Myndir og matur sitt á hvað.

Það er búið að vera ótrúlega gott veður hér í marga daga.  Það er reyndar sól enn í dag, en kaldur norðan vindur.  Hlýtt þó í sólinni.

Ég er búin að vera afar upptekin að vökva blómin mín svo þau ofþorni ekki, það er bara ansi mikil vinna get ég sagt ykkur.

Ég gaf mér þó tíma þarsíðasta föstudag til að fara niður á torg með kryddplöntur og kál til að kveikja í ísfirðingum um vorið. Það var ágætt veðrið gott og þó þetta væri ekki mikið auglýst þá var það bara gaman.

Fólk naut sín í sólinni og margir komu að heilsa upp á mig og skoða hvað væri í boði.

Þessi unga stúlka kom frá Bolungarvík, en hún er dóttir Eddu Borg tónlistarmanns og barnabarn Óla Kitt fyrrverandi bæjarstjóra í Víkinni, hér er amma hennar með henni til stuðnings. En hún er að selja töskur saumaðar úr fánaefni, flottar töskur af mörgum gerðum. Mjög þægilegar bæði haldatöskur og axlatöskur, sumar í litlum veskjum hentugar í veskið til að fara í innkaupabúðina. Sniðug hugmynd.

Bærinn minn að sumarlagi.

Dóra systir mín bauð mér kvöld eitt að borða niður í Húsið sem er nýr veitingastaður, sumir sátu bara úti í góða veðrinu.

Þetta er virkilega skemmtilegur og notalegur staður í miðjum bænum, með sína fiskisúpu sem er einstök og svo heimabakaðar kökur af bestu gerð. Maturinn smakkaðist afar vel en ég fékk mér kótilettur.

Hér er Íja systir með myndavélina segir systir mín. hehehehe...

Mæli alveg með Húsinu bæði til að borða og bara sitja og fá sér öllara.

Svo öllum að óvörum (mér) droppaði vinkona mín þýsk Birgit inn úr dyrunum alveg óvænt, þau voru þá komin í sumarhúsið sitt til dvalar í nokkra daga. Og það var yndislegt að hitta þau.

Þetta eru fiskarnir hans Júlla míns niður við Tjöruhúsið, en þangað buðu þau okkur í mat. Þeirra uppáhaldsstaður.

Hér er geimveran hans, að vísu vantar á hana hálsklútinn, vonandi er hann samt einhversstaðar til ennþá.

Það má segja að Tjöruhúsið veitingastaður sé orðin heimsþekktur, enda flykkjast útlendingar þangað til að borða splunkunýjan fisk steiktan af Magga og Rönku og þeirra fólki.

Ein lítil hnáta og móðir hennar, en það er gallinn sem ég er að spá í. Þetta toppar allt hlýr og þægilegur galli.

O jæja ég get víst ekki sett inn fleiri myndir í bili.  Búin með kvótann sennilega, er vonandi rætist úr því, er húin að hafa samband við stjórnendur.  Svo þetta verður að duga í bili, var með flotta mynd að litlu dúllunni í sínum prjónaða galla frá hendi mömmunnar.  En meira síðar.

Eigið gott kvöld elskurnar

Athugasemdir

[Hrönn Sigurðardóttir, 5.6.2012 kl. 23:29]

Frábærar myndir :)

[Ásthildur Cesil Þórðardóttir, 6.6.2012 kl. 00:01]

Takk Hrönn mín, nú er bara að vona að ég geti sett inn restina af sögunni minni, með því að geta sett inn fleiri myndir.

[Hrönn Sigurðardóttir, 6.6.2012 kl. 07:42]

Er moggabloggið að takmarka hjá þér myndbirtingar? Ég hélt þeir hefðu hætt við þá vitleysu.

[Kidda, 6.6.2012 kl. 09:14]

Það er ekki nógu gott að takmarka við þig myndirnar, við lifum fyrir færslurnar þínar og myndirnar :) Það væri gaman að sjá mynd af gallanum sem stelpan er í.

Knús í kúlu

[Hjördís Vilhjálmsdóttir, 6.6.2012 kl. 09:24]

Skemmtilegar myndir Ásthildur mín ;)

Varðandi geimveruna...bjó Júlli hana til ? Ég á fína mynd af henni sem ég tók í fyrrasumar og þá er hún með rauðan klút um hálsinn. 

[Ásthildur Cesil Þórðardóttir, 6.6.2012 kl. 10:21]

Allavega gengur ekkert hjá mér aðsetja inn myndir, hætti bara í miðju kafi Hrönn mín

Ég ætla að reyna betur Kidda mín, vonandi er þetta bara einhver hliðarvandræði hjá mér. 

Já Júlli minn bjó hana til, hún var skemmt í fyrra haust, og þegar hún var löguð virðist hafa gleymst að setja klútin á hana. 

[Hjördís Vilhjálmsdóttir, 6.6.2012 kl. 11:11]

Gott að heyra að klúturinn er ekki týndur ;) Skemmtilegur skúlptur, mjög svo og það er leitt að heyra með skemmdarverkið og óskandi að hér eftir fái hún að standa í friði.

[Ásthildur Cesil Þórðardóttir, 6.6.2012 kl. 11:43]

Takk já ég vona það.  Júlli minn sá svo margt út úr grjótinu í fjörunni.