Hugleiðing og matur.

Minn elskulegi eiginmaður kom heim frá Noregi til að votta fyrrverandi tengdadóttur okkar hinstu virðingu.  Í gær bauð hann okkur Úlfi út að borða.  Það var smá umræður um hvert ætti að fara, því hér er sko nóg um góða matsölustaði.  En við ákváðum á endanum að fara í Edinborg, þar hafa nýtekið við vertar sem reyndar eru með Núp í Dýrafirði á sinni könnu.  Ég hef haft það fyrir sið að panta mér ekki nautasteik á íslenskum matsölustöðum, því ég hef fengið allskonar tyggjó og leiðindi þar, nema á Heresford við Laugaveginn.  En í gær ákvað ég að breyta út af línunni og pantaði mér nautasteik með frönskum og kryddsmjöri.  Satt best að segja þá var þessi réttu mér til mikillar ánægju bæði mjúkur og bragðgóður.  Og ég á örugglega eftir að fá mér hann aftur þarna.

Að bíða eftir matnum.

Hér eru vertarnir flottir.  Mæli með þessum stað til að borða, þjónustan er einkar lipur og ljúf og maturinn góður.

Í sumar verða svo kærleiksdagar að Núpi sem ég mæli eindregið með að fólk mæti á friðar og kyrrðarstund ásamt allskonar sálarbætandi starfssemi.

Svona er veðrið í dag, en rokið lét á sér standa, vona að þetta lagist í nótt.

Já ekki beint sumarlegt, en alveg þolanlegt, því snjórinn verndar plönturnar fyrir kali.

En inn í garðskálanum er sumar, og algjör paradís fyrir litla snáða.

Þar er skipum hleypt af stokkunum, í þessu tilfelli skipi sem pabbi bjó til fyrir stubbinn sinn.

Og skólafélagarnir halda áfram að koma í heimsókn, bestu vinir þannig er það bara.

Já yndislegir unglingar segi og skrifa.

En næsta þriðjudag förum við og kveðjum stelpuna okkar og Úlfurinn mömmu sína. Það verður erfið stund fyrir hann og reyndar okkur líka. Málið er að þegar maður kynnist fólki náið, þá sér maður og lærir hvaða mann þau hafa að geyma og Jóhanna Rut var manneskja sem hvatti mann til umhugsunar um hvað lífið snýst um. Hún og Júlli minn voru þessar hvunndagshetjur sem maður gleymir ekki, en hugsar til þegar kreppir að og fær mann til að hugsa um; að það er í raun og veru allt hægt, bara ef við einsetjum okkur það.

Athugasemdir

[Helga Kristjánsdóttir, 14.5.2012 kl. 01:18]

einmitt,hjá þeim eru góðar minningar.

[Ásthildur Cesil Þórðardóttir, 14.5.2012 kl. 08:55]

Já góðar minningar gefa manni mikið. 

[Jóhann Elíasson, 14.5.2012 kl. 09:03]

Virkilega gaman að heyra að Elli skyldi skjótast heim - þótt tilefnið hafi síður en svo verið ánægjulegt.  Ég vil votta Úlfi, öllum ættingjum, vinum og venslamönnum Jóhönnu mína dýpstu samúð og megi almættið vaka yfir þeim á þessum erfiðu tímum...

Það er mikil kúnst að meðhöndla og elda nautakjöt og bara flest allt kjöt svo vel sé.  Ég bý svo vel að sonur minn, sem býr hjá mér, vann í nokkur ár í kjötvinnslu og í kjötborði vissrar verslunar.  Þar lærði hann að meðhöndla kjöt og matreiða á sem bestan máta og eftir veru hans þar á ég við þann vanda að stríða að sparifötin eiga það til að "hlaupa" á herðatrjánum (ég er helst á því að ég þurfi að skipta um þvottaefni ).  Mér skilst að eigandi Hereford Steikhúss sé Súgfirðingurinn Bragi Ólafsson og þekki ég hann Braga rétt þá er metnaður hans það mikill að það fer ENGINN viðskiptavinu óánægður út.

Bestu kveðjur í "kúlu".....................

[Birna Dis Vilbertsdóttir (IP-tala skráð) 14.5.2012 kl. 09:24]

Kæra Àsthildur og àstvinir Jòhønnu Rutar ,mìnar innilegustu samùdarkvedjur  Einmitt hvunndagshetjur er voru tessar elskur

[Dísa (IP-tala skráð) 14.5.2012 kl. 10:22]

Gott að Elli komst heim. Ég votta ykkur öllum samúð og eitt er ég viss um, að þú heldur lifandi öllum góðu minningunum hans Úlfs og segir honum frá öllu því góða. Knús í Kúlu

[Kidda, 14.5.2012 kl. 10:43]

Verð með ykkur í huganum á morgunn og sérstaklega Úlfi, sammála Dísu um vissuna um að þú haldir lifandi öllum góðu minningunum hans Úlfs.

Knús í kúlu <3

[Ásthildur Cesil Þórðardóttir, 14.5.2012 kl. 11:17]

Takk innilega öll.  Já ég mun hjálpa honum með allar góðu minningarnar bæði mömmu og pabba

Jóhann gaman að heyra að eigandi Heredford sé Súgfirðingur ekki verra að vita það. 

[Ásdís Sigurðardóttir, 14.5.2012 kl. 16:52]

Stundum finnst manni að góðar minningar séu allt sem maður á hjartanskveðja er á smá yfirferð.

[Haraldur Haraldsson, 14.5.2012 kl. 17:12]

Allt sem maður les eftir þig snertir mann,þú ert svo ótrúlega opin og góð manneskja/samúarkveðjur!!!

[Dagný, 14.5.2012 kl. 19:27]

Gott að Elli gat skotist heim - nauðsynleg fyrir ykkur að geta verið saman á erfiðum stundum. Samúðarkveðjur.

[Ásthildur Cesil Þórðardóttir, 14.5.2012 kl. 20:37]

Takk Ásdís mín.

Haraldur takk fyrir þetta fallega innlegg.

Já það er gott að hafa hann hjá okkur þessa daga Dagný mín,

[Ragnheiður , 14.5.2012 kl. 23:45]

Æj elskuleg mín, Jóhönnu bið ég blessunar á nýjum brautum. Samúðarkveðjur til ykkar allra og allra þeirra sem þekktu hina sönnu Jóhönnu, þá sem hvarf smátt og smátt í hyldýpið mikla.

Þau leiðast nú um og horfa á Úlf sinn og sjá að hann er í góðum höndum.

Kærleiksknús, þau voru sannarlega hetjur hversdagsins

[Ásthildur Cesil Þórðardóttir, 15.5.2012 kl. 10:09]

Takk Ragnheiður mín, já þau leiðast saman og varða veginn fyrir soninn til hamingjunnar Nú geta þau loksins verið honum sú aðstoð sem þau vildu alltaf vera.