Nokkrar myndir undir svefninn.

Hér koma nokkrar myndir frá heimsókn Arnar Milos, pabba hans og mömmu. 

Tjörnin er auðvitað málið, eins og alltaf.

Faðir og sonur áhugasamir um bjórframleiðslu, svona eðaldrykk.

Og himnadísin lítur yfir hópin og sér að allt er í lagi hjá okkur.

Næstmest spennandi er auðvitað mölin sem afi setti við uppganginn, af því að hann ÆTLAÐI að helluleggja og setja tröppur hrmm...

Skottið á pabbabíl getur líka verið spennandi kostur ef stóri frændi er með í leiknum

Já maður gerir eiginlega allt eins og stóri frændi.

Sitja í grasinu.

Gera við reiðhjólið.

Alveg á bólakafi í læknum og svona.

Ræða málin við Snúð.

Að fara í sund á Suðureyri er líka algjört must.

Afi þarf að reyna kraftana.

Líka stóri stubbur

Og auðvitað litli stubbur.

Svo var ákveðið að gera holusteik, og þá þurfti að grafa nýja holu, sú gamla er löngu yfirvaxin af gróðri.

 

ég get örugglega gert þetta miklu betur.

Ekki málið.

Þessi mynd var tekin fyrir mánuði síðan og enn er sama blíðan.

Afi átti afmæli 18. júní og auðvitað fékk hann gjöf og aðstoð við að pakka henni upp.

Ætli holan sé orðin nógu stór?

Brandur telur að best sé að vera "on the save site"

Hér eru Júlíana og Alejandra við buðum þeim og fjölskyldunni frá El Salvador í mat.

Þessi yndislega fjölskylda mín er afar trúrækinn og hér er beðin borðbæn.

Og síðan sest að snæðingi. 

Sigurjón Dagur og Arnar Milos voru góðir saman.

Gamla brýnið ykkar einlæg, með Arnar Milos og Júlíönu.

Elskulega tengdadóttirin okkar og litli kúlubúinn, sá næsti í heiminn.

Þetta er ekki í myrkum skógum El Salvador heldur íslensk heimkynni og fósturjörðin þeirra í dag.

Svo kemur að kveðjustund.  Júlíana var að fara suður.

Og þær kveðjast frænkurnar og vinkonurnar.  Reyndar eru þær hér hjá mér í nótt báðar tvær.

Fallegu börnin okkar og lítill kúlubúi.

Öll fjölskyldan.

Her er svo stubbur með tvo afa.

Ísbíllinn kemur annan hvern laugardag, og hann kom einmitt í dag, en hér fær Arnar Milos að kaupa ísinn.

Nammi namm.

Snúður lætur sér vel líka að fá athygli.

Við fórum svo auðvitað í Neðsta Kaupstað til að smakka hinn landsfræga fisk hjá Magga og Rönku.

Meiriháttar matur hjá þeim sumarlangt.  Fólk kemur fá öllum heimshornum að smakka matinn, og við fengum ekki einu sinni að borga matinn.  Það var allt í boði Júlla míns, blessuð sé minning hans.  En þarna átti hann sínar bestu stundir.

Innilega takk fyrir okkur.

Ég held að þessi staður eigi sér fáa líka, af gæðum og yndislegu fólki sem er í senn afslappað og sérlega góðir kokkar.

Og svo afi og stubbur.

Hér er hún Lóa, ég hef tekið eftir því að nú eru hér stærri kóngulær.  Með stærri vefi allt vegna þess hve miklu betra veðurfar er hér meiri hiti og meiri sól en áður.

En ég læt þessari myndasýningu lokið í kvöld.  Eigið góðan dag framundan á morgun, og ég á eftir að setja inn myndir fra tveimur ættarmótum og fleiru.

En mér líður vel í dag, þó mér líði öðruvísi en áður.  Það hefur eitthvað breyst inn í mér, sem gerir mér bæði kleyft að taka á fleiri málum, og hugsa meira um sjálfa mig en ég gerði áður.  Skrýtið hvernig sorgin breytir manni.  Ég er svona að átta mig á því hvað það þýðir að læra að lifa með.......

Segi svo bara góða nótt.

Athugasemdir

[Jóhann Elíasson, 18.7.2010 kl. 10:18]

Já það er sko betra fyrir ketti að halda sig í "öruggri" fjarlægð frá smáfólkinu, þetta veit vinur minn hann Brandur,enda eldri en "tvævetur".  En hvernig gerir maður holusteik???? Man ekki eftir að hafa heyrt um það............

[Ásdís Sigurðardóttir, 18.7.2010 kl. 11:24]

  sé að menn eru þarna með alvöru bjór. Bjarni minn er stundum að vinna við framreiðsluna.

[Dísa (IP-tala skráð) 18.7.2010 kl. 13:43]

Uum, holusteik, fæ svoleiðis bara fyrir vestan. En mikið rosalega ertu rík að eiga allt þetta fallega fólk go fleira á leiðinni. Gott að orkan þín er að aukast enda er veðrið alltaf svo yndislegt.

[Helga Kristjánsdóttir, 18.7.2010 kl. 15:08]

  Gott að það er sól í sinni.

[Ragnheiður , 18.7.2010 kl. 17:59]

einmitt mín kæra, að lifa með....

Það er kúnstin og ekki auðveld, en það lagast ögn smátt og smátt.

Hjartansknús

[Ást Einarsdóttir (IP-tala skráð) 18.7.2010 kl. 18:49]

Bros til þín og takk fyrir.

Ásta.

[Jón Steinar Ragnarsson, 19.7.2010 kl. 00:03]

Takk fyrir kaffisopann áðan. Eitthvað barst krummi í klettagjá í tal og það á útlensku...eina sem ég fann var eitthvað, sem ég held að sé sænskt. http://www.youtube.com/watch?v=L3NZ-fXeNTw

[Ásthildur Cesil Þórðardóttir, 19.7.2010 kl. 07:37]

Yndislegt að fá þig inn úr dyrunum Jón Steinar minn, takk fyrir lagið. 

Bros og knús á móti Ásta mín.

Gott að vita Ragnheiður mín, svo sannarlega.  Ég skynja hann í mikilli gleði og á kafi í vinnu við að bjarga lífum. 

Takk Helga mín, já það er gott og veðrið er líka dásamlegt, hér var um 20°hiti í gær og stefnir í ennþá hlýrra.

Takk Dísa mín, já það er gott að finna að blóðið rennur þrátt fyrir allt ennþá í æðunum, og að það geti verið framhald á lífinu.  Góð tilfinning.

Já Ásdís þetta er alvöru hobbý. 

Nákvæmlega Jóhann minn, best að halda sig í örygginu þegar svona snáðar eru á róli.

Holusteik er þannig að þú tekur gott lambalæri, kryddar það vel ég krydda með season all, papriku frá Ungverjalandi, sterkari en venjuleg, karrý og ekki er verra að setja blóðberg ferskt með, ég vef þessu svo inn í álpappír, það þarf að grafa holu sem er nógu stór til að koma lærinu ofan í.  Maður getur notað holuna lengi.  Síðan er kveikt í kolum í botni holunnar og þegar þau eru mátulega heit, setur maður kjötið yfir.  Það þarf að snúa því a.m.k. tvisvar helst oftar, og reyna að passa að sem mest af vökvanum haldist inn í álinu upp á sósuna. Svo er settur steinn eða eitthvað yfir sem lokar af holunni, en ekki alveg, því það þarf að trekkjast svo drepist ekki í kolunum.  Ágætt að reita gras og setja yfir ef maður er svo heppinn að finna flatan nógu stóran stein.  

Þetta tekur svona tvo tíma ef menn vilja hafa lærið vel steikt.  Og það er algjört nammi namm. 

[Kidda, 19.7.2010 kl. 09:57]

Fallegar og skemmtilegar myndir að venju. Alltaf gaman að sjá hvernig lífið í kúlunni er. Væri alveg til í að smakka holusteik einhvern tímann

Knús í kærleikskúluna

[Ásthildur Cesil Þórðardóttir, 19.7.2010 kl. 10:19]

Já ef þú stoppar einhverntíman nógu lengi færðu holusteik. 

[Jóhann Elíasson, 19.7.2010 kl. 16:25]

Þakka þér kærlega fyrir uppskriftina mín kæra, þetta verður sko prófað fljótlega.

[Ásthildur Cesil Þórðardóttir, 20.7.2010 kl. 11:15]

Jóhann minn, mæli með því. 

[Sigrún Þorbjörnsdóttir, 20.7.2010 kl. 16:16]

Það er alltaf jafn notalegt að "kíkja inn" til þín elsku Ásthildur. Gaman að skoða allar myndirnar þínar og skrifin þín eru svo sannarlega mannbætandi. Ég geri alltaf svona holusteik þegar við erum í sveitinni okkar, algjört lostæti.

Kærleiks Ljós til þín elsku Ásthildur.

[Ásthildur Cesil Þórðardóttir, 21.7.2010 kl. 07:33]

Gott að sjá þig Sigrún mín, long time no see  KNús og ljós til þín elskuleg mín og holusteikinn klikkar ekki.