Um Nýja og Gamla Ísland.

 

Það er auðvitað ágætt að tala hreint út Jóhanna, þið mættuð gera það oftar.  Minnir nú samt að þið hafið samþykkt í gær eða fyrradag að ríkisstjórnarfundir yrðu ekki teknir upp.  Sama gamla leyndarhyggjan þar á ferð, telur þú það ef til vill vera "nýja Ísland"?

Á fundinum kom þetta fram:

Jóhanna sagði við flokksmenn sína að Samfylkingin gæti svo sannarlega borið höfuðið hátt núna þegar líður að lokum þessa kjörtímabils. „Í næstu kosningum verður kosið um það hvort þjóðin vill halda áfram á þeirri braut sem við jafnaðarmenn höfum nú markað í átt til nýja Íslands, eða hvort horfið verður til baka til gamla Íslands áranna fyrir hrun,“ sagði Jóhanna.

Eitt er að fullyrða um hluti, annað er að þegar fullyrt er út í loftið, verður holur hljómur í fullyrðingunni.  Veit ekki um þig, en mér finnst harla lítið hafa gerst, og staða almennings hefur lítið batnað því miður, og niðurskurðurinn að skapa öngþveiti í heilbrigðisgeiranum og allstaðar í samfélaginu.  Kom fram í fréttum áðan að vegna niðurskurðar á hjúkrunarheimilum þarf að kalla til lögreglu ef eitthvað gerist um nótt á slíkum, því aðeins einn starfsmaður er til staðar yfir nóttina.  Er þetta ef til vill nýja Velferðin sem þú lofaðir svo fallega fyrir kosningar?  Eða heldurðu að fólk sé búið að gleyma skjaldborginni og velferðinni sem áttu að vera inntakið í gjörðum  ykkar eftir kosningar, fyrir jú utan ESB, sem reyndar hefur verið það eina sem þú hefur staðið á af þessum loforðum. 

Jóhanna sagði að með niðurstöðu þjóðaratkvæðagreiðslunnar um síðustu helgi hefði verið stigið risavaxið skref í því stóra baráttumáli jafnaðarmanna að þjóðin fengi nýja stjórnarskrá, „nútímalega og sprottna úr íslenskum jarðvegi dagsins í dag“.

Tek reyndar undir þetta, það hefur verið gott starf unnið af þjóðinni sjálfri, og þið eigið ykkar þátt í því en:  Hverslags rugl er þetta Jóhanna með nútímalega íslenska stjórnarskrá, til að fara með inn í ESB, þar sem vitað er að allar reglur verða aðlagaðar ESB og lög ESB verða æðri íslenskum lögum.  Þetta er í meira lagi mótsagnarkennt.

Jóhanna sagði að ein afdrifaríkasta ákvörðun þjóðarinnar á næsta kjörtímabili myndi lúta að mögulegri aðild Íslands að ESB. „Þar er um slíka hagsmuni að tefla fyrir heimili og fyrirtæki þessa lands að fátt eitt mun breyta eins miklu um lífskjör á Íslandi næstu áratugina og sú ákvörðun.

Enn er ósamið um nokkra mikilvæga kafla í ferlinu, svo sem í gjaldmiðlamálum og sjávarútvegsmálum, en það sem þegar hefur komið fram í viðræðunum gefur okkur fullt tilefni til bjartsýni um að samningamönnum okkar takist að ljúka góðum samningi fyrir Ísland.

Öll þekkjum við þá stórauknu möguleika sem aðild að ESB myndi færa ungu fólki og vísindasamfélaginu, þau hagstæðari rekstrarskilyrði sem fyrirtæki myndu njóta, bæði til fjárfestinga hér á landi og ekki síður til að sækja fram á nýja markaði.
Og öll þekkjum við þær samfélaglegu umbætur, frið og farsæld sem ESB hefur haft í för með sér og hafa nú orðið til þess að sambandinu hafa verið veitt friðarverðlaun Nóbels. Allt mælir þetta með aðild Íslands að ESB þegar til framtíðar er litið.

Möguleg aðild að ESB og upptaka evru er háð því að Samfylkingin verði áfram í forystu við ríkisstjórnarborðið á næsta kjörtímabili. Samfylkingin er og hefur verið brjóstvörn allra þeirra sem hafa viljað láta á aðild að ESB reyna. Vegna Samfylkingarinnar erum við komin þangað sem við erum komin í því ferli,“ sagði Jóhanna.

Þú ættir að skammast þín fyrir þessi orð Jóhanna.  Það getur enginn fullyrt að okkur sé betur borgið innan ESB, og flestir eru sammála um að við viljum ekki fara þarna inn.  Þú ert að stríða gegn straumnum.  

Hagstæðu rekstrarskilyrðin eru þau að erlend fyrirtæki og fjölþjóðleg ættu greiða leið að yfirtaka þau fyrirtæki sem eru gróðavænleg hér á landi, þetta hefur gerst á Spáni, Grikklandi og í fleiri löndum. Það hefur verið gefið út af Seðlabanka Íslands að eins og er sé raunhæfasti möguleiki okkar að halda íslensku krónunni.

Og þessi lokasetning: Vegna Samfylkingarinnar erum við komin þangað sem við erum komin í því ferli. VIrka á mig sem skammaryrði en ekki hrós.

Þess vegna vona ég innilega að Samfylkingin verði utan næstu ríkisstjórnar, ég vona að við fáum nýtt fólk, nýja flokka og meira þingræði, sanngirni, réttlæti, virðingu og um fram allt meira lýðræði. Sýn þín nær reyndar ekki mjög langt ef það eina sem þér dettur í hug sé að það séu bara tvær leiðir, Sjáflstæðisflokkurinn og gamla Ísland og Samfylkingin og nýja Ísland. Fyrir mér er þetta brandari að vísu frekar sorglegur. Í fyrsta lagi þá eru nú þegar fimm flokkar á þingi, og á annan tug nýrra framboða í farvatninu eða komin af stað til að leggja sitt af mörkum.

 

Barist um nýja og gamla Ísland

Athugasemdir

[Óðinn Þórisson, 28.10.2012 kl. 12:49]

"Möguleg aðild að ESB og upptaka evru er háð því að Samfylkingin verði áfram í forystu við ríkisstjórnarborðið á næsta kjörtímabili"

Þarna er hún að senda VG skýr skilaboð að ef flokkurinn ætlar að vera áfram í ríkisstjórn með SF þá fylgi flokkurinn áfram stefnu SF varðandi ESB.

[Ásthildur Cesil Þórðardóttir, 28.10.2012 kl. 13:15]

Og þar með er flokkurinn komin í mikil vandræði, því hann getur í hvoruga löppina stigið, ef hann heldur til streitu ESB aðildinni, þurrkast hann sennilega út, og ef hann ætlar að ganga skrefið sem grasrótin er að biðja hann um, er borin von að hann eigi upp í sæng hjá Samfylkingunni.  En svo er málið, ef skoðankannanir eru réttar, þá komast þessir flokkar hvorugur til álita fyrir fólk sem alls ekki vill inn í ESB.  Það er bara málið. 

[Sigurður Kristján Hjaltested (IP-tala skráð) 28.10.2012 kl. 14:02]

Þetta er svo rétt hjá þér Ásthildur. En því miður er ég ansi hræddur

um að eftir næstu kosningar verði allt við sama farið og áður.

Samtrygging þessara 4flokka er slík að lýðræðið verður undir

vegna styrkja og reglna sem  þeir hafa komið á svo ný

framboð  eiga erfitt uppdráttar.

Þeir einfaldlega þola ekki lýðræði og sést best hvernig allt

stefnir í þessum prófkjörum sem framundan eru.

M.b.kv.

[Ásthildur Cesil Þórðardóttir, 28.10.2012 kl. 14:23]

Nákvæmlega Sigurður, þess vegna þarf fólk að vakna og gefa nýju framboðunum tækifæri.  Það verður einfaldlega öllum til góðs, bæði gömlu flokkunum og hinum nýju.  Ef menn virkilega brenna sig á því að þeim er refsað fyrir að haga sér eins og kjánar, þá gæta þeir sín betur næst.   Það er svo í okkar höndum að laga þetta ástand, því eins og sést hefur að þegar almenningur tekur sig saman og lætur í ljós vanþóknun sína þá gerist eitthvað af viti.   Þess vegna mega menn ekki bara kjósa sitt af gömlum vana, af því þeir hafa alltaf kosið það sama.  Það er tilræði við lýðræðið, segi og skrifa.

[Axel Jóhann Hallgrímsson, 28.10.2012 kl. 14:26]

Ekki get ég sagt að ég sé yfir mig hrifinn af þessari Evrópuvegferð. En það verður að segjast eins og er að Samfylkingin kemur einn flokka til dyranna eins og hún er klædd. Allir hinir flokkarnir eru klofnir í málinu, en eru þeir aumingjar að veifa aðeins þeim öngli sem betur fiskar í það og það skiptið.

[Vilhjálmur Stefánsson, 28.10.2012 kl. 14:38]

það getur ekki verið Axel Jóhann að þú hugsir skýrt..

[Sigurður Kristján Hjaltested (IP-tala skráð) 28.10.2012 kl. 14:46]

Væri óskandi að fólk myndi gera það. En reynslan af nýjum framboðum

hefur ekki verið trúverðug. Sjáðu Hreyfinguna og Besta flokkinn..!!!

Af hverju fór allt þetta fólk í sömu hjólförin og gamla rusl liðið hefur gert..??

Fólk er kosið undir ákveðnum formerkjum og svo þegar á þing er

komið, þá skiptir það um lið.

Það er bara því miður komið þannig fyrir þessari  þjóð, að hún treystir

engvu lengur. Það er sama hverjir komast inn á þing, þeir byrja

að haga sér eins og  hinir.

Hverju hafa þessir 23 nýju þingmenn sem komist inn síðast skilað..??

Engu. Ekkert. Bara  froða og bull af því að þeir verða að haga sér

eins og hinir. Nú þegar sést best hvernig þetta fólk hagar sér vegna

komandi kosninga. Allt sama steypan og við eigum svo bara

að skilja það að þetta bara er svona.

Svo er versta vandmálið við þetta allt og það er

embættismannakerfið sem rígheldur í gömlu kreddurnar.

Meðan því liði er ekki skipt út, verður lítið um breytingar.

M.b.kv.

[Anna Benkovic Mikaelsdóttir, 28.10.2012 kl. 17:43]

Ég mun að öllum líkindum kjósa Dögun, en hefði viljað sjá Lilju Móses í þeim samtökum líka. Hvarflar ekki að mér að kjósa fjórflokkinn aftur.

Í pottinum á Tálknafirði eru allir sammála um að kjósa næst þann flokk "sem veldur sem minnstum skaða"!

[Sigurður Kristján Hjaltested (IP-tala skráð) 28.10.2012 kl. 19:51]

Kom í verbúð í vinnu á  Tálknafjörð 1979. 

Frá þeim tíma hefur Tálknafjörður alltaf verið í huga mínum

sem sá besti staður sem ég hef unnið á.

Tálknfirðingar mega vera stoltir af því sem þeir hafa gert.

Þrátt fyrir að hafa horft á kvótann hverfa burt úr

byggðarlaginu vegna einnar fjöldskyldu sem eignaðist

allan kvótan vegna óþroska og skilningsleysis á hinu

lítilsverta ALÞINGI, þá er Tálknafjörður og þeir sem

þar búa, með svo mikið stolt, að þeir fara sínu fram,

ef mætti orða það svo. 

Alltaf tilbúnir að finna einhverja leið til að búa að sér og sínum.

Þetta á líka við alla Vestfirðinga.

M.b.kv.

[Ásthildur Cesil Þórðardóttir, 28.10.2012 kl. 21:00]

Ég er sammála því Axel að Samfylkingin er sennilega eini flokkurinn sem segir hreint út að hann sé ESB flokkur.  Hvort það gagnast honum eða ekki, er svo annað mál.  En svo eru auðvitað félagar þar sem ekki vilja í ESB og þegja um það af einhverjum ástæðum.  Auðvitað á fólk að gefa það upp áður en það fer í prófkjör hver afstaða þess er í hitamáli eins og ESB. 

Sigurður, það er málið, í fyrsta lagi að þessir litlu flokkar hafa ekki fengið brautargengi, einmitt vegna þess að það er endalaust hamrað á því að verið sé að kasta atkvæðinu á glæ með því að velja ný framboð.  Það er gert af fjórflokknum, er dauðhræddur um að missa spón úr sínum aski ef fólk fer að fara eitthvað annað en í þessa fjóra stærri flokka.  Hreyfingin hefur gert margt gott, og er sem ferskur vindur inn á alþingi.  Það gerði líka Frjálslyndi flokkurinn.  Aftur á móti er ég sammála þér með það að nýja fólkið í gömlu flokkunum fellur strax ofan í sömu skotgrafirnar og þeir sem fyrir sitja, það þarf sennilega sterk bein til að ganga gegn vilja formannsins. En við verðum bara að þora að gefa nýju framboðunum sjens. 

Anna mín það er gott að heyra að Tálknfirðingar ætla að brjóta sig út úr viðjum fjórflokksins, bara gott mál, það þyrftu fleiri að gera. Sammála þér Sigurður með Tálknafjörð, og nú er aldeilis uppgangur þar, bara vegna þeirra eigin dugnaðar. 

[Helga Kristjánsdóttir, 28.10.2012 kl. 21:24]

Þeir hafa tekið upp Hjallastefnuna.

[Ásthildur Cesil Þórðardóttir, 28.10.2012 kl. 22:35]

Já það er frábært hjá þeim og fengi Önnu Pálu til að sjá um skólann, sem er ennþá frábærara.

[Vilhjálmur Stefánsson, 28.10.2012 kl. 23:03]

Nú er ég handviss um að þeir sem búa á Vestfjörðum nú og ætla að kjósa Dögun hafa étið eithvað sem þeir eru ekki vanir.

[Ásthildur Cesil Þórðardóttir, 28.10.2012 kl. 23:25]

Nei það held ég ekki Vilhjálmur minn, miklu frekar að þeit taki skynsamlega ákvörðun um framtíðina. 

[Anna Benkovic Mikaelsdóttir, 28.10.2012 kl. 23:27]

Vilhjálmur, undir þetta geta allir tekið undir

 Skipan auðlindamála og uppstokkun á stjórn fiskveiða
Orkufyrirtæki verði í eigu ríkis og / eða  sveitarfélaga og nýting allra náttúruauðlinda til sjávar og sveita skal vera sjálfbær. Auk þeirra breytinga sem ný stjórnarskrá að forskrift Stjórnlagaráðs hefur í för með sér fyrir skipan auðlindamála er nauðsynlegt að stokka upp stjórn fiskveiða frá grunni. Tryggja þarf aðskilnað veiða og fiskvinnslu og að jafnræði ríki meðal landsmanna við nýtingu á sameiginlegum fiskveiðiauðlindum. Hámarka skal arð þjóðarinnar af auðlindum hennar. Virða skal álit Mannréttindanefndar Sameinuðu þjóðanna. Allur ferskur fiskur skal seldur á fiskmörkuðum.

 Heimild http://www.xdogun.is/kjarnastefnur/

[Ásthildur Cesil Þórðardóttir, 28.10.2012 kl. 23:37]

Einmitt Anna og þarna er svo margt annað gott, og nú er verið að ganga frá sjávarútvegsstefnunni niður í kjölinn.

[Axel Jóhann Hallgrímsson, 29.10.2012 kl. 00:56]

Vilhjálmur, ef mataræði manna ræður hvað þeir gera í kjörklefanum, þá vildi ég ekki þurfa að éta það ómeti sem fær menn til að kjósa Árna Johnsen kosningar eftir kosningar.

[Ásthildur Cesil Þórðardóttir, 29.10.2012 kl. 12:10]

Axel góður