Herra Ólafur Ragnar Grímsson forseti vor hefur fyllt mig bjartsýni.

Hlustaði á forsetann ræða um niðurstöðu atkvæðagreiðslunnar. Var dálítið spennt fyrir því hvað hann myndi segja.  Og ég varð ekki fyrir vonbrigðum.  Forsetinn sýnir svo ekki verður um villst að hann er besti málsvari íslensku þjóðarinnar.  Ræðan hans var frábær og jákvæð og taldi kjark í þjóðina, öfugt við stjórnarherrana og frúrnar sem keppst hafa við að tala niður til þjóðarinnar og  sverta okkar málstað erlendis.

svo kom að spurningunum, og þvílík gremja og vonbrigði sem einkenndi þau.  En Ólafur Ragnar tók þau einfaldlega í nefið, þar sem hann vissi svo miklu betur um málin, hafði svörin á hreinu og hafði kynnt sér málin erlendis, meira en þessir heimaalningar hafa gert.  Það er eiginlega sárgrætilegt að við skulum hafa slíka apa sem eiga að heita fjórða valdið á kafi í því að reyna að sveigja vilja almennings að þeim sem þau þjóna.  Guði sé lof fyrir internetið.  Án þess hefðu stjórnvöld ásamt þessum svokölluðu blaðamönnum og fréttamönnum haft sigur, og komið lyginni á framfæri, og við hefðum aldrei getað ná vopnum okkar í því stríði.  Sýnir bara á kvaða plani margir fréttaskýrendur eru.

Ég hlustaði á Silfur Egils og ég var ánægð með framgöngu Jóhönnu og Steingríms í fyrstu, en svo runnu á mig tvær grímur þegar þau geymdu öllu þessu tali um sáttarvilja og létu Bjarna Ben af öllum mönnum æsa sig upp og voru farin að öskra gamla frasa og hóta.  Birgitta Jónsdóttir var sú sem bar af þarna í viðtalinu, sjálfri sér samkvæm og örugg í sínum málflutningi, setti ofan í þessa gömlu refi hvað eftir annað. 

En eftir þennan blaðamannafund Ólafs Ragnars, stendur upp úr bjartsýni og von um að við séum loksins á réttri braut.  Hann svaraði öllum spurningum og var málefnalegur og öruggur.  Og það besta er að hann hefur sent þessi skilaboð út í alþjóðasamfélagið, ætli það vegi nú ekki þyngra en tilkynningar forsætisráðherra um verstu mögulegu útkomu.  Sem ég skammast mín fyrir.

Nei Íslendingar góðir við þurfum ekki að kvíða neinu.  Þessi hræðsluáróður sem vekur ennþá skjálfta hjá Jásinnum er óþarfi.  Þetta var bara eftir allt saman hræðsluáróður, eins og við vissum mætavel.

Í dag skín sólin hjá mér, bæði úti og í hjartanu.  Við eigum betri framtíð í vændum, og það er af því að við og forsetinn tókum málin í okkar hendur.  Til hamingju Ísland.

Athugasemdir

[Erla Magna Alexandersdóttir, 10.4.2011 kl. 18:54]

Já forsetinn er alltaf að koma á óvart- vonum að hann verði áfram í þessu embætti- hann er mikill karakter.

[Eyjólfur Jónsson, 10.4.2011 kl. 19:34]

Tvær konur. Og báðar loforða forsetann. Og báðar bjartsýnar. Og báðar tala beint frá hjartanu. Og hverju getum við búist við á næstu árum? Jú að farið verði eftir tillögum margra um að forsetinn verði í raun forseti og leiði ríkisstjórn svona eins og forseti bandaríkjanna svo hægt verði að nota starfskrafta Ólafs Ragnars að fullu á meðan hann er í þessu góða stuði. Og svo mætti hann þá alveg ráða til sín strangheiðarlegan fjármálavitring til að skapa nýja og heiðarlega bankastarfssemi í landinu. Þessi maður heitir Jan Petter Sissener og er hataður af Kaupþingi fyrir að vera eini heiðarlegi starfsmaður bankans. Hann er norðmaður og einn virtasti fjármálamaður í Evrópu.

[Helga Þórðardóttir, 10.4.2011 kl. 22:06]

Mér er eins innanbrjósts. Ólafur Ragnar var frábær í dag og ég get tekið undir allt það sem hann sagði. Nú er bara að halda áfram og vona það besta.

[Ásthildur Cesil Þórðardóttir, 10.4.2011 kl. 22:35]

Takk öll fyrir innlitið. Já Helgal mín nú er að halda áfram og vona það besta, ég er miklu vonbetri eftir þennan góða blaðamannafund forsetans.

Sammála þérEyjólfur hvernig væri að fá klára erlenda menn til að aðstoða okkur í uppbyggingunni, við erum of sjálflæg og sjónskert í þeirri merkingu til að sjá skóginn fyrir trjám.

Já Erla mín ég myndi kjósa hann aftur ef hann gæfi kost á sér.

[Dagný, 10.4.2011 kl. 23:06]

Já þetta var gleðilegur fréttamannafundur og forsetinn fór alveg á kostum. Þrátt fyrir að ég hafi ekki kosið karlinn á sínum tíma og þótti hann alls ekki standa sig í byrjun, þá hefur hann vaxið mjög í embætti sínu og virðist hafa fingurna á þjóðarpúlsinum - sem er meira en hægt er að segja um ríkisstjórn landsins.

[Jóna Kolbrún Garðarsdóttir, 10.4.2011 kl. 23:16]

 Til hamingu Ísland, framtíðin er bjartari í dag heldur en í gær..

[Jóhanna Magnúsdóttir, 11.4.2011 kl. 08:04]

Mér fannst Óli góður, og lyfti upp andanum - en þar var ekki vanþörf á.

[Ásthildur Cesil Þórðardóttir, 11.4.2011 kl. 09:24]

Einmitt stelpur, Ólafur Ragnar stóð eins og kletturinn í hafinu á ögurstundum fyrir íslenska þjóð.  Þökk sé honum.   Og heyra allar nöldurraddirnar sem svívirða hann á allan hátt, svei þeim bara.  Þetta er ekki þjóðin allavega sem lætur svona.  Þetta eru bara einhverjir Samfylkingarmenn, sem sjá ESB drauminn hverfa og eru svekktir þess vegna, því þeir vildu bara komast þangað inn, en svo er bara hægt að flytja til draumalandsins, þarna er úr mörgu að velja, til dæmis Portúgal, Grikkland, Spánn, Írland, Ítalía og fleiri lönd sem hafa það svo gott, í ESB.,

[Ingibjörg Guðrún Magnúsdóttir, 11.4.2011 kl. 11:09]

Já Ásthildur ég er svo sammála þér, og það var ekki fyrr en að hann hafði talað sem ég leyfði mér að fagna þeim sigri að Þjóðin hafnaði Icesave...

Það er öllu verra að hlusta á Jóhönnu og Steingrím sem gera ekkert annað en að tala hann og Embætti hans niður...

[Ásthildur Cesil Þórðardóttir, 11.4.2011 kl. 11:23]

Já ég segi sama.  En ræðan hans skörungsskapurinn og hvernig hann tók ESB fréttamennina í nefið gladdi mína lund  svo sannarlega.

[Ásdís Sigurðardóttir, 11.4.2011 kl. 11:37]

Óli lyfti mér á hærra plan, var mjög ánægð með hann.

[Kristín Sævarsdóttir (IP-tala skráð) 11.4.2011 kl. 11:52]

Ég er alveg hjartanlega ósammála þér. Ólafur Ragnar er fullur af sjálfum sér og talar eins og hann hafi aldrei hætt í pólitík. Baðar sig í kastljósi fjölmiðla og minnir mig meira á París Hilton en mér finnst gott.

[Ásthildur Cesil Þórðardóttir, 11.4.2011 kl. 12:05]

Einmitt Ásdís mín.

Það er allt í lagi að vera ósammála, það væri nú dálítið leiðigjarnt ef við hefðum ekki mismunandi skoðanir á mönnum og málefnum Kristín mín.  Eki væri nú gaman að guðspjöllunum, ef enginn væri í þem bardaginn, sagði kerlingin.

[Jóhann Elíasson, 11.4.2011 kl. 20:25]

Ef Heilög Jóhanna og Gunnarsstaða-Móri ynnu hálft verk fyrir þjóðina á við það sem forsetinn hefur gert værum við í ágætis málum.

[Ásthildur Cesil Þórðardóttir, 11.4.2011 kl. 22:09]

Það segi ég með þér Jóhann.

[G.Helga Ingadóttir, 11.4.2011 kl. 22:58]

Tek undir með ykkur, að ég var virkilega ánægð með Ólaf, hann stendur með sinni þjóð og það er gott

[Ásthildur Cesil Þórðardóttir, 12.4.2011 kl. 11:11]

Takk fyrir innlitið G. Helga mín.  Já hann hefur staðið sig afar vel sem betur fer.  Veit satt að segja ekki í hvaða sporum við værum nú ef hans eða hans líka nyti ekki við. 

[Kidda, 12.4.2011 kl. 12:24]

Ég myndi kjósa Ólaf aftur sem forseta, hann hefur sýnt okkur það að hann hefur kjark til að standa með þjóðinni. Og af þvi að hann hefur kjark til að vinna fyrir okkur þá er sagt að hann sé athyglissjúkur. 

[Ásthildur Cesil Þórðardóttir, 12.4.2011 kl. 12:27]

Já, og þó það væri satt, þá er mér hreinlega saman meðan hann stendur með þjóðinni og talar hana upp á alþjóðavísu. Við erum öll svolítið gefinn fyrir að láta í okkur heyra og sjá.  Það er svo sem enginn stór galli bara lyndiseinkunn.

[Bergljót Gunnarsdóttir, 13.4.2011 kl. 22:39]

Þetta er í fyrsta sinn sem ég hef séð 19 jákvæðar færslur í röð um forseta vorn, og ég er ykkur hjartanlega sammála. Hann er skelleggur og gáfaður maður.

[Ásthildur Cesil Þórðardóttir, 13.4.2011 kl. 23:29]

Já og þökk sé honum.