Svona að spá.....

Mig langar til að spyrja Össur Skarphéðinsson um nokkur atriði.  Ég veit að Össur er ekki vond manneskja, og að hann er með stórt hjarta.  En einhversstaðar á leið sinni um krókastíga ESB hefur hann svo sannarlega villst af leið og mér óskiljanlegt. 

Þegar alþingi samþykkti með litlum meirihluta á sínum tíma að sækja um aðild að ESB.  Þá var talað um að skoða hvað væri í boði.  Þetta áttu samkvæmt útlistunum Össurar að vera skoðun á því hvað við fengjum framgengt í samningum við ESB. Kallað að "Kíkja í pakkann".

Margt gott fólk varði þetta og var alveg með á því að þetta væri lýðræðislegt og sjálfsagt að skoða hvað við fengum í slíkum samningum.

Að vísu hafa stækkunarstjórar og ýmsir framámenn í ESB talað þannig að þar væri ekki um að semja, og allt væri njörvað niður.  Eins og fram kemur hér:

 

 

„Í sérstökum bæklingi sem Evrópusambandið hefur gefið út til að útskýra stækkunarferlið er kafli sem heitir Aðlögunarviðræður. Kaflinn hefst á þessum orðum: “Fyrst er mikilvægt að undirstrika að hugtakið „samningaviðræður“ getur verið villandi. Aðlögunarviðræður beinast að skilyrðum og tímasetningum á inngöngu umsóknarríkis, framkvæmd og beitingu ESB-reglna, sem eru upp á 90.000 blaðsíður. Og þessar reglur (líka þekktar sem „acquis“, sem er franska yfir „það sem hefur verið ákveðið“) eru ekki umsemjanlegar. Fyrir umsóknarríki er þetta í grundvallaratriðum spurning um að samþykkja hvernig og hvenær eigi að framkvæma og beita reglum ESB og starfsháttum. Fyrir ESB er mikilvægt að fá tryggingu fyrir dagsetningu og skilvirkni innleiðingar umsóknarríkis á reglunum.““

Þá langar mig að spyrja hvort þér Össur hafi ekki verið ljóst í upphafi að Í þessum beitingum ESB Reglna var ekkert um að semja, en bara að fara að tilmælum ESB?

Það hefur nefnilega líka komið fram að:

 

Af hálfu ESB er enginn skilningur á því að eitthvert ríki sæki um aðild að sambandinu án þess að hafa kynnt sér skilmála um framgöngu á umsóknarferlinu. ESB telur einfaldlega ekki unnt að hrófla við þessum skilmálum þótt fulltrúar þess hafi teygt sig til móts við Össur og félaga með orðaleikjum um aðlögun annars vegar og „tímasetta áætlun“ hins vegar.

Hjá ESB hafa menn vonað að þessi orðaleikur dygði til að aðlögun hæfist. Að nokkru leyti hefur það gerst. Jón Bjarnason, sjávarútvegs- og landbúnaðarráðherra, hefur þó ekki bitið nægilega fast á agnið að mati sambandsins. Tekið úr pistli frá Birni Bjarnasyni þar sem hann fór til Berlín að kynna sér afstöðu ráðamanna ESB.

Varstu þá að skrökva, eða varstu ekki búin að kynna þér málin, þegar þú lofaðir þjóðinni að hún myndi bara fá að kíkja í pakkann og fá svo að kjósa um málið?

Það er ennþá til fólk á Íslandi sem heldur virkilega að það sé að kíkja í pakka.  Þegar það er orðið ljóst af bæklingnum að það var aldrei nein meining um slíkt.  Heldur aðeins um aðlögun að ræða, þar sem þyrfti að ljúka öllum tilmælum að fullu og ríkin 27 að samþykkja ÁÐUR EN VIÐ FENGJUM AÐ KJÓSA UM orðinn hlut.

Ef þetta er það sem þú kallar að kíkja í pakka, hvað má þá hugsa sér með annað sem þú ert að bralla?  Ef öll þín embættisfærsla sem utanríkisráðherra er á þessum nótum, þá líst mér ekki á blikuna.  Því svo sannarlega getur hvert barn séð að hér var byggt á sandi frá upphafi. 

Svo er ein spurning í viðbót.  Þar sem nokkuð ljóst er orðið að það væru hrapaleg mistök að ganga í ESB áþessum tíma óvissu, og báknið að liðast í sundur og enginn veit hvernig það endar, hvernig í ósköpunum stendur á því að þú vilt óður og uppvægur halda áfram, og reynir að auka hraðferðina inn í ESB, þvert á alla aðra.  Mér liggur við að halda að það sé ekki hagsmunir þjóðarinnar sem hanga þarna á spýtunni, heldur einhverskonar aðrir samningar sem þú hefur fengið um góða stöðu í Brussel eða Lúxemburg.  Að vísu fylgir allur Samfylkingarskarinn í ríkisstjórn og þingi þér eftir með þetta mál.  Þið takið ekki einu sinni eftir að Samfylkinginn hefur samkvæmt skoðanakönnunum tapað alla vega 5% fylgis og eruð í frjálsu falli einmitt vegna þessarar ESB ástríðu ykkar fyrst og fremst.  Nema þið viljið kenna Jóhönnu Sigurðar um allt sem miður fer. 

P.S. las þetta frábæra viðtal við Michael Hudsson hjá bloggvini mínum Tryggva Gunnari Hansen.  Læt það fylgja hér með.

http://tryggvigunnarhansen.blog.is/blog/tryggvigunnarhansen/entry/1204546/

Athugasemdir

[Jóhanna (IP-tala skráð) 13.11.2011 kl. 15:16]

Frábær pistill hjá þér Ásthildur.

Það eru ábyggilega margir með svipaðar spurningar á vörunum.

Það eru ekki margir dagar síðan að Össur sagðist alltaf svara undanbragðalaust öllum spurningum um ESB.

Svo það líður nú ekki á löngu þangað til hann svarar þér.

Hafðu þökkk fyrir það en og aftur að leggja þessar spurningar fram.... Ég fylgist með úr fjarlægð.

[Ásthildur Cesil Þórðardóttir, 13.11.2011 kl. 16:43]

Takk Jóhanna mín.

[Jón Á Grétarsson, 13.11.2011 kl. 21:59]

Þessi frasi með að "kíkja í pakkann" eins og fólk haldi að þetta sé einhver jólapakki er líka mjög villandi.

Þetta er aðlögun, þegar aðlögunin er búin, fær fólk fyrst að segja eitthvað.   Þetta er eitthvað rangt þarna.

[Jón Á Grétarsson, 13.11.2011 kl. 22:14]

En frábær pistill Ásthildur, tek undir hvert orð.

[Ásthildur Cesil Þórðardóttir, 13.11.2011 kl. 23:46]

Takk fyrir Jón Á Grétarsson.

[Anna Sigríður Guðmundsdóttir, 14.11.2011 kl. 07:25]

Áshildur. Takk fyrir þennan þarfa pistil. Össur lætur nú okkur lýðinn í landinu ekki bíða lengi eftir svari, því eftir því sem hann segir sjálfur, þá er hann að vinna með lýðræðinu, en ekki gegn því. Nú reynir á lýðræðis-alvöruna í orðum Össurs blessaðs.

Össur virðist nú því miður vera í algjöru klúðri með þessa ESB-vonarstjörnu sína í fánanum bláa í fyrirheitna landinu.

M.b.kv.  

[Vilhjálmur Stefánsson, 14.11.2011 kl. 08:23]

Nú stendur yfir Kirkjuþing eigum við ekki að biðja Presta þá er sitja þar að smeinast í bæn um að Össur nái bata og þessi ESB meinsemd yfirgefi hann...

[Jón Steinar Ragnarsson, 14.11.2011 kl. 08:57]

Ég veit ekki hvað þú átt við að Össur sé ekki slæm manneskja. Hann er einhver óheiðarlegasti maður í Íslenskum stjórnmálum og það er talsvert. Menn sem ljúga, skrumskæla og snúa útúr, fela staðreyndir og fara vísvitandi með rangar fullyrðingar eiga ekki virðingu skilið. Hann er svo haldinn þeim óþolandi persónubrsti og hroka að þora ekki að hafa rangt fyrir sér í neinu.  Illa gefið egosentrískt smámenni segi ég. Eg á ekki mildari greiningu því miður.

[Ásthildur Cesil Þórðardóttir, 14.11.2011 kl. 11:09]

Takk Anna Sigríður mín.

Þar komstu með það Vilhjálmur. 

Já Jón Steinar þú tókst eftir því að ég sagði ekki vond manneskja, sem þýðir ekki endilega góð manneskja.  Hann á samt sína punkta er með hjartað á réttum stað, þegar svo ber undir.  En það er einmitt líka löstur, því þessa dagana vill hann helst gefa ESB landið okkar. 

[Jón Steinar Ragnarsson, 14.11.2011 kl. 11:36]

Það er því miður ekki prenthæft sem ég hefði viljað um þennan mann segja. Hann er persona non grada í mínum augum.

[Ásthildur Cesil Þórðardóttir, 14.11.2011 kl. 12:58]

Við ræðum það bara yfir kaffibolla Jón Steinar minn þegar þú lítur við á Ísafjörð.

[Guðni Karl Harðarson, 14.11.2011 kl. 23:17]

Ég þakka þér fyrir mjög góðan pistil Ásthildur. Einu sinni var lítill kall með meðal stórt hjarta. Það var þegar hann gekk með slaufu þú hálsinn, held ég. Síðan að hann hætti með hana þá kom eitthvað fyrir. Hann fékk einhvern svartan blett á hjartað held ég.

Ég held dálítið að með við skoðum allt samhengi þá sýnist svo að allt þetta Sf lið vilji bara sem mest selja landið okkar útlendingum. Maður spyr sig óneitanlega hvað þau fá í umboðslaun?

Lítil með virðingin fyrir sjálfri þjóðinni að ætla sér að troða okkur þarna inn í þetta leppbandalag. Nægir tildæmis það nefna hvern Þeir setja sem forsætisráðherra Italíu. Og þeir sem fá ekkieinu sinni að kjósa sér þú það. Það segir allt þú lýðræðið þarna! Sem með ekkert.

Eins og ég sjálfur hef sagt t.d. við eigum að vera löngu hætt við og farin úr þessu aðlögunarferli.

[Guðni Karl Harðarson, 14.11.2011 kl. 23:20]

Smá villur hjá mér vegna þess ég skráði inn með spjaldinu mínu með snertiskjánum.

[Ásthildur Cesil Þórðardóttir, 14.11.2011 kl. 23:23]

Já Guðni minn ég náði innihaldinu.  Ég er ekki alveg að skilja þetta fólk í Samfylkingunni, þeim finnst allt þjóðlegt svo hallærislegt og gera allt sem þau geta til að niðurlægja fólkið sitt og landið. Verði þeim að góðu.  Vonandi fá þau þá útreið sem þau eiga skilið í næstu kosningum.