Júróvísjón.

18.2.2007 | 17:07

Ég var að horfa á endursýninguna, vegna þess að ég gat ekki fylgst með í gær. Mikið rosalega skiluðu allir þátttakendur sínu vel. Þau voru hvert öðru betra. Við eigum mikið af hæfileikaríku fólki. Og í þetta sinn vann besta lagið. Ég er viss um að það fer hærra en í 16 sætið í Helsinki. Og þó það sitji þar þá mun ég verða stolt af okkar fólki.

Úbbs hvað þeir voru töff strákarnir allir saman, algjör hormónamassi þar á ferð þegar þeir stormuðu allir fram með hljóðfærin í höndunum OOOOOO Meira að segja gamla brýnið fór á fullt

Ég sá úr keppninni frá Dönum, og þeir eiga ekki sjens í okkur svo mikið er víst. Flott dragdrottning en ekki nógu góð söngkona þar á ferð.

Það verður eitthvað allt annað kikk þarna úti núna held ég, ekki svona búninga eitthvað. Ef til vill frekar svona leðurtöffhormónabúntaeitthvað.... þá eigum við góðan sjens.

Flokkur: Bloggar | Facebook

Athugasemdir

Já ég vona það líka. Þetta var að mínu mati flottasta lagið og grípandi er það svo sannarlega.

Ásthildur Cesil Þórðardóttir, 18.2.2007 kl. 18:05

Mikið óskaplega ertu eitthvað pósitíf Ásthildur....

Jón Steinar Ragnarsson, 18.2.2007 kl. 18:39

Það er mitt mottó í lífinu að vera jákvæð minn kæri. Það hefur líka fleytt mér gegnum mikið mótlæti og erfiða lífsreynslu. En í raun og veru get ég bitið mjög fast ef einhver ætlar að ráðast að þeim sem mér þykir vænt um

Við skulum krossa putta og tær Jóhanna mín. Og smá magic ef til vill.

Ásthildur Cesil Þórðardóttir, 18.2.2007 kl. 18:45

Ég er ekki búin að sjá eitt einasta lag.
Ég sá aftur á móti viðtalið við Eirík síðast þegar ég "fór til manna". Mér finnst Eiríkur vera æðislegur töffari, hann er líka svo hógvær og jákvæður.
Hann er nú líka eitthvað með Noreg á sínu bandi.
Það yrði frábært ef hann yrði ofarlega, þó vildi ég ekki að við innum keppnina, ég held að við höfum ekki efni á því

Birna Mjöll Atladóttir, 20.2.2007 kl. 21:49

Ættir að geta séð hana hérna; http://dagskra.ruv.is/sjonvarpid/?file=2861

Þetta var langflottasta lagið að mínu mati.