Á tali hjá Hemma Gunn.

13.10.2012 | 20:16

Hlustaði á þáttinn hans Þórhalls Gunnarssonar ; Á tali hjá Hemma Gunn í gær. Gestur þáttarins var Logi Bergman. http://www.ruv.is/sarpurinn/a-tali-vid-hemma-gunn/12102012-0 Þessir þættir eru algjörlega frábærir. Ég hef sjaldan skemmt mér jafn vel yfir nokkru sjónvarpsefni í langan tíma. Ég reyndar veltist um af hlátri með þeim félögum.

Hemmi er frábær og þessir þættir hans eru gull og gersemi. Og að fara svona með þá eins og í þætti Þórhalls er afar vel til fundið og skemmtilegt.

Innilega takk fyrir mig Þórhallur Logi og Hemmi. Takk fyrir klukkutíma hlátur í góðum félagsskap ykkar þriggja í gær.

Þessir þættir hans Hemma eru eflaust eitthvað það besta sjónvarpsskemmtiefni sem gert hefur verið á Íslandi fyrr og síðar.

Verið hress, ekkert stress, bless! Heart LoL

Vil setja hér inn öllu sorglegri tíðindi, en það verður minningarathöfn um Rasmus Rasmussen í Reykjavík á morgun kl. 19.00 við Reykjavíkurtjörn með kertafleytingu. Verð þar í huganum, en endilega mætið elskurnar. Hlátur og grátur eiga vel saman eins og elskendur hvorugt getur án annars verið. http://jensgud.blog.is/blog/jensgud/entry/1262417/#comment3368501

Flokkur: Bloggar | Breytt s.d. kl. 23:04 | Facebook

Athugasemdir

Rétt sem Ómar Ragnarsson segir

Það sem einu sinni var gott verður áfram gott :)

Sólrún (IP-tala skráð) 13.10.2012 kl. 21:03

Einmitt Sólrún. Ég er ennþá að hlæja að þessum þætti í gær, það var líka sérlega skemmtilegt að hlusta á þessa þrjá galgopa ræða málin og svo hlógu þeir svo innilega og ég með.

Ásthildur Cesil Þórðardóttir, 13.10.2012 kl. 21:06

Þvílíkar þjóðargersemar .)

En var ekki Boney M lagið eitthvað falskt

eða spilað á vitlausum hraða :)

Sólrún (IP-tala skráð) 13.10.2012 kl. 21:54

Veit það ekki hló svo mikið allan tímann að ég bara naut þess sem á boðstólum var. Það ætti að heiðra Hemma fyrir þessa tíu ára þætti.

Ásthildur Cesil Þórðardóttir, 13.10.2012 kl. 22:15

ég skemmti mér svo sannarlega,hlakka til næsta þáttar

takk mín kæra fyrir allt efnið þitt fyrir okkur hin.

Bið að heilsa Dísu ef hún sér þetta.

Kveðja Erla SV.

erla svanbergsóttir (IP-tala skráð) 13.10.2012 kl. 22:21

Já þetta var svo krúttlegt og skemmtilegt .Those were the days :)

Sólrún (IP-tala skráð) 13.10.2012 kl. 22:24

Er svona aðeins að spá í indversku prinsessuna okkar, ætli hún súi nú ekki strákunum? Ég á email frá henni þar sem hún kallar mig rasista og white trash, af því að það var rætt um hana á Málefnunum.com. Hún hefur skapið alveg í lagi þessi elska.

Ásthildur Cesil Þórðardóttir, 13.10.2012 kl. 22:24

Takk Erla mín, já Dísa mín kemur hér við.

Sólrún já þetta er eitthvað svo einlægt og yndisleg alveg eins og Hemmi Gunn er. Þannig er það bara.

Ásthildur Cesil Þórðardóttir, 13.10.2012 kl. 22:27

Leoncie er víst búin að yfirgefa okkur . En lítur þó til okkar annað slagið sem betur fer:) Hver man ekki eftir þessu klassíska stykki ?

https://www.youtube.com/watch?v=7AJpfwvIez8

Sólrún (IP-tala skráð) 13.10.2012 kl. 22:33

Hahaha hélt að hún væri komin aftur til landsins, gekk víst ekki alveg nógu vel í Bretlandi. Og hún þurfti að stefna þeim fyrir að gera grín að myndbandinu hennar... Hvar ætli maður finni það nú aftur?

Ásthildur Cesil Þórðardóttir, 13.10.2012 kl. 22:52

Gera grín að myndbandinu hennar ekki nema það þó.Hvaða myndbasnd ætli það hafi nú getað verið. Nú hún er kannski komin til baka það var talið að hún væri í heimsókn einhverntíma ekki fyrir löngu.Hún er EINSTÖK það má hún eiga og húmor í henni :)

Sólrún (IP-tala skráð) 13.10.2012 kl. 23:03

Okkar eigin prinsessa lífgar lífið svo sannarlega. Algjörlega einstök.

Ásthildur Cesil Þórðardóttir, 13.10.2012 kl. 23:06

Þetta var eitthvað með svona keppni um hallærislegasta myndbandið, klæðnaðin og svo framvegis. Ef til vill man einhver eftir þessu. En hún er óþrjótandi uppspretta gleði þessi kona.

Ásthildur Cesil Þórðardóttir, 13.10.2012 kl. 23:07

Þetta er meistaraverk

Anna Benkovic Mikaelsdóttir, 13.10.2012 kl. 23:11

Já mér finnst hú standa alveg fyllilega jafnfætis Stefáni Kúnstner frá Möðrudal frumleg og margt til lista lagt gerir allt sjálf og stendur og fellur með því .Ætli hún hafi einhverntíma gefið upp hvaðan hún kemur.Frá hvaða plánetu til dæmis?

Sólrún (IP-tala skráð) 13.10.2012 kl. 23:13

Ég tek undir að það var gott og þarft uppátæki að rifja upp þessa "Á tali hjá Hemma Gunn" þætti. Á sínum tíma hittu þessir þættir beint í mark. Hemmi ofurkátur og hress. Sumt í þáttunum hefur elst þannig að það sem þá þótti töff er í dag hallærislega töff. Mestu munaði um að Hemmi sjálfur var svo skemmtilegur þáttastjórnandi. Temmilega á tánum (vegna beinnar útsendingar), uppátækjasamur og dagskráratriði voru fjölbreytt.

Bestu þakkir fyrir að vekja athygli á minningarathöfn um Rasmus annað kvöld.

Jens Guð, 13.10.2012 kl. 23:27

Takk Anna mín, en ég gat ekki opnað þetta innlegg.

Já hún er einstök manneskja hún Leoncie prinsessa Sólrún mín.

Sammála þér Jens, Hemmi Gunn er frábær, og það var nú bara ánægjan ein að koma minningarathöfninni á framfæri. Vona að sem flestir mæti og minnist þessa góða drengs.

Ásthildur Cesil Þórðardóttir, 14.10.2012 kl. 01:42