Tónleikar tónlistaskóla Ísafjarðar.

5.5.2011 | 14:15

Tónleikar tónlistaskóla Ísafjarðar.

Ég fór í gær á flotta tónleika hjá lúðrasveit Tónlistaskóla Ísafjarðar.

Dagskráin var hreint út sagt frábær að mínu mati. Tónleikarnir voru fjórskiptir fyrst kom Skólalúðrasveit Tónlistarskólans.

Þau tóku lögin

Take me on með A-ha

Baker Street Gerry Rafferty

Beverly Hils Rivers Cuomo

Don´t Worry, Be Happy Bobby McFerrin.

Flottir krakkar og spiluðu hreint ágætlega. Madis er algjör gullmoli og nær mikið út úr krökkunum.

Síðan kom Miðsveit Tónlistarskólans.

Þau höfðu á sínu prógrammi;

Cleveland Rocks Ian Hunter.

I Gotta Feeling Black Eyed Peas.

Hey, Soul Sister Train.

I´m A Believer Neil Dimond.

Sem sagt ennþá meira fjör svei mér ef allir voru ekki farnir að dilla sér í kirkjunni.

Við eigum hér marga framtíðar hljómlistarmenn í báðum þessum hópum.

Eiginkona og yngsta dóttir Madis tóku þetta báðar upp, sé ekki hvor er áhugasamari.

Næst kom Lúðrasveit Tónlistarskólans.

Þeirra dagskrá var heldur ekki af verri endanum.

Colonel Bogey K.J. Alford

Stranges in the Night Bert Kaempfert.

Dóná svo blá J. Strauss.

Halleluja Leonhard Choen

Marsbúa Cha-Cha Magnús Jónsson.

Flott og skemmtileg dagskrá.

Ísfirðingar eru mikið tónlistafólk almennt og svona tónleikar eru alltaf vel sóttir, enda erum við alin upp í miklu og góðu tónlistarlífi með tvo tónlistarskóla og margt velmenntað tónlistarfólk og frægt um allan heim sumt.

En það byrjar allt saman hér í tónlistarskólum bæjarins.

Mugison bættist svo í hópinn og söng fyrir fólkið Haglél og Gúanóstelpan mín með undirleik lúðrasveitarinnar.

Við mikinn fögnuð áhorfenda.

Mig langar til Ísafjarðar og þín, elsku Gúanóstelpan mín er sungið af innlifun.

Skólastjórinn Sigríður Ragnar gaf Madis blómvönd og þakkaði honum fyrir yndislegt kvöld.

Eftir tónleikana var svo þátttakendum boðið upp á gos og snakk, til mikillar gleði fyrir börnin.

Þessi drengur er alveg einstakur ljúflingur.

Hér eru líka tveir flottir saman.

Kæra Sigíður og allir þátttakendur í þessum tónleikum innilega takk fyrir mig og frábæra kvöldstund með frábæru fólki, með frábæra dagskrá og góða skemmtun. Heart

Það er svo gott að sjá að eitthvað blómstrar allavega á þessum síðustu og verstu tímum, eins og lítið fallegt blóm sem stingur kollinum upp úr moldinni á fyrsta vordegi.

Flokkur: Bloggar | Facebook

Athugasemdir

Þetta er aldeilis flottur hópur af tónlistarfólki sem þið eigið þarna Við mæðgur erum að fara að spila á okkar tónleikum á laugardaginn, Þórdís á tvennum og ég á þrennum tónleikum. Þetta er bara gaman

Er Elli að spila á klarinett? Knús í Kúlu.

Sigrún Þorbjörnsdóttir, 5.5.2011 kl. 21:16

Gott hjá ykkur mæðrum Sigrún mín. Já Elli spilar á klarinett. Knús til ykkar

Ásthildur Cesil Þórðardóttir, 5.5.2011 kl. 21:18

Á ferðalögum mínum um landið hef ég orðið þess rækilega var hvað tónlistarlíf er öflugt á Ísafirði. Ekki aðeins hafa þaðan komið frægar hljómsveitir á borð við BG & Ingibjörgu, Grafík, Ýr, Sokkabandið, Reykjavík!, Mugison og ég er áreiðanlega að gleyma einhverjum. Á Ísafirði hef ég einnig slæðst inn á rokkhátíð sem mig minnir að hafi heitið Menntstock. Þar spiluðu hátt í eða um 10 rokkhljómsveitir, hver annarri spennandi. Sömuleiðis slæddist ég eitt sinn inn á forkeppni í söngvarakeppni framhaldsskólanna (eða hvort það heitir eitthvað annað). Þar komu svo margir frambærilegir á svið að erfitt var að spá um úrslit. Þegar ömmustelpan þín mætti á skrautskriftarnámskeið hjá mér frétti ég að hún væri verulega góð á pianó, þrátt fyrir ungan aldur.

Jens Guð, 5.5.2011 kl. 22:30

Já sem betur fer hefur músiklífið verið hér í hávegum haft. Til dæmis þegar við vorum að æfa Sokkabandið í kjallaranum hjá mér, fengu þó nokkrar hljómsveitir ungra krakka að æfa þar líka. Og ég á upptöku frá tónleikum í Alþýðuhúsinu, sem við Sokkabandið héldum og þar komu fram ótal svona hljómsveitir m.a. Alsherjarfrík, og hljómsveit þar sem Sigurjón Kjartansson var trommari. Við stelpurnar leyfðum þessu unga fólki að spreyta sig á alvöru tónleikum. Og það er góð tilfinning.

Ásthildur Cesil Þórðardóttir, 6.5.2011 kl. 00:28

Mig grunaði að einhver gleymdist í upptalningu minni. Ég skammast mín fyrir að gleyma Sigurjóni Kjartanssyni, eins og ég hef mikið dálæti á Ham. Það var mér sérstök skemmtun að kaupa í Tékklandi plötuna Saga rokksins með Ham fyrir 10 árum.,

Jens Guð, 6.5.2011 kl. 00:55

Já og Rúnari Þór vini mínum, rimlarokkari með fleiru. Svo eru margir frábærir tónlistarmenn eftir sem hafa ekki gefið neitt úr eins og Gummi Hjalta, Jón H. Engilbertsson og margir margir fleiri.

Ásthildur Cesil Þórðardóttir, 6.5.2011 kl. 09:20