Nokkrar myndir og nýtt barnabarn.

Já hér koma algjörlega nýjar fréttir, það er fæddur drengur í dag, Bára mín eignaðist dreng núna fyrir stuttu.  Hann gat ekki beðið eftir að amma kæmi út til að hjálpa til. 

Sama blíðan hér eins og undanfarið.  Það er gott styttir veturinn.

Sólin er hætt að geta kíkt almennilega yfir fjöllinn, nema rétt aðeins í Engidalnum þar sem þau eru lægri.

Var með lítinn engil hjá mér um daginn, það var voða notalegt, og hann er svo góður.

Þetta er hann Trítill, hann er afskaplega góður hundur.  Hann missti annað augað og ég held að það hafi átt að lóga honum, en mamma hans dýralæknirinn ákvað að gefa honum líf og hann er hamingjusamur hundur í dag.

Tjörnin stendur alltaf fyrir sínu.

Já Trítill er eðalhundur.

Aldrei eru þau fegurri ljósbrotinn en einmitt á þessum tíma. 

Og Ísafjarðarlognið er ósköp notalegt.

Hér voru grallarar líka um daginn og þeir fengu að baka sér pizzur alveg sjálfir.

Já strákar geta líka bakað.

Myndarlegir piltar.

Nei Jóhann minn þetta er ekki Brandur, þetta er Branda, ég fékk hana lánaða, músagangurinn er farin að verða dálítið helst til mikill.  Þegar þær eru farnar að leika sér við fæturna á mér þegar ég sit í tölvunni. En vonandi flýja þær bara út.  Það er best fyrir þær, eftir að Branda er komin.

Svo er það barnabarnið mitt hún Sóley Ebba, hún teiknaði blómálfana sem eiga að vera í næstu jólasögu barnanna.  Hún er frábær teiknari.

Þarf annars að fara að drífa í að semja hana.

En eigið dásamlegt kvöld elskurnar.

Athugasemdir

[Kidda, 14.11.2011 kl. 21:13]

Mikið teiknar hún flotta blómálfa.

Vonandi hefur húsbóndinn komist heim  í kvöld.

Knús í kúlu

[Ásthildur Cesil Þórðardóttir, 14.11.2011 kl. 22:44]

Stelpan er algjör snillingur Kidda mín.  NEi Elli minn komst ekki heim í kvöld, vegna þess að hann fékk óvænt tíma hjá augnlækni í fyrramálið, en ég bíð róleg.

[Dagný, 14.11.2011 kl. 23:02]

Til hamingju með nýja barnabarnið. Mikið held ég að litlu ráðskonurnar séu ánægðar með litla bróður.

Myndirnar þínar alltaf svo fallegar Ásthildur mín og listfengið liggur greinilega í fjölskyldunni. Eigðu svo gott kvöld og góða nótt mín kæra.

[Ásthildur Cesil Þórðardóttir, 14.11.2011 kl. 23:17]

Takk Dagný mín, já þær eru örugglega í sjöunda himni.  En málið var að það var búið að skipuleggja þetta allt saman, fyrst átti veturinn að koma, svo amma og svo barnið svo sofa einu sinni og þá voru jólin. Þannig að þetta hefur ruglast smá, því fyrst kom litli bróðir, svo amma og svo veturinn, ekkert í réttri röð.

[Laufey B Waage, 14.11.2011 kl. 23:21]

Innilegar hamingjuóskir elsku Ía mín. Ætlarðu út til þeirra fljótlega?

[Ásthildur Cesil Þórðardóttir, 14.11.2011 kl. 23:26]

Já ég ætlaði að koma áður en barnið fæddist, fer út þann 17. nóv.  En strákurinn gat ekki beðið

[Faktor, 15.11.2011 kl. 00:11]

Innilegar hamingjuóskir með nýjasta barnabarnið :)

Gaman að fylgjast með fjölskyldunni í kúlunni ;)

[Hrönn Sigurðardóttir, 15.11.2011 kl. 06:39]

TIl hamingju með nýja barnabarnið ♥

[Hrönn Sigurðardóttir, 15.11.2011 kl. 06:41]

....og ég get nú ekki staðist að nefna hvað hann er mikil dúlla þessi drengur. Þar er alltaf sami krúttstuðullinn ♥

[Kidda, 15.11.2011 kl. 08:42]

Var ég blind eða hvað.

Til hamingju með nýja ömmuprinsinn Þær systur eiga örugglega eftir að njóta þess að eiga lítinn bróður til að dekra við.

Knús í ömmukúlu

[Dagný, 15.11.2011 kl. 09:12]

[Guðrún Emilía Guðnadóttir, 15.11.2011 kl. 09:20]

Hjartanlega til hamingju með litla prinsinn, það er sko örugglega mikil sæla á þeim bæ.

Sóley er algjör snillingur vonandi virkjar hún þessa hæfileika sína.

Flottar myndir eins og ævilega og maður fær bara sting í hjartað sitt við að horfa á fjöllin sem ég elska.

Kærleik í kúlu

[Þórdís Einarsdóttir, 15.11.2011 kl. 09:21]

Til hamingju með nýja ömmudrenginn. Sendu kveðjur á þau þarna úti frá mér.

Kv. 

Þórdís

[Dísa (IP-tala skráð) 15.11.2011 kl. 09:40]

Innilega til hamingju með litla prinsinn, við eigum sameiginlegan afmælisdag, í gær voru 45 ár frá því við giftum okkur. Ömmugarar eiga þetta til að flýta sér og vilja ráða, ég á einn sem meira að segja er ári eldri en hann ætti að vera, fæddist 21. des í stað 4. feb. Skilaðu kveðju minni til "stóru" fjölskyldunnar og hamingjuóskum. Nú verður beðið í ofvæni eftir ömmu.

Flottar álfamyndirnar hennar Sóleyjar Ebbu. Knús

[Dísa (IP-tala skráð) 15.11.2011 kl. 09:43]

Átti að vera ömmugaurar.

[Sigrún Þorbjörnsdóttir, 15.11.2011 kl. 09:43]

Innilegar hamingjuóskir með nýja ömmustrákinn þinn :) Hlakka til að sjá myndir af honum. Knúsaðu Báru frá mér þegar þú ferð til þeirra.

Glæsilegar teikningar hjá Sóley Ebbu, greinilega mikil listakona þar á ferð :)

Vonandi hefur Branda fælt mýsnar frá svo þær hætti að narta í tærnar á þér. Knús í Kúlu.

[Ásdís Sigurðardóttir, 15.11.2011 kl. 11:35]

Innilega til hamingju með litla drenginn, mikið verður gaman hjá systrum að dúlla með hann. Teikningarnar hjá ungu stúlkunni eru frábærar, greinilega listakona á ferð.  Hjartans kveðja til ykkar

[Ásthildur Cesil Þórðardóttir, 15.11.2011 kl. 11:41]

Innilega takk mínar elskulegu.  Já það ríkir gleði í kúlu og í Austurríki.  Hrönn mín já Sigurjón er fallegt barn bæði að utan og innan.

[Jóhann Elíasson, 15.11.2011 kl. 15:59]

Innilega til hamingju með "nýjasta" barnabarnið.  Barn er mesta blessun sem hægt er að hljóta og er ég þess fullviss að þetta barn á eftir að færa ykkur marga geislana í ykkar líf.  Veistu ef þú hefðir ekki skrifað að kisan héti BRANDA hefði ég verið alveg viss um að þarna væri "gömul" mynd af BRANDI.  Bestu kveðjur í kúluna

[Ásthildur Cesil Þórðardóttir, 15.11.2011 kl. 17:48]

Vissi það Jóhann minn.  Og já börnin okkar eru blessun fyrir framtíðina.

[Jens Guð, 15.11.2011 kl. 21:57]

  Til hamingju með nýju ömmustelpuna!

[Bergljót Gunnarsdóttir, 15.11.2011 kl. 22:58]

Hjartanlegar hamingjuóskir Ásthildur mín og góða ferð. Það eru ekki aldeilis allir sem eiga ömmu sem jafnast á við þig.

[Ásthildur Cesil Þórðardóttir, 16.11.2011 kl. 10:27]

Takk Jens minn. 

Takk Bergljót mín.  Ég hlakka til að sjá litla krílið og ekki síður stelpurnar mínar. 

[Ingibjörg (IP-tala skráð) 16.11.2011 kl. 16:50]

Til hamingju með nýja barnabarnið.

Kveðja,

I.

[Hrönn Sigurðardóttir, 16.11.2011 kl. 21:29]

Drenginn Jens, drenginn, fylgjast með :P

[Kidda, 17.11.2011 kl. 09:51]

Góða ferð til Austurríkis

[Guðni Karl Harðarson, 17.11.2011 kl. 12:48]

Til hamingju með nýja barnabarnið.

Sá hinsvegar hvergi hvað teiknarinn er gömul?

[Ásthildur Cesil Þórðardóttir, 18.11.2011 kl. 11:59]

Teiknarinn er 15 ára Guðni minn,  takk öll, ég er komin til Austurríkis, og mun skila öllum góðu kveðjunum.