Draumur Össurar og Steingríms þegar nálgast kosningar.

Las merkilega yfirheyrslu Pressunnar yfir Össuri Skarphéðinssyni, í sjálfur sér ekki merkileg þannig séð, nema draumurinn hans.  Að öðru leyti er Össur dæmigerð tilfinningarvera, fjölskyldumaður en dálítið öðruvísi. http://www.pressan.is/Frettir/Lesafrett/ossur-skarphedinsson-yfirheyrdur-myndir

En þetta stakk mig sérstaklega:

Draumurinn?

Að Ísland verði aðili að Evrópusambandinu

Þar lá að.  Þessi maður sem hefur nú um árabil haft þetta mál á sinni könnu, falið, stungið undir stól, pukrast með aðalatriði málsins, er hér að vinna að sínum einka draumi.  Honum er bara alveg sama um hvað þjóðin vill.  Hann ætlar sér að koma okkur öllum inn í ESB, hvað sem tautar og raular.  Til þess að fullkomna þennan draum hans og Jóhönnu leiddi hann til fylgilags við sig flokk sem vann stórsigur út á að standa gegn inngöngu í ESB, og meðan þau Steingrímur, Össur og Jóhanna voru að plotta hvernig best væri að standa að umsókninni, mitt í kosningabaráttunni, þar sem Steingrímur barði í borðið og æpti EKKER ESB, ENGANN AGS. Vitandi vits að hann var að vinna kosningar út á einmitt það, það stóð ekki í þessum svikahrappi.

Nú horfir Steingrímur fram á hrun flokksins, og áttar sig á því að sannleikurinn bítur stundum í rassinn á manni, þá skrifar hann bréf með nokkrum vinkonum sínum um áhyggjur af því að ALLT ÞAÐ GÓÐA SEM RÍKISSTJÓRNIN HEFUR GERT SKILI SÉR EKKI INN Í NÆSTU KOSNINGAR.

Jæja Steingrímur, heldurðu virkilega að fólk sé svona fljótt að gleyma.  Gleyma því að þið hafið svift fullt af fólki bæði atvinnuöryggi og húsnæði.  Með því að þessi svokallaða velferðarstjórn tók afstöðu með bönkum og fjármagninu. Gáfuð út veiðileyfi á jón og gunnu í þessu landi.   Sennilega, að því er viðskiptafræðingur sem ég ræddi við telur, að þetta sé allt díll frá AGS.   Að stjórnvöldum hafi verið uppálagt að láta almenning blæða og gleyma skjaldborginni og ykkar kosningaloforðum. Þið ættuð í stað þess að væla núna, vera nógu skynsöm til að láta lítið fyrir ykkur fara og skammast ykkar allavega pínulítið.

Þið nefnilega hafið haft alltof lengi jáfólk við hliðina á ykkur sem samþykkir allt sem þið segið og gerið, en hafið ekki hlustað á grasrótina, fólkið í landinu.  En nú er að renna upp fyrir ykkur ljós, þegar nálgast það að fólk gangi að kjörborðinu.  Þá skal öllu tjaldað til til að halda stólunum.

Þetta síðasta útspil að auka kvótann, er gamalt trikk frá fyrri ríkisstjórnum ef þú hefur ekki áttað þig á því.   Alltaf þegar krýsa var í uppsiglingu "FANN" HAFRÓ sem er ekkert annað en útspil frá L.Í. Ú og stjórnvöldum að mínu mati.  fisk í sjónum til að hægt væri að veiða aðeins meira.  Þetta á að friða sjávarútveginn, karlana sem borga í sjóðina ykkar.  Karlana sem telja sig eiga Ísland og véla og semja við stjórnvöld með góðu eða illu. 

Þið hafið svo sannarlega spilað með, þið eru nefnilega ekkert betri en Sjálfstæðisflokkur og Framsókn, þið eruð jafnspillt og Ömurlega mikið til sölu fyrir völd og peninga eins og þau.  Bæði VG eins og hann er í dag og ekki síður Samfylkingin sem myndi sennilega selja ömmu sína ef þau fengju bara nógu hátt verð fyrir hana. Og nú er áróðurinn sá að ef þið vinnið ekki kosningarnar, þá taki bara við Sjálfstæðisflokkur og Framsókn. 

Þetta er sett upp þannig að það er annað hvort eða þið eða þau.  Og nú eru Sjálfstæðismenn farnir að núa saman höndum og vilja komast í öryggi Samfylkingarinnar.  Nema þeir vilja ekki Jóhönnu.  þetta er sennilega brandari ársins. Ef Samfylkingin sér sér hag í því að svissa yfir, þá munu þau ekki hugsa sig um augnablik og kasta ykkur út í hafsauga.  Þ.e. ef þeir geta samið við Sjalla um að fá að ganga í ESB.  Samfylkingin hefur að mínu mati aldrei verið neitt annað en samtök tækifærissinna, þið höfðuð þó að mínu mati prinsipp, en þið glutruðuð því niður, vegna þess að það fólk sem fylgdi ykkur til góðra mála hefur horfið á braut, og standa nú á lausu og vita ekki hvert þeir eiga að snúa sér. 

En ég segi nú bara; gefum þessum fjórflokki frí í fjögur ár.  Það er margt um að velja ef skoðað er vel, og á eftir að koma meira í ljós.  Hér er hægt að velja um Dögun með fullt af góðu fólki innanborðs, það eru ekki þar inni bara þrír þingmenn Hreyfingarinnar, heldur fullt af fólki sem hugsar eins og ég og fleiri. Þarna er Samstaða Lilju Mósesdóttur, sem svo sannarlega hefur sýnt að hún vill hag fólks sem bestan, og þarna eru Hægri grænir.  Það þarf að þora að svissa yfir og kjósa eitthvað annað en síðastliðin sautjánhundruð og súrkál ár.  Og þegar þið leggið á þá braut ágætu kjósendur, þá verður það alltaf meira auðveldara næst.  Þá mega þaulsetustjórnálapólitíkusar fara að vara sig og reyna að standa sig betur en nú er.  Eins og er finnst þessu fólki hreinlega að það sé áskrifendur að atkvæðunum sínum.  Er það það sem þið viljið?

Eða hugnast ykkur meira að leyfa öðrum að njóta vafans, það yrði raunveruleg siðbót í íslensku samfélagi.

Athugasemdir

[Jóhann Elíasson, 13.7.2012 kl. 14:32]

Ég sat í DJÚPUM hugleiðingum og reyndi að rifja upp eitthvað gott sem ríkisstjórnin hefði framkvæmt - en því miður fann ég bara ekkert.  Fiskveiðistjórnunin og breytingar á henni áttu nú að verða eitthvað helsta baráttumál ríkisstjórnarinnar en auðvitað tókst henni að KLÚÐRA því eins og öðru sem hún hefur komið nálægt.  Og ESB INNLIMUNAR-umsóknin í andstöðu við stóran meirihluta þjóðarinnar er eitthvað almesta "flopp" sem þessi ríkisstjórn hefur á sinni könnu og er þó af nógu að taka.

[Kolbrún Hilmars, 13.7.2012 kl. 15:12]

Ég fór að hugleiða líka - og uppgötvaði að ég man ekki einu sinni allan klúðurlista ríkisstjórnarinnar - svona í fljótu bragði og aðstoðarlaust. :)

Annars er ég sammála þér, Ásthildur, fjórflokkurinn þarf að komast í langt frí. Helst dettur mér í hug að við þyrftum að fá ríkisstjórn sem er samsett af hæfum rekstraraðilum. Hvað er þjóðfélagið svo sem annað en eitt stórt fyrirtæki, svona rekstrarlega séð.

Þessi hips-haps hugsjónapólitík er ekki að gera sig!

[Ásthildur Cesil Þórðardóttir, 13.7.2012 kl. 15:12]

Jóhann það er leiðinlegt að segja það en það sem þessi ríkisstjórn hrósar sér af er eitthvað sem hefur gerst, ÞRÁTT FYRIR HANA EN EKKI VEGNA HENNAR. Ég veit bara um mig í mörg ár rak ég Garðplöntustöð með allt frá þremur til eins manna starfshaldi, stundum jafnvel fleiri.  Í dag er það mér algjörlega ofviða að ráða fólk, þetta er lítill vinnustaður og í dag er þetta allt af vanefnum, því eg hreinlega hef ekki ráð á að ráða starfsfólk.  Þegar búið er að skattleggja fólk og fyrirtæki í yfir 52% skatt, þá er lítið svigrúm fyrir minni fyrirtæki að reka sig.  Þessi skattagleði þeirra er að drepa allt niður sem hægt er að drepa.  Það er eins og þau hugsi ekkert um hvað kostar að reka svoleiðis, enda hvernig eiga þau að vita það, hafa verið á spenanum alla sína hunds og kattarævi. 

[Ásthildur Cesil Þórðardóttir, 13.7.2012 kl. 15:14]

Kolbrún það er algjörlega rétt hjá þér, utanþingsstjórn með fólki sem kann að reka fyrirtæki og hugsa um hag almennings í þessu landi.  Það er það sem bráðnauðsynlega vantar hér í dag. 

[Örn Ægir (IP-tala skráð) 13.7.2012 kl. 18:51]

Gott hjá þer Ásthildur vel orðað. Og  þetta með dilinn frá AGS er ekkert annað en díllin frá Evrópusambandinu og núverandi ríkisstjórn er leppstjórn þess hér á landi!Allur fjórflokkurinn opnaði og græddi á þeirri ESB bólu sem hér var mynduð og hefur valdið almenningi ómældu tjóni. Þeir sem reyndu að malda í móin eins og Dabbi gerði voru kaffærðir í skítkasti og oft lygum.

[Ásthildur Cesil Þórðardóttir, 13.7.2012 kl. 19:30]

Takk Örn Ægir.  Þessi díll er sennilega í gangi þó yfirvöld vilji ekki kannast við það, þá er það langlíklegasta skýringin á kosningasvikum þeirra. 

[Erla Magna Alexandersdóttir, 13.7.2012 kl. 19:56]

Þeir sem kunna að reka fyrirtæki vinna ekki á  ALÞINGI.

 Þeir vinna að hagsmunum sinna kúnna og sinna.

 Alþingismenn eru söluvara þeirra sem borga best- svikahrappar ov vilja fá fe og frama á kostnað almennings.

 Þar er mikill munur á.

 kv. EA

[Vilhjálmur Stefánsson, 13.7.2012 kl. 20:34]

Sleift er á götum háðungar

skítugt margt eitt hræið 

nú hefur hrán Steingrím gleift 

ESB bandalagið.

[Seiken (IP-tala skráð) 13.7.2012 kl. 21:06]

Frábær pistill Ásthildur. 

Össur heldur auðvitað í vonina um að sambandið komist frá þessu heilu og höldnu og að það verði að minnsta kosti til norður-Evru-mynt eftir nokkur ár sem hann getur bent á og sagt: "Þetta vildi ég taka upp allan tímann". En þetta lið hlýtur að svitna þegar það sér hvað er að gerast í Evrópu. Ef þetta fer jafn illa og Nigel Farage spáir þá vildi ég ekki vera í sporum hrunráðherra úr SF sem er búinn að sofa af sér hverja katastrófuna á fætur annari. Þetta fólk á bara ekki að koma nálægt almannahagsmunum undir neinum kringumstæðum.   

En eftir bréfið sem SJS og dömurnar sendu frá sér í morgun þá er ég næstum því farinn að vorkenna VG. Ég á hins vegar ekki í neinum vandræðum með að "bægja efanum sálinni frá", svo vitnað sé í orð skáldsins. 

Og hvað er það svo af árangri VG sem að fjölmiðlar hafa misst af að skrifa um kæru fjórmenningar?  Að tókuð þátt í að skipuleggja árás á heimili landsmanna ásamt kröfuhöfum?  Að þið sömduð við Hollendinga og Breta um að hleypa þeim framhjá gjaldeyrirshöftunum með 300 milljarða króna? Að þið séuð að breiða yfir stórfellda brotastarfsemi bankana? Að þið hafið samið við Deutsche Bank um að trufla ekki starfsemi Lýsingar sem var að senda þýska bankanum 30 milljarða króna í gjaldeyri.

Samfylkingin á sér þó þá málsvörn að hafa meira og minna fylgt þeirri helstefnu eftir kosningar sem hún boðaði fyrir kosningar.  Þið VG-liðar eigið hins vegar enga málsvörn. Ég hef fulla trú á að kjósendur muni sjá um ykkur næsta vor. 

[Jóna Kolbrún Garðarsdóttir, 14.7.2012 kl. 02:51]

Ekki má gleyma að Össur er líka í samningaviðræðum við Kína, hann ætlar ábyggilega að létta Kínverjum aðgang að Íslandi.  Gegn sölu á fiski, án tolla...  Þannig minnir mig að viðskiptin við kínverjana séu...

[Ásthildur Cesil Þórðardóttir, 14.7.2012 kl. 10:16]

Sennilega rétt hjá þér Erla Magna, þeir sem sitja á þingi eru kerfiskarlar og konur til margra ára og kunna sennilega ekki að vinna fyrir sér.

Góður Vilhjálmur.

Össur er afskaplega bjartsýnn maður Sheiken, eða eigum við að segja bláeygður, hann er svo vanur að fá öllu sínu framgengt að hann heldur örugglega að bara það að hann vilji að kreppan leysist muni hún gera það.  Slík er nú veruleikafirring þess manns.  Þetta bréf held ég að hafi verið vanhugsað og sýnir ákveðna örvæntingu, en hún er algjörlega sjálfsköpuð, við skulum ekki vorkenna þeim neitt, frekar myndi ég vorkenna þeim sem kusu þetta yfir okkur algjörlega saklausir.  Tak undir allt sem þú segir þarna.

Jóna Kolbrún já honum nægir ekki ESB heldur þarf hann að kjá við kína líka, samanber áhuga svila hans á að hjálpa Núpó að kaupa Grímsstaði.  Kínverjar eru afar varasamir í viðskiptum virðist vera. Og svo er líka allt á niðurleið hjá þeim svona hægt og bítandi.