Nýársdagur með meiru.

2.1.2012 | 02:27

Nýja árið gekk í garð í góðu veðri. Vonandi lofar það góðu. Ég fer allavega inn í það með bjartsýni að leiðarljósi. Og ætla mér að takast á við það sem að höndum kemur. Ég hef aldrei að mig minnir strengt áramótaheit, en ég ætla mér að standa í lappirnar og taka því sem kemur til mín með jákvæðni. Ég hef veitt góðum vættum leyfi til að taka á árarnar með mér, og er tilbúin.

Annars átti ég yndislegt gamlárskvöld í faðmi fjölskyldu minnar bæði barnabarnanna og systkina.

Það er hlutverk prinsins að blanda jóladrykkinn.

Jólasúpan sem alltaf slær í gegn.

Hafði svo purusteik.

Svo var horft á skaupið og farið á brennu. Mér fannst skaupið gott og hló mikið.

hér er verið að gera sig klára til að fara yfir til systur minnar að skjóta upp flugeldum.

Ein af fallegu barnabörnunum mínum Júlíana Lind.

Hér er önnur falleg skotta og lítil kisa.

Geimskip eða eitthvað dularfullt ... já

Mágar á góðri stund.

Og nú á að kveikja í...

Íhahaaa!

Nýtt ár í farvatninu.

Jú Hú!!!

En að kveðja gamla árið er með smá eftirsjá....

Þó er nokkuð ljóst að það nýja verður betra....

Skot skot skot...

Og meira skot skot skot allt í gleði.

Allt í boði björgunarsveita landsins....

Og svo kampavín í boð litlu systur sem tók yfir ritualinn frá foreldrum okkar.

Gamlir samstarfsmenn og reyndar skólabróðir minn Nonni Láka.

Og nýja dóttirin okkar Ella míns.

Og enn og aftur fallega barnabarnið mitt, ein af 21 því þau eru öll jafn yndæl. Heart

Svona er lífið, ég hugsa mikið um hvernig mitt líf hefur þróast. Þegar ég var ung farnnst mér lífið hlyti að vera búið um tvítugt það voru bara einverjir eldgamlir sem náðu því. Og þá átti maður að vera giftur og hafa eignast börn og semsagt maður var bara sveskja eða rúsína sem átti hvorki framtíð né fortíð.

Sem betur fer hafði ég algjörlega rangt fyrir mér, því lífið heldur svo sannarlega áfram og maður er svo sannarlega til og ennþá í fullu fjöri og hef alveg heilmikið til að gefa ennþá. Samt sé ég framtíðina í þessum barnabörnum mínum. Og svo sannarlega geri ég allt til að gefa þeim eitthvað veganesti inn í framtíðina. Þess vegna til og með hef ég skrifað sögurnar mínar. Því ég veit að þau munu upplifa miklu meiri spennu og tækifæri vegna þess sem ég hef gefið þeim. Það vona ég allavega og er einhvern veginn alveg viss um að ég hef rétt fyrir mér með það. Og ef ykkur langar til að lesa þessi ævintýri mín þá getið þið annað hvort haft samband við mig eða Vestfirsku verslunina ég lofa að þið verðið ekki fyrir vonbrigðum.

Málið er að börnin okkar eru framtíðin og við ættum að hlusta betur á hvað þau hafa fram að færa.

Eigið gott kvöld og sofið rótt elskuleg mín. Heart

Flokkur: Bloggar | Breytt s.d. kl. 02:45 | Facebook

Athugasemdir

Þar hittirðu naglann á höfuðið,mín kæra,þarf svefn.

Helga Kristjánsdóttir, 2.1.2012 kl. 02:42

Sofðu vært ljúfan mín.

Ásthildur Cesil Þórðardóttir, 2.1.2012 kl. 02:53

Gleðilegt nýtt ár elsku frænka koss og knús á ykkur öll fyrir vestan

Hulda Klara frænka í Noregi (IP-tala skráð) 2.1.2012 kl. 09:11

Gleðilegt ár elsku Íja mín. Nú gefst okkur smátími til hvíldar og að safna orku til næstu verkefna, og eins og hjá þér vera til staðar ef stóru börnin þurfa á ömmu að halda. En sveskjurnar og rúsínurnar hafa alltaf gefið líka, gott bragð í munninn og orku, þó við höfum alltaf talað um þær eins og aukaatriði eru þæa það ekki. Til dæmis í okkar sambandi voru þær tenging þegar ég borðaði alltaf rúsínurnar úr kökunum fyrir þig svo þú þyrftir ekki að skilja þær eftir. Og þú borðaðir eplakjarnana mína ef engin ruslafata var nærri.

Dísa (IP-tala skráð) 2.1.2012 kl. 10:10

Skemmtileg færsla, man þegar við sungum 2012 í denn, hélt ég yrði jafnvel dauð þegar það ár kæmi :):) flottar myndirnar þínar, nýja vélin er algjörlega að sýna sig :):)

Ásdís Sigurðardóttir, 2.1.2012 kl. 11:58

Gleðilegt nýtt ár elsku Ía mín og takk fyrir gamla. Ég segi eins og þú, ég finn það einhvern vegin á mér að nýja árið verður betra en það gamla. Það leggst vel í mig.

Skemmtilegar myndir, ekki síst þessi af "geimskipinu".

Laufey B Waage, 2.1.2012 kl. 14:45

Takk öll elskuleg. Ég er eiginlega í hálfgerðu sjokki því ég las í BB að það var verið að auglýsa undirbúning að risavegg hér fyrir ofan mig, sem eyðileggur tæplega þrjátíu ára starf okkar Ella í gróðursetningu. Og svo að kaupa upp húsið mitt, þeim nægir ekki að eyðileggja allt mitt starf heldur á líka að bola mér út. Þetta er eiginlega meira en hægt er að sætta sig við. Ég er að reyna að ná tökum á sálartetrinu mínu og vinna í að láta þetta ekki eyðileggja heilsuna. Því fyrst og fremst er hún það dýrmætasta sem hver maður á. En gamla sálarástandi lét á sér kræla í dag, mig langaði mest til að leggjast upp í rúm og breiða yfir haus og vakna ekkert aftur.

Hér er um ofurefli að tefla. Ég mun örugglega skrifa meira um þetta seinna en nú hef ég ekki orku til þess. Þarf að skríða út í horn og sleikja sárin.

Ásthildur Cesil Þórðardóttir, 2.1.2012 kl. 17:16

Það er fullkomlega eðlilegt að langa stöku sinnum að breiða upp fyrir haus.

Ég hef trú á því að þú safnir þér saman mín kæra og hefjir baráttuna af fullum krafti.

Þúsund kossar af færibandinu ♥

Hrönn Sigurðardóttir, 2.1.2012 kl. 18:26

Takk Hrönn mín jamm ætlí ég gerið það ekki bara

Ásthildur Cesil Þórðardóttir, 2.1.2012 kl. 18:29

Skelfilegt að heyra þetta, vona svo sannarlega að þetta verði ekki framkvæmt og að menn sjái að sér. Þú leyfir okkur að fylgjast vel með.

Ásdís Sigurðardóttir, 2.1.2012 kl. 19:09

Já geri það Ásdís mín, en það er víst borin von að hætt verði við þetta.

Ásthildur Cesil Þórðardóttir, 2.1.2012 kl. 19:28

Gleðilegt ÁR.. Eru þeir Ættaðir að Sunnan þessir Andskotar sem vilja eiðileggja tilveru þína og Bónda þíns??

Vilhjálmur Stefánsson, 3.1.2012 kl. 08:49

Ég vona að þú og fjölskyldan þín eigið gott og gleðilegt ár... miklu betra en á horfist... Og eitt er öruggt... góðum vættum þykir vænt um fólk eins og þig og vaka yfir þér og þínum

Jónína Dúadóttir, 3.1.2012 kl. 10:59

Vilhjálmur græðgin ræður för held ég, þeir fá pening frá ofanflóðasjóði til að eyðileggja tilveru mína, og vilja meina að það sé öllum fyrir bestu, þeir sem teikna eru SAS menn, sérfræðingar að sunnann og á þeirra borði eru enginn tré eða tæplega 30 ára vinna við gróðursetningu

Takk elsku Jónína mín ég þarf einmitt á svona að halda.

Ásthildur Cesil Þórðardóttir, 3.1.2012 kl. 11:59

Er þessi vitleysa að koma upp aftur láttu bara vita þegar það á að byrja og við komum og leggjumst fyrir vinnuvélarnar. Það má bara ekki ske að þetta verði að veruleika, þessi endemis vitleysa.