Kúlumyndir.

Hér á Ísafirði er nú sól dag eftir dag.  Samt frekar kalt í skugganum.  En hvað um það fjörðurinn okkar bíður upp á sitt besta.

Þessi er tekinn klukkan 6 að morgni í gær. Þvílík þögn og þvílík blíða og sólin komin á loft.

Sem betur fer er allaf nóg af litlum krílum í kring um mig, og þau elska tjörnina. Rétt eins og hunangsflugurnar, ég er nú þegar búin að bjarga fimm stykkjum upp úr tjörninni.

Hún er að skoða fiskana og afar áhugasöm hún Auður Lilja

Stefán stóri bróðir er meira svona að skoða sig um utandyra.

Þau eru eins og mamman hún Sunneva alveg svakaleg krútt

Rauðhausarnir systur mínar komu og hjálpuðu mér í nokkra daga upp í gróðurhúsi, það var afskaplega vel þegin hjálp.

Stolt amma Dóra systir mín.

Svo grilluðum við og nutum dagsins.

Hér er Sigurjón komin líka.

Sigurjón og Stefán borða pylsur.

Maturinn smakkaðist vel.

Það var nóg til þó fleiri bættust í hópinn.

Og svo var hægt að hjóla.

Manshuríu rósin mín er svo falleg, en hún er dálítið feimin og niðurlút svo ég verð að taka undir hökuna og lyfta henni svolítið til myndatöku.

Já það er allt í blóma í garðskálanum.

Mánin fullur fer um geiminn fagrar bjartar nætur.

Eigið góðan dag elskurnar. Hann verður fallegur hér hjá mér.

Athugasemdir

[Jóhann Elíasson, 5.5.2012 kl. 12:09]

Meira fylleríið á mánanum alltaf.    Alltaf gaman að koma inn á síðuna þína.  Góðar kveðjur vestur........

[Ásthildur Cesil Þórðardóttir, 5.5.2012 kl. 12:34]

Já hnn er nú meiri fyllibyttan.  Takk fyrir góðar kveðjur og mín er ánægjan

[Vilhjálmur Stefánsson, 5.5.2012 kl. 12:47]

það vermir mann Myndirnar altaf hjá þér.það felst altaf gleði í þeim...

[Ásthildur Cesil Þórðardóttir, 5.5.2012 kl. 13:48]

Takk Vilhjálmur minn. 

[Helga Kristjánsdóttir, 5.5.2012 kl. 15:24]

Þett er allt fallegt,mjög fallegt.

[Ásthildur Cesil Þórðardóttir, 5.5.2012 kl. 16:18]

Takk Helga mín.

[Dísa (IP-tala skráð) 5.5.2012 kl. 16:52]

Alltaf jafngaman að skoða myndirnar þínar . Var einmitt að horfa á þann gamla í gærkvöldi út um gluggann og hann var fullur, bregst ekki einu sinni í mánuði . Gaman líka að sjá myndir af Dóru og barnabörnum eins og er stutt síðan hún fæddist sjálf. Svava var áðan að biðja mig að skutla sér í kvöld á þrjátíu ára útskriftarafmæli og ég sagði henni að þetta væri útilokað, einhver kynni ekki að reikna, é á tuttugu ára útskriftarafmæli á þriðjudaginn og ég er eldri en hún. Reyndar var ég 47 ára þegar ég fór í útskriftina og 48 þegar ég kom heim, þetta tók svo langan tíma, en samt. Við erum bara rúmlega tvítugar- er það ekki? Njóttu góða veðursins, það ætla ég að gera þó kalt sé .

[Ásthildur Cesil Þórðardóttir, 5.5.2012 kl. 17:23]

Já ég sit í sólinni í dag líka hér eru skólasystkini Úlfs að koma og færa honum blóm og ein kom með einstaklega fallega minningabók sem allri 9 bekkingar skrifuðu í, teiknuðu myndir og síðan bundinn inn.  Það er svo margt fallegt og gott sem þau skrifa og ég hugsa hve falleg og góð þau geta verið.  Kennararnir hafa líka verið yndislegir. 

Dísa mín við erum sko ekki degi eldri en tvítugar, ungar og flottar

[Erla (IP-tala skráð) 5.5.2012 kl. 21:53]

  Þvílík dásemd!Morgunmyndin minnir mig á þegar maður vaknaði eldsnemma til að

 fara í vorskólann,manstu?

[Ásthildur Cesil Þórðardóttir, 5.5.2012 kl. 22:38]

Já Erla mín ég man, nema ég hef lært að njóta þess betur eftir því sem ég eldist

[Kidda, 6.5.2012 kl. 09:41]

Hreinlega elska að skoða myndirnar þínar og lesa um lífið í kúlu.

Knús í kærleikskúluna <3

[Ásthildur Cesil Þórðardóttir, 6.5.2012 kl. 10:44]

Takk Kidda mín knús á móti.