Snjór í Fortchenstein.

Eins og ég sagði í gær þá snjóaði hér og nú er allt hvítt yfir að líta.  Það er líka kalt.  Líka í húsinu.  Fólk kyndir mikið með timbri og ríkur úrhverju húsi.

Já svona fór hún í skólann í gærmorgun.   Það var haldin veisla fyrir hana í leikskólanum.

Ætli það sé ekki bara meiri snjór hér heldur en heima á Ísafirði. Þar var rigning í gær.

Bíllinn neitaði að fara í gang og ég þurfti að ýta honum sem betur fer er brekkan brött, svo ég náði að koma honum af stað og í gang.  Það þarf að hafa fyrir svona flottum prinsessum.

Jamm þetta gæti allt eins verið heima í janúar.

Smá sólarglæta samt, það passar ekki heima á þessum tíma... eða hvað?

Á leiðinni í skólann.

Hér eru skólasystkini Hönnu Sólar, en Ásthildur er í næsta húsi.

Mér finnst það svo skrýtið að börnin skuli ekki fara út að leika sér ef það er blautt eða kalt eða hvað.  Enda verða þau oftar veik og eru viðkvæmari en íslensk börn.  Svo er annað sem er skrýtið hér, það er allt fljótandi í nammi, ef stelpurnar fara í heimsókn til nágrannanna eftir skóla, eiga þær til að koma heim með fullt af nammi.  Maður gefur einfaldlega ekki börnum sælgæti heima og alls ekki í eftirmiðdaginn rétt fyrir kvöldmat.  Ég er hissa á þessu, drengurinn í næsta húsi er með allar barnatennurnar brenndar af vanhirðu eða sælgætisáti.  Hér fá mínar stelpur disk með grænmeti og ávöxtum og finnst það svakalega gott.

Hér er prinsessan komin inn í stofuna sína hæst ánægð, á eftir fá þau ávastadjús í boði skólans vegna hennar.

Hér eru nokkrir krakkar komnir, en eins og ég sagði í gær, var áberandi hve margir pabbar komu með börnin á leikskólann í gær.

Miðbærin í Fortchenstein hér er ekki mikið um verslanir, þær eru flestar í Mattersburg, þó er Spar rétt hjá, Billa er dálítið neðar svo er blómabúð.

Það snjóar dálítið ennþá.

Þetta tryllitæki keypti húsbóndinn sér, með bílnum ætlar hann að aka hestakerrum.  Því þarf sterkan bíl undir svoleiðis.

Trambolínið nýja fína komið í kaf.

Og hjólið hennar Ásthildar.

Svona getur þetta verið hér líka.

Fallegt að sjá yfir í hæðina hinu meginn.

Höllin nýtur sín líka vel svona með hvítu ívafi.

Og svo eru allir úti að moka, hver sem vettlingi getur valdið er mokandi eða sópandi fyrir utan húsin sín og út á götu, því allir eiga lóð að götunni.

Hér má sjá akrana með hvíta yfirbreiðslu, snjórinn bjargar miklu í sambandi við kal.

Og það er farið að rökkva upp úr fjögur.

Við erum stödd í Billa, þar er hægt að fá rauðvínskút 1 líter á 0.99 evrur,

Já hér er ágætt að versla, en ég er orðin ansi leið á kjötborðunum hér.  Vantar það sem við á að éta, kjötborðið í Samkaup á Ísafirði er miklu girnilegra en hér sést.

En hér er fallegt.

Komst ekki upp þessa brekku í gær, ekki nema upp í hana hálfa, varð að láta mig renna niður, sem betur fer hafði Bjarki sýnt mér aðra leið sem var ekki svona brött.

En hér má sjá hæðirnar á móti allar ræktaðar meðan það er skógur okkar megin.

Og þessi mynd minnir mig á að ég þarf að fara og sækja Hönnu Sól og vinkonu hennar Láru, þær ætla að eyða deginum saman hér hjá okkur.

Eigið góðan dag.

 

Athugasemdir

[Jóhann Elíasson, 25.1.2011 kl. 11:52]

Það liggur bara við að manni verði kalt þegar ég sé allan þennan snjó en það verður að viðurkennast að allar árstíðir hafa sinn sjarma rosalega er nú fallegt þarna.  Það styttist nú heldur betur í SÓLARKAFFIÐ hjá Ísfirðingum þú verður því miður ekki komin heim þá svo ekki fáum við að flottar myndir frá þeim merka viðburði. 

[Ásthildur Cesil Þórðardóttir, 25.1.2011 kl. 12:47]

Já Sólarkaffið þegar sólin nær alla leið niður í Sólgötu þá drekkum við kaffi með pönnukökum og rjóma.  Ef til vill geri ég það bara núna baka pönnukökur góð hugmynd.  Annar eru hátíðarhöld út af sólardeginum meiri veisla í Reykjavík af brottfluttum ísfirðingum, slysavarnarkonur og fleiri hafa samt pönnsur og kaffi á boðstólum fyrir þá sem ekki baka sjálfir. 

[Kidda, 25.1.2011 kl. 12:55]

Það er bara jólalegt hjá þér hérna bara rignir og rignir. Krókusar farnir að kíkja upp úr moldinni og svona.

Knús í snjóinn

[Ásthildur Cesil Þórðardóttir, 25.1.2011 kl. 13:34]

Vá heima á Ísafirði var líka rigning í gær.  Sé enga krókusa hér ennþá. 

[Dísa (IP-tala skráð) 25.1.2011 kl. 15:53]

Rosalega fallegar vetrarmyndir, hér er bara suddi og rigning. Man alltaf hvað mér fannst mikil hátíð þegar sólin gægðist niður og mamma bakaði pönnsur og sendi mig með volgar til pabba með kaffinu og svo fengum við mjólk og pönnsur þegar ég kom til baka

[Ásthildur Cesil Þórðardóttir, 25.1.2011 kl. 18:15]

Mmmmm Dísa mín pönnsurnar hennar mömmu þinnar voru rosalega góðar, en ekkert jafnaðist samt á við kleinurnar hennar, það var oft fjöt í eldhúsinu hennar þegar hún var að baka kleinur. 

[Sigríður Inga Sigurjónsdóttir, 25.1.2011 kl. 21:10]

Vorveður á Ísafirði og sólin farin að skína:)

Knús á ykkur frá Urðarveginum.

[Helga Kristjánsdóttir, 26.1.2011 kl. 00:35]

 Hér ætlaði ég að taka þátt í sólarkaffi minningum.´Minnist þeirra tímamóta á Þingeyri ,sérstaklega í eitt mikilvægt skipti,þegar ég fékk að fara út í dyr,hafði þá legið lengi vegna berklabakteríu,sem ég yfirvann.Ég hlýt að hafa verið stríð alin á sjávarfangi að ná mér svona vel. Kv.

[Jóna Kolbrún Garðarsdóttir, 26.1.2011 kl. 01:39]

Skemmtilegar myndir....

[Ásthildur Cesil Þórðardóttir, 26.1.2011 kl. 13:03]

Takk Sigga mín ég vona að þið hafið það gott fólkið mitt á Urðarveginum, knúsaðu Ólöfu og Sigurjón frá mér.

Já örugglega Helga mín, lengi býr að fyrstu gerð er alltaf sagt, og það hefur átt við í þínu tilfelli.

Takk Jóna Kolbrún mín.