Má bjóða ykkur í ökutúr?

Sæl hér er ágætis veður sól en frekar kalt.  Ég var að lesa skrif eftir ágætann mann á netinu þar sem hann tekur úrskurð hæstaréttar og sýnir fánýti dómsins á mannamáli, svo jafnvel ég skil hvað er um að tefla, og þar kemur svo sannarlega í ljós að þessi úrskurður dómaranna er þeim sjálfum til mikils vansa, sjúsk og óvönduð vinnubrögð.   Það hlýtur að þurfa að kæra þennan dóm, til að fá úr því skorið hvort þjóðin ætli að una því að pólitískir varðhundar gamals kerfir geti framið slíkan gjörning.  Við hljótum að þurfa að fá úr því skorið hvort hér ríki algjör Mugabeismi og vitfyrra eða hvort hér á að ríkja sæmilegt lýðræði.

http://www.dv.is/blogg/tresmidja/2011/2/2/urskurdur-haestarettar-maladur-melinu-smaerra/

Hvet ykkur til að lesa þennan pistil og segja svo hvort hér sé ekki eitthvað á ferðinni sem þarfnast gaumgæfilegrar skoðunar ef við viljum telja okkur upplýsta lýðræðisþjóð, sem við viljum gjarnan telja okkur trú um að við séum.

Að svo loknu ætla ég að bjóða ykkur í bíltúr, ég fór í hesthúsið í morgunn og hafði myndavélina með. Mér datt svo í hug að taka myndir á leiðinni upp götuna sem við búum víð.  Vona að enginn lögga sé að lesa þetta.

Fyrst er það höllin böðuð sól.

Og svo út í sveitinni.

Þar sem enn er allt hvítt af snjó.

Og nú náði ég mynd af lestinni hverrar brautar ég er alltaf að aka yfir.

Leiðist að fara þarna yfir.

Þetta kallast gluggaveður heima.

En nú leggjum við í hann upp alla brekkuna. Vinsamlegast spennið sætisólar og munið að reykingar eru stranglega bannaðar, líka á klósettinu.

 

 

Og þá erum við lent, gjörið svo vel að hafa sætisólar spenntar uns ökutækið hefur stöðvast.

Takk fyrir samfylgdina. 

Athugasemdir

[Guðrún Emilía Guðnadóttir, 3.2.2011 kl. 12:47]

Þú ert frábær elskan og takk fyrir fallegar myndir
Knús í hús

[Ásthildur Cesil Þórðardóttir, 3.2.2011 kl. 12:57]

Knús á móti elskuleg.

[Helga Kristjánsdóttir, 3.2.2011 kl. 17:54]

  Ég verð nú að hafa sætisólar,við tölvuna því myndin rennur með hraði upp og niður,flýti mér þá að skella á send og kveð og þakka fyrir bíltúrinn,kæra mín.

[Dísa (IP-tala skráð) 3.2.2011 kl. 18:19]

Æðislegar myndir, en ég verð að viðurkenna að ég hefði ekki viljað sija við hliðina á þér meðan þú tókst myndirnar, hefði örugglega drepist úr hræðslu þó ég geri ráð fyrir að þú hafir horft á veginn

[Ásthildur Cesil Þórðardóttir, 3.2.2011 kl. 20:11]

Hahahaha Dísa mín, já ég horfði á veginn, hér  30km hraði eða innan við það. Annars hefði ég ekki leyft mér að gera þetta.  Það hljóp einhver galsi í mig í morgun

Hahaha Helga mín 

[Erla Magna Alexandersdóttir, 4.2.2011 kl. 00:02]

Sæl og blessuð

Eg hef notið þess að vera í listaskóla í Salzburg tvo sumur sem eg tel þau merkustu af mörgu góðu.

 Það er gott að komast frá stressinu her heima.

 Austurríki og Sviss eru ægifögur lönd og þú ert lukkunnarpanfíll að vera þar.

Gangi þer allt í haginn. !

Bestu kveðjur.

[Ásthildur Cesil Þórðardóttir, 4.2.2011 kl. 11:07]

Takk Erla mín, já hér er einstök náttúrfegurð allstaðar.