Fljótavík.

Það var algjört logn og blíða þegar við sigldum til Fljótavíkur.

Afi og Davíð Elías um borð.

Siglt fyrir Ritinn.

Arnar Milos alvörugefinn að sjá.

Og Ásthildur var voða stillt í bátnum líka.

Séð inn í Fljótavíkina.

Svo þarf að fara í land á sodiak. Litlir stubbar voru dálítið þreyttir en samt forvitnir.

Hér er öryggið alltaf sett á oddinn og allir í björgunarvestum. Þetta er voða spennandi.

Þetta gekk afar vel.

Við þurfum að ganga dálítinn spöl, en hér er smábíll og kerra sem flytja farangurinn, hér fer Arnar úr stígvélunum, hann hljóp nefnilega á harðaspretti yfir ána og blotnaði.

Hún var svo þreytt að hún fékk að sitja í smástund.

Og loks komin á áfangastað, það þurfti samt að fara fleiri ferðir því við vorum svo mörg.

Og sólin skein þó kvöldið væri nærri.

Gott að fá sér smákvöldverð.

Það var glampandi sól mest allann tímann.

Fánin blakti varla, og kvöldsólin litað allt bleikt.

Séð yfir vatnið.

Og máninn brosti fullur.

Þá var að koma öllu dótinu fyrir, mat og fatnaði og því sem við átti að éta.

Blautbúningar eru nauðsynlegir hér, og auðvitað þarf að skola sandinn af með vatnsslöngu utanhúss.

Já vatnið er ómótstæðilegt mínum börnum.

Stóru krakkarnir voru duglegir við að hjálpa þeim minni.

Það er mikið spilað í Fljótavíkinni á kvöldin.

Svo þurfa veiðimennirnir að brýna kutana. (veiðihnífana)

Hvað ungur nemur gamall temur.

Svo þarf að gera að veiðinni, mæla og skrá allt niður í veiðibækur.

Já Atli mælir. Börnin mín læra af þessum eldri bæði handtökin og hefðirnar og þau munu viðhalda því sem þau hafa lært, og þegar þau koma hingað með sín barnabörn þá vita þau að það þarf að kenna þeim réttu handtökin og hugsunina.

Svo er flakað og gert að. Sumir fiskarnir verða grafnir aðrir steiktir að Fljótavíkursið.

Ég er afar ánægð með að Bjössi er með, því annars kæmi það í minn hlut að flaka

Það þarf ekki bara að læra að beita veiðistöng og hníf, það þarf líka að læra að höggva í eldinn, Úlfur kenndi Daníel þessi handbrögð sem pabbi hans kenndi honum.

Hér má fá smánammi og snakk á kvöldin, af því að hér má næstum allt.

Og svo er leikið sér í kvöldhúminu.

Hahaha skemmtilegt.

Sæt saman

Þessi stubbur festist yfirleitt ekki á mynd.

En þetta er bara rosastuð.

Og hér er verið að hnýta flugur. Atli frændi gaf Úlfi og afa hans fluguhnýtingasett með öllum græjum, og þeir bjuggu til flugur og veiddu heilmikið á þær.

Stóru börnin pössuðu gjarnan þau minni, svona til að foreldrar afar og ömmur fengju smá frið líka.

Það er verið að undirbúa veiðiferð.

Óðinn Freyr að koma frá vatninu.

Sumar veiðistangir þurfti að yfirfara, þá var gott að hafa snillinga og gamla skáta til að aðstoða, því skáti er alltaf viðbúinn.

Það er að mörgu að hyggja í svona útilegu.

Og eins gott að fara varlega því stundum setur maður öngulinn í eitthvað annað en fisk og þá þarf aftur að fá smáhjálp.

En þá eru þessir tveir að verða klárir í Reiðánna.

Aðrir vilja bara hafa það notalegt heima.

Hér er verið að tálga. Allir strákar í Noregi fá hníf og læra að tálga. Þeir eru allir verðandi veiðimenn.

En við kveðjum að sinni, með framhald í huga. Eigið góðan dag.

Athugasemdir

[Gréta (IP-tala skráð) 12.8.2012 kl. 17:27]

Æðislegar myndir frænka

[Dísa (IP-tala skráð) 12.8.2012 kl. 17:31]

Meiriháttar myndir hjá þér eins og alltaf. Augsýnilega hefur verið rosagaman hjá ykkur öllum og gaman að læra fyrir þau ungu hvernig á að bjarga sér. Nammið og snakkið er frábært að leyfa við svona sjaldgæfar aðstæður, gaman að eiga minningar um daga þar sem allt mátti . Knús í Kúlu .

[Jóhann Elíasson, 12.8.2012 kl. 17:40]

Rosalega hefur þessi ferð verið skemmtileg og myndirnar hjá þér eru alltaf jafn skemmtilegar.  Hvaða flugur reyndust best í veiðinni???????

[Ásthildur Cesil Þórðardóttir, 12.8.2012 kl. 18:00]

Takk Gréta mín

Já Dísa mín það var alveg óskaplega notalegt og gaman að hafa svona marga unga í kring um sig í heila viku, saknaði reyndar hinna líka.

Jóhann ég þekki ekki svona flugudót eða veiði, en mér heyrðist að þeir væru að ræða um killer eitthvað, röndóttar og skrautlegar sem veiddist mest á.

[Vilhjálmur Stefánsson, 12.8.2012 kl. 23:49]

Mikið þótti mér silungurinn góður úr Vatninu hér í den..Stundum sakna ég Strandana og Djúpsins,það er ekki til fallegri staðir á Landinu..

[Hrönn Sigurðardóttir, 12.8.2012 kl. 23:52]

Yndislegar myndir. Þið eruð heppin að hafa aðgang að svona dýrð ♥

[Ásthildur Cesil Þórðardóttir, 13.8.2012 kl. 00:36]

Sammála þér Vilhjálmur

Já Hrönn mín svo sannarlega erum við heppinn þessi mörgu sem eiga þarna aðgang. 

[Helga Kristjánsdóttir, 13.8.2012 kl. 03:46]

Aðalvík er líklega ekki fjarri,ágætir vinir mínir eiga þar gamalt hús. En ég tók eftir í gróðri fjalls nokkurs líklegu berjalandi. Á þvílíkum stöðum er ekki hægt að teyma mig frá,er því oft áminnt um að drífa mig. Þeim leiðist ekki börnunum í þessu ríki náttúrunnar. Takk fyrir Ásthildur mín.

[Jónína Dúadóttir, 13.8.2012 kl. 07:24]

Yndislegur staður... ofsalega fallegt... og gott að vera með góðu fólki... takk fyrir þetta

[Kidda, 13.8.2012 kl. 10:14]

Þið eruð lánsöm að hafa aðgang að himmnaríki. Krakkarnir munu alla tíð minnast hve gaman það er að vera þarna og vonandi fara þau með sín barnabörn í sæluna þarna.

Knús í kúlu

[Högni Snær Hauksson, 13.8.2012 kl. 10:39]

Ég er svo heppin að ég hef einu sinni komið þarna og því gleymi ég aldrei, frábær staður, þangað fer ég aftur einhverntíman enda kom ég bara þarna við í einn dag og stoppaði stutt.

Högni

[Ásthildur Cesil Þórðardóttir, 13.8.2012 kl. 11:26]

Aðalvík er þar næsta vík við Fljótavík, fyrst er Rekavík.  En Aðalvíkin er stór og skiptist í allavega þrjá kjarna, Látra, Miðvík og Sæból.  Þar var mikil byggð sérstaklega á Látrum á uppgangstímum breska hersins.

Já Jónína mín Allt saman satt og rétt.

Já svo sannarlega Kidda mín. Knús á móti.

Högni það þarf smátíma til að falla í ró, þess vegna finnst mér vika lágmark, til að virkilega njóta þess að vera þarna.