Afmæli og ýmislegt fleira skemmtilegt.

Í dag héldum við upp á afmæli Ásthildar Cesil, þegar hún átti afmælið var mamma hennar í prófum og enginn tími til neins, svo varð hún lasin svo enn var frestað.  En í dag var sem sagt haldið upp á afmælið hennar.

Ég morgun fer ég með Báru minni til Gras að hitta Leó frænda minn og Ericu eiginkonu hans, en þau eru bæði listamenn, ljósmyndarar, málarar, grafík og skúlptúrlistamenn. 
Leó frændi bjó lengi á Ísafirðí og var það með ljópsmyndastofu, en þegar Erica kom til Ísafjarðar á námskeið í myndlist, ef ég man rétt var þá kennarinn Sigurður Th.  Man ekki alveg nafnið hans, en hann er látinn.  En þá kviknaði ástin sem enn brennur hjá þessum tveimur.

Eftir Gras fer ég svo til Vínar og gisti hjá vinkonu minni Christinu Gobbi, við ætlum að gera eitthvað skemmtilegt saman, og á sunnudaginn förum við svo í Katakomburnar og síðan er partý hjá Christine, svona sixties sem kallast með hár undir höndum hehehe...
Síðan verður farið á myndlistasýningu Ericu í Vín, svo það verður nóg að gera hjá mér um helgina. 

Þetta byrjaði allt mjög sakleysislega.  Mamma þeirra keypti handa þeim svona handarmálningu, og þær áttu svona teiknisspjöld hehe....

Og svo vildu þær fá að prófa, mamma og pabbi farin í partý!!!

Aldrei að vanmeta svona uppákomur.  En ég var að passa litlu dömurnar mínar.  Mamma þeirra og pabbi fóru í útskriftarpartý með skólafélögum Báru.

Svo smám saman æstist leikurin, rétt si svona, ég var ekki alveg sátt við framvinduna, en hvað er hægt að gera?

Annað en að slá þessu upp í kæruleysi?

Því þó það sé ár og dagur síðan ég var svona lítil, þá man ég hvað það gat verið gaman að gleyma sér í allskonar.... þó svona væri ekki til þá.

Lengi vel reyndi ég samt að halda andlitinu, en ég bara gat ekki annað en hlegið...

Þetta var nefnilega ósvikin gleði, sem við ættum stundum að leyfa okkur líka fullorðna fólkið.

En Palli heimalningur var heima, þeir voru reyndar að fara í partý líka drengirnir, Reinhard hinn heimagangurinn og skólafélagi þeirra.  Reinhard hvíslaði r eyndar út um annað munnvikið að svona ætti bara að gera á sumrin út í garði

Anyway... þá leit dæmið svona út...

Eða jafnvel svona hehehe...

En svo tók Palli af skarið, lét renna í bað og bar bæði villidýrin þangað og setti í bað.

Og þá var eftir að þrýfa hehehe

Jamm duglegir strákar ekki satt!!!

Einhver þurfti jú að baða stelpurnar og koma þeim í náttföt og í rúmið ekki satt!!!

En strákagreyin voru sem sagt á leið í partý, voru búnir að kaupa þessa flottu körfu og setja allskonar ofan í hana bjór, osta og snakk til að gleðja einn skólafélagan sem átti afmæli, svo ég sagði rétt si sona hvort það væri ekki tilhlýðilegt að setja kort með.  Það var auðvitað ekki til neitt kort, svo ég sagði þið getið bara teiknað kort, og lét þá hafa blað.   Og já Palli fór að teikna, og hér er fyrirmyndin.

Félagarnir horfuð áhugasamir á...

Og ég hafði gaman af öllu saman.

Já þetta gengur bara vel hjá stráksa.

Hver segir að Helló Kittý geti ekki heillað jafn unga pilta sem litlar stúlkur+

Og karfan tilbúin og strákarnir til í tuskið.

Hér eru svo partýljóninn tilbúinn líka, búin að opna freyðivín og alles.

Svo sæt saman

BINGÓ!!!!

En barnapían var dálítið slöpp og reyndar ætlaði að leggja sig aðeins hjá stelpunum, sem hún hafði plantað upp í ömmuholu með ávaxtaskál og mynd, og sofnaði á undan pæjunum  Það gerði samt ekki til , því ég á svo dugleg barnabörn.

En það var sum sé haldið upp á afmæli Ásthildar í dag, og nágrannabörnunum boðið, þessi tvö eru alveg rosalega stillt... heima hjá sér, en bæta það upp þegar þau koma annarsstaðar  Get sagt þetta því enginn skilur.

Mín auðvitað búin að klæða sig uppá og svona.

Svo var sest inn í stofu, og hér eru pakkarnir.

´Það var eftirvænting í loftinu hjá krílunum.

Setja upp kórónuna sem við Hanna Sól útbjuggum um daginn.

Svo var sunginn afmælissöngurinn á ensku í þetta skipti og Ásthildur varð svolítið feiminn.

Og þá var farið í að opna pakka, hér er gjöfin frá ömmu í kúlu, syngjandi Barbie, ég sver það, það var ekki mín hugmynd, heldur vissi ég að það var einmitt svona sem hún vildi.  Barbie syngur samt klassik en ekki dægurflugur.

Það er alltaf gaman að taka upp pakka.

Hún fékk líka þennan flotta prinsessukjól frá pabba og mömmu.

Aldeilis fín lítil stúlka.

Svo var farið í að skreyta kökuna, jamm það var ákveðið vegna tímaskorts að það væri bara sniðugt að börnin fengju öll að hjálpast að við að skreyta, og þau voru alsæl.  Ég bakaði skúffuköku og pönnukökur.

Ég er alveg klár á að þessi blessuð börn með allar fyrirmyndarmömmurnar hafa aldrei fengið að skreyta kökurnar í afmælinu sínu, hvað þá annara krakka kökur, enda leyndi áhuginn sér ekki.

Já og bara svona rosalega flott.

Og það er gott að hjálpast að.

Þetta er allt að koma.

Svo var farið út að hoppa á trampólíninu.

Og hver segir að álfaprinsessur geti ekki flogið.

Jamm flottar systur

Flott og fín.

Litla prinessan mín

Og þá var kakan klár og allir inn að fá sér í gogginn.

Og það var tekið hraustlega til matarins.

Svo var hægt að halda áfram að leika sér.  Það voru öll börnin himinlifandi og skemmtu sér mjög vel.

Hver á sinn hátt.

Meira að segja Tölli átti sín móment.

En þessu er lokið í bili, ég fer eins og ég sagði til Vínar á morgun, tek ekki tölvuna með, en örugglega myndavélina.  ´Ég hlakka til að sjá katakomburnar og hitta Leó elskulegan frænda minn.

En ég býð ykkur góða nótt.

 

 

Athugasemdir

[Dísa (IP-tala skráð) 4.2.2011 kl. 23:56]

Það er ekki ónýtt að eiga góða að til aðstoðar, að ég tali nú ekki um álfameyjarnar sem flögra um við kökuskreytingarnar. Þessi veisla verður áreiðanlega lengi í minnum höfð.

[Ásthildur Cesil Þórðardóttir, 5.2.2011 kl. 00:35]

Jamm Dísa mín, fólkið mitt hér gerir ýmislegt til að vekja sofandi sauði hér, íslenska framkvæmdasemin er nefnilega dálítið sérstök.  Til dæmis vildi Ásthildur fá að fara með barbiedúkkur í leikskólann, og það var leyft, og síðan koma allar litlar prinsessur með barbiedúkkurnar sínar og strákarnir með eitthvað sem þeim finnst gaman að leika með, svo íslenska ákveðin er að hafa áhrif hér sem örugglega annarsstaðar. 

[Helga Kristjánsdóttir, 5.2.2011 kl. 00:48]

 Svo halda þær upp á græna litinn,vg nei. Það er alltaf fjör til hamingju. komum svo að reka ríkisstjórnina.

[Sigrún Aðalsteinsdóttir, 5.2.2011 kl. 00:54]

Það er alltaf sama fjörið hjá ykkur Kúlufólki þó langt séuð þið að heiman.

Hnaut um setninguna: "gjöfin frá ömmu í Kúlu, syngjandi Barbie" sem minnti mig á það þegar dótturdóttir mín fæddist fyrir rúmum tveimur árum.

Mamma hennar var mjög svo ákveðin að stelpan yrði sko engin barbídúkka og mér varð um og ó þegar sængurgjafirnar komu upp úr pökkunum allflestar í litum fjarri því sem maður klæðir ungabörn í (hver setur nýfædda stúlku í svartan kjól með hauskúpumynstri?). Hahaha, það kom svo vel á vondan, því núna vill sú stutta ráða sjálf þó ung sé og velur bleikt og blúndur og barbí. Innst inni er ég mjög sátt og þakklát fyrir að svörtum, brúnum og gráum fötum er alfarið hafnað af þeirri stuttu.

Til hamingju með prinsessuna ykkar.

[Ásthildur Cesil Þórðardóttir, 5.2.2011 kl. 00:59]

Helga mín grænn er líka minn uppáhalds, en það er ekkert út af  VG heldur garðyrkjunni elskuleg mín. Já ég skal koma mér þér í þann leik.

Hahaha Sigrún mín má mér þá frekar biðja um bleikt heldur en svart og sykurlaust.  Víð eigum nefnileg að fá að velja sjálfar hvað við viljum.

[Ragnheiður , 5.2.2011 kl. 02:27]

Haha svo hlæ ég að orðum Sigrúnar, það er gott að fá að ráða sjálfur.

Mikið er gaman að skoða myndirnar, skotturnar sem öllum á blogginu þínu þykir svo hjartanlega vænt um, orðnar svo stórar ....

takk fyrir að deila, njóttu helgarinnar ....

[Jóhann Elíasson, 5.2.2011 kl. 02:44]

Þvílíkt ævintýri sem þetta hefur verið fyrir litlu prinsessuna, þessi dagur mun seint gleymast.  TIL HAMINGJU!!!!!!!!!!!!  

[Ásthildur Cesil Þórðardóttir, 5.2.2011 kl. 07:50]

Já einmitt Ragnheiður mín, það er gott að fá að ráða sjálfur, annars fer maður í einhvern annan gír og hefur áhyggjur.  Takk mín kæra. 

Ég er alveg sammála þér Jóhann, þessi dagur mun lifa, meira held ég hjá gestunum, sem eru ekki vanir svona óformlegheitum. 

[Kidda, 5.2.2011 kl. 09:21]

Þetta hefur verið hin flottasta veisla. Hefði maður ekki þegið þegar maður var á þeirra aldri að eignast svona prinsessukjóla eða álfakjóla, en í þá daga var ekkert svona.

Þetta er rétt hjá Röggu, við þekkjum orðið skotturnar vel. Það hefur verið gaman að fylgjast með þeim í gegn um árin.

Hver gefur ungabarni í sængurgjöf svört föt og í þokkabót með hauskúpum, gott að barnið vill ekki sjá svleiðis hörmung.

Vona að þú skemmtir þér frábærlega vel í þessarri helgarferð þinni

[Ragna Birgisdóttir (IP-tala skráð) 5.2.2011 kl. 09:48]

Lífið er yndislegt

[Guðrún Emilía Guðnadóttir, 5.2.2011 kl. 15:31]

Hefði sko verið til í að drullumalla í malningunni með þeim, það er svo gaman að sleppa fram af sér öllum höftum

Æðislegar myndir elskan

Knús kveðjur

Milla:):):)

[Hrönn Sigurðardóttir, 6.2.2011 kl. 08:32]

Til hamingju með dýralækninn :) og afmælisveisluna