Nýr ríkisborgari.

Það var gleðidagur hjá fjölskyldunni minni frá El Salvador, þegar Rolando sonurinn í fjölskyldunni fékk ríkisborgararéttinn í gær. 

 

 

 

 

 

 

 

 

 

 

 

 

Það var auðvitað slegið upp veislu. 

 

 

 

 

 

 

 

 

 

 

 

 

Nú eru þau öll komin með íslenskan ríkisborgararétt nema Alejandra, en það er verið að vinna í hennar málum loksins. 

 

 

 

 

 

 

 

 

 

 

 

 

 

 

 

 

 

Þetta var aldeilis fín veisla með hnallþórum og ostaveislu.

 

 

 

 

 

 

 

 

 

 

 

 

 

 

 

 

 

Isobel móðir Rolandos og Elli. 

 

 

 

 

 

 

 

 

 

 

 

 

 

Rolando minn velkomin í hópinn. Þú hefur svo sem alltaf verið okkar maður þau 10 ár sem þú hefur verið hér.  Man vel eftir því þegar þú komst fyrst fyrir 10 árum 13 desember, beint frá El Salvador og fórst að vinna í beitningu.  Það voru viðbrigði, þú hafðir aldrei séð snjó.  En aldrei hefur þú kvartað einu orði um veðrið eða aðstæður.  Við vorum heppinn að fá þig inn í fjölskylduna.  Til hamingju bæði tvö.

 

 

 

 

 

 

 

 

 

 

 

 

Ég kalla þetta tússfjöllinn, þetta eru alveg eins og fallegar tússmyndir.  Tók þessar í gær.

 

 

 

 

 

 

 

 

 

 

 

 

Þó það birti ekki mikið til núna, þá eru vetrarsólstöður á morgun, þá byrjar sólin aftur að hækka á  himni, og í fyrramálið verður svo tunglmyrkvi.  Vonandi verður ekki skýjað svo hægt verði að sjá hann.

 

 

 

 

 

 

 

 

 

 

 

 

Með kveðju frá Ísafirði.

Athugasemdir

[Sóldís Fjóla Karlsdóttir, 20.12.2010 kl. 21:45]

Til hamingju með fjölskylduna ....það er vissulega ástæða til að fagna ríkisborgararéttinum þaðer með því dýrmætasta sem maður á.

Gleðileg jól.

[Ásthildur Cesil Þórðardóttir, 20.12.2010 kl. 22:22]

Takk Sóldís mín.  Já þetta er svo sannarlega gleðiefni og góð jólagjöf fyrir okkur öll. Gleðileg jól til þín líka.

[Edda Sigurdís Oddsdóttir, 20.12.2010 kl. 23:42]

Langar að skilja eftir mig spor og óska ykkur til hamingju með þennan áfanga!!

Kveðja

[Ásthildur Cesil Þórðardóttir, 21.12.2010 kl. 09:45]

Takk fyrir innlitið Edda mín.  Kveðja á móti.

[Kidda, 21.12.2010 kl. 10:00]

Mikið er þetta nú gott, vonandi fær Alejandra sinn sem fyrst. Til hamingju með þetta.

Knús í kærleikskúluna

[Ásthildur Cesil Þórðardóttir, 21.12.2010 kl. 10:55]

Takk Kidda mín.  Já sem betur fer er loksins verið að vinna í hennar málum, með aðstoð góðs fólks í útlendingastofnun og fleiri stofnunum.