Enn um jólin.

Jóladagurinn leið eins fallega og aðfangadagur.  Í kyrrð og ró og algjörri leti. En fjölskylda Júlla míns kom í matinn í hangikjötið, við elduðum bæði kofareykt kjöt og svo þetta sem venjulega fæst.  Svona til að prófa hvort væri betra.  Kofareykta kjötið var dekkra og bragðmeira og ég er ekki frá því mýkra, annars var ekki mikill munur á kjötinu.

Það var auðvitað spilað á spil og í þessu spili er Sigurjón Dagur sigurvegarinn, þekkir Disney betur en hinir.

Spennandi ha!!! Gott þegar allir geta sameinast um skemmtilegan leik.

Og hér kennir unginn afa sínum.  Börn hafa miklu meiri þekkingu á tækni en við hin þessi eldri.

Og svo má bara leika sér í svona leikjatölvu þegar afi er ekki lengur með áhuga. 

Og barnabörnin vaxa upp með ótrúlegum hraða, hér er Ólöf Dagmar alveg að verða táningur og flott stelpa.  Það veldur ýmsum ... svona vandræðum með kúlusögurnar, því bráðum hætta þau að hafa áhuga á barnalegum ævintýrum og hvað gerir amma þá???

En við sendum kveðjur héðan frá kúlunni. Eigið góðan dag.

Athugasemdir

[Dagný, 27.12.2011 kl. 20:05]

Knús í kúlu með ósk um góða rest :0)

[Jóhann Elíasson, 27.12.2011 kl. 20:21]

Já, það eru nú meiru vandræðin hvað krakkarnir stækka.Ég fór með rúmlega áttræðum manni í búð til að kaupa afmælisgjöf handa 12 ára barnabarni sínu.  Blessaður maðurinn var alveg í vandræðum og tautaði "ÞVÍ GETA ÞESSI BÖRN EKKI ALLTAF VERIÐ FIMM ÁRA"!!!!!!!!!!!!

[Ásthildur Cesil Þórðardóttir, 27.12.2011 kl. 20:27]

Takk Dagný mín

Jóhann góð spurning.  Dettur í hug eitthvað eins og Hvergiland til dæmis og Pétur Pan

[Dísa (IP-tala skráð) 27.12.2011 kl. 21:49]

Það er enn fullt af litlum hjá þér og ég hef grun um að þau stóru gætu líka haft lúmskt gaman af sögunum , má kannski ekki segja upphátt á vissu bili, en það gengur yfir. Allavega ef þau verða ekki fullorðnari en ég , þrátt fyrir að árin segi annað. Ég held ekki að við vildum láta þau standa alveg í stað. .

[Helga Kristjánsdóttir, 28.12.2011 kl. 00:33]

Gelgjuskeiðið,er á köflum þungt,en oft broslegt.

[Helga Kristjánsdóttir, 28.12.2011 kl. 00:37]

Hér átti að koma broskall, en þeir hafa yfiegefið mig allir,með þessari tölvu,þótt fín sé,Apple.

[Ásthildur Cesil Þórðardóttir, 28.12.2011 kl. 01:30]

Takk Dísa mín já þau hafa greinilega gaman af sögunum ennþá.  við erum náttúrulega síungir táningar ég og þú  og ef til vill verða barnabörnin mín þannig líka. 

Broskallarnir þínir hafa lent aftur fyrir bloggið Helga mín, þannig gerist stundum, ef þú minnkar bloggið niður, þá brosa karlarnir við þér þar á bak við.

[Jónína Dúadóttir, 28.12.2011 kl. 10:26]

Jólaknús :-)

[Kidda, 28.12.2011 kl. 11:09]

Hef enga trú á að barnabörnin muni ekki hafa áhuga á sögunum hennar ömmu þó svo að þau komist á vissann aldur

Vona að þið hafið það sem best í kúlunni

Knús í ömmukúlu

[Ásthildur Cesil Þórðardóttir, 28.12.2011 kl. 12:22]

Knús á móti Jónína mín.

Nei ég hugsa nú ekki Kidda mín eða vona ekki.  Knús á þig líka

[Ásdís Sigurðardóttir, 28.12.2011 kl. 12:38]

Börn eru besta fólk

[Ásthildur Cesil Þórðardóttir, 28.12.2011 kl. 13:37]

Já það segir ég líka Ásdís mín.  Við ættum að hlusta betur á börnin okkar.