Tölvubras og stjórnlagaþing.

Ég er ekki dauð úr öllum æðum, einungis á kafi í að útbúa jólagjafirnar til barnanna minna, jólasagan í ár, þarf að prentast út, raðast saman og líma.  Í þetta sinn verður farin björgunarleiðangur til Gaggalaggálands. 

Ég hef átt í brasi með tölvuna mína, en þeir í Neitheimum komu henni í lag sem betur fer og björguðu flestu eða öllu af harða diskinum, sem betur fer, nú er ég komin með nýjan.  Eina vandamálið er að ég missti út allann officepakkann, photoshoppið, publiserin og myndforritið sem ég notaði.  Svo ég hef átt í brasi með að laga myndirnar.  Þetta stendur allt til bóta, og þegar mesti kúfurinn er farinn af bókaútgáfunni hehehe þá tek ég til við að halda áfram með ferðasöguna mína, við erum búin að dvelja ansi lengi í Forthenstein, en það er allt í lagi, því þorpið það er einstaklega fagurt og vinalegt.  Við eigum líka eftir að skoða ýmislegt þar.

Í sambandi við kosninguna síðust helgi, varð ég fyrir dálitlum vonbrigðum, því ég hafði gert mér vonir um að venjulegt fólk eins og ég myndi komast í efstu sætin, en kemst svo að því að við erum svo ameríkaneseruð að kjósa flest þá sem mest hafa verið í fjölmiðlum, ekki að það sé neitt verra fólk, en það er samt ekki þverskurður af þjóðinni.

Ég ætla samt ekki að láta það hafa áhrif á mig, og óska þeim sem hlutu kjör alls hins besta, og bið hina sem buðu sig fram að halda áfram að hamra á sínum málum, og halda utan um þá félaga sína sem hlutu kjör.  Það getið þið gert með ábendingum, samtölum eða fengið að sitja sem áhorfendur á þinginu.  Er viss um að öllum verður vel tekið þar. 

Það er reynt að tala þetta allt niður af þeim sem hafa hagsmuna að gæta, því auðvitað vill enginn missa beinið sitt.  Við sjáum svo til hvað kemur út úr þessu, held að það geti aldrei verið neitt annað en gott.

Nú þarf að gefa umbjóðendum okkar frið til að ná áttum og skoða hvað þeim er ætlað að gera.

Okkur hættir til að tala allt niður, mest hugsum við um aukaatriðin, það er nánast lenska í öllu okkar samfélagi.  Mér finnst oft umræðan á afskaplega lágu plani.  Miðað við aðrar þjóðir.  Naív og skapstór.  Byrjað á að rakka niður einstaklinga í stað þess að benda á málið sjálft og hvað má betur gera.  Ég er svo sem ekkert betri en aðrir, nema ég reyni að hemja mig í flestum málum. 

En sem sagt.  Ferðin heldur áfram.   Eigið góðan dag elskurnar.

Athugasemdir

[Guðbjorg (IP-tala skráð) 2.12.2010 kl. 12:47]

Góðan daginn líka

[Jóhanna Magnúsdóttir, 3.12.2010 kl. 01:00]

Eigðu góða daga Ásthildur mín, ég er einmitt að æfa mig þessa dagana að tala vel um fólk - virða fólkið en ég þarf ekkert að virða skoðanir þess ef mér finnst þær út í hött eða ofbeldisfullar! ;-)

[Ragna Birgisdóttir (IP-tala skráð) 3.12.2010 kl. 10:02]

Góða helgi ljúfust

[Kidda, 4.12.2010 kl. 09:13]

Þær hafa nú alltaf verið skemmtilegar sögurnar þínar Hlakka til að fara að ferðast með þér aftur og gott að það tókst að bjarga svona miklu af harðadiskinum. Svo er bar aað muna (ég þarf líka) að taka afrit reglulega.

Knús í ævintýrakúluna

[Ásthildur Cesil Þórðardóttir, 4.12.2010 kl. 12:26]

Takk allar, já sem betur fer er allt að komast í eðlilegt horf hér hjá mér.