Í fullu umboði??????

Var að lesa DV það ágæta blað og rakst þar á þessar frétt. 

 http://www.dv.is/frettir/2011/3/23/adstodarmadur-johonnu-skammar-asmund-einar/

Aðstoðarmaður Jóhönnu skammar Ásmund Daða. 

Það væri strax til bóta ef þú bara nefndir eitt eða tvöl mál af þeim sem þú ert ánægður með – ef þau fyrirfinnast,“ segir Hrannar B. Arnarsson, aðstoðarmaður Jóhönnu Sigurðardóttur forsætisráðherra, á Facebook-síðu Ásmundar Einars Daðasonar, þingmanns Vinstri grænna.

Ásmundur Einar gagnrýndi Gylfa Arnbjörnsson, forseta ASÍ, á Facebook-síðu sinni í gærkvöldi en Gylfi lýsti því yfir á Eyjunni að Icesave-samningarnir væru þeir mikilvægustu sem þjóðin stæði frammi fyrir. „Það væri gott ef þessi maður berðist af sömu hörku fyrir skjólstæðinga sína eins og hann berst fyrir Samfylkinguna þegar kemur að ESB umsókninni og Icesave,“ sagði Ásmundur Einar.
Hrannar birtist í athugasemdakerfinu og gagnrýndi Ásmund Einar harkalega:

„Óskaplega er þetta ósmekkleg og ósanngjörn aðdróttun hjá þér félagi Ásmundur Einar. Í þessum málum er forseti ASI að tala í fullu umboði sinna félagsmanna og aldrei þessu vant er hann sammála stefnu ríkisstjórnarinnar sem þú stendur að. Það er enda mat ASI og margra annarra að jákvæð niðurstaða í þessum mikilvægu málum geti skipt sköpum fyrir hag launþega og alls almennings á Íslandi á komandi tíð. En mikið vildi ég að þú talaðir af sömu einurð fyrir góðum verkum ríkisstjórnarinnar og þú talar gegn félögum þínum í ríkisstjórnarflokkunum í ýmsum málum. Það væri strax til bóta ef þú bara nefndir eitt eða tvö mál af þeim sem þú ert ánægður með - ef þau fyrirfinnast. Slík mál er amk ekki að finna hér á fésbókarsíðu þinni enn sem komið er en nóg af hinu gagnstæða.“

                                                                   ÖÖÖÖ

Ég fylgist nú auðvitað ekki með öllum málum, en hvar hefur það komið fram að Gylfi tali í umboði sinna félagsmanna?  Ég hef hvergi séð auglýstan fund eða umræður þar sem honum hefur verið falið það vald frá félagsmönnum í verkalýðshreyfingunni.  Hvar er það umboð?  Mér er fullkunnugt um að hann hefur lýst sinni skoðun sem leiðtogi verkalýðshreyfingarinnar, en ég hef ekki séð stafkrók fyrir því að hann hafi sótt umboð sitt til félagsmanna. 

 

Í raun og veru tel ég það mjög alvarlegt mál ef forstöðumenn samtaka nota aðstöðu sína með þessum hætti í jafnumdeildu máli og hér um ræðir, nema hafa til þess óskorað umboð. 

Þar sem um helmingur landsmanna er á móti aðrir með.  Hef reyndar heyrt hærri tölu nýlega um þá sem eru á móti allt upp í 80%. 

Eitt er líka að slengja fram svona slagorðum, annað er að éta það upp og gera það að heilögum sannleika af því það hentar þeim sem þannig hagar sér. 

Ég vona að sem flestir segi NEI við Icesave og bjargi þannig ungum og ófæddum íslendingum að bera skuldaklafa eða búa í ófrjálsu landi þar sem útlendingar geta gengið að auðlindum okkar um ókomna framtíð, vegna þess að við álpuðumst til að taka á okkur ríkisábyrgð á skuldir einkafyrirtækja. 

 

Athugasemdir

[Ásdís Sigurðardóttir, 23.3.2011 kl. 13:55]

Þetta er ótrúlegt hjá Hrannari að láta svona og að nota fésbókina er út í hróa.

[Ásthildur Cesil Þórðardóttir, 23.3.2011 kl. 14:33]

Já ég held að það sé ekkert mikið á milli eyrnanna á honum blessuðum. 

[Ingibjörg Guðrún Magnúsdóttir, 23.3.2011 kl. 16:01]

Já og svona viðbrögð segja það sem segja þarf...

Þetta segir bara eitt að það er ekki öryggi lengur á bænum hjá Hrannari...

[Sæmundur Bjarnason, 23.3.2011 kl. 16:52]

Eru öll samskipti fólks á leiðinni á fésbók?

Ég segi bara pass og tek mitt Moggablogg framyfir þau ósköp.

[Dexter Morgan, 23.3.2011 kl. 17:41]

In your FACE-(book); Hrannar !

[Ásthildur Cesil Þórðardóttir, 23.3.2011 kl. 20:36]

Takk fyrir innlitið öll.  Var að horfa á Hrannar í Kastljósinu og ég get svarið það Þorgerður Katrín kom betur út, þó ég segi sjálf frá, því ekki líkar mér konan sú.  En svona eru málin, fyrir mér eru það málefnin sem skipta máli en ekki hver segir þau.  Það fer að líða að endalokum þessarar ríkisstjórnar, ég get ekki sagt að ég muni sakna hennar, en er dálítið hugsandi um hvað tekur við.

[Jóhanna Magnúsdóttir, 23.3.2011 kl. 21:39]

Nú er ég svolítið búin að missa af, er mikið að vinna og svo bara að blogga frá mér fortíðina!

Nei eða Já, þú eða þá ... ? .. Ég er búin að snúast svolítið í hringi í Icesave. Ég tek undir að ég er hugsi hvað tekur við varðandi ríkisstjórn. Er til heiðarleg pólitík? 

[Dagný, 23.3.2011 kl. 21:43]

Satt segir þú Ásthildur! Alltaf fréttir maður eitthvað nýtt. Er ekki kominn tími á nýjan forseta ASÍ? Svona um leið og kemur tími á hina svikulu vinstristjórn Jóhönnu.

[Jóna Kolbrún Garðarsdóttir, 24.3.2011 kl. 00:27]

Gylfi Arnbjörnsson hefur tekið sér það vald að þykjast tala fyrir hönd félagsmanna ASÍ ég get fullyrt að hann hefur ekkert umboð til þess að tjá sig um pólitík frá sínum félagsmönnum.  Hann ætti að sjá sóma sinn í því að berjast fyrir bættum hag félagsmanna ASÍ en ekki ganga til liðs við SA og sitjandi ríkisstjórn...  Hann virðist ekki hafa sómakennd frekar en margir aðrir í "sjálftökuliðinu"  hann gekk til liðs við spillingaröflin..

[Ásthildur Cesil Þórðardóttir, 24.3.2011 kl. 09:20]

Jóhanna mín ég les alla pistlana þína, ég skil vel að Icesave þvælist fyrir þér, en áróðurinn er allur á einn veginn að segja já.  Mér var bent á vef um daginn sem er auðvitað ekki hlutlaus, það virðist enginn vera það, en vegur á móti hinum áróðrinum hann heitir www.Advice.is og svo er www.kjósum.is  Margt skynsamlegt þarna. 

Dagný það er löngu komin tími til að breyta stjórn verkalýðshreyfingarinnar, Gylfi er einn af þeim spilltari og siðlausari af þeim foringjum sem hafa setið síðan Gvendur Jaki var og hét,  það hefði verið gott að hafa þá kempu núna.

Einmitt Jóna Kolbrún hann hefur ekkert umboð eða leyfi til að tala í nafni félagsmanna sinna.  Skömmin er hans.

[Sóldís Fjóla Karlsdóttir, 24.3.2011 kl. 11:03]

Lítið þið framan í manninn......égsegi NEI við ICESAVE.

[Ásthildur Cesil Þórðardóttir, 24.3.2011 kl. 11:54]

Já risastórt NEI