Að skammast sín.

Margrét ég get vel skilið að þú skammist þín fyrir að vinna í þessu trúðaleikhúsi.   Og víst hafið þið þrjú í Hreyfingunni reynt að siðvæða starfsvettvanginn.  En nú er lag,  það er gerjun í gangi og þú að því mér sýnist ert hluti af henni.   Því þætti mér miður ef þú ætlar að framlengja sirkusinn með því að verja þessa ríkisstjórn vantrausti.  Það hefur nefnilega aldrei verið jafnslæmt þarna eins og núna, þegar vanhæf ósamlynd ríkisstjórn reynir að lafa á hverju sem gengur.

Ég segi fyrir mína parta ég mun fylgjast mjög vel með hvað þið gerið í þeim málum.  Ég vil nefnilega burt með þessa ríkisstjórn og fá inn meira af grasrótarfólki og minni áhrif fjórflokksins.  Ég er viss um að slíkt væri möguleiki núna og aldrei meiri ein einmitt núna þegar fjórflokkurinn er með allt niður um sig gagnvart fólkinu í landinu.

Ef þú meinar eitthvað með þessari skömm, þá geturðu sýnt það svart á hvítu þegar kemur að vantrauststillögu á ríkisstjórnina.   Ef þú aftur á móti verð stjórnina, þá myndi ég í þínum sporum hætta að skammast mín, því þá ertu bara ein af þeim sem þú segist skammast þín fyrir.

Ég ætla að fylgjast vel með.

Skammast sín fyrir að vera þingmaður

Athugasemdir

[Anna Sigríður Guðmundsdóttir, 11.1.2012 kl. 21:22]

Já Áshildur mín. Um leið og fólk verður tvísaga án réttlætanlegra raka, þá er það búið að svíkja. Þannig skil ég staðreyndir lífsins.

M.b.k.v