Ég hef verið að velta mér upp úr þessu Skýrr máli og fundið minn sannleika í því, tek það fram að það er einungis um mitt prívat mat að gera.

Ég er að hugsa um að fara í mína smá rannsóknarvinnu í huganum um þetta stærsta mál í dag, nota litlu gráu sellurnar rétt eins og Poiroit hennar Agötu.

Ef við förum aftur í byrjunina þegar ákveðið var að setja upp nýtt tölvukerfi, þá komu tveir aðilar til greina, Nýherji og Skýrr.  þegar málin eru skoðuð þá voru menn þarna innanborðs sem höfðu unnið í Skýrr um lengri eða skemmri tíma og voru involveraðir í það fyrirtæki.  Það var að mínu mati þess vegna ákveðið að taka tilboði þess fyrirtækis þó ljóst mætti verða að Nýherji var með betri lausnir.  Ég er viss um að þessa menn gunaði ekki að þetta ætti eftir að ganga svona langt.

Þarna brást Geir og ríkisstjórn hans þjóðinni.  Það var í hans ábyrgð að skoða hvort þessi mál væru í lagi, ef til vill var eitthvað af þessu fólki vel tengt inn í Framsókn eða Sjálfstæðsflokk.  Það kom meira að segja upp sú staða að menn vildu rannsaka þessi mál, en því var hafnað af hverju?

Síðan kemur í ljós að þetta kerfi er ekki að virka, og gefur meira að segja ríkisstjarfsmönnum tækifæri á að grauta í bæði sínum reikningum og annara.  Reikningar eru tví borgaðir og ekkert gert í málinu.

Svo er sett á stofn rannsóknarnefnd.  Af hverju?  Jú ríkisstjórnin og þingið gera sér grein fyrir að þarna er eitthvað sem betur má fara.

Árið 2010 eru Sjálfstæðismenn farnir að hafa áhyggjur af þessu, þegar reikningarnir eru orðnir fjallháir.

Þeir fara að spyrjast fyrir um skýrsluna, en FÁ ENGINN VIÐBRÖGÐ. 

Hvorki þeir né ríkisstjórnin gerir neitt í málinu.  Auðvitað vissu þeir af yfirkeyrslunni.  Það hlýtur að koma fram í ársreikningum bruðlið með fjármálin til þessa kerfis.  Fjármálaráðherra hlýtur að hafa vitað af þessu og margir fleiri.

Svo líður að kosningum.  Ríkisstjórnin sér fram á að tapa stórt.  Yfirlýsingar Jóhönnu og Steingríms um að þau vilji alls ekki starfa með Sjálfstæðisflokknum eru gefnar.

Með þessa vitneskju í farteskinu er ákveðið að koma höggi á Sjáfstæðsflokkinn.  Björn Valur eða Steingrímur fá skyrslunar í hendur, þeir lofa sennilega Sveini griðum og fá skýrsluna í hendur sem skýrir linkuna við að víkja honum og staðfesta hans um að hann segi ekki af sér.

Nú má segja að allir hafi klúðrað þessu máli big time, því það er ljóst að ekki bara er yfirmaður ríkisendurskoðunar, heldur eru bræður hans þarna líka, annar hefur unnið hjá SKýrr og hinn í Fjármálaráðuneytinu. Og þetta eru EKKI TALIN HAGSMUNATENGSL. 

Nú kemur ef til vill ógeðslegasri parturinn af þessu.  Í stað þess að formaður fárlaganefndar fari með skýrsluna beint á fund í Fjárlaganefnd og þau kalli inn á teppið Svein Arason eins og rétt hefði verið að gera.  Kemur Björn skýrslunni til Kastljóss.  Ég var nefnilega að furða mig á hve hann var undirgefinn og alvarlegur, hefur sennilega skammast sín smá. 

Þetta var beinlínis gert til að koma höggi á andstæðinginn.  Sem vissulega hafði klúðað málunum vel og vendilega í þeim spillingafasa sem þeim er eiginlegt.  En allan þennan tíma hafa þeir sem hafa vasast í fjármálum ríkisins vitað af þessu, og ekkert gert.

Þess vegna laug Björn Valur að mínu mati, þegar hann sagði við fréttamann að menn gætu ekki brugðist við einhverju sem þeir  vissu ekki um.  Þess vegna kallaði Vigdís þetta þýfi.

Allt þetta mál er bara ógeðslegt, ég hálf vorkenni karlgreyinu honum Sveini fyrir að þurfa að standa þarna og svara spurningum, hann gerði það þó og þarf kjark til.  Sérstaklega þegar maður þarf að svara fyrir eigin vanrækslu og vanhæfni.  Það verður að virða honum til vorkunnar.

En hitt hvernig sem á það er litið er svo ómerkilegt að engu tali tekur.  Allt þetta fólk frá Sjálfstæðisflokki sem ennþá situr og allir þeir sem hafa verið í ríkisstjórnum síðana eiga skilyrðislaust að taka pokann sinn og hætta ef ekki strax þá að sækjast ekki eftir endurkjöri.

Þessi upphæð er nefnilega sú SEM VANTAR TIL TÆKJAKAUPA Á HEILLBRIGÐISSTOFNUNUM LANDSINS.  þessi upphæð sem stjórnvöld hafa kosið að líta framhjá árum saman þó þeim væri vel ljóst í hvað stefndi. 

Síðan á að rifta samningunum við Skýrr, og sekta þá um stórfé, þeir geta svo sem gefið þessa fjárhæð til spítala í tækjakaup ef þeir vilja halda andlitinu. 

En í raun og veru ég hef grun um að svona hafi þetta verið þó ég hafi ekkert fyrir mér í því annað en tilfinninguna og viðbrögðin.  En eru það svona ráðamenn úr öllum flokkum þ.e. fjórflokknum sem við viljum láta sýsla með hagi okkar?  Menn sem eru ekki meira þroskaðir og ábyrgðarfyllri en þetta.  Að geta látið allt danka af því að það er A. óþægilegt.  B. til að nota sem keyri í kosningabaráttu?  Spyr sú sem ekki veit.  

Vil svo að lokum taka fram að ég er mjög ánægð með að Kastljósið skyldi koma þessu til okkar almennings.  Skil reyndar betur af hverju þeir gátu verið svona ákveðnir ef sterkir aðilar stóðu að baki "Lekanum". 

Og ég bið þá að hugsa um það ef slíkur leki kemur frá almenningi að þeir verði jafn frábærir í að koma því til skila til þjóðarinnar. 

Við erum nefnilega alltaf að vonast eftir betra og heilbrigðara Íslandi.  Og þess  vegna er ágætt að hafa í huga að heildardæmið er ekki bara að hengja Formann ríkisendurskoðunar heldur er þetta ferli af vanhæfni, spillingu og kosningabaráttu og allt þar á milli. 

Eigið góðan dag.

Athugasemdir

[Níels A. Ársælsson., 26.9.2012 kl. 12:59]

Ekki er það að sjá á skrifum Sjallanna að þeir séu neitt að skammast sín og þeir hinir sömu ætli ótrauðir að halda áfram í pólitík.

Styrmir Gunnarsson skrifar gamanmál í Morgunblaðið nýlega og lætur eftirfarandi flakka óhikað.

"En nú hefur ný kynslóð Vestfirðinga tekið við. Einar K. Guðfinnsson orðin einn helzti pólitíski forystumaður Vestfirðinga og vel undir það búinn. Honum er að berast liðsauki með mönnum eins og Ásmundi Einari".

[Ásthildur Cesil Þórðardóttir, 26.9.2012 kl. 13:02]

Ha? Er Ásmundur á leið inn í Sjálfstæðisflokkinn?  Hélt að hann hefði farið í Framsókn Þetta sýnir okkur bara eitt Framsókn og Sjálfstæðismenn eru búnir að ákveða bak við tjöldin að ætla saman í ríkisstjórn.  Eins gott að hafa það bak við eyrað.

[Jóhann Elíasson, 26.9.2012 kl. 13:03]

Var Geir Fjármálaráðherra þarna eða Árni Matt ég bara man það ekki en auðvitað hefði Fjármálaráðherra átt að ganga í málið því mikilvægi þess er óumdeilt þegar um er að ræða nýtt FJÁRHAGSKERFI.  Vandræðagangurinn í sambandi við þetta mál er alveg með ólíkindum.  En það sem slær mig einna mest er að FLESTIR gallar kerfisins hafa verið þekktir MJÖG lengi því er tímasetning umræðunnar svolítið skrítin..............................

[Ásthildur Cesil Þórðardóttir, 26.9.2012 kl. 13:10]

Einmitt Jóhann, það vekur mann til umhugsunar í ljósi kringumstæðna.  'Eg er viss um að tímasetninginn er enginn tilviljun heldur sérsmíðuð flétta.  En menn skulu vitað að við erum ekki fífl, og það hreinsar sig ENGINN AF ÞESSUM STJÓRNARHERRUM AF ÞESSU MÁLI.  Þeir eru allir jafn sekir um vanrækslu sem að þessu komu þennan rúma áratug.

[Ómar Geirsson, 26.9.2012 kl. 13:12]

"Þessi upphæð er nefnilega sú SEM VANTAR TIL TÆKJAKAUPA Á HEILLBRIGÐISSTOFNUNUM LANDSINS.  þessi upphæð sem stjórnvöld hafa kosið að líta framhjá árum saman þó þeim væri vel ljóst í hvað stefndi."

Það eru margar svona upphæðir útí allt í kerfinu og það er mörgu eytt þegjandi og hljóðarlaust vegna þess að það er rekstarkostnaður.  Á sama tíma grotnar heilbrigðiskerfið niður.

En Ásthildur, þar sem þú átt þann draum um Nýtt Ísland, sjálfstætt Ísland, þá ætla ég að benda þér á að Kastljós vinnur fyrir Valdið, og það yfirleitt erlent Vald.

Þessi tímasetning á 10 ára gömlu máli, með þeirri hálfvitalegri umfjöllun að lesa upp úr skýrslu, í stað þess að kanna staðreyndir mála frá fyrstu hendi, var vandlega stýrð.

Og gettu hvað er í húfi, hvaða umræðu Valdið, og þá sérstaklega þetta erlenda vill ekki.

Það eru skýringar á því að Valdið kemst upp með allt frá Hruni.  Nema eitt, ICEsave, þá dugði ekki einu sinni atbeina Kastljós við ljúga fjárkúgun breta á þjóðina.

En Kastljós reyndi.

Ég veit það frá fyrstu hendi, ræddi við landflótta Ungverja sem tók þátt í götubardögum við rússneska skriðdreka í uppreisninni 1956, að menn vitnuðu ekki í Pradva til að efla baráttuandann gegn hinu erlenda Valdi.

Við ættum kannski að íhuga það líka.

Kveðja að austan.

[Ásthildur Cesil Þórðardóttir, 26.9.2012 kl. 13:19]

Já ég segi það nú eiginlega í færslunni Ómar, þessu var "lekið" til Kastljóss af Birni Val eða einhverjum öðrum nánum Steingrími.  Og Kastljós fór í þetta mál eins og ætlast var til.  En það er samt gott að þetta mál komst upp.  Og fyrir það ber að þakka.  Hins vegar verður að benda á hina söguna þarna á bak við.  þ.e. nefnilega nokkuð ljóst hverjir stóðu að lekanum, það kemur beinlínis í ljós þegar ljóst var að Björn Valur hafði skýrsluna undir höndum.  Við þurfum ekki frekar vitnanna við með það. 

[DoctorE (IP-tala skráð) 26.9.2012 kl. 14:31]

Þetta mun engu breyta.. sauðblindur almúginn mun fara og kjósa yfir sig 4flokkinn aftur, mjög líklega spilltasta flokkinn, sjálfstæðisflokk.
Ég skora á alla að gefa 4flokk 100% frí, þeir sem gera það ekki eiga skilið allt ruglið sem fylgir þessum flokkum

[Ásthildur Cesil Þórðardóttir, 26.9.2012 kl. 14:41]

Já svo sannarlega.

[K.H.S., 26.9.2012 kl. 15:05]

Var ekki einhver smámunur líka á verðinu. Litlar 600 milljónir. Þótt annað kerfið sé sagt hrátt þá var það nú samt í gangi hjá Borginni.

Ekki réttlætir það samt þetta rugl allt , fjarri því.

[Ásthildur Cesil Þórðardóttir, 26.9.2012 kl. 15:20]

Nei KHS þar hefurðu rétt fyrir þér, það er ekkert sem réttlætir þessa og það þarf að grípa strax til ákveðinna aðgerða að hálfu ríkisins.

[Vilhjálmur Stefánsson, 26.9.2012 kl. 15:48]

Níels. það er enginn fengur fyrir Vestfirði að hafa Einar K Guðfinnsson sem þingmann,mann sem er fæddur og fóðraður með gullskeið og hann og hans ætt hefur alltaf litið niður á hinn vinnandi mann.Vestfiðingar eiga betra skylið en að hafa þingmenn sem eru á þingi eingöngu fyrir sjálfansig.

[Ásthildur Cesil Þórðardóttir, 26.9.2012 kl. 16:10]

Held að þetta hafi átt að vera kaldhæðni Vilhjálmu, Niels veit manna best hvernig þessi maður hagaði sér þegar hann var formaður sjávarútvegnefndar og hafði sögulegt tækifæri til að vinna með smábátasjómönnum um landið, og hafði reyndar lofað því fyrir fullu húsi í íþróttahúsinu á Ísafirði. 

[Láki (IP-tala skráð) 26.9.2012 kl. 19:25]

Hver sem kom skýrslunni til Kastljóss er hetja í mínum augum. Algjör Hrói Höttur !

Við skulum líka átta okkur á því að svona mál munu aldrei komast upp á yfirborðið þegar Sjálfstæðisflokkurinn og Framsókn komast aftur til valda. ALDREI.

[Ásthildur Cesil Þórðardóttir, 26.9.2012 kl. 20:09]

Reyndar er það rét Láki, þess vegna þurfum við að treysta nýjum framboðum en ekki kjósa fjórflokkinn yfir okkur aftur ennþá einu sinni.

[Vilhjálmur Stefánsson, 26.9.2012 kl. 20:24]

Hvern andskotan á þá að kjósa???????

[Ásthildur Cesil Þórðardóttir, 26.9.2012 kl. 20:25]

Ég mun sennilega kjósa Dögun, þekki fullt af góðu fólki þar innanborðs. En gef mér samt tíma til að skoða málin nánar, eins og er hallast ég að því samstarfi. 

[Ómar Gíslason, 26.9.2012 kl. 23:13]

Ég held nú að RÚV geti tekið til í sínu eigin rassi, þeir gleyma nú að skila bílaleigubílum og láta hann standa á planinu í 5 daga. Þar sem þetta var jeppi þá má ætla að pr. dagur væri 250.000. Ekki getur bókhaldskerfið séð þetta. Ég hef nú fengið frá ríkinu tvígreitt, í því tilfelli voru það mistök hjá þeirri stofnun sem reikningurinn var stýlaður á og bókhaldskerfið kom þar hvergi nærri. Hins vegar ef þú færð tvígreitt frá fyrirtæki eða stofnun og notar auka greiðsluna fyrir þig þá er hæstaréttardómur um það að þú ferð í steininn. 

Fyrir nokkrum árum keypti ég bókhaldskerfi fyrir fyrirtækið á X krónur. Það skemmtilega við að kaupa það að á hverju ári greiði ég 50% á upphaflegu kaupverði í uppfærslu á kerfinu. Og hlægilega við það að ég hef aðeins einu sinni uppfært það, það vera þegar vaskurinn breytist.

Þegar þessir fréttamenn tala um það að kerfið er stórgallað og ætti bara að taka upp hellst annað þá vil ég bara minna á það að þegar XP stýrikerfið var hætt að uppfæra hjá Microsoft, þá var eftir að gera við 37000 villur sem þeir vissu af.

Fyrri mér er þetta bara enn eitt leikrit frá þessari ríkisstjórn til að við förum ekki að fjalla um fjárlögin!