Blóm og kettir.

Það er fullt af fólki sem kemur til mín eða hefur samband á annan hátt til að segja mér að þeim finnist gaman að lesa bloggið mitt. Þetta gleður mig ótrúlega mikið, takk mín kæru. 

Það eru auðvitað aðallega myndirnar sem heilla, ég hef verið afskaplega tímabundinn undanfarið, og ekki haft orku í að setja inn myndir.  Hef reyndar skrifað pistla þegar mér hefur algjörlega ofboðið það sem er að gerast.  En svona inn á milli, þá er svo margt fallegt að gerast í kring um okkur og við eigum að meðtaka það og þakka fyrir allt það góða sem er í kring um okkur, læra að meta það sem er uppbyggilegt og ekki taka inn á okkur það sem er erfitt eða neikvætt.  Það þýðir ekki að við tökum ekki afstöðu eða höfum skoðun, en það er einfaldlega spurning um að taka ekki inn á sig neikvæðinina og ruglið, halda haus og huganum og hjartanu í jafnvægi.

Litlu krílin dafna vel, enda sér mamman vel um þau og stundum pabbinn. Þeir eru flottir.

Eins og sjá má hjálpar hann ennþá til með mömmunni að passa og þrífa.

Og Lotta er góð mamma og hugsar vel um afkæmin sín.

En við ákváðum að halda upp á afmælið hans Júlla mín, Sunneva systurdóttir mín elskuleg og Úlfur voru aðal frumkvöðlarnir að því. Úlfur eldaði fiskisúpu sem hann lærði að elda af pabba sínum.

8. júlí var reyndar eini rigningardagurinn á öllu þessu sumri, ég held að það hafi verið a la Júlli að vökva gróðurinn, það var alltaf hann sem sá um vökvun ef ég var ekki heima, svo þetta var hans framlag í vökvun

Við ætluðum að hafa veisluna upp í Bárulundi, sem er gróðursvæði sem var plantað í til heiðurs mömmu minni og Júlli minn átti sinn þátt í því, en svo var ákveðið að halda veisluna í kúlunni, þar sem það var þétt rigning og lítil börn sem voru fljót að bleyta sig ... eins og gengur.

Krakkar okkar systkina eru afar samheldin og góðir vinir, hér eru systurnar Thelma og Heiða Bára dætur Dadda bróður míns.

Hreinn Þórir sonur systur minnar.

Hér eru þau að gæða sér á fiskisúpunni.

Dálítið sterk en rosagóð.

Hér er svo Sunna mín með börnin sín.

Þetta er litla dóttir hennar Auður Lilja að skoða kettlingana.

Þessi mynd er fyrir brottfluttu ísfirðingana mína, hvort þeir kannast ekki við svona kvöldsól.

Hér eru svo anganórarnir, litla Deplan er sennilega lofuð en hinir eru á lausu, nema að það er aðeins verð að spá í þennan svarta, sem gæti verið læða, Sigga dýra ætlar að koma og skoða hann við tækifæri. En þeir eru algjör krútt.

Hér má sjá gullregnið mitt glæsilegt að vanda.

Júlí er sá mánuður sem flest fjölær blóm og runnar blómstra.

En þrátt fyrir mikla þurrka þá eru blóm og runnar vel haldinn hér, sennilega vegna þess að það eru engin auð svæði heldur þekja plöntur öll beð.

Ég er að ganga frá sumarblómunum mínum til undaneldis, salan er sennilega búin á þessu sumri, svo það er ekkert annað en að koma þeim í ból.

Ég veit svei mér ekki hvað ég geri, það er erfitt að hanga yfir litlu, þegar fólk vill frekar kaupa innfluttar plöntur, það er þægilegra. En þannig er það bara ef við viljum hafa þessa aðstöðu í bænum, þá þarf að hlú að því. Reyndar á ég marga fasta viðskiptavini sem versla allt hjá mér. En ég sit uppi með mikið af plöntum og spurning um hvað ég nenni að þræla mér út og sitja svo uppi með heilan helling af plöntum. Við verðum aðeins að hugsa okkur um, það er sama hvort það eru bækur, blóm, föt eða hvað sem er, ef við viljum hafa þjónustuna hér heima, þá þurfum við að hlú að því sem þar er fyrir, þá þýðir ekkert að versla allt annarsstaðar og ætlast svo til að þjónustan sé hér fyrir hendi ef manni dettur allt í einu í hug að fara og versla heima hjá sér.

Þessi er fyrir Hrönn jarðarberin mín, nammi namm.

Æðisleg með rjóma. Við systurnar átum á okkur gat í kvöld.

En njótið vel elskurnar

Athugasemdir

[Jóna Kolbrún Garðarsdóttir, 15.7.2012 kl. 02:37]

Skemmtilegar myndir eins og venjulega    Hvort er  svarti og hvíti kettlingurinn fress eða læða?  Hann er ótrúlega fallegur, mig vantar einmitt svona kettling

[Ásthildur Cesil Þórðardóttir, 15.7.2012 kl. 09:29]

Sigga heldur að þetta geti verið læða, en hún ætlar að skoða það fljótlega.

[Dísa (IP-tala skráð) 15.7.2012 kl. 10:30]

Alltaf jafn gaman að skoða myndirnar þínar. Takk fyrir síðast.

[Hrönn Sigurðardóttir, 15.7.2012 kl. 14:35]

Þetta líst mér á! Flottur strákur Úlfur að elda :) og nammi namm jarðarber með rjóma ♥

[Hrönn Sigurðardóttir, 15.7.2012 kl. 14:35]

Heldurðu að Úlfur væri til í að deila með mér uppskriftinni?

[Ásthildur Cesil Þórðardóttir, 15.7.2012 kl. 17:07]

Já örugglega, ég skal fá hann til að skrifa þetta niður.  Það þarf líka að segja til um hvernig á að elda þetta.  Pabbi hans kenndi honum að elda fiskisúpu. 

[Hrönn Sigurðardóttir, 15.7.2012 kl. 21:33]

Það væri nú ekki slæmt að eignast ÚllaJúllasúpu ♥

[Ásthildur Cesil Þórðardóttir, 15.7.2012 kl. 21:56]

Einmitt þú færð uppskriftina fljótlega Hrönn mín.

[Vilhjálmur Örn Vilhjálmsson, 15.7.2012 kl. 22:10]

Af hverju þetta hatur, Ásthildur? Sjá: http://eyjan.pressan.is/frettir/2012/07/15/thyskur-domstoll-bannar-umskurd-grofasta-aras-a-lif-gydinga-sidan-i-helforinni/

Ásthildur Cesil Þórðardóttir · Virkur í athugasemdum

Ef úrskurðurinn verður látinn standa, þá sé ég enga framtíð fyrir gyðinga í Þýskalandi,

Farið hefur fé betra.

Svara · Líkar þetta  · Fyrir 32 mínútum

[Ásthildur Cesil Þórðardóttir, 15.7.2012 kl. 22:48]

Mér hreinlega ofbýður frekja þessarar þjóðar.  Hún er ekkert betri en nasistar með hvernig hún fer með Palestínumenn.  Ég er ekki að tala um þjóðina sjálfa, því þar er margt gott fólk, ég er að tala um stjórnvöld sem ráða ekki bara í Ísrael heldur hafa hreðjatök á Bandaríkjunum, Þýskalandi, Austurríkn og halda að þeir geti deilt og drottnað yfir arabaheiminum.  Enda ekki skrýtið að þeir eru illa liðnir af mörgum þjóðum.  Ég veit líka hvernig þeir haga sér þegar fólk kemur bæði inn og út úr Ísrael, og hvernig þeir fara með þann hluta borgarinnar sem Palestínumenn búa, hef það frá fólki sem þekkir og hefur dvalið þarna.  Þeir eru ekkert betri en Hitler og hana nú.

[Kidda, 16.7.2012 kl. 10:54]

Það er synd ef fólk verslar ekki í heimabyggð af aðilum sem tryggja að þjónustan sé góð og eins og hjá þér, góðar plöntur. Þetta er svipað og var með bókabúðirnar, allir vildu hafa litlu bókabúðirnar en ekki versla af þeim jólabækurnar.

Þú átt góða fjölskyldu sem gaman er að fylgjast með, reyndar er gaman að fylgjast með þínu lífi þó að stundum séu skúrir á milli.

Kisurnar eru æðislegar og vonandi finna þær allar heimili.

Knús í blómakúluna <3

[Ásthildur Cesil Þórðardóttir, 16.7.2012 kl. 12:00]

Takk Kidda mín, ég er viss um að svona fallegar kisur komast allar á góð heimili.  Og ef þær eru eins yndælar og mamman og pabbinn, þá verður hver sá heppin sem fær þær inn í sína fjölskyldu.

[Rósa G Jónsdóttir (IP-tala skráð) 20.7.2012 kl. 10:03]

Sæl Ásthildur   Ég er ein af þeim sem hef gaman af að lesa bloggið þitt og skoða fallegu myndirnar.  Hef nú ekki látið í mér heyra fyrr, en vildi endilega koma því á framfæri hve ég hef gaman af því.  Og kettlingarnir eru æðislegir!

[Ásthildur Cesil Þórðardóttir, 20.7.2012 kl. 11:28]

Takk kærlega Rósa.