Læða, kettlingar og ýmislegt fleira.

Jæja þá er það fæðingin í gær.

En fyrst nokkrar myndir. Í dag hefur rignt hressilega og er það notalegt að vita því ekki var vanþörf á regni fyrir gróðurinn.

Farþegaskipinn koma nær daglega, og eru sum með jafn marga farþegar og íbúar bæjarins.

Dálítið merkilegt með þá sem koma með þessum skipum, að þau virða ekki bílaumferð. Við bílstjórarnir verðum að sæta lagi til að aka um götur bæjarins, það er rétt eins og rollum hafi verið sleppt lausum í bænum, því fólkið ætlast greinilega til þess að akandi vegfarendur séu bara til trafala.

En mesta mannmergðin var yfirstaðin þegar ég tók þessa mynd.

Það eru enginn smáskip sum þeirra sem hingað koma.

Ást er að borða saman.

Tók eftir því í gærmorgun að Lotta litla var orðin óróleg og greinilega með verki, svo ég taldi að það væri komið að fæðingunni. Blesi hefur verið góður við hana alla meðgönguna, hann hefur sleikt hana og kysst jafnvel, og verið afskaplega umhyggjusamur.

Hér er fyrsti kettlingurinn kominn, hún varð alveg skíthrædd og stökk í burtu, ég varð sjálf að sprengja líknarbelginn og fara svo og sækja hana inn í skáp, til að sinna afkvæminu.

Hér er sú litla læða og alveg eins og mamman.

Já það er sleikt og sleikt.

Næsti var högni, gulur og flottur, en greinilega stærri en læðan, svo ég varð að tosa hann út, þegar ekkert gekk.

Og áfram héldu hríðarnar, nú var dýralæknirinn komin og við fylgdumst með. Ef það kemur einn svartur og hvítur þá er öruggt að Blesi er pabbinn ákváðum við.

Og hér er hann kominn til að hjálpa til. Hann sleikti bæði Lottu og kettlingana af mikilli samviskusemi.

Tekur föðurhlutverkið mjög alvarlega blessaður.

Hér þrýfur hann þann gula.

Og svo kom einn svartur og hvítur, svo Blesi getur ekki þrætt fyrir, enda er hann bara stoltur og glaður.

Svona svona ég skal hjálpa þér.

Það gengur betur þannig.

Ég er sko hérna hjá þér dúllan mín.

Þetta verður allt í lagi.

Ég get alveg séð um þetta.

Komnir allir fjórir og þá er hægt að slaka á.

Og smáfólkið þarf að koma og skoða.

Og ekki bara smáfólkið....

Morrakrakkarni höfðu verið að skemmta á Markaðshátíð í Bolungarvík og komu við til að skoða litlu afkvæmin.

Og þá er að smella myndum af þeim.

Með flokkstjóranum sínum.

Mamman ánægð með ungana sína.

Og hér eru þeir allir fjórir.

Dúllur.

Pabbinn fylgist svo stoltur með.

Eigið góðan dag.

Athugasemdir

[Dagný, 8.7.2012 kl. 20:55]

Yndisleg athöfn og ég hef ekki fyrr vitað ógeldan högna sýna svona umhyggju við got. Hef þvert á móti heyrt að þeir geti átt það til að drepa kettlingana. En þau eru bara flott hjónakornin og kettlingarnir vitaskuld yndislegir ♥

[Hrönn Sigurðardóttir, 8.7.2012 kl. 21:06]

Jeremías hvað Blesi er hjálpsamur ;)

[Guðný Kristín Bjarnadóttir (IP-tala skráð) 8.7.2012 kl. 21:21]

Frábærar myndir :D Hér eru tvær litlar skottur sem ætla sko að heimsækja ömmu í kúlu og kisurnar í næstu Ísó ferð!

[Helga Kristjánsdóttir, 8.7.2012 kl. 21:52]

Ég segi það sama og Dagný, með Högnana...............,Á elli árum er maður að vita þetta fyrst.

[Ásthildur Cesil Þórðardóttir, 8.7.2012 kl. 21:56]

Dagný mín Blesi var geldur rétt eftir að þetta allt gerðist.  Hann náði að koma upp afkvæmum áður en bollurnar voru klipptar af

Já Hrönn hann hjálpaði svo sannarlega til sá svarti Pétur....

Já Guðný mín, þær litlu skotturnar eru sko alltaf velkomnar til ömmu í kúlu

Jamm Helga mín, hann sem sagt missti bollurnar svona alveg óvænt... eða þannig....

[Kidda, 9.7.2012 kl. 10:01]

Yndislegir kettlingar :)

Við áttum sérstakan högna sem ól upp 2 kettlinga og kenndi þeim á lífið og reglurnar um hvað mátti og hvað ekki. Hann var ekki pabbinn þar sem hann kom á heimilið eftir að Skotta varð kettlingafull. :)

Knús í kisukúlu <3

[Ásthildur Cesil Þórðardóttir, 9.7.2012 kl. 10:32]

Þeir geta verið ansi móðurlegir þessar elskur Knús á móti Kidda mín.

[Óskar Aðalgeir Óskarsson, 9.7.2012 kl. 11:14]

Yndislegar myndir Ásthildur,þakka þér fyrir að leyfa okkur að njóta þeirra.

[Ásthildur Cesil Þórðardóttir, 9.7.2012 kl. 11:32]

Mín er ánægjan Óskar minn.

[Ásdís Sigurðardóttir, 9.7.2012 kl. 12:26]

Yndislegt að sjá og gaman hvað pabbinn tekur mikinn þátt í þessu knús á ykkur.

[Anna Sigríður Guðmundsdóttir, 9.7.2012 kl. 16:54]

Áshildur mín. Takk fyrir þessar myndir. Við vanmetum kannski of oft hæfileika dýranna til að vernda og sýna umhyggju.

Það er víst langt í að mannskepnu-stjórnvöld jarðarinnar nái sömu samstöðu og siðferðis-þroska og blessuð skynsöm og umhyggjusöm dýr jarðarinnar.

Kisunum þínum finnst þær vera tryggar hjá þér, og það segir svo mikið um hvernig sál þú ert

M.b.kv.

[Jóna Kolbrún Garðarsdóttir, 9.7.2012 kl. 17:43]

Yndislegar myndir af kisunum þínum.  Svo finnst mér myndirnar af unglingunum líka yndislegar og skemmtilegar....  Það liggur við að ég betli af þér svart/hvíta kettlinginn 

[Ásthildur Cesil Þórðardóttir, 9.7.2012 kl. 19:00]

Já Ásdís það var einhvernveginn svo flott að horfa á þá umhyggju sem hann sýndi vinkisu sinni og leikfélaga

Anna Sigríður já við vanmetum oft skynsemi dýranna.  Við reynum ekki að setja okkur inn í hugsanaheim þeirra og skoða merkin sem þau sýna, sem oft er merki um eftirtekt og þroska.  Takk fyrir mig

Takk Jóna Kolbrún mín, já krakkarnir eru frábær.  Þú getur örugglega fengið hann, þegar hann verður tilbúin, ég vil reyna að útvega þeim öllum gott heimili, og það átt þú. 

[Jens Guð, 10.7.2012 kl. 01:06]

  Það er alltaf góð skemmtun að skoða myndaalbúmið hjá þér.  Ævintýraleg skemmtun. 

[Jens Guð, 10.7.2012 kl. 01:11]

  Mér varð á að skella hressilega upp úr við lestur textans:  "Og svo kom einn svartur og hvítur, svo Blesi getur ekki þrætt fyrir..."

[Ásthildur Cesil Þórðardóttir, 10.7.2012 kl. 10:17]

Jamm Jens hehehe, maður veit aldrei sko!!

[erla (IP-tala skráð) 11.7.2012 kl. 00:14]

Hæ,við sonardóttir mína erum að skoða kisurnar þínar

og allt lífið hjá þér

kveðja Erla SV.

[Guðrún Emilía Guðnadóttir, 11.7.2012 kl. 08:46]

Yndislegar þessar myndir, liggur við að maður sjái eftir að hafa ekki leift Ume að ala af sér einu sinni en þau eru bæði steingeld.
Knús í Kúlu

[Ásthildur Cesil Þórðardóttir, 11.7.2012 kl. 09:17]

Gaman að heyra Erla mín, þessi stúlka sem er á myndunum er barnabarnið hennar Dísu, hún kemur oft hingað með ömmu sinni og finnst afskaplega gaman að koma í kúluna. 

Takk Milla mín, já þetta er alveg yndislegt að upplifa. 

[Bergljót Gunnarsdóttir, 12.7.2012 kl. 00:43]

Við mannfóklið getum auðveldlega tekið kisurnar þínar okkur til fyrirmyndar. Mikið eru þetta skemmtilegara myndir.

Verð líklega á Ísafirði fljótlega og þá væri gaman að fá að líta aðeins við og upplifa þig af holdi og blóði, en ekki bara í gegnum tölvu.

[Ásthildur Cesil Þórðardóttir, 12.7.2012 kl. 09:52]

Vertu ævinlega velkomin Bergljót mín.  Bara ekki frá 2. til 8. ágúst þá ætla ég að bregða mér af bæ.

[ingibjorg kr einarsdottir (IP-tala skráð) 13.7.2012 kl. 15:56]

Alveg frábært að fá að fylgjast með fæðingunni hjá kattarparinu. Kisupabbinn svona hjálpsamur það er alveg einstakt. Þau er svo falleg bæði tvö. Bestu kveðjur vestur sem endranær, Inga

[Ásthildur Cesil Þórðardóttir, 13.7.2012 kl. 16:32]

Takk Inga mín, já Blesi er svo sannarlega flottur pabbi. 

[Ragnheiður , 21.7.2012 kl. 14:37]

Venjulega reka læðurnar þá sem lengst burt af ótta við að þeir drepi afkvæmin. Þetta hef ég aldrei séð. Skemmtilegar myndir. Þú ættir að senda kattaatferlisfræðingi þær :)

[Ásthildur Cesil Þórðardóttir, 21.7.2012 kl. 16:00]

Já ef til vill ætti ég að gera það Ragnheiður mín