Má bjóða ykkur á rúntinn?

Má bjóða ykkur á rúntinn til Reykjavíkur og til baka.

Alltaf jafn tignarlegur þessi klettur. En veðrið var frekar þungbúið þegar við fórum suður.

Litli bær.

Steingerðið, það er víst óljóst hvaða tilgangi þessi steinaborg hafi þjónað, en sennilega er þetta kvíar.

Listaverk náttúrunnar, ég elska svona fegurð.

Flott ekki satt?

 Tók allar myndirnar út um bílgluggann á fleygiferð.

Það er nú eiginlega vel af sér vikið hahaha...

Og þarna sé ég andlit.

Þessi er spes fyrir Dísu mína, þetta er Svansvík.

Dálítið hrikalegt. þessi foss er á Lágheiðinni.

Farið niður af Steingrímsfjarðarheiðinni niður í Staðardalinn.

Komin yfir Gilsfjarðarbrú.

Svínadalurinn.

Hér er léttara yfir.

Himnagalleríið opið eins og sjá má.

Borgarfjörðurinn með sinn fallega mosa.

Hér hefur verið plantað mikið af grein inn í náttúrlegan birkiskóg. Synd, og vonandi eru menn hættir slíku.

Já skýin eru ekki bara grá, bara grá.

Við erum sem sagt búin að vera í borginni og erum á heimleið aftur. Og nú er veðrið miklu fallegra.

Glæsilegur Snæfellsjökullinn í baksýn við gamla býlið.

Það eru fáir staðir sem skarta slíku útsýni og hér á okkar litla landi. Og ekki er mistrinu fyrir að fara.

Baula gamla reynir að fela sig bak við fjöll, en stendur alltaf upp úr.

Og svo kemur svona fyrirbrigði það bókstaflega snjóar á smábletti, við vorum að spá í hvað þetta væri, og ókum svo inn í snjódrýfu en bara smástund.

Og við eigum nóg af hólum, hæðum og fjöllum.

Mjúkar línur, skarparlínur og allt þar á milli.

Og fallegir fossar sem skottast niður brattar hlíðar.

Vegirnir hafa verið stórbættir undanfarin ár. Enda sagði vinur minn Hjörleifur Valsson, sem nú býr í Noregi, þegar þú kemur heim viltu faðma og kyssa fyrsta vegagerðarmanninn sem þú hittir, þeir eru snillingar.   Hann var að lýsa ástandinu í vegagerð í Noregi.

Hér sameinast himin og landslag í eina heildarmynd.

Veðurbarinn gangnakofinn á Steingrímsfjarðarheiðinni, hann stendur þarna eins og landmerki í landslaginu.

Þessi er sérstök.

Í Djúpinu.

Fjöllinn kring um mig. 

Hér sést Súðavíkin.

Hesturinn brosir við manni.

Sjötúnahlíðin, hér er kleppur að mæta endalausum röðum af flutningabílum.

Snæfjallaströndin blasir við handan við Djúpið.

Kuppinn og flygildið að fara aftur suður.

Komin heim aftur. Vona að þið hafið notið ferðarinnar með mér elskurnar

Athugasemdir

[Dísa (IP-tala skráð) 18.5.2012 kl. 10:39]

Takk fyrir Svansvíkurmyndina, hún er mjög falleg og nær eiginlega öllu . Svona vetrarlandslag er alltaf svo fallegt og fjölbreytilegt. Gaman að ferðast svona með ykkur, það er svo sjaldan sem ég hef tækifæri til að horfa í kringum mig, verð að passa að tolla á veginum. Fór þó tvisvar í fyrra vestur með öðrum og naut að skoða.

[Ásthildur Cesil Þórðardóttir, 18.5.2012 kl. 10:47]

Mín er ánægjan Dísa mín.

[Vilhjálmur Stefánsson, 18.5.2012 kl. 15:06]

Altaf finst mérsérstaklega fallegt í Svansvík,og Móðir mín var fædd við rætur Hestfjallsins sem sé í Folfæti..Fallegar myndir takk..

[Helga Kristjánsdóttir, 18.5.2012 kl. 15:11]

Þetta var gaman,eldri borgarar í Kópavogi eru að fara vestur,held að ég nenni ekki. Alltaf þegar ég sé fjallið Hest,reyni ég að muna hvort bær við fjallið heitir Hestur. Ég átti skólasystkyn á Núpi frá Hesti. Það var fossbúinn,sem sást í klakabundnum fossinum fallega eða ?

[Ásthildur Cesil Þórðardóttir, 18.5.2012 kl. 16:18]

Gaman að heyra það Vilhjálmur. 

Helga mín Það er örugglega til bæjarnafnið Hestur, en það er allavega til Folafótur, hann er hinu meginn við Hestinn.  Þetta hefur örugglega verið fossbúinn sem kveður, kætir og gleður frjálst er í fjallasal.

[Ásdís Sigurðardóttir, 18.5.2012 kl. 16:58]

Takk kærlega þessu hafði ég gaman af :):)

[Vilhjálmur Stefánsson, 18.5.2012 kl. 17:22]

Við rætur Hests var Folafótur og utar var Hvítanes.

[Ásthildur Cesil Þórðardóttir, 18.5.2012 kl. 18:07]

Gaman að heyra Ásdís mín.

Takk fyrir þetta Vilhjálmur.  Hvitanes er þarna ennþá með Kristján og frú beljur hesta og kindur.  En veistu af hverju þetta er kallað Hvítanes, við vorum að spá í það hjónin, mér datt helst í hug að það væri frekar ljóst á að líta þ.e. klettarnir með allar sínar ljósu skófir. 

[Vilhjálmur Stefánsson, 18.5.2012 kl. 20:31]

þetta ku vera rétt hjá ykkur hjónum,það er vegna hinu Hvítu skófa sem eru á klettonum.Frá Hvínesi og inn með Hestfjallinu er eithvað það besta berjaland sem til er við Djúp og upp af Floafæti.það var farið til berja á hverju Hausti af Fótungum þangað og ég fór með þeim fyrst 1952 þá ellefu ára.Og ekki má gleima Gjörfidal líka sem berjaland....Djúpið er það fegusta og þrú ber í kílói af Aðalbláberjum...

[Ásthildur Cesil Þórðardóttir, 18.5.2012 kl. 21:55]

Það er nú eitt Vilhjálmur, ég er svo pirruð yfir að vegagerðin kallar ána Gervidalsá.  Alla mína barnæsku og átti afa og ömmu úr djúpinu var talað um Gjörvidal, en ekki Gervidal.  Mér finnst það algjört ónefni.

[Vilhjálmur Stefánsson, 18.5.2012 kl. 23:22]

Áin heitir Gjörvidalsá því verður ekki breitt þó Vegagerðin segi annað og fyrir neðan vegin rétt fyrir neðan Sumarbústaðin sem þar stendur er heitur pottur frá nátturanar hendi.þau sem eiga Bæjarlandið þar Sumarbústaðurinn stendur heita Guðrún Manúsdóttir og Jens Kristleifsson,Síðasti ábúandin í Gjöfudal var afi þessara Gurðrúnar sem ég nefndi hér að framan. Annars veit Fólkið í Múla nákvælega hvervegna Vegargerðin er að breita nöfnum á ýmsum stöðum vestur í Djúpi..

[Kristján Hilmarsson, 19.5.2012 kl. 00:15]

Glæsilegar myndir Ásthildur ! þú (eða hver það nú var sem tók myndirnar) hefur næmt auga fyrir fegurð landsins, þó svo kalt og hrjóstrugt sé sumstaðar.

Hafði gaman af textanum um vegamálin í Noregi samanborið við Ísland, þó svo slíkar samlíkingar geti aldrei verið alveg marktækar í tveim svo ólíkum löndum, ólíkum landfræðilega, íbúfjölda og mörgum öðrum þáttum, þá er einn reginmunur og hann er einmitt sá sem gerir það að verkum að Noregur er dæmdur í 84. sæti varðandi ástand vegamála, af 120 löndum, af World Economic Forum, þessi munur er einmitt grunnhugsunin um hvað samgöngur eru mikilvægar fyrir velgengni, framtíð og hagvöxt lands og þjóðar, þetta hafa íslendingar alltaf skilið og breytt eftir því, (allavega hingað til, teikn eru því miður á lofti um annað) meðan áratuga afturhaldssemi, fordómar og kolvitlaus forgangsröðun er búin að koma Noregi svona aftarlega á merina í þessum málum, sem raun ber vitni, svíar hafa hugsað á sama hátt og íslendingar, land án góðra, tryggra og hagkvæmna samgangna er ekki samkeppnishæft.

Takk enn og aftur fyrir að hafa boðið okkur "á rúntinn" Glæsilegt !!

MBKV

KH

[Haraldur Haraldsson, 19.5.2012 kl. 00:50]

Flott ferðalag og myndir vinkona ,frábær myndasmiður þu ert bara/Kveðja

[Jóna Kolbrún Garðarsdóttir, 19.5.2012 kl. 01:48]

Skemmtileg ferðasaga

[Sigurður Þorsteinsson, 19.5.2012 kl. 09:55]

Mig hlakkar meira til að fara vestur en suður. Nú eruð þið jú komin með svo góðar samgöngur á milli staða fyrir vestan. Fundur ríkisstjórnarinnar skilaði ykkur nýjum göngum yfir til suðurfjarðanna.

[Ásthildur Cesil Þórðardóttir, 19.5.2012 kl. 10:24]

Já ég þekki Ástþór Vilhjálmur.  Takk fyrir Kristján, já ég tók þessar myndir á hraðferð úr um bílrúðuna.  Vegir í Noregi eru bæði mjóir og krókóttir, þó þeir bori og brúi, þá eru það einu kaflarnir sem eru nokkurnveginn beinir.  Vegagerð er nefnilega afar dýr í Noregi, þeir þurfa að sprengja allt vegastæðið, og mega ekki fara gegnum ræktuð svæði, því það er erfitt að rækta upp landa á þeirri grjóthrúgu, eða klettabelti.   Til að komast frá Osló til Ásasunds þarf að fara í a.m.k. þrjár ferjur.  Við gleymum stundum að það getur verið betra ástand hér en annarsstaðar, þegar við erum að einblína á útlönd.

Takk  Haraldur minn.

Takk Jóna mín.

Já þú segir það Sigurður, eitt af þessum innantómu loforðum forsætisráðherra, ég segi bara ekki er sopið kálið þó í ausuna sé komið