Má bjóða ykkur í bílferð vestur á firði?

 

Það er bara ágætt að vera komin heim, þó veðrið sé meira á ferðinni en í Austurríki. 

En sennilega er ég bara íslendingur í gegn.

Þessar flottu konur voru á leið til Íslandsf á einhverja listauppákomu, man ekki hvað.  En ég féll alveg fyrir hárinu á þessari hér framar, hún fléttar garn inn í hárið, flott hugmynd.

Sumt fólk vekur einfaldlega athygli.  Þær stöllur voru þessi dönsk og hin sænsk.  Óska þeim góðrar dvalar á Íslandi.

Við gistum eina nótt á B&B í Keflavík, fórum á Panda restaurant og fengum okkur önd, hún er rosalega góð hjá þeim.  Svo var lagt af stað heim morguninn eftir í virkilega fallegu íslensku vetrarveðri.

Þemað hér eru íslensku fjöllinn, þau eru einstaklega falleg.

Tók þessar myndir út um bílgluggann.

Þetta er tekið í Borgarnesi, þessir skemmtilegu karlar að koma til byggða.

Já svona aðeins nær.

Baulan rís hér upp til skýjanna.

SKemmtileg mynd af þremur ólíkum fjöllum, sem þó eru nágrannar.

Með sól í baksýnisspetlinum.

Úr Svínadalnum.

Það var virkilega gaman að ferðast í þessu fallega veðri.

 Það eru ekki mörg lönd sem geta státað af svona fegurð.

Komin á Vestfjarðarkjálkann.

Ég kalla þetta eiginlega tússfjöll, þau eru eins og grafísk listaverk.

Minnir að þetta sé Baula.

Hér erum við kominn norður í Steingrímsfjörð.

Upp á Steingrímsfjarðarheiði.

Gamli gangnakofinn og máninn fullur.

Og hinumeginn.

Árgil á Lágheiði.

 Í Djúpinu.

Arngerðareyri.

En svo var að verða of dimmt til að taka myndir.

Enda stutt eftir heim. 

Og hér kemur svo nýjasti heimilismeðlimurinn, Lotta.  Sigga kom til Ella færandi hendi.

Hún er voðalega sæt og yndislega góð.  Litla Lotta litla Lotta,

Eigið góðan dag elskurnar.

Athugasemdir

[Dísa (IP-tala skráð) 12.12.2011 kl. 13:02]

Meiriháttar myndir hjá þér, en það er ekki nýtt . Þið hafið fengið frábært veður, landið tekið á móti þér í sínu fegursta skrúði rins og vera ber . Gott að sjá að þú ert búin að fá eitthvað lítið og mjúkt að annast um og ylja sálinni . Kveðja heim í fallega fjörðinn okkar .

[Ásdís Sigurðardóttir, 12.12.2011 kl. 14:16]

Landið hefur aldeilis tekið vel á móti þér, dásamlegar myndir,  ekki skemmir að fá nýjan kött og svona sætan  velkomin heim

[Jóhann Elíasson, 12.12.2011 kl. 14:19]

Frábærar myndir eins og vanalega hjá þér og vertu velkomin heim.  Meira fylleríið á mánanum svona öðru hvoru.  Hann er ansi blautur.....

[Ásthildur Cesil Þórðardóttir, 12.12.2011 kl. 14:53]

Takk fyrir öll.

Já Dísa mín þessi litla kisa er svo sannarlega gleðigjafi, og heldur músunum frá. 

Takk fyrir Ásdís mín, ég elska þetta land.

Jóhann já merkilegt með þennan mána, hann fellur alltaf einu sinni í mánuði, og þó hefur hann haldið vinnunni lengur en nokkur annar.

[Sigurður Þorsteinsson, 12.12.2011 kl. 16:10]

Velkomin heim, þegar þú fórst úr var ESB veldið í góðu gengi, og þú náðir að setja allt á annan endann. Svo kemur þú heim og ferði í stóiskar hugleiðingar um kyrrðina og fegurðinni í íslenskri náttúru, og svo kisi.

[Faktor, 12.12.2011 kl. 17:14]

Flottar myndir og myndefni :)

[Vilhjálmur Stefánsson, 12.12.2011 kl. 17:26]

Fegurðin leynir sér ekki í Vestfirkufjöllonum,og ekki er það amalegt fyrir sálartetrið að hafa fallegan Kött á heimilinu.Njóttu Jólanna fegurð Fjallana...

[Helga Kristjánsdóttir, 12.12.2011 kl. 18:20]

Velkomin vestur,gaman að sjá Baulu,Grábrók og Hraunsnefsöxl,allar frá sama sjónarhorni um há vetur. Kanski lifir maður Dýrafjarðargöng,en Ólína stiður að þau verði næst á dagskrá,þótt líði nokkur ár. Takk fyrir.

[Ásthildur Cesil Þórðardóttir, 12.12.2011 kl. 20:34]

Já Sigurður ég er sennilega skaðræðisgripur, en austurríkismenn bíða átekta, glæta að þeir samþykki að láta ESB hafa yfirráð yfir fjármálum ríkisins, og þeir eru jafnvel að spá í að taka upp aftur sína gömlu mynt.  Þetta er allavega sprengjusvæði svo mikið er víst, þó Össur sé himinlifandi, sá endemis kjáni.

Takk Faktor.

Takk Vilhjálmur minn.

Helga mín hver veit nema Ólínu takist að knýja menn áfram í Dýrafjarðargöngum, það væri samgöngubót sem virkilega er þörf á fyrir byggðalagið.

[Ragnheiður , 12.12.2011 kl. 21:28]

frábærlega skemmtilegar myndir og til hamingju með Lottu :) hún er fín. ...hvar er hvíti kisinn ?

[Hrönn Sigurðardóttir, 12.12.2011 kl. 23:20]

Lotta litla svona líka fallegt og fín. Alltaf flottar þrílitar læður finnst mér. Velkomin heim til íslenzku fjallanna þinna ♥

[Guðrún María Óskarsdóttir., 13.12.2011 kl. 01:28]

Velkomin heim Cesil og takk fyrir sjónarhorn á landið okkar.

kv.Guðrún María.

[Jóna Kolbrún Garðarsdóttir, 13.12.2011 kl. 02:56]

Æ, hvað kisan er sæt, ég á líka þrílita læðu... Velkomin heim til Íslands aftur...

[Gunnar Heiðarsson, 13.12.2011 kl. 09:37]

Flottar myndir Ásthildur og takk fyrir að deila þeim með okkur!

[Kidda, 13.12.2011 kl. 10:04]

Fjöllin okkar eru svo sannarlega falleg og tignarleg á þessum árstíma. Þau eru svo falleg með þessu hvíta og verða svo miklu skýrari.

Lotta er æðislega falleg, til hamingju með nýju kisuna.

Knús í kisukúluna

[Ásthildur Cesil Þórðardóttir, 13.12.2011 kl. 11:48]

Ragnheiður mín Snúður minn lenti undir bíl í haust og lfiði það ekki af.  Það var mikil sorg að missa hann blessaðan.

Takk Hrönn mín, já þær eru fallegar þrílitu læðurnar, af hverju ætli það sé bara læður sem eru með þrjá liti?

Mín er ánægjan GMaría mín.

Takk Jóna Kolbrún mín.

Takk fyrir innlitið Gunnar, já það er gaman að deila svona fegurð með vinum mínum hér.

Einmitt Kidda mín það er eins og snjórinn dragi fram hverja línu og skerpi á fegurðinni.  Knús á móti.

[Þóra Stína (IP-tala skráð) 13.12.2011 kl. 11:56]

Æðislegar myndir hjá þér frænka

[Ásthildur Cesil Þórðardóttir, 13.12.2011 kl. 14:32]

Takk Þóra Stína mín.

[Hrönn Sigurðardóttir, 13.12.2011 kl. 17:56]

Það er til þess að þú sjáir að þær eru læður ;)

[Ásthildur Cesil Þórðardóttir, 13.12.2011 kl. 18:34]

Hehehe trúi því alveg

[Haraldur Haraldsson, 14.12.2011 kl. 07:02]

velkomin heim vonkona/kveðja

[Ásthildur Cesil Þórðardóttir, 14.12.2011 kl. 09:08]

Takk Haraldur minn.

[Sigríður Inga Sigurjónsdóttir, 14.12.2011 kl. 11:25]

Það eru bara læður sem eru með þrjá liti. Genitiskt og tengist því að vera XX kisa  . Sé ykkur sem fyrst

[Ásthildur Cesil Þórðardóttir, 14.12.2011 kl. 11:58]

Takk fyrir upplýsingarnar Sigga mín, já ég vissi að fress eru yfirleitt ekki nema tvílitir, en læður geta líka verið bæði einlitar og þrílitar.  Knús á þig og það er alltaf heitt á könnunni.

[Ragnheiður , 15.12.2011 kl. 04:23]

Doddi minn er fress og hefur þrjá liti - ef ekki fjóra. Rannsaka hann á morgun þegar ég vakna aftur eftir vaktina.

Ósköp er sorglegt að heyra með Snúð. Þeir eru þá alveg 3 hjá þér sem lent hafa undir bílum, Brandur og Snúður og gæsin sem allir fylgdust spenntir með.

Knús á þig

[Sigurður Þórðarson, 15.12.2011 kl. 06:34]

Falleg ung kisa. Ég ætla að leyfa minni gömlu að lifa jólin.  Mér þykir óskaplega vænt um þetta skynsama dýr sem gekk að því sem vísu að fá að borða rækjur með okkur hinum á aðfangadagskvöld við jólaborðið. Er ekki viss um að hun muni það lengur. Þannig er lífið.

[Ásthildur Cesil Þórðardóttir, 15.12.2011 kl. 10:51]

Æ já Ragnheiður mín, það mætti halda að við byggum í Síkákó eins og einn garl hér sem ók líkbílnum sagði, þegar ungur maður var að sækja um aksturinn, og spurði hvort það væri mikið að gera við þetta; Hvað, heldurrðu að Þetttta Sé Síkakó eða hvað? 

En með dýrin mín, ég sakna þeirra allra og mun ekki gleyma þeim.  Vona að Lotta litla fari sér ekki að voða. 

Takk Sigurður, já svona er lífið.  Það gengur víst sinn gang eins og himintunglin, dagurinn og nóttin.