Mér líður vel.

Ertu hætt að blogga spurði elskuleg vinkona mín í gær þegar hún hringdi í mig.   Nei elskurnar ég er ekki hætt að blogga, og ég er alveg að komast upp úr öldudal í bili allavega.  Líður vel og er jákvæð, en ég hef bara svo rosalega mikið að gera þessa dagana.   Er að reyna að vinna upp margra mánaða störf heima hjá mér, og svo er það bærinn.  Hann þarf að líta vel út og vera stolt okkar Ísfirðinga eins og hingað til.  Þetta tekur allan minn tíma eins og er.

En ég er með heilmikið af skemmtilegum myndum sem ég er ákvðin í að sýna ykkur þegar ég má vera að.  Og ég hugsa mikið til ykkar sem hér komið inn og heimsækið mig.  Og ég er ykkur þakklát fyrir stuðningin gegnum tíðina.   Það er ómetanlegt þegar maður lendir í krýsum og sorg að finna alla þá hlýju og samhug sem bæðí þið og samborgarar mínir hafa sýnt mér.   Ég er svo heppin kona að eiga svona marga góða að.

Loksins rigndi smávegis í gær, en það er búið að vera sól og hlýja a.m.k. í tvo mánuði eða lengur.  Jörðin er farin að þrá vökvun. 

Á næstu helgi og þarnæstu verða svo ættarmót hjá mínum fjölskyldum, frá mömmu og svo frá pabba.  Ég ætla að fara á bæði og hitta ættingja mína. 

En eigið góðan dag mín kæru og mér líður vel í moldinni og útiverunni.  Það er móðir jörð sem hefur fóstrað mig undanfarnar vikur og gefið mér ró. 

Hanna Sól og Ásthildur Cesil við Dóná.  Þeim finnst gaman að synda í ánni, og leika sér. 

Athugasemdir

[Dísa (IP-tala skráð) 30.6.2010 kl. 15:46]

Sætar systur eins og alltaf. Gott að vita að þú hefur "bara" of mikið að gera. Frábært að hafa ættarmót báðum megin. Góða skemmtun

[Ásthildur Cesil Þórðardóttir, 30.6.2010 kl. 20:09]

Jamm frábært elsku Dísa mín.