Um allt og ekkert.

Sem betur fer er veðrið gott þessa dagana, því ég stend á haus við að ganga frá garðplöntustöðinni.  En ég finn samt að þrekið hjá mér er ekki mikið.    en vonandi mjatlast þetta smátt og smátt.  Ég er samt í tímaþröng, því ég þarf að klára fyrir endaðan september. 

Það er ekki ennþá farið að bera mikið á haustlitunum. Þó ættu trén að vera búin að klára sig eftir þetta hitasumar, en ef til vill er um að kenna þurrkunum sem voru í allt sumar.

Þessi var tekin í morgun, eða bara núna rétt áðan.

Og þessi líka.

Já hvaða orð ætli þetta geti nú verið???

Já auðvitað, nú sá ég ljósið. 

Eigið góðan dag. 

Athugasemdir

[Haukur Nikulásson, 17.9.2010 kl. 16:00]

Greetings!

[Anna Sigríður Guðmundsdóttir, 17.9.2010 kl. 21:10]

Áshildur mín. það er alltaf jafn hjarta-nærandi að lesa bloggið þitt Takk fyrir. M.b.kv.

[Ásthildur Cesil Þórðardóttir, 17.9.2010 kl. 22:04]

Takk Haukur minn.

Takk Anna Ragna mín.

[Ragnheiður , 17.9.2010 kl. 22:52]

gott að sjá Snúð (heitir hann það ekki annars ?)

Þú ert yndisleg mín kæra

[Dísa (IP-tala skráð) 17.9.2010 kl. 23:35]

Haustið er ekkert að flýta sér, sem betur fer.Er Snúður góður í krossgátunum. Eigðu góða helgi í amstrinu

[Dagný, 18.9.2010 kl. 00:44]

Mikið er hann Snúður fallegur köttur. Og þegar ég skoða myndirnar þínar fer mig bara að langa að heimsækja Ísafjörð. Læt kannski bara verða af því næsta sumar

[Ásthildur Cesil Þórðardóttir, 18.9.2010 kl. 01:03]

Jamm Ragga mín Snúður heitir þetta krútt.

Einmitt Dísa mín, hann er flottur í krossgátunum, eins líka að kókitera við litlar stelpur

Dagný mín endilega, og þá kemurðu endilega í kaffi. 

[Jóna Kolbrún Garðarsdóttir, 18.9.2010 kl. 01:09]

Mér finnst hann Snúður þinn ótrúlega fallegur og skemmtilegur köttur, ég hef fylgst með myndum af honum og fjölskyldunni þinni í marga mánuði, eða ár...   Takk fyrir mig..

[Ásthildur Cesil Þórðardóttir, 19.9.2010 kl. 11:28]

Takk fyrir þessi hlýlegu orð Jóna Kolbrún mín. Gaman að heyra

[Kidda, 19.9.2010 kl. 12:04]

Þrekið kemur vonandi smátt og smátt og vonandi nærðu að ganga frá gróðurhúsinu fyrir mánaðarmót. Vonandi ertu samt ekki að ganga frá því til að afhenda einhverjum öðrum.

Alltaf jafngaman að koma við hérna og skoða myndir af lífinu í kúlu og Ísafirði.

Knús í kærleikskúluna (hjarta)

[Ásthildur Cesil Þórðardóttir, 19.9.2010 kl. 18:03]

Kidda mín, ef ég væri að missa þetta gróðurhús, myndi ég bara slaka á og láta þetta allt rúlla  Sem betur fer er Garðplöntustöðin mín ekki inn í dílnum með húsið mitt, nei afsakið hús bankans, þessa sem er í ríkiseign, sparisjóðsins sem Keflvíkingar hafa yfirtekið og allar ákvarðanir eru teknar.

Mér er spurn hvað ætla bankarnir að gera við öll húsin sem þeir hafa komist yfir á þessum hræðilegu tímum.  Hver á eiginlega að kaupa, eða eiga þau bara að grotna niður engum til gagns, meðan hjálparstofnanir aðstoða heimilislausa, rétt eins og í Pakistan eða þeim ríkjum sem hamfarir hafa geisað og fólk er þúsundum saman heimilislaust. Nema hér er nóg af húsum, en fjármálafyrirtæki hafa vomað yfir þeim og með hjálp ríkisstjórnarinnar fengið rétt á að ræna fjölskyldur landsins svo að algjört öngþveiti blasir við.  Við þurfum að losna við þessa pólitík og fara að hugsa um hvað skiptir máli og hvað ekki. Það er nokkuð ljóst að það sem EKKI skiptir máli eru PENINGAR.