Fleiri myndir veitingar og gestir.

Jæja þá er taka tvö, þurfti að kaupa meira pláss, ákvað loks að lesa mér til hehehe...

Hér er gallinn, bráðsniðugt fyrir handhagar ömmur og mömmur, og örugglega afar hlýr.

En hér erum við niður í Tjöruhúsi, þjóðverjarnir vinir mínir komnir og þá er bara að bregða sér inn og smakka fiskinn góða hans Magga Hauks.

Birgit, Stefan, Britt dóttir þeirra móðir og faðir Stefans.  Þau voru svo sannarlega heppin með veður.

Skál vinir

Og maturinn olli ekki vonbrigðum, enda átti ég ekki von á því.

En svo kom dálítið skemmtilegt upp á. Þarna kom hljómlistarfólk og gerði sig klár til að spila músik.

Svona ábót á góðan mat.

Þetta var algjörlega óvænt. Þau voru á leið til Hólmavíkur að spila, þegar bíllinn bilaði og þau urðu "stökk" á Ísafirði, þeim datt þá það þjóðráð í hug að fá að spila fyrir mat.  Og auðvitað voru Maggi og Ranka til í það, enda flippuð eins og fleiri.

Og sannarlega nutum við tónlistarinnar, allt efni frumsamið og flott. Það kom í ljós að þau eru þjóðverjar.

En það átti eftir að koma ennþá meira skemmtilegt í ljós.

Á næsta borði voru ítalskir ferðamenn, ljósmyndarar með meiru.

Þeir höfðu líka áhuga á tónlistinni eins og við.

Þar sem ég hafði ætlað að bjóða þjóðverjunum mínum upp á te í kúlu, ákvað ég að bjóða þessum þjóðverjum líka.

Af rælni bauð ég ítölunum líka, en ekki frökkum sem sátu við næsta borð.

Þetta er Birgit með dóttur sinni Britt.

En áfram með söguna, haldið ekki að listamennirnir búi bara rétt hjá fólkinu mínu í Dietlingen. Þannig að þar myndaðist strax kontakt.

En ekki bara það heldur kom í ljós að einn af tónlistarmönnunum er líka ítali svo þar urðu líka góðir fundir. Þau voru líka í vandræðum með hvar þau ættu að tjalda, svo ég sagði að það væri lítið mál að tjalda upp á lóðinni hjá mér, sem þau þáðu með þökkum.

Þetta var ósköp notalegt kvöld í góðum félagsskap.

Daginn eftir bauð ég svo vinum mínum í mat, sunnudagslæri, sem þau elska þ.e. fjölskyldan vinir mínir, mamman vildi ekki smakka lambakjötið var viss um að það væri ullarbragðslæri Svo hún fékk svín og var ánægð með það.

Og Britt er búin að semja lag, hún er að vinna að því og var m.a. að taka myndir fyrir myndband til dæmis í Skálavík og Bolungarvík. Hún er afar dugleg stúlka og hæfileikarík. Hún leikur á öll hljóðfæri og syngur sjálf. Hún söng lagið sitt fyrir mig og það var virkilega flott.

En ég fékk líka pakka niður í Tjöruhúsi, það var búið að segja mér af pakkanum en ekki hver sendi mér hann. Það kom mér því verulega þægilega á óvart að fá þennan pakka frá elsku Eirný minni, sem var heimagangur hjá mér þegar hún og bára voru stelpur. Vænt þótti mér þó um undirskriftina, til Íju aka mömmu.

Takk elsku Eirný mín.  Hún er búin að búa í mörg ár úti í Edinborg og hefur rekið þar veisluþjónustu, nú er hún komin heim og komin með þetta fína fyrir tæki  Búrið, nú á ég eftir að skoða þetta allt saman og smakka.

Elsku Eirný mín innilega takk fyrir mig.

Athugasemdir

[Sigrún Aðalsteinsdóttir, 6.6.2012 kl. 17:01]

Það má segja að heimurinn sé lítill hjá íslendingum, þjóðverjum og ítölum og kannski er kúlan bara nafli alheimsins :)

[Ásthildur Cesil Þórðardóttir, 6.6.2012 kl. 18:09]

Já ætli það ekki bara Sigrún mín

[Jóna Kolbrún Garðarsdóttir, 7.6.2012 kl. 02:05]

Já svona er heimurinn lítill....

[Kidda, 7.6.2012 kl. 09:28]

Gallinn sem stelpan er í er flottur.

Frábært fyrir ferðamennina að fá að koma til þín í kúlu og fá svo að tjalda hjá þér. Það er alltaf nóg af skemmtilegum atburðum í kring um þig mín kæra.

Knús í kúlu

[Ásthildur Cesil Þórðardóttir, 7.6.2012 kl. 09:34]

Svo sannarlega er heimurinn lítill Jóna mín.

Já finnst þér ekki Kidda mín, ágæt hugmyndi fyrir þig með þau  minnstu fyrir næstu jól.  Jamm það er alltaf eitthvað skemmtilegt að gerast í kring um mig, ef ég bara hefði betri tíma til að njóta þess. Knús

[Sólrún (IP-tala skráð) 7.6.2012 kl. 11:15]

Ásthildur myndirnar þínar eru frábærlega lifandi og skemmtilegar.Svona myndir eru fjársjóður sem ávaxtar sig vel.

Mér datt í hug þátturinn um Bæring Cecilsson sem sýndur var í sjónvarpinu í vor.Þvílíkt ómetalegt og stórkostlegt safn.

Þekkirðu eitthvað til hans.Mér datt það svona í hug af því þið eigið bæði Cecil nafnið og myndatökurnar sameiginlegar :)

http://www.rokkland.ruv.is/sarpurinn/landinn/08042012/baering-cecilsson

[Ásthildur Cesil Þórðardóttir, 7.6.2012 kl. 12:53]

Takk Sólrún mín.  Nei ég þekki ekki til Bærings, og mitt nafn hef ég fengið frá afa mínum, Ásthildarnafnið frá ömmu minni og svo hét afi minn Hjalti Cesilius Jónsson.  Það tók mig langan tíma að fá nafnið skrifað rétt, en hér var það lengi skrifað Secil svo fáránlegt sem það nú var.  Að lokum tókst mér að fá það ritað rétt.  Mér sýnist þessi maður vera frábær.  Takk fyrir að benda á hann.

[Theódór Norðkvist, 7.6.2012 kl. 14:23]

Skemmtileg upplifun hjá þér, það er eitthvað við það að sitja til borðs í Tjöruhúsinu í Neðstakaupstað, tala ekki um þegar svona ævintýri gerast. Ánægjulegt að erlendir ferðamenn sæki í vestfirsku fjallafegurðina, hún er einstök í heiminum.

[Ásthildur Cesil Þórðardóttir, 7.6.2012 kl. 18:19]

Takk Teddi minn, já við vitum það þessir ísfirðingar ekki satt?

[Anna Benkovic Mikaelsdóttir, 7.6.2012 kl. 20:04]

vildi vera með

[Ásthildur Cesil Þórðardóttir, 7.6.2012 kl. 21:28]

Æ ljúfan mín þú hefðir sómt þér vel í þessum félagsskap

[Jens Guð, 7.6.2012 kl. 22:26]

  Skemmtilegar myndir og klárlega hafa allir skemmt sér frábærlega vel,  þarna fyrir vestan.

[Ásthildur Cesil Þórðardóttir, 7.6.2012 kl. 22:29]

Jamm Jens við skemmtum okkur alltaf vel hér fyrir vestan