Júlli og Jóhanna - hvunndagshetjur.

Ég var í viðtali áðan við blaðakonu um málefni Júlla og Jóhönnu.  Ég hef geymt ýmis skjöl og bréf frá viðureign minni og þeirra við kerfið, og vil sjá breytingar á umfjöllun um þennan málaflokk og þær persónur sem berjast þarna við að fá að vera til.  Hef reyndar hugsað um að gefa út á bók upplifun mína af samlífinu með þessum elskum, svona til að gefa innsýn inn í aðstæður aðstandenda þeirra sem lenda utangarðs, það vill nefnilega gleymast að þar eru ástvinir og vinir.

Ég hef geymt ýmis skjöl og bréf frá þessum tíma og vil opna augu fólks fyrir því hve víðtæk og erfið þessi mál eru bæði því fólki sem ánetjast og svo aðstandendum og vinum. 

Þessi blaðakona er frá Ísafirði og þekkti Júlla minn, og ekki sakar það.

Svo er hér upptaka af diski sem kemur út í sumar frá Þorsteini Hauki Þorsteinssyni.  En hann hefur samið lag við saknaðarljóð mitt um Júlla minn. 

http://www.youtube.com/watch?v=Oxy7ZHZLIyg

En nú þarf ég að fara upp á lóð og sinna blómum.  Eigið góðan dag.

Lagið heitir Júlli Tomm hinsta kveðja.

Athugasemdir

[Sigurður Þorsteinsson, 28.5.2012 kl. 22:46]

Svona baráttu þarf að vinna með kærleikann að vopni. Með því að segja söguna vinnst oft  ótrúlega mikið. Hindranir í kerfinu eru alltaf til staðar og við þurfum að takast á við þær ef við ætlum að fá betra mannlíf.Gangi þér vel.

[Hjördís Vilhjálmsdóttir, 28.5.2012 kl. 23:26]

Ég vona að þú skrifir bók Ásthildur mín og að það verði til þess að fleiri þurfa ekki að lenda í klóm kerfisins. Að þér takist virkilega að fá því breytt.  Það er svo oft verið að kvarta undan kerfinu á ýmsum sviðum. Búið að vera svo í áratugi. Augljóst er að kerfið er ekki að breytast, heldur virðsit hver og einn þurfa að lenda í sömu klónum. Það gengur auðvitað ekki. Það er nefinelga of seint að breyta kerfinu þegar fólk þarf á því að halda. Það þarf að breytast áður. Og kerfið á að virka fyrir fólk með sínar mismunadi þarfir. En ekki að fólk samsami sig kerfinu. Það er eins og fólkið sem starfar í kerfinu og smíðar það, nái því engan veginn. Því miður. Kannski af því þau halda sjálf að þau þurfa aldrei á kerfinu að halda ? Eða ef þau gera það, fá þau betri og skjótari þjónustu en aðrir og skilji þessvegna ekki hvað  fólk er að tala um sem kvartar og það með réttu ?

Ætlaði nú ekki að skrifa svona mikið. Enn og aftur. Skrifaðu bók ljúfan ;))  Þú hefur rétta hjartalagið í það og svo ertu góður penni að auki.

[Ásthildur Cesil Þórðardóttir, 29.5.2012 kl. 09:09]

Takk kærlega Sigurður minn.  Það verður ekki auðvelt að opna þessi mál, þau eru sár, en það þarf að segja söguna.

Takk Hjördís fyrir þessi orð.  Þetta kerfi einfaldlega dugir ekki.  Það er auðvitað misjafnt fólk sem vinnur á vegum ríkisins í ólíkum stofnunum, brotalamirnar eru mest í regluverki og viðurlögum sem gera lítið til að hjálpa þar sem hjálparþörfin er mest.  Það þarf að taka á öllum þáttum og endurskoða aðkomu ríkisins frá grunni, þá á ég við alla þætti, löggæslu, dómara, lækna, félagsmálayfirvöld, geðlækna, aðstandenda og fíklana sjálfa.  Mál fíkils kemur inn á alla þessa málaflokka og inn á borð almennings líka. 

En það sem ætti að byrja á er að opna lokaða meðferðarstofnun, þangað sem hægt væri að dæma ungt fólk til meðferðar í stað fangelsunar.  Og síðan virka eftirfylgni.   

[Jóhann Elíasson, 29.5.2012 kl. 14:14]

Því miður er "kerfið" þannig uppbyggt að það byggir svo til allt á refsingum.  Það er mjög lítið mannlegt til, nema hjá örfáum einstaklingum sem vinna innan "kerfisins" þeir eru allir að vilja gerðir en þeir mega sín lítið og því miður verður það oft þannig að "kerfið" étur þessa einstaklinga.  Kannski og vonandi verður barátta þín til að eitthvað þokist áleiðis í þessum efnum......

[Ásthildur Cesil Þórðardóttir, 29.5.2012 kl. 17:43]

Nákvæmlega rétt bæði atriði, allt byggist á refsingu og niðurbroti en ekki uppbyggingu.  Og reglurnar eru mannfjandsamlegar og gott fólk sem vill vel, verður að reyna að fara krókaleiðis til að gera gott.  Þetta er bara einfaldlega ekki ásættanlegt.

[Þóra Stína (IP-tala skráð) 29.5.2012 kl. 19:20]

Mikið rosalega er þetta fallegt lag um hann Júlla

ég mæli hiklaust með að þú skrifir eins og eitt stykki ból það þarf að opinbera svona umræðu og kannski kemur það til með að hjálpa öðrum

[Ásthildur Cesil Þórðardóttir, 29.5.2012 kl. 19:57]

Takk Þóra Stína mín Já lagið er fallegt.  Og það þarf að opna þessa umræðu þó erfið sé.

[Bergljót Gunnarsdóttir, 29.5.2012 kl. 23:26]

 Eitt fyrir þig Ásthildur og tvö fyrir þau. Þú ert stórkostleg!

[Ásthildur Cesil Þórðardóttir, 30.5.2012 kl. 08:34]

Takk Bergljót mín

[Kidda, 30.5.2012 kl. 11:21]

Er svo sammála með að þú átt að skrifa bók um þessa baráttu, hún myndi örugglega hjálpa mörgum.

Lagið er svo fallegt, textinn er alveg yndislegur.

Það er svo löngu orðið tímabært að opna umræðu um þessi málefni. Fólk virðist algjörlega loka á þennan málaflokk ef enginn er nálægt sem er að komast í þessa gryfju. Einnig er ég viss um að ansi margir foreldrar í dag loki augunum fyrir því að elsku barnið þeirra er farið að neyta fíkniefna, það passar ekki inn í rútínuna hjá mörgum að eiga ungling sem er kominn í neyslu og svo auðvitað skeður það ekki hjá hámenntuðum og vel stæðum foreldrum. En við vitum betur.

Knús í kúlu

[Ásthildur Cesil Þórðardóttir, 30.5.2012 kl. 11:56]

Já ég er svo sem byrjuð á að skrifa, hef verið að skrifa frá þessum tíma sem Jóhanna kom inn í líf okkar, hef reyndar skrifað miljón opin bréf bæði í BB og Moggan alveg frá byrjun á vandræðum Júlla míns.  Ég hef líka alltaf reynt að standa við bakið á honum þegar hann hefur orðið fyrir óréttlæti af hálfu hins opinbera.  En það er oft og mörgum sinnum.  Þessu þurfa foreldrar að gæta að, þó fíkilinn sé í vondum málum og jafnvel búið að senda hann að heiman, þá eru þetta alltaf börnin okkar og bara ef við látum vita af því að við erum þarna á bak við og líðum ekki óréttlæti, því samkvæmt stjórnarskrá eiga allir sama rétt á lýðræði og umburðarlyndi.  Það vill svo mikið gleymast í kerfinu því miður.

[Steingrímur Helgason, 1.6.2012 kl. 00:46]

Hetja ertu alltaf, þakklátur að fá að þekkja þig.

[Ragnheiður , 1.6.2012 kl. 01:06]

Viðtalið í fréttatímanum er mjög gott. Það er heiður að þekkja þig baráttumamman sem þú ert.

Knús elskuleg -mér er eiginlega orða vant núna eftir lesturinn og þekkti ég þó söguna þeirra.

[Ásthildur Cesil Þórðardóttir, 1.6.2012 kl. 07:45]

Takk Steingrímur minn sömuleiðis

Takk fyrir mig Ragnheiður mín, þú hefur gefið mér alveg heilmikið líka

[Kidda, 1.6.2012 kl. 19:59]

Er svo ánægð með viðtalið sterka vinkona, það mættu fleiri foreldrar líka koma fram með sínar frásagnir af baráttunni við kerfið. Saga Júlla og Jóhönnu er ekki einsdæmi því miður.

Risaknús í kúlu

[Ásthildur Cesil Þórðardóttir, 1.6.2012 kl. 21:15]

Takk Kidda mín, nei það er ekki einsdæmi því miður.  Og meðan ekkert breytist eiga fleiri eftir að falla í valinn því miður, þessu verður að ljúka.