Alveg dæmigerð lítilsvirðing fyrir gróðri landsins.

Þetta er algjörlega eins og er bara allstaðar í okkar þjóðfélagi.  Gróðurinn er einskis virði.  Það var fyrir nokkrum árum hér á Ísafirði sem átti að segja göngustíg meðfram veginum frá miðbænum inn í fjörð.  Fyrir neðan Miðtún gróðursetti ég fyrir mörgum árum grenitré sem eru orðin stór og stæðileg.  Ég komst svo að því að göngustígurinn átti að fara einmitt þar sem trén stóðu, en ekki fyrir ofan þau, þar sem var nóg plássið.

Ég brást hart við og ræddi bæði við Vegagerðina og tæknideild bæjarins, en þeir vísuðu hvor á annan þeir ágætu forsvarsmenn þar.  Það endaði með að ég fór með þetta í Bæjarins besta og fór mikinn.  Það varð svo til þess að þeir lögðu ekki í að taka trén, heldur lögðu stíginn ofan við trén, með ofurlitlum sveig, sem þeir höfðu ætlað sér að sleppa við.

Í dag eru allir ánægðir með þetta.  En að maður þurfi að standa höggreiddur til að verja gróður í okkar annars gróðursnauða landi er alveg með ólíkindum. 

Skarð rofið í Þjóðhátíðarlundinn án vitneskju borgaryfirvalda

Athugasemdir

[Ásthildur Cesil Þórðardóttir, 16.2.2007 kl. 17:34]

Einmitt maður verður bara svo reiður af að heyra um svona lagað.  Og auðvitað er þetta engum að kenna frekar en fyrri daginn.

[Hildur Margrétardóttir (IP-tala skráð) 16.2.2007 kl. 17:36]

Það sama gerðist hér í Mosfellsbæ, þegar verktakar ruddust inn á verndarsvæði Varmá, rifu upp gróður sem liggur nú meðfram allri framkvæmdinni eins og hráviði.  Líkt og í tilviki Heiðmarkar, þá voru það skilaboð um lögbrotin (framkvæmd verktaka á svæðinu) komið til byggingarfulltrúa sveitafélagsins eftir krókaleiðum, sem kom síðar og stöðvaði jarðytur verktakanna.  (Reyndar má nefna til að Bryndís Schram hafi með frumkvæði sínu komið í veg fyrir enn meiri rask með því að setjast fyrir framan fremstu gröfuna.)

[Anna Benkovic Mikaelsdóttir, 16.2.2007 kl. 18:01]

Já, hvernig getur svona lagað gerst?

[Njörður Lárusson, 16.2.2007 kl. 18:04]

Þrátt fyrir það, að ég sé eindreginn virkjunarsinni, og meðmæltur nýtingu náttúruauðlinda Íslands, þá tek ég heilshugar undir gagnrýni á þessi vinnubrögð.   Verktakar eiga ekki að komast up með það að bjóða lægra og grafa svo allt í tætlur, eins og þeim hentar til þess að hámarka gróða, eða til þess að reyna að ná einhverjum hagnaði út úr undirboði sínu.  Auðvitað geta viðkomandi verktakar auðveldlega gengið frá svæðinu á sómasamlegan hátt, þannig að vart verði séð að hreyft hafi verið við því, en því miður þá gera þeir það sjaldnast, nema að þeir séu neyddir til þess.  Gott mál að vekja athygli á þessu.  Varðandi athugasemd um göngustíg á Ísafirði, þá hefði auðvitað verið hægt að grafa trén varlega upp, og færa þau, en menn halda að það sé of mikið vesen, of dýrt og alger óþarfi.  Plús til þín sem argaðist í þessu.  Þeir færðu stíginn, gátu ekki hugsað sér að þurfa að gróðursetja trén að nýju.   Ég hef sjálfur iðulega starfað við framkvæmdir þar sem við einfaldlega grófum trén upp með gröfu, færðum þau annað, og settum þau niður á sama stað að verki loknu.  Þetta tók stuttan tíma, og trén pluma sig fínt, mörgum árum síðar.    Berum virðingu fyrir umhverfinu, með skynsemi, en ekki ofstæki.

[Georg Eiður Arnarson, 16.2.2007 kl. 18:23]

Berum virðingu fyrir umhverfinu,með skynsemi, en ekki ofstæki.Vel orðað alveg sammála kv.Gea

[Ásthildur Cesil Þórðardóttir, 16.2.2007 kl. 19:12]

Já  Hanna Birna min, ég hef lengi þurft að berjast fyrir grænu svæðunum mínum hér.  Og nú á að taka Austurvöll, sem er einn af merkilegri görðum á Íslandi hannaður af Jóni H. Björnssyni þeim mæta manni og er systurgarður Hallargarðsins við Alþingishúsið. 

Alveg rétt Njörður, það kostar lítið að grafa tré upp og gróðursetja þau aftur.  En það þarf samt að gera á réttum tíma.  Og miklu ódýrara að setja smásveig á stíginn.  Og það gerir hann bara vinalegri. 

Já Hildur ég hef fylgst með því sem er að gerast í Mosó. Ég þekki Bryndísi mína ágætlega, hún er kjarnakona og fylgin sér. 

Segi með þér GEA virðing og skynsemi eiga alltaf samleið.

[Ásthildur Cesil Þórðardóttir, 17.2.2007 kl. 00:06]

Takk frænka mín

[Jón Steinar Ragnarsson, 17.2.2007 kl. 00:24]

Þeim reynist oft erfitt að sveigja reglustrikurnar sínar.  Gefðu bæjarverkfræðingi eina úr gúmmíi.

[Ásthildur Cesil Þórðardóttir, 17.2.2007 kl. 11:01]

Góð hugmynd hehehe...

[Gapripill (IP-tala skráð) 18.2.2007 kl. 05:47]

Ég spái því að tími "ruddafenginna og græðgisvæddra verktakastjórnmála" og "stjórnsýslu í skötulíki" (lesist: "aðgerðastjórnmála") líði senn undir lok á ísa köldu landi og að senn taki við betri tíð, með blóm í haga.

Forsíða Fréttablaðsins í dag er skreyttur með hressilegri blaðafyrirsögnum sem sést hefur hér á landi um langan aldur. Þessi framkvæmdastjóri Skógræktarfélags Reykjavíkur kann að koma orðum að hlutunum.

Dæmi:

Helgi segir ljóst að framkvæmdaraðilar hafi "engan rétt til að fara yfir þetta viðkvæma verndarsvæði með jafn ruddalegum og skeytingarlausum hætti". Hann telur til fjölmörg lög sem hann segir að framkvæmdaraðilar hafi "þverbrotið", til dæmis skipulags- og byggingarlög, lög um mat á umhverfisáhrifum, náttúruverndarlög og skógræktarlög.

Helgi lýsir því yfir ánægju sinni með Hönnu Birnu Kristjánsdóttur, skipulagsfulltrúa Reykjavíkur, fyrir að "koma böndum á framkvæmdaaðilann", en hún lýsti framkvæmdirnar óheimilar.

Sjá nánar:

Skógræktarfélagið undirbýr lögsókn (Fréttablaðið, 18/2 2007)

[Ásthildur Cesil Þórðardóttir, 18.2.2007 kl. 17:30]

Já var einmitt að sjá þetta, á eftir að lesa greinina.  Gott mál.  Ég vona að þú hafir rétt fyrir þér Gapripill minn.