Hver sigraði Eurovision?

Það hefur glumið í útvarpinu og annarsstaðar að Blár Ópal hafi sigrað í keppninni.

http://www.dv.is/frettir/2012/2/12/blar-opal-burstadi-simakosninguna/

Hverslags fréttamennska er þetta eiginlega.  Þetta hefur verið í hverjum fréttatímanum á fætur öðrum á ruv bæði í sjónvarpinu og útvarpinu.  Ég á ekki orð, og svo er látið liggja að því að dómnefndin hafi framið eitthvað óskaplegt og þess vegna séu nöfn þeirra ekki birt.  Væntanlega svo hægt verði að segja að þau hafi ekki haft nógan þroska til að velja.

Málið er að lagið Mundu eftir mér vann.  Punktur Basta.

Sérstaklega er þetta skammarlegt af starfsmönnum ríkisútvarpsins að tala svona. Því þetta var á þeirra vegum. Það er engu líkara en að einhverjir þar innanhúss hafi verið hlutdrægir.

En ég segi nú bara hvaða áhrif hefur svona á þessa ungu glæsilegu konu. Hún er ekki vön að vera milli tannanna á fólki og þetta er illa gert og ljótt gagnvart henni.

Auk þess er mér vel kunnugt um hverjir voru aðalkjósendur Blás  Ópals. Ég veit það vegna þess að ég fékk það beint í æð. Það voru ungar stúlkur á aldrinum 10 - 15 ára. sem tóku sig saman, júrópartý og samband á Fésinu. Þó ég sé ekki að segja að þeirra atkvæði séu minna virði en dómnefndarinnar, þá er það bara svo að stundum grípur sig svona hópæsingur að láta sitt lið vinna, og þá er ekki endilega verið að spá í gæði lagsins heldur stundar hrifning á glæsilegum flutningsmönnum.

Ég er ekki að segja að það hafi verið eingöngu táningar sem studdu drengina, þeir voru flottir og komu ágætlega fram. En svona samanburður er bara ekki í lagi að mínu mati.

Að velta sér upp úr einhverjum atkvæðum og láta liggja að því að þeir hefðu frekar átt að fara er vont fyrir það fólk sem sigraði keppnina og veitir ekki af öllum okkar stuðningi. Enda vel að þeim sigri komin.

Þess vegna segi ég bara áfram Greta, Jónsi og félagar.  Þið eruð vel að sigrinum komin og eigið stuðning þjóðarinnar skilinn.   

Athugasemdir

[Jóhann Elíasson, 13.2.2012 kl. 13:53]

Ég er alveg sammála þér þessi "fjölmiðlaumfjöllun" er alveg með ólíkindum og þeim sem hana stunda til háborinnar skammar.  Við þekkjum það vel þegar svona "hópæsing" verður ofan á,  ÉG HELD AÐ ÞAÐ HAFI NÚ EKKI MARGIR VERIÐ ÝKJA STOLTIR ÞEGAR SILVÍA NÓTT FÓR SEM FULLTRÚI LANDSINS Í JÚRÓVISÍON.  Ég er mjög sáttur við það lag sem varð fyrir valinu (reyndar tel ég að það hafi verið skárst af þeim lögum sem fóru í úrslit).  Eins tel ég að lagið með Bláum Ópal hafi verið lélegast af þeim sem voru í úrslitum.  Svona er smekkur manna misjafn....................

[Sigurður Hreiðar, 13.2.2012 kl. 15:04]

Þakka þér fyrir þetta innlegg, Ásthildur. Dómnefnd í þessu tilviki er einmitt til að draga úr líkum á því að klíkur geti keypt „lagið sitt“ inn í fyrsta sæti með nógu massífum símhringingum. Jóhann, lagið sem bar sigurorð af hinum var ekki bara skárst, það var best af þeim sem kepptu þetta kvöld. Þar með er ég ekki að segja að mér hafi þótt það best af þeim sem tóku þátt í keppninni í heild, en lagið sem greip mig mest vann ekki brautargengi og við því er bara ekkert að segja. Það er gott fyrir því.

Gassagangurinn í strákunum í Bláum opal gerði það að verkum að „lag“ þeirra fór fyrir ofan garð og neðan hjá mér. Var það annars nokkur melódía?

[Ingibjörg (IP-tala skráð) 13.2.2012 kl. 15:06]

Ásthildur - þetta er eins og talað út úr mínu hjarta. Það er ekki eins og reglurnar hafi verið settar eftir á. En svona er íslenska þjóðin að verða - ekkert nema óp og görg.

Kveðja,

I.

[Ásthildur Cesil Þórðardóttir, 13.2.2012 kl. 15:21]

Þakka ykkur öllum innlitið.  Já ég bara verð reið þegar fólk kemur með svona eftirá eitthvað.  Þetta lag vann og á að fara út málið dautt.   Tek því fram að ég þekki ekkert af þessu fólki persónulega en er algjörlega misboðið af þessum fréttaflutningi. 

[Helga Kristjánsdóttir, 13.2.2012 kl. 17:35]

Já það er meiðandi fyrir þá sem unnu,annars fá þau góðan stuðning þegar þau leggja í'ann. Strákarnir fóru vel með rapplagið,en ég kann ekki alveg að meta það. Mbkv.

[Ásthildur Cesil Þórðardóttir, 13.2.2012 kl. 18:16]

Já ég er viss um að flestir íslendingar vilja þeim það besta. 

[Ómar Ragnarsson, 13.2.2012 kl. 20:50]

Ég vil benda á að aðeins um 700 atkvæði skildu lögin að eða um 3%.  Ef hér hefði verið um eitthverja yfirburði atkvæða hefði verið hægt að efast um niðustöðuna, en í þessu tilfelli var munurinn svo lítill að það er að mínum dómi ekki hægt að gera athugasemd við það að dómnefndin réði úrslitum.

Ég vil líka benda á að það er ekki hægt að sigra keppni, því að þá leiðir af því að hún bíði ósigur.

Hins vegar er hægt að sigra Í keppni.

[Ásthildur Cesil Þórðardóttir, 13.2.2012 kl. 21:46]

Auðvitað hárrétt hjá þér Ómar þau sigruðu í keppninni, en ekki keppnina sjálfa.  En ég er sammála þér með að Greta og Jónsi eru sigurvegararnir og það þarf ekkert að gera meira úr því.  Vonandi styðja sem flestir við bakið á þeim þegar þau fara út.  Ég er viss um að þau verða okkur til sóma.  Takk fyrir innlitið.