sem þingmaður, vinnusamur og dugmikill.  Það er því eftirsjá af honum héðan, en ég er viss um að honum gengur vel fyrir austan.  Ég óska honum góðs gengis á nýjum slóðum.

Kristinn H. Gunnarsson býð ég velkomin í okkar hóp. 

Athugasemdir

[Ásthildur Cesil Þórðardóttir, 20.2.2007 kl. 13:14]

Bros er rosalega flott.  Eitt bros á dag kemur skapinu í lag.

Jóhanna fær líka bros.

[Ásthildur Cesil Þórðardóttir, 20.2.2007 kl. 20:20]

Jamm hehe... Ég er hæst ánægð með þá báða. 

[Birna Mjöll Atladóttir, 21.2.2007 kl. 14:18]

Ég óska ykkur til hamingju með Kristinn.  Mér finnst Kristinn yndislegur og ég er ánægð að hann sé kominn frá framsókn.  Hann á eftir að reynast ykkur vel.  Það veit ég.

[Ásthildur Cesil Þórðardóttir, 21.2.2007 kl. 16:43]

Takk Birna Mjöll mín.  Já Kristinn er afskaplega sterkur maður og fylginn sér. 

[Donni (IP-tala skráð) 22.2.2007 kl. 09:29]

Fylginn sér? Þetta stendur á heimasíðu nýja frjálslynda þingmannsins, skrifað 2003:

"Skattastefna Frjálslyndra er aðför að efnahagslegum stöðugleika. Það er líklega eins gott að fjármálasnillingarnir í Frjálslynda flokknum komist ekki í fjármálaráðuneytið."

[Ásthildur Cesil Þórðardóttir, 22.2.2007 kl. 10:35]

Já, þó menn séu fylgnir sér geta þeir skipt um skoðun.  Hann hefur ef til vill séð ljósið.  Hér er okkar stefna í skattamálum.

VELFERÐAR- OG SKATTAMÁL

Bætur almannatrygginga fylgi ávallt launavísitölu.

Afnumin verði með öllu tekjutenging barnabóta.

Skattleysismörk verði hækkuð til samræmis við lágmarkslaun með það að markmiði

að tekjuskattur verði ekki greiddur af almennum lágmarkslaunum.

Viðurkennt verði með löggjöf að stærstur hluti lífeyristekna eru fjármagnstekjur

og þær skattlagðar samkvæmt því. Þetta verði gert í áföngum.

Helmingur meðlagsgreiðslna verði frádráttarbær frá skatti.

[Ásthildur Cesil Þórðardóttir, 22.2.2007 kl. 10:37]

Reyndar hafa þingmenn Frjálslyndra lagt fram nokkrar þingsályktunartillögur um skattamál, til dæmis til hagsbóta fyrir aldraða og margar aðrar góðar tillögur, sem ég er ekki með á takteinum akkúrat núna. 

[Ásthildur Cesil Þórðardóttir, 22.2.2007 kl. 22:11]

Takk fyrir það.  Hver veit nema ég sitji einhversstaðar á listanum í Norðvestur.  En það verður frekar neðarlega, ég er nefnilega í því að stilla hinum upp sjáðu til