Davíð og Golíat - Ísland og ESB.

Ég hef nú þá trú að þjóðin muni ekki treysta Vinstri Grænum hvort sem er í næstu kosningum, nema það lið sem fylgir Steingrími að málum fari út, þau geta til dæmis fært sig yfir í Samfylkinguna þar slitnar ekki slefan á milli.

En það er augljóst á öllu að það verður ekki langt í næstu kosningar.  Það sést á því að allur fjórflokkurinn er farin að hrista upp í gömlum gildum og hneykslast á því sem þessi ríkisstjórn hefur gert.  Allt í einu núna.  Menn eru líka orðnir þreyttir á þessu ástandi greinilega það er nefnilega ekki bara ég sem er orðin orðljót og grimm.   Það segir ákveðna sögu þetta Farðu Farðu Farðu, Hættu Hættu Hættu.  Eða hvaða orð sem voru notuð milli aþingismanna á fésbók.

Davíð Oddsson reyndi á sínum tíma að tala upp krónuna og uppskar hlátur og grín.  Það er ekki hægt að tala upp gjaldmiðilinn sögðu menn.

Í þrjú ár eða lengur hefur þessi ríkisstjórn talað krónuna niður.  Þó er hún ennþá til.  Hvað ætli menn úti í heimi hugsi þegar æðstu stjórnarmenn landsins tala gjaldmiðilinn endalaust niður.  Meira segja leggjast svo lágt að segjast komsat í skjól í evru, af öllum gjaldmiðlum, sem flestir eru á að hverfi eða a.m.k. komist í öreindir fljótar en menn vilja vera láta.

Nú hafa tveir ráðherrar, að vísu annar fyrrverandi komið fram og sagt okkur svart á hvítu það sem við aðlögunarsinnar höfum alla tíð talið.  Að hér er ekki um aðildarviðræður að ræða heldur blákalda innlimun. Bæði Ögmundur og Jón Bjarnason eru orðnir verulega áhyggjufullir, og vita þeir þó meira um þetta mál en við hin. 

Ég spyr líka hvar er þetta 90.000 blaðsíðna rit frá Evrópusambandinu sem stundum er vitnað í?  er það rit ekki þýtt á íslensku, og af hverju ekki?  Stendur eitthvað óþægilegt í því?  Já það gerir það nefnilega.  Þar segir hreint út að það sé ekkert til að semja um, bara að taka upp jafnt og þétt skipanir frá Brussel, bara spurning um tímasetningar.  Og hvað er þessi svokallaða "samninganefnd" þá að gera?  Þeir hljóta að vera áskrifendur að kaupinu sínu.  Því samninganefnd sem er að semja um eitthvað sem er ekki hægt að semja um, hlýtur að vera í skrítnum málum.  Ég krefst þess eiginlega að bókanir og umræður þessarar nefndar við ESB verði gerðar lýðum ljósar, birtar svo við getum séð svart á hvítu hvað þeir eru að nota peningana okkar í.  Meðan verið að að herða sultar ól á íslenskum almenningi, svo alvarlega að fólk telur bestu leiðina að taka sitt eigið líf, eins og kom fram á bloggi Maríóns Njálssnar.

Þeir eru  meira að segja orðnir svo frekir ráðamennirnir í Brussel að ýta við okkar mönnum um að opna landhelgina og leyfa veiðar annara ríkja.  Þeir eru líka að komast yfir vatnsföll og aðrar auðlindir, sem þeir hafa takmarkað af.  Og stærsta gulrótin svo notuð séu orð Össurar er auðvitað Norðurleiðin svokallaða frá Síberíu. Þeir vilja fá sinn hlut í þeim tækifærum sem þar bíða.  Ekki minnkar áhuginn þegar ljóst er að olía er líkleg á Drekasvæðinu.

Ætlar lítil vel upplýst þjóð virkilega að kasta þessu öllu frá sér bara til að geta leikið við stóru strákana í Brussel?

Menn eru hissa á að það séu mest menntamenn og fólk úr Reykjavík (sem sennilega hefur aldrei migið í saltan sjó) sé hópurinn sem vill ólmur þarna inn.  Það er vegna þess að þeir horfa einfaldlega á málin á annann hátt.  Þeir vilja komast í samneyti við menningarelítuna úti, og sjá fyrir sér meiri möguleika á slíku.  Ísland er orðið of lítið fyrir þetta fólk. 

En við hin sem gerum okkur grein fyrir hvað er í húfi, munum áfram berjast við þetta ofurefli, sem hefur sett milljarða í sína baráttu fyrir innlimun, keypt sér þá ráðamenn sem við sjáum hvernig haga sér gagnvart landi og þjóð.  Þetta er stríð Davíðs og Golíats.  Með því að láta ekki ginna okkur tekst okkur að koma þessum óskapnaði af höndum okkar.  Og vonandi fær landsdómur sitt herfang, það verður sennilega ekki Geir Haarde, það verða núverandi ráðamenn og þeirra pótiintátar, sem selja sálu sína fyrir gott veður í Evrópu. 

Gott fólk það virðist vera að hvorki Ögmundur eða Jón Bjarnason hafi kjark til að stoppa þetta ferli af.  Þó er þessi ríkisstjórn með eins manns meirihluta.  Þeir eru að biðla til almennings að hugsa sína stöðu.  Það sem við getum gert er að láta ekki glepjast af gulli og grænum skógum frá Brussel, þeir myndu ALDREI VERA AÐ EYÐA ÞESSUM TÍMA OG PENINGUM Í AÐ FULLVISSA OKKUR UM GÓÐSEMI ÞEIRRA OG SKJÓl.  Ef þeir væru að hugsa um okkur þessa litlu þjóð með allar sínar auðlindir.  Þetta eru ekki GÓÐGERÐARSAMTÖK, ekki BJÖRGUNARSVEIT og alls ekki ENGLAR ALHEIMSINS AÐ HUGSA UM LÍTILMAGNAN.  Þeim gæti ekki verið meira sama um fólkið sem hér býr.  Þeir eru að spá í gæðin sem þeir fá við það að við töngum inn.  Og nú hugsi hver fyrir sig; Hvað verður þá um okkur?

Við vorum nýlendu þjóð undir dönum á sínum tíma, norðmönnum líka, það tók blóð svita og tár að fá sjálfstæði.  Viljum við fórna því bara til að nokkrar klíkur geti fengið góð störf og aðstöðu í Lúxemburg og Brussel, jafnvel Berlín og við bara vinnudýr hérna heima stjórnað af klíku í Brussel, sem þjóðir Evrópu hafa ekki einu sinni til þess kosið. Þeir tóku sér þetta vald, og VILJA EKKI ÞJÓÐARATKVÆÐAGREIÐSLUR.  Því þeir óttast lýðræðið meira en allt annað.

Nei og aftur nei... Við viljum vera sjálfstæði þjóð með okkar eigin utanríkisstefnu og okkar eigin gjaldmiðil og okkar eigin frelsi. 

Viðræðum ljúki fyrir kosningar

Athugasemdir

[Guðrún Sæmundsdóttir, 26.2.2012 kl. 12:49]

Sammála þér Ásthildur.

[Helga Kristjánsdóttir, 26.2.2012 kl. 13:02]

Gott hjá þér,er það ekki borðleggjandi íhlutun í innanríkismál að setja upp Evrópustofu hér. Hefði það ekki kostað þá minna að láta þýða þessa 90 bls. rit,en þeir ganga eins langt í skjóli stjórnvalda, og þeir framast þora.

[Ásthildur Cesil Þórðardóttir, 26.2.2012 kl. 13:13]

Takk Guðrún

Helga já þetta er gróf íhlutun í innanríkismál Íslands, vonandi fær ákæra Lofts og Péturs jákvætt svar og þetta apparat verði sent úr landi hið snarasta.

[Kolbrún Hilmars, 26.2.2012 kl. 13:33]

Fínn pistill, Ásthildur.  Vonandi vekur hann einhverja þá til umhugsunar sem gætu haft áhrif á innlimunarferilinn.

Langar samt til að bæta við hvernig þetta gekk fyrir sig í Króatíu, sem er nýjasta ESB landið.  Þegar öllum "köflum" þar hafði verið lokað, skrifuðu menn undir "samninginn".  ESB menn buðu síðan Króatíu hjartanlega velkomna í sambandið.   Þó átti þjóðin eftir að greiða atkvæði sitt. 

Og hvernig fór það?  44% hennar mætti á kjörstað  en var samt mjótt á mununum, innlimunarsinnum í hag. Endanlega niðurstaðan varð sú að um 30% króatísku þjóðarinnar samþykkti ESB aðild.

Óneitanlega minnir þessi niðurstaða illilega á fylgi okkar eigin ESB-sinnuðu ríkisstjórn og hvað hér gæti gerst.

[Óðinn Þórisson, 26.2.2012 kl. 14:01]

Það verður að hafa í huga að VG fékk mörg atkævði út á að vera sá flokkur sem átti að vera mest á móti aðild íslands að esb - þessi atkvæði fær flokkurinn ekki í næstu kosningum - það er klárt mál.
Og nú er esb komið með " upplýsingamiðstöð " sem er að sjálfsögu ekkert annað en áróðusstofa fyrir esb og ekki líklegt að þar fáist hlutlausar upplýsingar varðandi esb - þannig að jú þetta verður erfið barátta.

[Ásthildur Cesil Þórðardóttir, 26.2.2012 kl. 15:22]

Kolbrún einmitt, ég var að hugsa um að setja það dæmi hér inn.  En þannig var það einmitt þar að þjóðin fékk í raun og veru engu ráðið um niðurstöðuna.  Þess vegna er fullkomin ástæða til að vera vel á verði hér.  Það er sami rassinn undir okkar ESBkúgurum og ráðamönnum í Króatíu.

Óðinn það er alveg hárrétt, þeir voru sá flokkur sem fólkið treysti til að standa við gefin loforð.  Þeir verða ekki kosnir aftur út á það.  Enda eru bæði Samfylking og VG í frjálsu falli og skyldi engan undra.

[Gunnlaugur Ingvarsson (IP-tala skráð) 26.2.2012 kl. 15:28]

Sæl Ásthildur.

Takk fyrir þessa afbragðs baráttugrein þína. Hún slær manni eldmóð í brjóst.

Gott að þjóðin skuli eiga slíka Vestfirska kjarna baráttukonu sem þú ert.

Þó baráttan sé vissulega ójöfn og við ofurefli að etja, þá höfum við sem viljum hafgna ESB helsinu og verja sjálfsstæði og fullveldi þjóðarinnar miklu öflugra fólk og líka ekki síst miklu sterkari rök og miklu betri málsstað.

Þeirra rök og málsstaður á í vök að verjast af okkur og er þar að auki allur að morkna og molna upp í höndunum á þeim sjálfum, vegna þess hvernig ESB og EVRAN eru sjálf alltaf að afhjúpa aumkunnarlegt kerfilægt getuleysi sitt og alvarlega efnahagslega ágalla.

Ég held að meirihluti íslendinga láti ekki fífla sig með svona áróðursmaskínu eins og þessari ESB stofu og fíflalegum ástarjátningum ESB trúboðsins á Íslandi.

Hingað til höfum við unnið hverja orrustuna á fætur annarri yfir þessu liði, þau hafa verið á harða flótta. Stundum höfum við ekkert þurft fyrir því að hafa því heilu herflokkarnir þeirra hafa rökþrota hlaupið fyrir björg.

Það getur vel verið að við töpum einni og einni orrustu við þetta landráðahyski.

En sannaðu til vinkona og skoðanasystir að á endanum vinnum þessa styrjöld og komum þessu ESB hyski og öllu þeirra helsi af höndum þjóðarinnar. Íslands þúsund ár !

[Helgi Björnsson (IP-tala skráð) 26.2.2012 kl. 16:35]

Takk. Frábær grein hjá þér Ásthildur. Má ég benda á að nú er ástæða til að endurkjósa Ólaf Ragnar sem forseta. Ef að landráðahyskið ætlar að fara Króatíu leiðina til að koma okkur inn í ESB og trúið mér þau munu reyna það, þá er gott að hafa mann með bein í nefinu sem getur stoppað það af.

[Ásthildur Cesil Þórðardóttir, 26.2.2012 kl. 18:30]

Takk Gunnlaugur, já við munum vonandi vinna þetta stríð, þó við töðum einni og einni orustu vegna eindregins brotavilja stjórnvalda.  Það er líka alveg hárrétt hjá þér að við höfum betri málstað að verja heldur en það lið sem vill rústa Íslandi og gera það að hjáleigu Brusselvaldsins.

Takk Helgi fyrir mig, já við verðum að fá tækifæri til að kjósa Ólaf Ragnar aftur meðan þessi óvissa ríkir.  Ég hygg að margir séu einmitt á þeirri skoðun í dag. 

[Erla Magna Alexandersdóttir, 26.2.2012 kl. 21:24]

það er boðorð no. eitt í þessum viðræðum og samþykkt af einum eða tveimur mönnum - fyrir löngu- í upphafi viðræðna að ISLENSKAR AUÐLYNDIR LANDS OG SJÁVAR VERÐI SAMEIGN EVRÓPU.

     Almenningur fær ekki aðrar upplysingar en þessir lensherraþrælar evropubandalags  laga eftir þörfum.

Við verðum þá ekki lengur sjálfstæð þjóð þvi vargarnir bíða- eftir fiskimiðunum- og orkunni.

kv. EA

[Sigurður Þorsteinsson, 26.2.2012 kl. 21:59]

Flottur pistill. Ég sé æ færri ástæður fyrir því af  hverju við ættum að koma okkur í ESB. Bæði vegna ástandsins hérlendis og ekki síður í ESB.

[Ásthildur Cesil Þórðardóttir, 26.2.2012 kl. 23:14]

Erla Magna við látum það ekki gerast.  Nú þarf að bretta upp ermar og sameina krafta.

Sigurður ég hef aldrei viljað fara þarna inn, en ég er sammála þér, þeir sem hafa verið tvístígandi hingað til, hljóta að vera farnir að sjá hættuna á þessari braut.  Við megum okkar ekki mikils gagnvart svo öflugum andstæðing, sérstaklega þegar trójuhesturinn leynis meðal þess fólks sem þjóðin treysti fyrir fjöregginu.  Það eina sem við megnum er að standa saman og láta ekki flagð, fláræði og gylliboð villa okkur sýn. 

[Helgi Armannsson (IP-tala skráð) 26.2.2012 kl. 23:39]

flottur pisti lÁsthildurl barattu kvedjur

[Ásthildur Cesil Þórðardóttir, 26.2.2012 kl. 23:45]

Takk sömuleiðis Helgi. 

[Vilhjálmur Stefánsson, 27.2.2012 kl. 11:04]

það er sem ég hef altaf sagt. Ásthildur,,,Vesfirðingar eru þeir einu sem tala Íslensku og kunna að rífa kjaft...Takk fyrir góðan pistil Ásthildur og haltu áfram í sama dúr..

[Ásthildur Cesil Þórðardóttir, 27.2.2012 kl. 11:21]

Takk fyrir þetta Vilhjálmur. 

[Kidda, 27.2.2012 kl. 13:55]

Svo sammála með allt.

[Ásthildur Cesil Þórðardóttir, 27.2.2012 kl. 15:57]

Takk Kidda mín.

[Guðrún Emilía Guðnadóttir, 28.2.2012 kl. 13:28]

Þú ert góð að vanda kæra mín, við erum sammála um að nauðsyn er á betri tímum og burtu með þessa ríkisstjórn hvað sem við fáum svo í staðinn er hin stóra spurning.

[Ásthildur Cesil Þórðardóttir, 28.2.2012 kl. 14:14]

Já það mun alltaf vera stóra spurningin Milla mín.  Vonandi ná nýju flokkarnir betri fótfestu og koma sér fyrir með sínar fersku hugmyndir og nýja tíma.