Austurríki og fjölskyldan.

19.11.2011 | 21:53

Jamm ég sagði dóttur minni það þegar ég vissi að hún ætti von á sér að ég myndi koma og vera með henni fyrstu dagana, það kom eiginlega ekkert annað til greina, með þrjú börn og ef til vill ekki svo mikið um aðstoð, þó hér sé yndislegt fólk og kurteist, þá er endilega ekki um að ræða að leggja svona náið lið. Og ég vildi líka vera með henni í gegnum þessar hamingjustundir og jafnvel vinnu sem fylgir því að eiga barn.

Fyrst þurfti ég auðvitað að endurheimta manninn frá Noregi til að hugsa um unglingana okkar, og var það afskaplega auðsótt mál. Hann kom heim og ók svo með mig til Keflavíkur daginn eftir, við gistum þar á B&B gistiheimili sem við gistum gjarnan því það er svo notalegt og stutt út á völl, og þó við þyrftum þess ekki núna, þá geyma þau bílinn fyrir mann og bæði skutla manni út á völl og sækja mann.

En við komum samt við hjá syni okkar honum Bjössa til að hitta litlu barnabörnin þar.

Bjössi og Davíð Elías.

Hann er svo flottur strákur.

Og pabbaknúsírófa. Heart

Hér eru svo afi og Arnar Milos. Hann elskar afa rosamikið.

Þeir bræður.

Með ömmu sín.

Svo var slakað á á B&B Þar sem er dekrað við mann eiginlega.

Ég þurfti að bíða fleiri klukkutíma á Kastrup, og hringdi í Siggu systur mína elskulega og hún kom og við áttum skemmtilegan dag á flugvellinum. Það var yndislegt að hitta hana og spjalla um daginn og veginn. Heart

Hér erum við systurnar.

Svo var það Fortenchestein og hér er amman í húsinu Anna að heilsa upp á litla kútinn og mömmu hans.

Hann er svo flottur hann Jón Elli. ljúfur og þægur eins og börn eiga að vera náttúrulega. Heart

Hann er sísvangur eins og prinsar eiga að vera. Og mun því stækka fljótt og vel.

Og amman fékk að halda á honum líka þessi elska.

Í dag kom svo fjölskyldan frá Mary Ellend í heimsókn til að skoða prinsinn.

Og skotturnar mínar eru alltaf að stækka, og eru svo yndælar og flottar. Heart

Það er búin að vera mikill spenningur að bíða eftir barninu og ánægja með að eiga hann og hjálpa mömmu með hann og allt annað.

Og hér er til siðs að setja stork í garðinn hjá þeim sem eignast börn, þetta gerðu nágrannarnir alveg sjálfir og settu í garðinn fjölskyldunnar.

En þær eru glaðar og kátar og elska að amma er kominn, og ég elska þær. Heart

Og hér er enginn afbrýðisamur út í litla manninn nema ef til vill Carlos, ekki Trölli hundur eða Lille Fee né Púma. En hér er ég að njóta mín heldur betur. Eigið góða nótt elskurnar. Heart

Flokkur: Bloggar | Facebook

Athugasemdir

Vaá! Til hamingju! Nú horfi ég á veðurfréttirnar frá miðevrópu líka.

Helga Kristjánsdóttir, 19.11.2011 kl. 22:20

Flottur litli maðurinn. Og systurnar aldeilis stækkað. Til hamingju með þessi fallegu barnabörn Ásthildur mín.

Svo er þessi köttur með ólíkindum stór of flottur. Á hverju er hann fóðraður? ;o)

Dagný, 19.11.2011 kl. 23:56

Takk Helga mín

Já Dagný mín þær hafa stækkað og þroskast mikið. Takk Carlos fær kattaþurrmat, Wiskas og fleiri tegundir. Því miður er ekki til Murr hér eins og heima, því það er besti kattarmaturinn.

Ásthildur Cesil Þórðardóttir, 20.11.2011 kl. 09:54

Hrönn Sigurðardóttir, 20.11.2011 kl. 10:22

O hvað hann er æðislegur . Skilaðu kveðju minni til Báru og fjölskyldu, vantaði bara myndir af prinsessunum með hann, en þær koma. Njóttu samvistanna með þeim öllum .