Icesave NEI TAKK!

Þá er ég komin heim aftur.  Hér er veðrið gott sól og blíða og næstum enginn snjór.  Það er gott að koma heim, mér líður auðvitað vel hjá börnunum mínum og svo sannarlega er ég uppfull af góðum tilfinningum að hafa umgengist þau svona lengi. 

Ég fór í kjötborðið í Samkaupum og mikið er ég glöð að sjá allt úrvalið sem þar er.  Fékk mér súrsaðarð bringur og keypti mér lambaframhryggssneiðar sem ég ætla að matbúa í kvöld, nammi namm.

Ég ætla að byrja á að benda fólki á að skrifa undir áskorun til forsetans um að neita að undirrita Icesave samninginn, okkur ber enginn skylda til að greiða þetta. http://kjosum.is/

Ég set hér inn ling frá bloggi Völu Andrésdóttur Withrow  http://vala.blog.is/blog/pistlar/entry/1142548/#comment3100803

En þar segir hún m.a:

En Icesave málið hefur aldrei komist svo langt að vera lögfest en samt er ríkið til í að skrifa undir samning um fullar skaðabætur vegna ótta við dómsmál reist á tilgátum sem aldrei hafa verið vefengdar fyrir rétti og er allskostar óvíst að haldi nokkru vatni.  Þetta þykir mér með þvílíkum ólíkindum.  Svona réttaróvissa í málum þar sem málsatvik eru opinber eru oft ávísun til hins stefnda á brunaútsöluafslátt af heildarskaðabótum.  Í Icesave á hins vegar að innheimta heildarupphæð og varla samið um annað en smáatriði varðandi greiðslutíma og -skilmála.  Ef ég ætti að koma með sleggjudóm í þessu máli myndi ég segja að annaðhvort er samninganefnd Íslands lygilega vanhæf þegar kemur að sáttasamningum eða verið er að leyna upplýsingum eða semja undir borðið.  Allt mjög ósæmilegir kostir og ekki til þess fallnir að leggja til grundvallar þessari tröllvöxnu skuldbindingu.

Vala er lögfræðingur og segir hér: Sem lögfæðingur sem starfar við meðhöndlun sáttasamninga og gerðardóma á erlendri grund er frá mínum bæjardyrum séð hvorki eðlilegt né ráðlegt að aðilar semji um "skaðabótagreiðslu" í máli þar sem réttarstaða er jafn ótrygg og málsatvik eru jafn opinber og raun ber vitni í Icesave.

 Það er því alveg ljóst að þeir sem bera fyrir sig að við VERÐUM AÐ BORGA!  Fara annað hvort með rangt mál eða vita ekki betur. Hvort heldur sem er, þarf að hætta að hlusta á slíkar raddir.  Þeir annað hvort eru vísvitandi að vinna gegn þjóðarhag af pólitískum leik, til dæmis drauma um ESB, eða þá að þeir trúa því sem ráðamenn segja.

Þegar þetta er skrifað hafa þegar um 20.674 skrifað undir áskorunina.  Það heyrist líka að ráðamenn séu á hraðferð með málið gegnum þingið til að losna við að þurfa að taka tillit til fólksins sem þeir ætla að láta borga þetta.

Það er eitthvað sem hangir á spýtunni, eitthvað sem ekki þolir dagsljósið, því það er auðsætt að það á að troða þessu í gegn á móti vilja meirihluta þjóðarinnar.  Og annað við vorum búin að hafna þessu samkomulagi áður, það var ekki spurt um einhverjar dúsur eða ekki, við neituðum að greiða. 

Ég segi nú bara, stöndum saman um að koma af okkur þessari ánauð.  Látum á það reyna fyrir dómstólum hvort okkur ber að greiða eða ekki.  Það er komið nóg af lyginni, óróðrinum og undirferlinu í ráðamönnum.  Hingað og ekki lengra, sýnum þeim raunverulegt vald meirihlutans.   

Athugasemdir

[Helga Kristjánsdóttir, 15.2.2011 kl. 15:15]

 Gerum það velkomin heim.

[Ásthildur Cesil Þórðardóttir, 15.2.2011 kl. 15:28]

Takk Helga mín.

[Guðrún Emilía Guðnadóttir, 15.2.2011 kl. 17:08]

Velkomin heim elsku vinkona, veit ég vel hvað þetta hefur verið góður tími fyrir þig, en mikið er ævilega gott að koma heim til sín.
Knús í Kúlu
Milla

[Ásthildur Cesil Þórðardóttir, 15.2.2011 kl. 17:44]

Knús á móti Milla mín.

[Þórarinn Baldursson, 15.2.2011 kl. 19:08]

Velkomin heim,og takk kærlega fyrir alla pistlana þína og myndirnar af öllu mögulegu!´

Ég er alveg sammála þér með Icesave ruglið það kemur ekki til mála að borga þetta helvíti,því þá erum við endanlega farin á hausin.

Nú er ekkert annað í stöðunni enn að flæma þessa fáráðlinga úr Stjórnarráðinu,við getum ekki fengið neitt verra í staðin. Vona á þú og þínir hafi það sem best.

[Ásthildur Cesil Þórðardóttir, 15.2.2011 kl. 19:21]

Takk Þórarinn já við verðum að losna við þessa ríkisstjórn og það sem fyrst.

[Jóna Kolbrún Garðarsdóttir, 16.2.2011 kl. 01:54]

Velkomin heim, og takk fyrir allar myndirnar og pistlana sem þú skrifaðir í Austurríki og í Noregi líka...

[Ásthildur Cesil Þórðardóttir, 16.2.2011 kl. 09:06]

Takk Jóna Kolbrún mín.

[Helga (IP-tala skráð) 16.2.2011 kl. 14:58]

Sæl

Ég er að vinna með breskum manni og við vorum að ræða málin,hann segir að bretar og hollendingar séu að kúga okkur

og það er sannleikurinn