Þórarinn Gíslason- blessuð sé minning þín.

Sú dapra fregn barst mér út til Noregs að bloggvinur minn væri fallinn frá.  Þórarinn Gíslason Icekeiko, er farin yfir móðuna miklu.

Þói eins og hann var kallaður hér í den, var mikill músikant og helgaði líf sitt músikinni, hann spilaði á píanó í hljómsveitum hér á árum áður og var enn að spila áður en hann kvaddi okkur.

Þói var algjör sjarmur þegar hann var ungur, og hefur ef laust verið það alla tíð.  Hann flutti ungur að heiman, og ég missti af honum í mörg ár.  Þangað til ég fann hann hér á blogginu.  Þói var ötull stuðningsmaður öryrkja og talaði hreint út um menn og málefni. http://icekeiko.blog.is/blog/icekeiko/

Þessi ljúfi drengur er nú horfinn okkur, en minning hans mun lifa.

Kæri vinur, ég kveð þig með þessum fátæklegu orðum og sendi systrum þínum báðum þeim Grétu og Jósefínu (Ínu) mínar dýpstu samúðarkveðjur. 

Blessuð sé minning þín.

 

Athugasemdir

[Dísa (IP-tala skráð) 9.11.2010 kl. 19:50]

Já, Þói var sannarlega góður drengur.

[Ásthildur Cesil Þórðardóttir, 9.11.2010 kl. 21:11]

Ja það var hann og algjör töffari líka.