Til hamingju með afmælið Dísa mín.

Vinkona mín og jafnaldra átti afmæli í gær.  Elsku Dísa mín við höfum nú þekkst um langa tíð, verið nágrannar frá barnæsku, skólasystur og lékum okkur oft saman.  Þó leiðir hafi skilist og þú farið héðan, fyrst inn í Ísafjarðardjúp og síðan til Reykjavíkur, hefur aldrei slitnað okkar vinskapur.  Hann hefur verið  mér dýrmætur. 

Það voru ófá skiptin sem við vorum í eldhúsinu hjá móður þinni að spjalla og borða bestu kleinur í heimi. 

Takk fyrir allt elsku Dísa mín og innilega til hamingju með afmælið. 

Athugasemdir

[Dísa (IP-tala skráð) 10.5.2011 kl. 12:43]

Takk elsku Íja mín ,  já þær eru sterkar taugarnar sem hnýttust þegar mamma mín og amma þín leiddu okkur saman sem smábörn til að viðhalda sinni vináttu. Ég man líka vel eftir þegar við sátum í eldhúsi ömmu þinnar með blöndu af kaffi, sykri og mjólk og fylltum krúsina með kexi og borðuðum með skeið .

Vinátta okkar hefur líka skipt mig miklu máli

[Ásthildur Cesil Þórðardóttir, 10.5.2011 kl. 12:51]

Já manstu mjólkurkex með kaffi, mjólk og miklum sykri