Maður er nefndur.

Ómar Valdimarsson, sem þykist vera karl í krapinu og telur sig geta sagt sitt álit á mönnum og málefnum.  En eitthvað hef ég komið við fínustu taugarnar á honum, því ef ég ætla að svara honum á blogginu hans.  Blasir þetta við mér:

Eftirfarandi villur komu upp:

• Þér er ekki heimilt að skrá athugasemdir

 Svo kempan sú þorir ekki að takast á við óvinsælar athugasemdir.  Ég verð að segja það að ef fólk er svona viðkvæmt fyrir athugasemdum þeirra sem ekki eru þeim sammála, þá ættu þeir ef til vill ekkert að vera að tjá sig.  Vegna þess að með svona framkomu auglýsa þeir viðkvæmni sína og varnarleysi til að tjá sig við fólk sem ekki er þeim sammála.  Í þessum flokki eru fleiri m.a. Eiður nokkur Guðnason sem þykist geta hraunað yfir allt og alla, en er algjörlega á þessari línu af því að ég skaut að honum einhverjum að mínu mati sannleikskornum. 

Ég gef hreinlega ekki rassgat fyrir svona fýra, þeir eru að mínu mati undirmálsmenn sem ekki geta svarað fyrir sig.  Bara gelt eins og rófulausir hundar, komið með sýn mjög svo umdeild mál, en banna allar raddir sem koma þeim illa.  Og ég segi bara si sona..... Oj barasta.

Athugasemdir

[Jack Daniel's, 16.4.2012 kl. 23:44]

Hannes Hólmsteinn, Björn Bjarnason og margir fleiri sem þora ekki að hafa kommentakerfið opið enda gugnur og ræflar.

[Sævar Óli Helgason, 17.4.2012 kl. 00:14]

Ha...?!?

Er hægt að útiloka vissa bloggara frá því að gera komment á blogginu hjá manni...?

Það er óneitanlega dáldið cool...

Þ.e.a.s ef maður vill lifa í einsleitum heimi þar sem allir eiga að vera sammála manni sjálfum...

Tíhíhí...!

Hvað skrifaðir þú honum eiginlega þannig að þú færð svona "royal treatment" hjá honum Ómari...?

[Axel Jóhann Hallgrímsson, 17.4.2012 kl. 00:30]

Það virðist nokkuð um það að helstu strigakjaftarnir á blogginu telji útilokanir athugasemda, sína helstu og bestu vörn. Afskaplega lítilmannlegt.

[Gunnar Heiðarsson, 17.4.2012 kl. 00:48]

Kratar eru upp til hópa litlir menn, Ásthildur.

[Omar Valdimarsson (IP-tala skráð) 17.4.2012 kl. 00:52]

Takk fyrir að hafa opið hér. Ég lokaði á þig af sömu ástæðu og ég hef lokað á suma aðra: fyrir dónaskap og illt orðbragð um fólk. Eins og t.d. það sem þú viðhefur um mig í þessari færslu.

[Sigurður Þorsteinsson, 17.4.2012 kl. 06:14]

Það er ekkert að því að  hafa lokað almennt fyrir athugasemdir, en þeir sem hafa opið fyrir athugasemdir verða að meta getu sína til þess að rökræða við aðra. Víða eru jafnaðarmenn í forystu hvað varðar rökræður, Samfylkingin velur samræðupólitík án umræðna. Ómar er það sem við köllum kerlingu í málflutningi, það hefur ekkert með kynferði að gera.

[Kristinn V.Jóhannsson (IP-tala skráð) 17.4.2012 kl. 07:25]

Ef þessi skrif hér að ofan eru það sem þið kallið rökræður eða athugasemdir er ég ekki hissa á því að maðurinn loki á ykkur.

[Sigurður Þorsteinsson, 17.4.2012 kl. 09:27]

Kristinn við Ásthildur erum oft ekki sammála um mál, en við getum átt skoðanaskipti. Það er oftast hægt hér á blogginu, á því er þó undantekning. Félagar í Samfylkingunni velja sér einræðuformið, sem er víst í flokknum kallað samræður. Það er í þeim anda sem ríkisstjórnin á samræður við útgerðina í landinu og aðra hagsmunaaðila í sjálvarútvegi um fiskveiðifrumvarpið. Aðferð ríkisstjórnarinnar er einræða. Hún er ekki líkleg til árangurs. 

Ef Kristinn V.Jóhannsson er fyrrverandi bæjarfulltrúi Alþýðubandalagsins á Neskaupstað, þá ætti hann að hlusta á Gunnþór Ingvason framkvæmdastjóra Síldarvinnslunar á Neskaupstað. Hann kemur hreint til verks og segir það sem segja þarf. Nú hef ég ekki hugmynd hvar maðurinn er í pólitík, en hann er engin ,,kelling". Hér fyrir sunnan var talað um að það þyrfit að þagga nður í svona mönnum. Það geta svo allir getið sér til um hvaðan sú umræða kom. 

Mjög margir voru ósáttir við hvernig kvótamálin voru frá byrjun og það er vilji fyrir ákveðnum breytingum. Málið er hins vegar flókið og þá þarf að skoða það frá sem flestum sviðum. Ríkistjórnin ákvað hins vegar að loka á umræður á blogginu sínu, rétt eins og Ómar Valdimarsson. Þjóðin vill hins vegar loka blogginu þeirra fyrir fullt og allt. 

[Ásthildur Cesil Þórðardóttir, 17.4.2012 kl. 10:12]

Takk fyrir innlitið allir, sé að hér svara einungis karlmenn.   En af því þú nefnir Björn og Hannes "Jack" þá er munurinn sá að þeir hafa lokað fyrir allar athugasemdir.  Sem segir að þeir annað hvort treysta sér ekki til að svara eða einfaldlega nenna því ekki.  En menn eins og Ómar leyfir andsvör, en lokar fyrir fólk sem kemur of nærri honum. 

Jamm Sævar Óli það er hægt.  Og sumir nota það óspart. 

Já Axel, það virðist vera að þeir sem mest brúka munn þoli ekki þegar aðrir gera það.   Skrýtið.

Gunnar allavega það fólk sem situr á alþingi íslendinga. 

Ómar auðvitað var ég gróf þarna.  Fór fram úr sjálfri mér.  Mér varð heitt í hamsi.  En ég hef jafnað mig á þessu og mun ekki ónáða þig frekar.  Fer samt ekki ofan af því að fólk sem ekki þolir gagnrýni þarf að hugsa sinn gang um opinber skrif.  Sá sem er svo viðkvæmur fyrir sjálfum sér að hann þarf að loka á fólk, er nefnilega í vondum málum á sálinni.

Sigurður satt segir þú við getum oft verið ósammála um ýmislegt en vitum að við getum alltaf rætt saman um þau mál sem okkur bæði greinir á um og erum sammála.  Þannig þróast umræðan, og verður öflugri. 

Þöggun ríkisstjórnarinnar um öll okkar helstu málefni er algjörlega á skjön við þetta viðhorf mitt.

[Ómar Geirsson, 17.4.2012 kl. 10:14]

Það er hart í heimi Ásthildur þegar er lokað á hógværar konur.

En gunnmálið er að maður setur reglur fyrir sín eigin húsakynni en tekur leikreglum annarra.

Annars gengur þetta ekki hjá okkur hér í Netheimum.

Höfum það á bak við eyrað.

Kveðja að austan.

[Ásthildur Cesil Þórðardóttir, 17.4.2012 kl. 10:19]

Já það er alveg hárrétt hjá þér, með reglurnar.  En ég er ekki alltaf hógvær, ég er með þennan vestfirska strigakjaft og segi stundum eins og mér finnst og get þá orðið frekar hvöss   FLott ábending hjá þér minn kæri.

[Ómar Geirsson, 17.4.2012 kl. 11:02]

Strigakjafturinn kryddar hógværðina, þú talar aðeins tungumál lífsin, þaðan koma forsendur þínar og áherslur. 

En það er allt misjafnt hvernig hlutirnir fara í fólk og menn verða einfaldlega að virða það hjá náunganum.

Stundum finnst mér fólk úr okkar röðum gleyma að hinir geta líka haft sannfæringu fyrir sínu máli, og þeir flytja það með sömu ástríðu og við.  Og eins eru til snallir áróðursmenn í þeirra röðum.  Nafni minn Valdimarsson er einn af þeim.  

Við höfum ekkert skotleyfi á hann ekki frekar en þeir á okkur. 

En að missa sig í hita leiksins, það er aðeins vísvending um ástríðuna, að viðkomandi mál skiptir mann máli.  Maður er bara í glerhúsi ef maður kannast ekki við það hjá sjálfum sér. 

Persónulega finnst mér þú sanngjarnari við nafna minn í athugasemd  9 en þú ert aðeins ofar en það er einfaldlega mitt mat og ætlast ekki til að aðrir séu sama sinnis. 

En hjá þér fæ ég að tjá það.  

Kveðja vestur og upp með borana, þarft verk hjá Dýrfirðingum, megi allir góðir vættir og aðrir Vestfirðingar styðja þá í því starfi.  Skaðar ekki að við hin gerum það líka.

Kveðja að austan.

[Ásthildur Cesil Þórðardóttir, 17.4.2012 kl. 11:36]

Takk fyrir þessi orð Ómar og þú mælir þarna afar viturlega.  Tek svo fyllilega undir með þér með Dýrafjarðargöngin, þau eru bráðnauðsynleg rétt eins og Norðfjarðargöng,  Vaðlaheiðin má alveg bíða. 

[Hjördís Vilhjálmsdóttir, 17.4.2012 kl. 12:53]

Flott hjá þér Ásthildur að segja frá þessu! Finn ekki neitt um hvað það var sem þú sagðir sem gerði að verkum að þér var refsað fyrir ??? Er það hér ?

Ég á pínu erfitt með að skilja þegar fólk bloggar og bloggar og hefur svo lokað fyrir kommentamöguleika, þeas þegar það er alveg lokað. Erfitt að skilja að vilja einungis láta tala um sig en á sama tíma vilja ekki eiga samræður við fólk. Slagorð Bylgjunnar mættu margir taka sér til fyrirmyndar: ,,Hlustaðu á okkur, því við hlustum á þig " Væri nær ef fjölmiðlar sem hafa möguleika á kommentum, slökuðu aðeins á að birta fréttir úr harðlokuðum bloggum. Hef velt fyirr mér hvort það sé vegna stress yfir að enginn kommenti ??? Eða er þetta bara plein hroki ? Væri jú neyðarlegt þegar þungavigtarmenn eiga í hlut... Og svo hef ég líka tekið eftir öðru með sum lokuð blogg. Það sést ekki heldur nein talning á innlitum, flettingum ofl. Why er það leyndó ???

[Ásthildur Cesil Þórðardóttir, 17.4.2012 kl. 13:03]

Takk Hjördís mín, nei ég er búin að vera lengi í straffi á kommentakerfinu hans Ómars.  Ég setti eitthvað þar inn fyrir margt löngu sem greinilega hefur komið illa við hann ætli hann hafi ekki verið að hæðast að fólki eins og Guðna í síðustu bloggfærslu.  Ég var bara búin að gleyma því

Ætli þetta sé ekki að sumu leyti hræðsla við svarleysi eins og þú bendir á, og hroki í bland.  Þ.e. hjá þeim sem ekki leyfa andsvör.  En þeir sem leyfa sumum að svara og þurrka út eða loka fyrir svör frá sumum eru svona frekar viðkvæmir að mínu mati.  Gaman samt að spá í þetta, segir meira um menn en þeir halda.

[Hjördís Vilhjálmsdóttir, 17.4.2012 kl. 16:47]

Skrítið að kona eins og þú sem ert kurteis ( ég hef ekki orðið vör við strigakjaftinn sem þú segir þig með ) sé dæmd til lífstíðar refsingar í Netheimum. Það er nú meira málfrelsið !

Og svo með þá sem um er rætt en leyfa engum að kommenta hjá sér...verð ekki heldur vör við að þeir kommenti hjá öðrum á opnum bloggum. Snobb eða hroki ? Hver veit hvað veldur, en púkó þykir mér það; eins og verið sé að setja sjálfan sig á háan hest. Bloggið er einmitt tækifæri til samræðna. Þar sem allir sem vilja geta setið við umræðuborðið. Væri þetta í Mannheimum, þá liti þetta enn bjánalegra út. Þar sem sumir héldu þá einræður, yfirgæfu borðið og létu svo öðrum um að ræða snilld sína sem þeir sögðu... ! Það er ekki til eftirbreytni að ignorera fólk þykir mér. Og meðferðin á þér, suss og svei !!! En skondið um leið, þar sem það er karlmaður sem lokar þig úti , vestfirska kurteisa sómakonu, og frystir til æviloka sennilegast... 

[Ásthildur Cesil Þórðardóttir, 17.4.2012 kl. 17:17]

Takk Hjördís mín.  Ég get sennilega stungið dálítið fast í snögga bletti á þeim sem þá hafa þegar þeir gefa kost á því.  Þess vegna er vissara fyrir Ómar að útiloka mig alveg og já einnig málamaðurinn mikli Eiður Guðnason, sama þar.   En veistu mér þykir miklu skemmtilegar að eiga orðastað við fólk eins og þig og fleiri sem hafa allt opið og eru ekki með sálina í kremju yfir því hvort einhver segir eitthvað styggðaryrði.  Sammála þér með þetta með svarleysið.  Ég er viss um að mest af þessu er minnimáttarkennd sem ekki má viðurkenna, en gerir fólk um leið veikara fyrir. 

[Jens Guð, 18.4.2012 kl. 01:21]

  Eitt það allra skemmtilegasta við blogg og fésbók er að skiptast á skoðunum.  Umræðan sem fylgir bloggfærslu er iðulega miklu skemmtilegri en sjálf bloggfærslan (hjá mér í mínu tilfelli).  Ég átta mig ekki á þeim sem vilja einungis sína einræðu án skoðanaskipta.  Það er einungis gaman og fróðlegt að kynnast viðhorfum sem eru ólík mínum.  En það er ekki allra að vilja heyra önnur sjónarmið.  Þannig urðu til fyrirbæri eins og fasismi og nasismi.

[Hjördís Vilhjálmsdóttir, 18.4.2012 kl. 09:26]

Mikið er ég sammála þér Jens og hvað mig varðar, að þá elska ég þegar ég skipti um skoðun við að lesa komment á netinu almennt. Það gerist stundum og ég get bætt við að fréttir án kommenta eru næstum leiðinlegar, svona eftir að maður komst uppá bragðið með að lesa komment við þær. Næstum eins og ef American Idol og aðrir hæileikaþættir myndu hætta að hafa áhorfendur sem maður finnur viðbrögðin við beint i æð !

Það einmitt er kannski það sem fer fyrir brjóstið á þeim sem hafa allt lokað, hræddir um að ekki verði ..klappað" og enn meira að það verði púað... ;)) 

[Hjördís Vilhjálmsdóttir, 18.4.2012 kl. 09:27]

Sömuleiðis kæra Ásthildur ;)

Ertu að segja það að Eiður hafi líka lokað á þig ;o ???

[Ásthildur Cesil Þórðardóttir, 18.4.2012 kl. 10:42]

Jamm   stakk á einhverju kýli sem meiddi.  Ég segi sama og þið, oft er miklu skemmtilegra að lesa svörin en sjálfar færslurnar.  Og maður kynnist persónuleikum fólks betur þannig. 

[Hjördís Vilhjálmsdóttir, 18.4.2012 kl. 16:04]

Magnað að tveir vaskir og hraustir karlar skelli í lás a ljúfa konu...;))Og svo er sagt að Kínverjar þurfi að taka sig á með tjáningarfrelsið og netið... ;)))

En þetta er kannski eins í Mannheimum, fólk sem segir eitthvað sem öðrum mislíkar er ýtt til hliðar og læst úti á mismunandi hátt. Kannski er þetta bara skýrara í Netheimum og fer ekki á milli mála. En báðir heimar virðast eiga það sameiginlegt að menn sem læsa aðra úti, geta ekki því miður útskýrt hvað sé málið og náð þá sáttum. Hlaupið í fýlu og stjórnað með þögn og fýlupúkastjórnun. 

[Ásthildur Cesil Þórðardóttir, 18.4.2012 kl. 16:20]

Já ekki stórmannlegt Hjördís og eins og þú segir það er miklu betra að taka slaginn og bera af sér slyðruorðið en að hlaupa í fýlu.  Takk annars fyrir hlý orð.