Til hamingju með afmælisdaginn elsku Bára mín.

Stóra stúlkan mín á afmæli í dag. 

Bræðurnir hér voða góðir við litlu systur.  En þegar hún stækkaði, og ég reyndi að ala þau upp í jafnrétti, og við pabbi þeirra skipulögðum svo að þau átti sitt hvora vikuna í eldhúsinu.... þá fór það einhvernveginn svo að Bára mín var alltaf að ganga frá og vaska upp.  Og þegar við fórum að skoða málin, komumst við að því að þeir borguðu henni fyrir... Skrýtið!!!

Já hver man ekki eftir Ásthildi sullukollu Cesil?  Þetta er mamma hennar

Já bangsi varð auðvitað að fá að fara út að leika líka. 

Við fórum oft í útilegur með börnin okkar, þetta er Bára mér hér fremst, allir að hjálpast að að gera við sprungið dekk.

Og svo var tjaldað og grillað.  Þetta voru skemmtilegir tímar.

Upp í sumarbústað hjá afa Skafta.

Þessi mynd er frábær.

Það var líka gott að fá sér ís á heitum degi.

svo óx þessi ungi minn úr grasi, og ákvað að verða dýralæknir.  Hún var alltaf að koma heim með dýr, alveg frá páfagaukum upp í hunda.  Svo heimilið varð fljótlega algjör dýragarður. 

Svo fór hún í hestana, og lærði tamningar.  keypti sér góða hesta og fór í ræktun.  En þá var líka best að fara og læra dýralæknistörf með hesta sem sérgrein.  Og ég er svo stolt af henni, því hún hefur staðið sig með afbrigðjum vel alla skólagönguna.

Svona smá stelputeiti inn á milli er bara gott.

Hún er líka góð mamma.  Hvernig henni tókst að halda sönsum með börnin sín hjá mér í um tvö ár, sýnir hve sterk hún er og ákveðin í að halda sínu striki.  Nú eru þær sameinaðar út í Austurríki, þannig á það líka að vera.

Elsku Bára mín ég segi bara innilega til hamingju með afmælið þitt, og vonandi áttu skemmtilegan dag með Bjarka og stelpunum.  Ég sendi ykkur allavega mínar hlýjustu kveðjur og segi Til hamingju með daginn.

Athugasemdir

[Kristín Katla Árnadóttir, 6.9.2010 kl. 18:40]

Fallegar myndir af börnum þínum Ásthildur mín og til hamingju með Báru þína....

kær kveðja og stórt knús

[Kidda, 6.9.2010 kl. 19:12]

Skemmtilegar myndir af krökkunum, Til hamingju með Báruna þína

Knús í kærleikskúlu

[Jóna Kolbrún Garðarsdóttir, 6.9.2010 kl. 21:28]

[Dísa (IP-tala skráð) 6.9.2010 kl. 22:09]

Hjartanlegar hamingjuóskir með Báru. Það var svo gaman að hitta hana um daginn

[Steingrímur Helgason, 7.9.2010 kl. 00:26]

Uzz, hvað það lyftir nú mínum anda að kíkja hjá þér núna.

Myndarztelpa atarna, gratjúlera þér með hana, enda enda á hún myndarmömmu & kraftinn fá þær líklega úr fallegu fjöllunum.

Einz & oft áður, takk fyrir að vera til & takk fyrir mig.

[Jóhanna Magnúsdóttir, 7.9.2010 kl. 01:02]

Til hamingju!

[Ragna Birgisdóttir (IP-tala skráð) 7.9.2010 kl. 07:58]

[Dagný, 7.9.2010 kl. 13:00]

Til hamingju með Báruna þína. Frumburðirinn minn varð einmitt þrítug í gær - sama afmælisdag

[Ragnheiður , 7.9.2010 kl. 14:09]

til hamingju með Báru þína

[Ásthildur Cesil Þórðardóttir, 7.9.2010 kl. 14:32]

Takk öll sömul.  Zteingrímur minn nú roðna ég bara

[Þórarinn Þ Gíslason (IP-tala skráð) 7.9.2010 kl. 15:38]

Hæ.

Flott og skemmtileg færsla.

Tala nú ekki um myndirnar og góðu minningarnar eins og þú segir.

Kveðja.

[Rósa Aðalsteinsdóttir, 7.9.2010 kl. 23:57]

Sæl og blessuð

Til hamingju með stelpuna þína. Flottar myndir af ykkur.

Gaman að sjá hakkavélina og eins kaffibollann. Alveg eins til hér á þessu heimili :-)

Guð veri með þér

Kær kveðja/Rósa

[Ásthildur Cesil Þórðardóttir, 8.9.2010 kl. 08:47]

Já Rósa mín þetta var þarfa þing.  Takk bæði tvö fyrir góðar óskir.