Gott hjá þér Ögmundur, nú er ég ánægð með þig.

Já hvernig væri það nú? Þetta er auðvitað hárrétt hjá Ögmundi sérstaklega þetta hérna:

Síðan væri verðugt rannsóknarefni að kanna ferðakostnað vegna ESB viðræðna, í stjórnsýslu, í  ráðuneytum, á Alþingi, í fjölmiðlum, þ.á.m. RÚV. Ríkisútvarpið hefur sagt A. Nú verður varla látið staðar numið? Eða hvað, Óðinn og Páll,“ spyr innanríkisráðherra.

Mér finnst þetta miklu fréttnæmara en ferð Ögmundar til Mexicó.  Svo ég bíð spennt eftir svari frá Rúv útvarpi allra landsmanna en svo titla forsvarsmenn stofnunarinnar ríkisútvarpið á góðum dögum.

Mig langar að vísu ekkert að vita um ferðir Páls Magnússonar eða Óðins Jónssonar á vegum ríkisútvarpsins, en fyrst þeir eru nú einusinni byrjaðir á löngu tímabærri rannsóknarblaðamennsku, þá er ég sammála Ögmundi í því að það á ekki að láta staðar numið hér.

Ég hef sem sé mestan áhuga á Brusselferðum ráðuneyta og stofnana ríkisins, og sérstaklega kostnaði Össurar í því sambandi, hef svona lúmskan grun um að sú upphæð sé all verulega mikið hærri en þessi Mexicoferð Ögmundar.

Var annars ekki meininginn hjá ráðamönnum að hafa allt uppi á borðum?  Eða var það ofan í skúffum?

Koma svo Ögmundur nú vil ég að þú beitir þér við að fá þessar upplýsingar.  Næst verður örugglega tekið á ferðum Landbúnaðarráðherra, því ESBkórinn í Samfylkingunni vill helst losa sig við þessa tvo, sem standa í lappirnar gegn óráðssíunni sem þessi umsókn er komin í, og nú þegar byrjað að molna utanaf og innanúr. 

RÚV gefi skýrslu um ferðir starfsmanna

Athugasemdir

[Óskar Helgi Helgason (IP-tala skráð) 25.10.2011 kl. 14:56]

Heil og sæl Ásthildur Cesil - sem áður; og fyrri !

Ertu nokkuð gengin; í barndóm og elliæru, Ásthildur mín ?

Í Guðanna bænum; ekki gera okkur þann óleik, að hrósa þessum Bastarði og meðleikara íslenzku stjórnsýslu afætnanna, sem Ögmundur þessi Jónasson er - og hefir verið, áratugunum saman.

Þetta frænd ræksni mitt (úr Leirársveitinni; fjarskyldur af Stefánunga ætt), verðskuldar ekkert lof - og hefir aldrei gert, dæmigerður Andskotans lýð skrumari, inngróinn; fagurgala og svigurmæla á víxl, og ætti hvergi í húsum hæfur, að teljast.

Var jú; um hríð, nokkuð nothæfur fréttamaður Ríkisútvarpsins, hér fyrr meir, svo allrar sanngirni, skyldi gæta.

En; láttu þig aldrei henda, að láta blekkjast, af þessum arma þræl, síðar meir - sem í samtíma okkar.

En er; þess utan, einhver mesti ódráttur, í okkar seinni tíma sögu, ágæta Vestfirzka hústrú.

Með; öngvu að síður - hinum beztu kveðjum, sem jafnan / 

[Ásthildur Cesil Þórðardóttir, 25.10.2011 kl. 15:03]

Óskar minn ekki er ég genginn í barndóm.  En ég er nú svo skrýtin að finnst sama hvaðan gott kemur.  Það er alveg hárrétt hjá Ögmundi að það er þvílíkur halli á málfluttningi ríkisútvarpsins.  Og sum mál þar eins og til dæmis ESB hafa verið einhliða lofrulla um umsóknina og þar hefur enginn gagnrýni komið að.  Mér finnst því gott þegar ráðherra bendir á þetta, þó það sé að hluta til í nauðvörn.  Við verðum að ýta undir sannleikann hvaðan sem hann birtist.  Og nú bíð ég spennt eftir því að Rúv geri heiðarlega úttekt á öllum þeim kostnaði sem við höfum haft af þessum flumbrugangi, aðlögunarumsókn inn í ESB, með einn flokk sem langar, og annar sem er klofinn og nauðbeygður.  Þetta er gaman.  Nú bíð ég spennt.

[Óskar Helgi Helgason (IP-tala skráð) 25.10.2011 kl. 15:14]

Heil á ný; sem æfinlegast, Ásthildur mín !

Þér; að segja, vildi ég fremur, beina sjónum þínum, til samfélags Ísbjarnanna á Norðurskautinu - eða þá; til Mörgæsa Suðurskautslandsins, í þinni fölskva lausu leit, að sannleikanum, fornvinkona góð.

Aldrei; muntu finna hann, í ranni Ögmundar Jónassonar, að minnsta kosti.

Með; ekki lakari kveðjum - en þeim fyrri /

 

[Rauða Ljónið, 25.10.2011 kl. 15:32]

Einkaútvarp Páls og Óðins (RúvPÓ) verður að sjálfsögðu að vera með hreint borð, engan pott brotinn og hreint mél í öllum pokahornum áður en það fer að skýra frá ferðum Ögmundar. Talan sem upp er gefin er kostnaður þriggja manna ekki eins manns eins og einkaútvarp RÚV PÓ skýra frá.

Kv. Sigurjón

[Óskar Helgi Helgason (IP-tala skráð) 25.10.2011 kl. 15:51]

Komið þið sæl; á ný !

Þín ályktun; er hins vegar hárrétt Sigurjón (Rauða Ljón).

Hér fyrr meir; tók ég oftlega fyrir, vanhöld og valdníðzlu, þeirra Páls Magnús sonar og Óðins Jónssonar, hjá Ríkísútvarpinu, svo sem, á minni síðu - eins; og ykkur rekur vafalaust minni til, gott fólk.

Með; þeim sömu kveðjum - og áður /

 

[Anna Sigríður Guðmundsdóttir, 25.10.2011 kl. 15:52]

Áshildur. Innilega sammála þér. Ef Ögmundur væri í betri félagsskap í ríkisstjórninni en raun ber vitni, þá væri hann búinn að gera svo miklu meira fyrir fólkið í landinu, og Jón Bjarnason líka. En það er eilífðar-hindrunarhlaup fyrir alla heilbrigt hugsandi, að fá í gegn einhverjar lýðræðis-umbætur fyrir Ísland, meðan ESB-sanntrúað og mútu-blint fólk situr í stjórn, og vinnur samviskusamlega fyrir höfuðpaura Brussel-"friðarhallarinnar", og gegn almenningi á Íslandi. Almættið veit hvað veldur slíkum vinnubrögðum ESB-sinna.

Skítt með það, þótt fórna verði almenningi og lífskjörum þeirra á Íslandi, fyrir ESB-herlegheit heilagrar Jóhönnu!

Það er dýrt fyrir friðarbandalagið að framleiða vopn.

Það hljóta nú allir að sætta sig við!!! Eða hvað? Ekki sætta Norðmenn sig við að gefa ESB-veldinu olíusjóðinn sinn, eins og ESB hefur falast eftir, því það er ekkert annað en hrein gjöf, að láta pening í gjaldþrota ESB-Brussel-ræningjabanka. Það vita allir sem vilja vita, og fylgjast með.

M.b.kv. 

[Rauða Ljónið, 25.10.2011 kl. 15:58]

Sæll.  Óskar vanhöld og valdnísla PM og 'OJ hefur þú svo sannarlega minnst áður á,.

Kv. Sigurjón

[Óskar Helgi Helgason (IP-tala skráð) 25.10.2011 kl. 16:00]

Komið þið sæl; enn !

Anna Sigríður Guðmundsdóttir !

Síðan hvenær; hafa íslenzkir stjórnmálamenn mátt trúverðugir kallast, yfirleitt ? Kannski viðleitni hjá sumum þeirra - fyrir áratugum, sem öldum, kannski.

Ögmundur Jónasson; líka sem og Jón Bjarnason, eru af nákvæmlega sama meiði - og þau hin.

Hvað; með loforða gjallanda ÖJ og JB. um AFNÁM verðtryggingarinnar - kosningar eftir kosningar, til dæmis, Anna Sigríður ?

Þú getur; sparað þér hólið og lofrullurnar, um all langa hríð enn, Anna mín.

Sömu kveðjur - og þær, seinustu / 

[Ásthildur Cesil Þórðardóttir, 25.10.2011 kl. 16:31]

Óskar minn, viltu segja að Ruv sé með góðan málstað í þessu máli?

Við verðum að gera greinarmun á hvað er sagt og hver segir það.  Þegar fólk segir það sem rétt er og satt, og við vitum og höfum fundið það um langa hríð, þá hljótum við að taka undir með þeim sem þannig tala, til að vekja athygli á málstaðnum. 

Ég er ekki ánægð með allt sem Ögmundur hefur gert, sérstaklega þegar hann kemur sér hjá hlutum með hjásetu eða fjarveru.  En þarna hitti hann svo sannarlega naglann beint á hausinn.  Og þó það sé runnið undan hans eigin sárindum yfir meðferðinni, þá er hann samt að segja það sem brennur á mörgum.  Segi og skrifa.

Anna Sigríður, já ég held að Ögmundur og Jón Bjarnason séu þeir ráðherrar þessarar ríkisstjórn  sem eru með mesta samviskuna af allri ríkisstjórninni, og í ESB aðlögunarferlinu standa þeir allavega með þjóðinni eins og það sýnist í dag.  Þann dag sem Ögmundur svíkur þá stefnu þá fær hann gomoren hjá mér það er alveg ljóst.

Rétt Rauða ljón.  Þessi hliðarhalli Rúv er í besta falli pínlegur. 

[Óskar Helgi Helgason (IP-tala skráð) 25.10.2011 kl. 16:42]

Komið þið sæl; sem oftar - og fyrri !

Ásthildur Cesil !

Nei; eftir meðferð Þorgerðar Katrínar - og ýmissa annarra, á Ríkisútvarpinu, hefir það misst allan trúverðugleika, og líkist helzt TASS fréttastofunni Sov ézku heitinni, hin seinni misserin, í allri efnisumfjöllun.

Sízt; hugðist ég koma á misskildum boðum frá mér, um mín viðhorf, gott fólk.

Þess vegna; m.a., víasði ég. til minna fyrri skrifa um Ríkisútvarpið, jafnframt.

Hinar sömu kveðjur - sem fyrri / 

[Ásthildur Cesil Þórðardóttir, 25.10.2011 kl. 17:17]

Einmitt minn ágæti, sú skúta er með hættulegan slagsíðu til vinstri í dag, en var með hægri slagsíðu þegar Þorgerður Katrín var við völd, stofnuninn virðist bara hallast eftir því hverjir eru við völd.  Ekki gott mál.

[Dagný, 25.10.2011 kl. 18:11]

Já það er eins gott að hann Ögmundur er í þessari ríkisstjórn. Eini trúverðugi maðurinn þar.

[Ásthildur Cesil Þórðardóttir, 25.10.2011 kl. 18:20]

Já fyrir utan Jón Bjarnason.

[Erla Magna Alexandersdóttir, 25.10.2011 kl. 19:23]

Ferðalög Össurar kosta sennilega meira en rekstur Líknardeildar Landspítalans- það á að leggja hana niður- en ef Össur verður kyrrsettur má kannski halda henni gangandi !

[Óskar Helgi Helgason (IP-tala skráð) 25.10.2011 kl. 20:09]

Komið þið sæl; á ný !

Dagný !

Alröng ályktun; af þinni hálfu. Hefir þú ekkert; fylgst með þróun mála, hér á landi, undanfarin ár - sem misseri ?

Ögmundur Jónasson; er eitthvert lélegasta afsprengi Stephensen ættar - og er þá ritstjóra flón Fréttablaðsins (Ólafur Stephensen), meira að segja, með talinn.

Og; Jón Bjarnason, er maður tvískinnungs og áttavillu ýmissar, þegar á Hólm nokkurn er komið - eins og ég rakti fyrr, Ásthildur.

Össur; er óumdeilanlegur trúður að upplagi - og ber að skoða feril hans, í því ljósi, Erla Magna.

Með; sízt lakari kveðjum - en öðrum, og fyrri / 

[Ásthildur Cesil Þórðardóttir, 25.10.2011 kl. 20:17]

Erla já það er alveg tilvalið að skoða ferðakostnað Össurar frá A til Ö.  Það verður gert hef ég trú á þegar við losnum við þetta afdankaða fólk af alþingi.

[Erla Magna Alexandersdóttir, 25.10.2011 kl. 21:07]

Þá er það of seint  ! Vandræði okkar eru að geta ekki stoppað það -  STRAX - áður en það gerir okkur að ölmusufólki !

[Ásthildur Cesil Þórðardóttir, 25.10.2011 kl. 21:39]

Já ég er sammála því, spurningin er bara hvernig?