Stríð.. eða friður.

Enn um þennan Nupo eða hvað hann nú heitir sá ágæti maður.  Ég held að þetta sé búið spil hjá honum, rétt eins og önnur klúður "Klúðurklíkunnar".   Venjulegt fólk sér hversu arfavitlaust þetta mál er.  En Össur og hirðin í kring um hann, til dæmis svilinn og sveitastjórnarmenn norðan heiða halda virkilega að þetta sé þeirra stóra "break through" eða þannig, og eru reyndar til athlægis venjulegu fólki á Íslandi.  Þeir eru greinilega með einhverja evruglýju í augunum og sjá ekki hversu fáránleg þessi staða er í raun og veru. 

Tvívegis hefur mér vitanlega spegillinn fjallað um mál kínverjans, og þar hefur Sigrún Davíðsdóttir skoðað þessi mál, og henni og rúv til sóma.  Þegar málið er skoðað þá stendur ekki steinn yfir steini í þessu máli.

http://eyjan.pressan.is/frettir/2012/07/24/huang-nubo-margsaga-um-fyriraetlanir-sinar-fyrirtaeki-sem-er-sagt-annast-markadssetningu-segir-engan-samning-til/

Hann er margsaga og fyrirtæki sem hann kallar til, kannast ekki við neitt.  Hversu trúverðugt er það?

En nei áfram skal haldið.  Gefin út leyfi án þess að kannað hafi verið til hlítar hvað þar er í boði, og ekki fengnir til  skoðunar pappírar til staðfestingar á trúverðugleika.  Eru viðkomandi stjórnvöld algjörir asnar sem bera ekki skynbragð á alvöru málsins, eða er þetta fólk algjörlega með þessa glýju í augunum að þau sjái ekki hversu arfavitlaust þetta mál er frá A til Ö?

Nei ég hef eiginlega ekki trú á því.  Ég held því að þetta mál sé búið, Nupo er sennilega heldur ekki sérlega vel gefinn með allar sínar yfirlýsingar og ummæli sem auðvelt er að hrekja.  Von að hann haldi að við séum öll rolur og hræddir vesalingar við stóra sterka manninn, þar sem hann umgengst aðallega kredsið kring um Össur og Steingrím J. Ef fólk vill virkilega láta taka sig alvarlega þá kastar það ekki til höndum í svona máli.  Heldur mun halda sig við regluverk og skoða og spá í hvað þarna er á ferðinni.

En mikið er ég orðin þreytt á þessum ráðamönnum sem ég treysti ekki til að verja Ísland og íslendinga.  Mikið er ég þreytt á að vera sífellt með áhyggjur af því að þeir séu að laumast með sjálfstæði okkar til Brussel, og jafnvel Kína ef ekki vill betur. 

Mikið er ég orðin langþreytt á því að vakna með hnút í maganum yfir hvað þetta fólk hefur gert af sér í samskiptum við ágjarna útlendinga, sem ásælast bæði auðlindir og ekki síður land og staðsetningu Íslands. Þau eru eins og börn í samskiptum við auðvaldið útlenska og skilja ekki að það er verið að gambla með land og mið.  Hér þurfa að verða umskipti, og þá þannig að við fáum annað hvort utanþingsstjórn, eða kosningar með þeirri tryggingu að fjórflokkurinn standi utan við kjötkatlana næsta kjörtímabil og miklu lengur.  Þau standa saman að því að leika póker sín á milli með okkur landsmenn og okkar auðlindir.  Sem er algjörlega óþolandi.  Segi og skrifa.

Jamm og svo er nú þetta: http://eyjan.pressan.is/frettir/2012/07/24/sveitarstjornir-vilja-ad-langanes-keppi-vid-suez-serstakt-ad-markadssetja-eignir-an-vilja-eigenda/

Litlu kisurnar mína hafa opnað augun sín.

Sennilega sjá þær ekki mikið, en fyrst og fremst er að opna augun og skoða hvað er að gerast í kring um okkur.

Laufey mín, bloggvinkona og vinur til margra ára kom í heimsókn í dag og fékk kirsuber eins og ég hafði lofað henni.

Nýkomin frá Harlem með flotta hárgreiðslu og borðandi kirsuber í sólinni á Ísafirði, hversu gott getur lífið eiginlega orðið?

Hingað kom líka í dag yndælis kona frá suður Frakklandi sem er rithöfundur og ljósmyndari, hún var að taka myndir í næstu bók sína sem verður um Ísland.  Mariella og talar þessa fínu íslensku.

Pollurinn á Ísafirði iðar.. sennilega af makríl, sem er auðvitað ekki til, og alls ekki í íslenskri lögsögu.

En eitthvað var allt þetta fólk að veiða allavega. Nei sennilega ekki makríl, því írar segja að hann sé ekki hér.

Og sólin glampar á fjallatindum.

Ég las í BB í dag að það ætti að bjóða snjóflóðavarnarveggin út í Janúar eða febrúar á næsta ári, það er svaka skemmtilegt að lesa svona í Bæjarins Besta, enda er ég orðin vön því. Þeir voru svo spurðir um uppkaupin á húsunum tveimur mínum og Dodda, og fengu það svar að það væri í vinnslu.

Ef ég má ráða skal þetta aldrei verða. Þeir eru að véla um mitt líf og ævistarf. yfir 30 ára uppbyggingu trjáræktar og draumahúss. Og í hvert sinn sem ég les svona yfirlýsingar þyrmir yfir mig og ég fer algjörlega ofan í kjallara. Heldur þetta fólk virkilega að við sem búum við þetta taki það ekki nærri okkur að vita ekkert hvað gerist og að það sé verið að véla um líf okkar og ævistarf.

Ég vil þetta ekki, samþykki þetta ekki og skal berjast til síðasta blóðdropa til að þetta nái ekki fram að ganga.

Athugasemdir

[Anna Benkovic Mikaelsdóttir, 25.7.2012 kl. 02:51]

flottar myndir :-) Eg minnist flottu móttökunnar okkar Tomasar 2009, manstu? Úlfur tók Tomas litla svo að sér.

Allavega, vildi ég benda á þessa snilldargrein!

http://blog.pressan.is/larahanna/

[Ásthildur Cesil Þórðardóttir, 25.7.2012 kl. 10:19]

Já ég man vel eftir því Anna mín

Takk fyrir ábendinguna.

[Kidda, 25.7.2012 kl. 11:17]

Ég sem var að vona að þessi veggur hefði verið blásinn af :( Ætla rétt að vona að það verði aldrei af þessum framkvæmdum í óþökk íbúa. Skil ekki hvernig hægt er að fara í svona framkvæmdir án þess að taka tillit til íbúa og þess sem íbúar hafa gert.

Að fólk skuli þurfa að lesa um svona í fjölmiðlum er ekki í lagi og sýnir yfirganginn í bæjaryfirvöldum á Ísafirði. Eru nokkuð verktakar eða skyldir í bæjarstjórn á Ísafirði? Að eyða fjármunum í einhvern vegg til að koma í veg fyrir flóð sem kannski einhvern tímann myndu falla er ekki í lagi. En það er í lagi að gera vegg þar sem þörf er á honum. Það hefur ekki fallið flóð á þessum stað svo að það er óskiljanlegt af hverju það eigi að reisa vegg þarna og fórna skóginum og reka fólk úr húsum sínum. Ætla þeir ekki líka að taka af lóðinni hjá gróðurstöðinni líka?

Stend með ykkur hundrað prósent í þessarri baráttu sem framundan er.

[Anna Sigríður Guðmundsdóttir, 25.7.2012 kl. 11:51]

Áshildur mín. Takk fyrir þennan góða pistil, sem ég er innilega sammála.

Og takk fyrir myndirnar, sem létta mér lundina, eins og venjulega.

Ég skil alls ekki hvers vegna þarf að fjarlægja hýbýli og ævistarf fólks, fyrir eitthvert illa rökstutt og ímyndað hættuástand niðurrifsaflanna græðgi-sjúku og mafíustýrðu. Það býr eitthvað óhreint á bak við svona plan og verklag siðlausa og ískalda kerfisins.

Ég styð þig innilega í baráttunni fyrir heimilið og ævistarfið.

M.b. stuðningskveðju,

[Ásthildur Cesil Þórðardóttir, 25.7.2012 kl. 12:19]

Takk Kidda mín.  Það er gott að finna samstöðu fólks.  Ég vona innilega að þetta verði blásið af endanlega, svo ég get farið að vera í friði með mitt líf.

Takk Anna Sigríður mín.  Já það sem virðist liggja þarna á bak við er að útvega verktökum vinnu tímabundið, til að "lyfta undir" atvinnuástandið, á kostnað allra hinna, því verktakavinnan er ekkert sjálfgefinn að verð unninn af heimamönnum, reyndar eru þeir flestir farnir á hausinn sem geta unnið svona stór verk, þannig að tímabundna verktakavinnan er ekki á borði ísfirðinga sjálfra, heldur einhverjir draumar forystumanna samfélagsins.

[Kristján B Kristinsson (IP-tala skráð) 25.7.2012 kl. 17:03]

Er Nubo kannski Kínversk útgáfa af Garðari Hólm?

[Ásthildur Cesil Þórðardóttir, 25.7.2012 kl. 18:58]

Það gæti svo sem vel verið Kristján, en hann er sennilega gerður út af kínverska kommúnstaflokknum og er því töluvert hættulegri en Garðar stórsöngvari.

[Anna Sigríður Guðmundsdóttir, 25.7.2012 kl. 19:12]

Já Áshildur, það var einmitt þetta sem ég sá út úr þessu klikkaða og órökstudda plani. Svikulir stórveldis-verktakar eru meira metnir heldur en hornseinar samfélagsins, sem eru fjölskyldurnar heimilin og heiðarlegt og eðlilegt ævistarf.

Vertakamafían hefur því miður unnið að því, bæði fyrr og síðar, að eyðileggja möguleika heiðarlegra verktaka í heimabyggð og heimalandi.

Nú dreifir Nubo glópagullinu til glysgjarnra innherja-valdhafa, en aðrir sáu um slíkt hér áður fyrr. Það kemur maður (útsendari) í manns stað.

Ég hef ekki neitt á móti Kínverjum, en ég er á móti svona "sterkum" og "stórum" "viðskipta"-strákum, eins og Nubo-drengurinn er látinn lýsa sjálfum sér vítt og breitt um veröldina. Við Íslandsbúar höfum væntanlega fengið nóg af slíkum "hetjum" heims-fjármagnsins falsaða.

M.b.kv.

[Ásthildur Cesil Þórðardóttir, 25.7.2012 kl. 19:34]

Sammála Anna Sigríður, eins og út úr mínu hjarta talað.

[Erla Magna Alexandersdóttir, 25.7.2012 kl. 20:39]

kínverjar eru í vanda með landsvæði og þeir vilja í krafti auðs ásælast ríki kringum  Norður Íshafið.

 Þetta sjá allir og þeir sem þikast ekki sjá eru bara að selja landið.

 Sjáið Færeiinga- þeir sögðu bara  NEI ! og þar virðast engar krókaleiðir kring um lög landsins.

kv. EA

[Ásthildur Cesil Þórðardóttir, 25.7.2012 kl. 23:55]

Já segðu! hvert mannsbarn sæmilega vitiborði sér þetta, en ekki sumir stjórmála menn og nokkrir sveitastjórar norðan heiða.

[Laufey B Waage, 27.7.2012 kl. 08:58]

Ástarþekkir fyrir síðast. Þetta var frábær stund. Og kirsuberin voru æði (súr hvað?).

[Ásthildur Cesil Þórðardóttir, 27.7.2012 kl. 09:19]

Takk sömuleiðis Laufey mín já þau voru allavega afar falleg á litinn Gaman að hitta þig... alltaf.

[Kidda, 28.7.2012 kl. 09:31]

Landráðamenn, er það ekki rétt heiti yfir suma :(

[Ásthildur Cesil Þórðardóttir, 28.7.2012 kl. 12:53]

Það er það algjörlega að mínu mati.  Þegar fólk vill laumst kring um lög til að selja útlendingum íslensk öræfi þá er eitthvað að.

[Magnús Geir Guðmundsson, 30.7.2012 kl. 14:40]

hverjir eru að laumast kringum lög til að geta selt jörðina Grímstaði á Fjöllum frú Ásthildur?

[Ásthildur Cesil Þórðardóttir, 30.7.2012 kl. 14:43]

Það er vitað að það var farið í kring um hlutina, eins og sést af því sem nú er að koma upp að ívilnunarnefndin kynnti sér ekki alla söguna, og það var farið á hundavaði yfir alla hluti.  Enda er Samfylkingin á kafi í að aðstoða kínverjan við að komast yfir landið.  Lestu bara bloggið hennar Láru Hönnu hún hefur grafið upp ansi margt sem bendir til óheiðarleika í þessu máli öllu. 

[Magnús Geir Guðmundsson, 30.7.2012 kl. 18:21]

Ásthildur mín, ég spurði nú bara einfaldrar spurningar í tengslum við orð þín í athugasendinni að ofan, hverjir væru að selja nefnda jörð (og raunar aðeins hluta hennar) og hvernig væru viðkomandi að gera það með óeðlilegum hætti?

[Ásthildur Cesil Þórðardóttir, 30.7.2012 kl. 20:04]

Já og ég svaraði þér með því að lesa það sem Lára Hanna skrifar.  Það er allt þarna blekkingarnar og allt undir teppinu, ef þú vilt ekki sjá þetta, þá er það bara fyrir þig. 

[Magnús Geir Guðmundsson, 30.7.2012 kl. 21:14]

Einmitt mín kæra, L'ara Hanna vinkona mín á svarið við spurningunni sem ég er að beina til ÞÍN vegna ÞINNA EIGIN orða En það er með þetta eins og svo margt sem þú og margir aðrir eru að setja fram, órökstutt, óraunhæft og fyrst og fremst ósattÞeir sem eru að selja jörðina er fólk sem þar á rætur aftur til 19. aldarog þó Lára Hanna hafi nú gengið ansi langt í sínum skrifum, veit ég ekki til þess að hún hafi sett slíka ásökun fram á hendur þess, að það sé að reyna að beita brögðum við að selja!