Fjármögnun, fjárnám, fjárdráttur???? Hvað þýða þessi orð?

Ég hef verið í greiðsluþjónustu hjá Íslandsbanka - Glitni- og svo Íslandsbanka.  Undanfarið hef ég trassað að borga inn á reikningin sem greitt er frá, það er bara svoleiðis að eitthvað þarf undan að láta, þega rmaður er að þjösnast þetta daginn út og inn.

 

Nema hvað veltur ekki inn um bréfalúguna bréf frá Tollstjóranum í Reykjavík.  En því embætti hefur verið greitt Bifreiða og úrvinnslugjald sem tekið hefur verið út af mínum reikningi í 3 ár. 

 En bíðum nú við!  Reikningurinn er stílaður á SP fjármögnun, en beinist til mín.  Þetta er svo sem ekki há upphæð eða um 10 þúsund kall.  En ég fór að hugsa ég las nefnilega á bakhliðina á seðlinum.  Þar stendur:

Bifreiða og úrvinnslugjald:

Greiða skal til ríkisstjóðs bifreiðagjald og úrvinnslugjald af bifreiðum sem skráðar eru hér á landi.  Gjöldin skal sá greiða sem skráður er eigandi á gjalddaga.  Upplýsingar um álagningu gjalddaganna veitir ríkisskattstjóri. Upplýsingar um greiðslustöðu og innheimtu veitir Tollstjórinn í Reykjavík, en sýslumenn utan Reykjavíkur.

Þetta vekur upp ýmsar spurningar.  Ekki það að auðivitað á ég að greiða þetta.  En í fyrsta lagi getur verið að ég borgi þetta gjald tvisvar?  Þ.e. að fyrirtækið rukki mig líka um þetta gjald innifalið í afborgunum.    Í annan stað hvernig getur ríkisstofnun látið taka út af reikningnum mínum eitthvað sem er skráð á annann aðila?

 

Ætli það þurfi ekki að fara að taka til í pappírsskóginum, og skoða allar hliðar á fjármögnunarfyrirtækjum og starfssemi þeirra.  Þar gætu legið nokkar þúsund millur, sem kæmu sér vel í ríkiskassann, eða eru fjármögnunarfyrirtæki heilagar kýr sem ekki má hrófla við.

 Hvað er í gagni, meðan gengið er að síðasta aur verkamannsins, þá er ekkert gert í að skoða svona lagað. 

Og að lokum fróðlegt blogg um starfsemi fjármögnunarfyrirtækja.

Er ekki komin tími til að skoða fleiri hluti en hvort einhverjir atvinnuleysingjar starfi svart, eða hvort iðnaðarmenn fari fram hjá kerfinu?  Það er endalaust goggað í Litla Jón og Gunnu, en þeim stóru leyft að fara sínu fram. Það er von að fólk sé orðið reitt og pirrað.

http://thordisb.blog.is/blog/thordisb/entry/1054379/

En nú er ég farin út í banka að leggja inn á reikningin svo einhverjir aðilar út í bæ geti tekið peningana mína út og greitt einhverjum öðrum......... eða þannig.  

Athugasemdir

[., 19.7.2010 kl. 14:55]

Knús til þín, mín kæra, kom við í garðinum hjá syni þínum nýlega, hef aldrei komið þarna áður en merkilegt nokk, gekk beint að leiðinu. Steinarnir toguðu.  Þú varst að vinna og ég kem oftar vestur.... vittu til.

[Helga Kristjánsdóttir, 19.7.2010 kl. 14:59]

  Leiðinlegir svona pappírar,minnir að ég fengi greiðslu til baka (umþ.bil 15.þús.),  þegar ég slátraði seinasta bílnum sem ég átti. Ek á bíl dóttur minnar núna,þegar ég næ í drenginn í skóla.    Bréf frá opinberum stofnunum gætu  hljómað svona; Elskulega Ásthildur,nú er hart í ári hjá Ríkinu,verðum að afskrifa alltof marga milljarða fjárglæfra manna. Viljum því í allri vinsemd,beina þeim tilmælum til þín að þú sýnir þjóð þinni þegnskap og hollustu með því að draga ekki lengur,að greiða þau gjöld,sem tilgreind eru á þessum seðli,þ.m.t.Icesave.            Að öðrum kosti rífum við það af reikningi þínum,valdið er í okkar embættum,við erum mátturinn og dýrðin. Forsætisráðuneytið, Fjármálráðuneytið, 18.júlí,2010.

[Dísa (IP-tala skráð) 19.7.2010 kl. 21:25]

Það voru ráðnir "fræðingar" til að búa til orð sem helst sem fæstir skildu til að fólk áttaði sig síður á hvað fælist á bak við. Stofnana mál verður að vera ofan skilnings almennings svo ekki sé farið að pæla of mikið.

[Jón Steinar Ragnarsson, 19.7.2010 kl. 22:02]

Ef rétt skal vera, þá á Tollstjórinn ekki að ganga erinda SP fjármögnunar og beina þeirra skuld á þriðja aðila.  Þetta veldur að sjálfsögðu svigrúm fyrir þá vafasömu aðila til að innheimta gjöld sem þú hefur þegar greitt beint til til tolstjóra fyrir þeirra hönd. Auðvitað á tollstjóri að innheimta beint af eiganda og svo á fjármögnunarfyrirtækið að rukka þig um það, ef þú átt að borga þeim það. Hvað felst í afborgunum þínum, það væri fróðlegt að fá sundurliðað, eins og þú bendir á.

Það stendur skýrum stöfum aftan á innheimtubréfinu að greiðandi skuli vera eigandi, sem raunar er tekið skýrt fram á seðlinum sjálfum. Af hverju er tollstjórinn að taka að sér þennan krók, þegar hann hefur rauna ekkert með það að gera að beina skuld annað en til réttmæts greiðanda. Þetta vekur vægast sagt efasemdir, enda er margt annað í bókhaldi þessara manna, sem vekur grunsemdir um svindl. Nýlega var bent á að þeir hafi aldrei gefið út reikninga fyrir bílum og hafa þó innheimt söluskatt, sem þeir hafa ekki skilað, en það er forsenda þess að slíkt sé hægt að gefa út reikning. Þeir eru því sterklega grunaðir um vörsluskattsbrot og má undrum sæta að skattrannsóknarstjóri a.m.k. hafi ekki fyrir löngu verið búinn að setja bókhaldið þeirra í pappakassa og loka sjoppunni á meðan þetta er athugað. 

Fáðu sunduliðun á afborgunarseðlum og sjáðu hvort vaskur og bifreiðagjöld eru þar inni. Ef það er svo, þá skal farið inn í þessa sjoppu með það sama fyrir stórfelld fjársvik.

[Ásthildur Cesil Þórðardóttir, 20.7.2010 kl. 11:14]

Halla mín, þú verður bara að hringja í mig ef svo stendur á, ég er alltaf frekar laus við.  Síminn er 6187751, reyni alltaf að muna eftir að hafa hann á mér.  Gott að heyra að þú skyldir heimsækja drenginn minn. 

Helga Góð!!!

Dísa mín ég hallast að því að þetta sé alveg hárrétt hjá þér.

Takk Jón Steinar fyrir sendinguna.  Já það er hárrétt hjá þér, ég þarf að fá reikninginn sundurliðaðan, svo ég sjái svart á hvítu hvort þetta og jafnvel eitthvað meira er tvístekið af mér.  Fyrst fyrirtækin eru á annað borð svona óheiðarleg, þá þarf að skoða það alveg niður í kjölin.