Ég krefst þess..

Sem þegn á Íslandi að vantrausti verði lýst á hendur fjármálaráðherra landsins. http://www.bloomberg.com/news/2012-10-01/iceland-sees-end-of-krona-days-as-joining-euro-is-only-option.html Þetta er fullkomin skandall. 

Manneskjan er fullkomlega vanhæf sem ráðherra í ríkisstjórn Íslands, hvað þá fjármálaráðherra.

Ég krefst þess að stjórnarandstaðan leggi fram vantrauststillögu sem allra fyrst á þessa manneskju.  Þetta er ólíðandi algjörlega.

Athugasemdir

[Heimir Lárusson Fjeldsted, 2.10.2012 kl. 10:36]

Þetta var nú hennar fyrsti dagur á örnámskeið fjármálaráðherra, svo henni er vorkun

[Heimir Lárusson Fjeldsted, 2.10.2012 kl. 10:36]

örnámskeiði

[Kidda, 2.10.2012 kl. 10:56]

Sagði hún þetta ekki 28.sept. Hún er ekki í lagi :(

[Ásthildur Cesil Þórðardóttir, 2.10.2012 kl. 11:45]

Heimir hún er að taka við embættinu aftur, eftir smá barneigna hlé.  Hún er einfaldlega ekki í lagi Kidda mín.

Það er óþolandi að ráðherrar komist endalaust upp með að misbjóða réttlætiskennd okkar, hreinlega óþolandi.

[Árni Gunnarsson, 2.10.2012 kl. 11:51]

Tek undir þessa kröfu Ásthildur.

Og út af Alþingi með þetta pólitíska fyribæri!

[Árni Gunnarsson, 2.10.2012 kl. 12:38]

Pólitíska örverpi vildi ég sagt hafa.

[Ásthildur Cesil Þórðardóttir, 2.10.2012 kl. 12:56]

Já þetta er algjörlega óþolandi.  Nú veit ég ekki er bara venjuleg manneskja, en getur það ekki fallið undir þjóðaröryggi að eyðileggja orðstýr gjaldmiðil landsins?

En svo segir í lögum um ráðherraábyrgð:

 2. gr. Ráðherra má krefja ábyrgðar samkvæmt því, sem nánar er fyrir mælt í lögum þessum, fyrir sérhver störf eða vanrækt starfa, er hann hefur orðið sekur um, ef málið er svo vaxið, að hann hefur annaðhvort af ásetningi eða stórkostlegu hirðuleysi farið í bága við stjórnarskrá lýðveldisins, önnur landslög eða að öðru leyti stofnað hagsmunum ríkisins í fyrirsjáanlega hættu.

Eða hér:

10. gr. Loks verður ráðherra sekur eftir lögum þessum:
a. ef hann misbeitir stórlega valdi sínu, enda þótt hann hafi ekki beinlínis farið út fyrir embættistakmörk sín;
b. ef hann framkvæmir nokkuð eða veldur því, að framkvæmt sé nokkuð, er stofnar heill ríkisins í fyrirsjáanlega hættu, þótt ekki sé framkvæmd þess sérstaklega bönnuð í lögum, svo og ef hann lætur farast fyrir að framkvæma nokkuð það, er afstýrt gat slíkri hættu, eða veldur því, að slík framkvæmd ferst fyrir.

Ég hefði haldið að það væri eitt af brýnustu verkefnum forsvarsmanna landsins að verja efnahag landsins.  Með þessari yfirlýsingu í erlendum fjölmiðli tel ég að viðkomandi ráðherra hafi skapað erfiðleika fyrir land og þjóð.  Þó það sé hennar prívat ósk að komast í ESB, þá er það alveg skýrt að landsmenn í meirihluta eru þar á öndverðum meiði.

Undir það fellur liður a. í gr. 10 og svo gr. b einnig. 

[Bjarni Gunnlaugur (IP-tala skráð) 2.10.2012 kl. 13:00]

Fróðleg mynd um elskuna hana Söru Palin um daginn í sjónvarpinu.  Þeir höfðu ekki við að  mata hana á því sem hún átti  og átti ekki að segja.  Þær eru að verða margar, karlkyns og kvenkyns Sörurnar við öll þessi ráðherraskifti!

[Bjarni Gunnlaugur (IP-tala skráð) 2.10.2012 kl. 13:12]

Katrín segir í viðbloggaðri frétt

"“We need to better explain the environment for investments to better facilitate growth,” said Juliusdottir. “On the one hand, that demands an overhaul of the legal framework and on the other that we clarify what type of investments we prioritize and seek actively.”

"Overhaul of the legal framework"   Já alveg rétt,lög og reglur þvælast bara fyrir fjárfestingunum. 2007 lengi lifi ;-(            Eru nokkuð sömu embættismennirnir að tala í gegnum fjármálaráðherra og gripu nýfrjálshyggjutrúna fyrir hrun?

[Ásthildur Cesil Þórðardóttir, 2.10.2012 kl. 13:20]

Þetta er einmitt manneskjan sem (Leiðbeindi) kanatísku skúffufyrirtækinu Magma að eignast HS að hluta til.  Þessi manneskja á að víkja úr embætti umsvifalaust.  Klóförin hennar eru líka á Núbó málinu ef ég man rétt.

[Ásthildur Cesil Þórðardóttir, 2.10.2012 kl. 13:21]

Kanadísku átti þetta nú að vera.  En ef til vill er til einhver Kanatíska, allavega vilja ungis sjallar fá Kanadadollar

[Jóhann Elíasson, 2.10.2012 kl. 13:24]

Aldrei hefði maður getað trúað því að óreyndu, að Fjármálaráðherra nokkurs ríkis ynni svona á móti gjaldmiðli lands síns...

[Ásthildur Cesil Þórðardóttir, 2.10.2012 kl. 13:29]

Nei einmitt og á ekki að komast upp með það heldur. 

[Ásthildur Cesil Þórðardóttir, 2.10.2012 kl. 14:05]

Hér er góð grein frá Frosta Sigurjónssonar um þetta mál: http://www.mbl.is/vidskipti/pistlar/frostisig/1260462/ Það er líklegra en ekki að þessi ummæli hafi skaðað Ísland og íslenskt starfsumhverfi.

[Ásdís Sigurðardóttir, 2.10.2012 kl. 14:52]

........og svo kennum við sjálfstæðisflokknum um allt, þessir fjórflokkar eru allir eins.

[Skúli (IP-tala skráð) 2.10.2012 kl. 14:55]

Hún er reyndar ekki að taka við embættinu aftur, hún var iðnaðarráðherra áður en hún fór í fæðingarorlof og Oddný og Steingrímur voru fjármálaráðherrar á undan henni

[Ásthildur Cesil Þórðardóttir, 2.10.2012 kl. 15:06]

Já mikið rétt hjá þér Skúli.  En það afsakar ekki svona mistök. 

Já einmitt Ásdís hann er ágætur til þess brúks hehe..

[Ásdís Sigurðardóttir, 2.10.2012 kl. 15:10]

EINMITT :)

[Smári (IP-tala skráð) 2.10.2012 kl. 15:13]

Ásthildur  mer finnst þú frábær að koma fram með þetta mikilvæga mál og gefa tóninn með að tala hreint út eins og þín er von og vísa.

Það hefur lengi verið vitað að leynt og ljóst markmið stjórnarflokkanna hefur verið að koma Evru hér inn sem gjaldmiðli.

Þaessi harkalega og grímulausa árás á gjaldmiðilinn okkar á erlendum vettvangi er merkilegt útspil.

Og gæti manni helst dottið í hug að krónan hafi verið komin að hátt upp sem vel standandi gjaldmiðill að ekki hafi verið tök á að falsa það eða leyna því lengur.

Og eina ráðið að fara í duglega útrás á sjálfri Bloomberg.Minna mátti nú ekki gagn gera.

Það er mikill munur á málflutningi forsetans þagar hann hefur komið fram fyrir hönd þjóðarinnar á Bloomberg .

[Hilmar Hafsteinsson (IP-tala skráð) 2.10.2012 kl. 15:39]

... Fyrsti dagurinn í embætti fjármálaráðherra!

[Ásthildur Cesil Þórðardóttir, 2.10.2012 kl. 16:45]

Takk fyrir þetta innlegg Smári.  Já mér er stórlega misboðið af þessu útspili nýs fjármálaráðherra.  Ótrúlega ósmekklegt er það í öllu falli.  Og mér finnst sjálfsagt mál að hún fái að heyra það.

Já segðu Hilmar, hvernig verður svo restin á ferlinum?

[Árni Gunnarsson, 2.10.2012 kl. 17:10]

Um konubjálfan hæfir kannski hið fornkveðna: "Ill var þín fyrsta ganga!"

Samfylkingin mun ná mörgum afglöpum inn á Alþingi í næstu kosningum.

Því veldur áfergja allmargra kjósenda í ESB sveskjugrautinn sem þeir halda að sé betri öðrum grautum.

Margir gamlir kratar eiga fjölda afkomenda sem þeir vilja koma í vel launuð störf.

Aðalmálið er bara að sleppa þessu fólki ekki inn fyrir dyr í Stjórnarráðinu.

[Árni Gunnarsson, 2.10.2012 kl. 17:15]

Hér ætlaði ég auðvitað að nefna konubjálfann en ekki k...bjálfan.

[Ásthildur Cesil Þórðardóttir, 2.10.2012 kl. 17:43]

Sammála því að ég vona að sem fæstir í þessum stjórnmálaflokki fái inngöngu í Alþingi, þeir sem vilja teyma þjóðina með öllum tiltækum ráðum inn í ESB ættu að sjá sóma sinn í að vanvirða alþingi ekki með inngöngu sinni þangað. 

[Anna Benkovic Mikaelsdóttir, 2.10.2012 kl. 18:04]

Ég tel ráðherra segja satt.

[Eyjólfur Jónsson, 2.10.2012 kl. 18:52]

Ásthildur, þú settir að stað skiðu! Og það er kominn tími til að hleypa af stað skriðu almennings í alvöru og þá meina ég ekki pottaglamur, heldur úthreinsun eins og er gert á hundum. Hún Núbólína er í stjórn af því að hún lætur að stjórn og er orðin valdablind og siðblind eins og Jóhanna og Steingrímur. Stjórnarskráin okkar er þverbrotin daglega. Enginn sleppur.

[jóhanna (IP-tala skráð) 2.10.2012 kl. 18:52]

Anna B. Mikaelsd. 'Eg segi nú eins og "Krissi bróðir" Mikil er trú þín kona!

[Eyjólfur Jónsson, 2.10.2012 kl. 18:55]

Og Anna Benkovic er ekki til

[Agla (IP-tala skráð) 2.10.2012 kl. 19:52]

Þesi grein á Bloomberg var skrifuð af Ómari R. Valdimarssyni, sem er væntanlega með allt sitt á hreinu og fer með rétt mál.

Getur stjórnarandstaðan, skv. núverandi lögum, virkilega  komið ráðherrum úr embætti með því að  samþykkja  vantrausts yfirlýsingu  á Alþingi um  hæfni/"gjörninga" einstaka ráðherra ríkisstjórnarinnar?

[Sigurður Þorsteinsson, 2.10.2012 kl. 20:22]

Er alveg sammála þér Ásthildur. Blaðamaður Blomberg þessi Ómar Valdiimarsson er nú ekki merkilegur pappír. Hugsanlega skástur

rétt áður en honum er sturtað niður.

[Anna Benkovic Mikaelsdóttir, 2.10.2012 kl. 21:37]

Vil samt taka fram að ég er ekki sammála Katrínu ráðherra þegar hún segir að einungis evran sé kostur í stöðunni, þótt krónan sé svo sannarlega búin að segja sitt seinasta.

Ég á mér draum um sam-norræna mynt.

Ég tel kanada-dollar góðan kost fyrir Ísland, sérstaklega ef Færeyjar og Grænland taka þá mynt einnig upp.

Að lokum vil ég samt minna á hugmynd Lilju Móses um Ný-krónuna. Hún gæti tekið við þeirri gömlu, en er varla framtíðarkostur...og þó?

[Helgi Jonsson (IP-tala skráð) 3.10.2012 kl. 15:55]

Og til að kóróna allt þetta rugl hjá ykkur þá er ég viss um að þið munið öll storma á kjörstað í vor og kjósa Bjartsýna flokkin og hanns hóflegu þjóðernisstefnu...ekki satt..??

[Hjördís Vilhjálmsdóttir, 4.10.2012 kl. 23:14]

Sammála Ásthildur mín, það ætti að varða þjóðaröryggi að gjaldfella svona krónuna okkar, svona tala engir í framvarðasveitum nokkurra landa. Hún passar ekki í jobbið.

Heldur hún svo að þetta muni hjálpa til við að aflétta höftunum ? Til þess þarf að auka tiltrú á krónuna. En þó þjóðin yrðir gjaldþrota með stæl , og allt verðlaust hér, þá mun það engar afleiðingar hafa fyrir hana persónulega, frekar en fyrri daginn þegar ráðamenn gera eitthvað af sér. Þó þeir séu dregnir fyrir dóm, eru þeir nánast sýknaðir. Vona að Jóhanna hætti við að láta hana í þetta ráðuneyti, ef það er hægt. Þó margir hér á landi hafi ekki trú á blessaðri krónununni, á ráðherra ekki að gaspra svona við Bloomberg, og ekki einu sinni yfir kaffibolla heima hjá sér !!!

[Ásthildur Cesil Þórðardóttir, 5.10.2012 kl. 10:25]

Einmitt, það er alveg ljóst að þó við vildum gætum við ekki skipt um gjaldmiðil strax það er viðurkennt að muni taka nokkur ár, og hvað ætlar þessi bráðþroska kona að gera á meðan?  Hún ætti alvarlega að hugsa áður en hún lætur plata sig í viðtöl erlendis og gasprar svona af fullkomnu kæruleysi.  Já tek líka undir þetta með kaffibollann